A settimana santa

Venneri u 6 d'aprile emu da festighjà u Venneri Santu, ghjornu maiò per tutti i credenti.
Senza entre in i discorsi religiosi è a nuzione di fede mi pare quantunque impurtante d'ammintà tutte e tradizione chì campanu sempre in giru à sta festa.
Ind'è mè, in a Pieve di Lota, hè propiu particulare per noi postu chì hè l'occasione di fà ciò chì chjamemu a pullezzula.

Cum'è tutti femu una prucessiò. A nostra face u giru di a valle è dura a matinata sana. A cunfraterna di ogni paese si rende in San Martinu, Mandriale è Figarella cù i stessi gesti: a parata quandu crucemu una antra cunfraterna (ci mettimu da cantu, da ogni latu di a strada per lascià passà u paese chì crucemu). si face sempre in u listessu locu...è e trighjinelle(avanzemu à ghjinochji da a porta di a ghjesa sin'à u sepulculu cù i tredeci lumini).

Una parte di a pullezzula si prepara l'estate nanzu. Ci vole à ligà qualchi branca di palmu à partesi di u core di l'arburu è copre le cù un tissutu per ch'elle sianu à bughju. Di sta manera diventanu gialle per Pasqua. Dece ghjorni nanzu à u venneri santu, tagliemu e branche in giru à u core è e lascemu sempre a bughju in a casazza in un stagnone d'acqua.

A partesi di u marti cumincemu a pullezzula. Cù u palmu femu cose sfarente: crucette, pesci, pomi, pinzetti, pere per fà un sugettu (spessu una ghjesa, una croce, una stella...) chì farà u giru di a pieve durante a prucessiò. Femu una treccia di palmu nant'à una coghja di castagnu. Per rende la molle a mettimu nentru à l'acqua. Nanzu ci vulia à cosge u palmu cù u castagnu per intriccià ...avà emu l'agrafeuse


Vechje pullezzule










Una pullezzula appena finita




I pomi:






I pinzetti:







Mi piacerebbe à sapè cumu si passa altrò...

Grazie tante o Petra Alta pè e spiigazione quant'è pè i ritratti. Avà e pullèzzule quale hè chì l'intriccieghja ?

di sfughjita a écrit:

Grazie tante o Petra Alta pè e spiigazione quant'è pè i ritratti. Avà e pullèzzule quale hè chì l'intriccieghja ?

Sò qualchì unu in paese à sapè le fà, forse una quindecina (ùn mi mettu micca nentru chì u mo travagliu ùn hè tantu finu ). U più vechju hà 90 anni, hà cuminciatu à 7 anni. Ghjè qualcosa chì si trasmette. Quellu chì vole amparà vene è guarda. Ma devu ricunnosce chì i ghjovani d'avà s'interessanu pocu à sta tradizione. Simu noi i culpevuli. Vecu a voglia di i mo sculari chì anu trà 3 è 10 anni. A femu cum'è un ghjocu è si campanu. Ci vole solu à fà cunnosce ste cose à i ciucci, mustrà, spiegà per ch'elli appianu a voglia di seguità i maiò. Ma s'o ùn femu nunda tuttu si more.

Si dice chì basta à avvià u mulinu , ciò chì à parè meiu faci cù assai impegnu è vuluntà. Pigliendu di fronte u 'tramandà' di ciò chì tù sai, sò sicura chì ai da lascià qualcuselli di l'usi, di e manere è di u benfà d'eri ind'e e mani aperti quante ind'è e mente bramose di sti zitellucci chì oghje sò i to sculari ! Ti filiciteghju ringrazienduti torna pè sta primura chì t'ai di spiegà è sparte e cose chè tù cunnosci !

Avà ti pregu serate belle à amparà à bella megliu l'arte finu di l'intricciamentu di e palme pasquareccie. È cusì un ghjornu turnerai ancu tù tercana di sta pràtica cusì bella è pacìfica, turnerai... nè !?

di sfughjita a écrit:

Si dice chì basta à avvià u mulinu , ciò chì à parè meiu faci cù assai impegnu è vuluntà. Pigliendu di fronte u 'tramandà' di ciò chì tù sai, sò sicura chì ai da lascià qualcuselli di l'usi, di e manere è di u benfà d'eri ind'e e mani aperti quante ind'è e mente bramose di sti zitellucci chì oghje sò i to sculari ! Ti filiciteghju ringrazienduti torna pè sta primura chì t'ai di spiegà è sparte e cose chè tù cunnosci !

Avà ti pregu serate belle à amparà à bella megliu l'arte finu di l'intricciamentu di e palme pasquareccie. È cusì un ghjornu turnerai ancu tù tercana di sta pràtica cusì bella è pacìfica, turnerai... nè !?

Ùn femu mai abbastanza è eiu a prima. Ùn meritu micca d'esse felicitata è ringraziata ma eiu ti ringraziu

Realisazione magnifiche !

Dumane à sera ci serà l'offiziu di i tenebri postu chì saremu u ghjovi santu.
Ind'è noi a tradizione s'hè persa, ma nanzu, a sera di l'offiziu, omu dava ragane è batachjule à i zitelli per ch'elli fianu assai rimore.
In u paese vicinu si face sempre. È altrò?

petra alta a écrit:

Dumane à sera ci serà l'offiziu di i tenebri postu chì saremu u ghjovi santu.
Ind'è noi a tradizione s'hè persa, ma nanzu, a sera di l'offiziu, omu dava ragane è batachjule à i zitelli per ch'elli fianu assai rimore.
In u paese vicinu si face sempre. È altrò?

si fecia ancu ancu quì ma cum'un c'è più zitelli ..

Ghjallochju a écrit:

petra alta a écrit:

Dumane à sera ci serà l'offiziu di i tenebri postu chì saremu u ghjovi santu.
Ind'è noi a tradizione s'hè persa, ma nanzu, a sera di l'offiziu, omu dava ragane è batachjule à i zitelli per ch'elli fianu assai rimore.
In u paese vicinu si face sempre. È altrò?

si fecia ancu ancu quì ma cum'un c'è più zitelli ..

piglia a rileva
quì a farebbenu torna ma si sò arrubati tutti l'ogetti

In Aregnu a facenu sempre.

Si facia ind'è noi dinù. Avà l'usu s'hè persu, ma per u Ghjovi Santu si face sempre a prucessione sin'à Viscuvatu.

A prucessiò si mantene mi pare ma l'offiziu smarisce pocu à pocu...peccatu.

I ciucci di a mo scola m'anu spiegatu () stamane chì u rimore fattu era per fà fughje i spiriti gattivi di a ghjesa. A bughjura chì si face pocu à pocu mostra ciò chì sarebbe un mondu senza diu.
Anu appruntatu e ragane è e...vuvuzele (infine m'anu parlatu di spezie di trumbette ch'ùn cunnoscu micca :oops:).
Ponu ancu pichjà di manu è cù i pedi.

À un epica micca cusì luntana, duve ùn sapia micca scrive u corsu cusì bè ch'e oghje, avia scrittuquess'articulu.

Chì travaglione, chì finezza di creazione ! O piaceri ch'ellu hè u meiu di fighjulà affari cusì ben fatti per vìa di e to manere primurose di ritrattà e cose per falle vede ! Bravu à tutti l'artisti anònimi è grazie tante à tè o petra Alta !

Feste serene à tutti !

U Vennari Santu hè un ghjornu di prucessiò in ogni paese di Corsica. In Sartè ghjè u Catenacciu, evenimentu maiò di a vita religiosa corsa.
A suffrenza fisica di un penitente chì cercà è spera truvà a pace interiore







A leghje dinù u blog Terres de femmes è u testimoniu di Dorothy Carrington
http://terresdefemmes.blogs.com/mon_weblog/2008/03/vendredi-saint.html

Circione a écrit:

In Aregnu a facenu sempre.

a prova:

facenu u giru di u paese cun st'affare? i corci :suspect:
sarà què chì si chjama "le poids des traditions"?

Ritratti di a prucessiò d'oghje in a Pieve di Lota
(simu i più forti )
http://www.corsenetinfos.fr/2012/04/06/settimana-santa-in-pieve-di-lota/

O Salutaris Hostia cantatu durante u vennari Santu in a pieve di Lota (aprile di u 2009)



(ben intesu ùn facciu micca cummenti nant'à u prufessiunalisimu di i nostri cantadori )

à partesi d'oghje attachemu a  pullezzula.
u palmu hè statu tagliu a settimana passata. avà ci tocca à fà e forme sfarente per decurà u sugettu sceltu.
pruveraghju à mette fottò di tutte e tappe.

per fà campà a tradizione i sculari di u paese amparanu anch'elli (infine provanu   ) u travagliu di u palmu. certi sò propiu chjuchi ma femu di manera ch'elli vechinu cumu si passa a priparazione è ch'elli sentinu parlà di tuttu ciò chì omu deve fà. l'altri, à partesi di 6 anni, cercanu à fà crucette, pomi, pere è pesci.

oghje anu purtatu e ragane in scola per mustrà à quelli ch'ùn cunnoscenu micca ciò chì ghjè adupratu durante l'offiziu di e tenebre (ghjovi sera).
l'anu in casa è certe volte sò ancu quelle di i so caccari.
aghju da mustrà li e batachjule chì ghjovanu dinù à fà u rimore durante l'offiziu. l'emu pruvate in scola è anu fattu u so effettu    

è ind'è voi chì fate per a settimana santa? travagliate u palmu? i zitelli è e scole facenu parte di e priparazione?

in Figarella i zitelli devenu fà u rimore in ghjesa durante l'offiziu di e tenebre.
in San Martinu i zitelli facianu u giru di u paese per fà u rimore.

e ragane (e riebule ind'è mè)




è e batachjule

i sanmartinaghji facianu dinù splusà i masculotti nant'à a piazza di u paese.
per disgrazia ùn aghju micca fottò. sò stati arrubati...
sta pratica esistia altrò o eramu i soli scionchi à fà stu generu di scimizie?  

vechje pullezzule è quella di quist'annu (micca finita)