Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Ci vole chì u puetu

Voir le sujet précédent Voir le sujet suivant Aller en bas 
AuteurMessage
Circione



Messages : 2157
Date d'inscription : 27/02/2012

MessageSujet: Ci vole chì u puetu   Dim 16 Sep - 23:13

Aghju pruvatu à ritruvà a piccula spiicazione annant'à i numari è tuttu circhendu sò cascatu annant'à què

hè un vechju scrittu impostu ch'ellu avia prupostu tittolu annant'à u foru corsu storicu.

mi pare ch'elli avianu participatu Tittolu (ben'intesu postu chì u sugettu era soiu era a minima di e cose), Zifranu, Addisperata è Erbaghju... s'è vo l'avete sempre annant'à i vostri dischi duru saria forse bè di pustalle quì
dopu mittaraghju tuttu in "adattazione"


victor Hugo a écrit:
Il faut que le poète

Il faut que le poète, épris d'ombre et d'azur,
Esprit doux et splendide, au rayonnement pur,
Qui marche devant tous, éclairant ceux qui doutent,
Chanteur mystérieux qu'en tressaillant écoutent
Les femmes, les songeurs, les sages, les amants,
Devienne formidable à de certains moments.
Parfois, lorsqu'on se met à rêver sur son livre,
Où tout berce, éblouit, calme, caresse, enivre,
Où l'âme à chaque pas trouve à faire son miel,
Où les coins les plus noirs ont des lueurs du ciel,
Au milieu de cette humble et haute poésie,
Dans cette paix sacrée où croit la fleur choisie,
Où l'on entend couler les sources et les pleurs,
Où les strophes, oiseaux peints de mille couleurs,
Volent chantant l'amour, l'espérance et la joie,
Il faut que par instants on frissonne, et qu'on voie
Tout à coup, sombre, grave et terrible au passant,
Un vers fauve sortir de l'ombre en rugissant !
Il faut que le poète aux semences fécondes
Soit comme ces forêts vertes, fraîches, profondes,
Pleines de chants, amour du vent et du rayon,
Charmantes, où soudain l'on rencontre un lion.



Ci vole chì u puetu


Ci vole chì u puetu, mossu da ora è luce,
Chì ci insegna a strada, ci guida è ci cunduce,
Di spiritu sirenu è libaru di mente,
Arcanu cantarinu chì tutti stanu à sente :
u saviu, u niscentre, a donna o l’amante
Si trascendi ognitantu da divintà gicante.
È quand’omu si mette à sulcà e so rime
Lascendusi azzicà da tantu amasgiulime,
Duve l’anima lebbia navica in dolci mari,
Da i celi più foschi à i celi più chjari,
À meza puesia chì rinchere è cunface
Duve cresce u fiore, duve sbuccia a pace
Duve ogni surgente vene à stancià i pienti
Induve e ballate, acelli tralucenti
Cantanu a spiranza, l’aligrezza è l’amore,
Ci vole un santavugliu chì arrechi u timore
Quandu si face sente in la selva più scura
Un versu spavintosu chì strappa a bughjura !
Ci vole chì u puetu di sumente feconde
Sia cum’è sta selva chì a friscura asconde
Duve canta u ventu è u ragiu si pone,
È chì à l’aspinuta ci si scontra un lione.

_________________
Spunsurizatu  da l'UNESCO


Dernière édition par Circione le Lun 17 Sep - 12:41, édité 1 fois
Revenir en haut Aller en bas
Voir le profil de l'utilisateur
Addisperata



Messages : 205
Date d'inscription : 10/03/2012

MessageSujet: Re: Ci vole chì u puetu   Lun 17 Sep - 0:06

eccu : (bof, dopu à a toia)

Tocca à u pueta, d'ombra è d'azuru ,
Anima dolce è chjara, di spannamentu puru,
Chì cunduce u stolu, schjarendu à chì hè incertu
Voce strana chì face trimà u so cuncertu
Donna, tontu, saviu è amante,
Ad esse più chè putente ogni tantu.
Accade, quandu u so libru face sunnià,
Tuttu da azzicà, chetà, abbagliulà,
Chì d'ogni stonda l'anima ci cacci mele,
Ch'in ogni scornu bughju ci luci u celu,
À mezu à sta puesia umile è superiore,
In quella pace sacra chì sceglie u so fiore,
Induve pienti è surgente risonanu,
È strofe, acelli frammenti, volanu,
Cantendu amore, speranza è felicità,
Ci vole ch'omu tremi è venga à capità
Neru, grave è spavintosu à chì affacca
Un filare feroce chì rughja è chì attacca.
Tocca à u pueta di sumente feconde
Ad esse cum'è fureste fresche è prufonde,
Colme à canti, amore è spirione,
Dilette, induve à casu spunta un Lione.


(l'aghju assistatu un pocu ...)


Dernière édition par Addisperata le Ven 25 Jan - 0:58, édité 1 fois
Revenir en haut Aller en bas
Voir le profil de l'utilisateur
Ruclinonu Solechjari



Messages : 518
Date d'inscription : 27/02/2012
Localisation : Casinca

MessageSujet: Re: Ci vole chì u puetu   Lun 17 Sep - 7:38

Sò belle e vostre adattazione ! Bellissime ancu.

À l'epica, ùn mi ricordu più s'o avia scrittu qualcosa, ma adattazione, ne aghju fattu parechje, dopu.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Erbaghju



Messages : 452
Date d'inscription : 29/02/2012

MessageSujet: Re: Ci vole chì u puetu   Lun 17 Sep - 8:06

@Circione a écrit:
Aghju pruvatu à ritruvà a piccula spiicazione annant'à i numari è tuttu circhendu sò cascatu annant'à què

hè un vechju scrittu impostu ch'ellu avia prupostu Rappallinu annant'à u foru corsu storicu.

mi pare ch'elli avianu participatu rappalllinu (ben'intesu postu chì u sugettu era soiu era a minima di e cose), Zifranu, Addisperata è Erbaghju... s'è vo l'avete sempre annant'à i vostri dischi duru saria forse bè di pustalle quì
dopu mittaraghju tuttu in "adattazione"



Adattazione di Victor Hugo, ùn ne aghju mai fattu. O ti sbagli di sugettu o ùn avia micca participatu à stu scrittu impostu ma ùn ci crergu. Aspittaremu à Tittolu ch'ellu ci dica a soia...
Revenir en haut Aller en bas
Voir le profil de l'utilisateur http://erbaghju.unblog.fr/
Rappallinu



Messages : 437
Date d'inscription : 25/02/2012

MessageSujet: Re: Ci vole chì u puetu   Lun 17 Sep - 12:26

Li Ci'ole à u puetu

Li ci ‘ole à u puetu, tene foscu è turchinu,
Spiritu dolce è bellu, di lume cristallinu,
Capimachja dicisu, chì asserena e mente,
Voce linda è arcana, ch’ognunu stà à sente,
A donna, u sunnione, u sabbiu o l’amante,
Li ci’ole qualchì volta à fanne e tamante…
Qualchì volta s’è omu, à a penciula cede
S’è a so alma và, saziendusi di mele
S’è ‘gni cosa azzeca, acceca o accarezza
S’è a bughjura torna un celu di purezza
Per e machje serene di l’alta puesia
Duve di pace arvinta ci nasce a magia
Duve correnu inseme, lacrime è funtane
Da esse cum’acelle, strufate belle è strane
Chì dicenu amore, spiranza è allegria
Ci vole qualchì volta chì u versu si fia
Ad’un trattu, più scuru da palisà à tutti
Chì a rima sà dì ancu i sogni brutti…
Li ci’ole à u puetu chì sà ogni sumente
Esse di ‘sse pianure, chiete è verdichente
Duve sole cù ventu sanu a maraviglia
Incantu, eppo più, chì l’ombra i si piglia…
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Ci vole chì u puetu   Lun 17 Sep - 12:36

@Erbaghju a écrit:
@Circione a écrit:
Aghju pruvatu à ritruvà a piccula spiicazione annant'à i numari è tuttu circhendu sò cascatu annant'à què

hè un vechju scrittu impostu ch'ellu avia prupostu Rappallinu annant'à u foru corsu storicu.

mi pare ch'elli avianu participatu rappalllinu (ben'intesu postu chì u sugettu era soiu era a minima di e cose), Zifranu, Addisperata è Erbaghju... s'è vo l'avete sempre annant'à i vostri dischi duru saria forse bè di pustalle quì
dopu mittaraghju tuttu in "adattazione"



Adattazione di Victor Hugo, ùn ne aghju mai fattu. O ti sbagli di sugettu o ùn avia micca participatu à stu scrittu impostu ma ùn ci crergu. Aspittaremu à Tittolu ch'ellu ci dica a soia...

sè sempre à temmpu per falla
ai sin'à dumane (ma senza leghje e nostre nanzu cum'aviamu fattu noi)

risa

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Ci vole chì u puetu   Lun 17 Sep - 12:38

à ringrazià à Addisperata (bellu l'avataru Wink ) è à Tittolu pè a so celerità. Avà ùn aspittemu più cà quella di Zifranu è quella d'Erbaghju chì s'hè prupostu di fanne una. risa

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Erbaghju



Messages : 452
Date d'inscription : 29/02/2012

MessageSujet: Re: Ci vole chì u puetu   Lun 17 Sep - 13:39

Mi stona d'ùn avella fatta à tempu à a dumanda di Rappallinu ma s'ella hè cusì, hè detta chì a faraghju à u mese d'ottobre chì per avà mi sò ghjà incruccatu annant'à u sugettu di sittembre è u tempu hè troppu bellu per stà inchjustratu in casa!
Revenir en haut Aller en bas
Voir le profil de l'utilisateur http://erbaghju.unblog.fr/
zifranu



Messages : 31
Date d'inscription : 01/03/2012

MessageSujet: Re: Ci vole chì u puetu   Mar 18 Sep - 20:23

Pueta ! Tù chì sai…

Pueta ! Tù chì sai sparghje l’ombra è l’azuru
È assulià l’omi di u to spirdu puru
Tù ch’ insegni a strada avviendu in testa
Ogni tantu ti ci vole à cambià a to gesta
Devi santavuglià ci ind’un frombu tamantu
Tutti quant’è no simu appesi à u to cantu !
Spessu passa tranquilla ogni pagina letta
Cum’è un fiume chì azzeca è addiletta.
Tandu l’anima voca in paesi di sogni
Anu luce d’albore ancu celi nirogni
È mez’à quella ùmile è grande puesia
Duve cresce a menta è l’uva malvasia
Duve c’omu pò sente a funtana chì scola
L’apa affaccindata o a mosca chì vola
Prati di tanti fiori sussurendu di vita
Ci vole chì ogni tantu, in ‘ssa pace infinita
Subitu lu ci sbocchi un filare più bughju
À fà ci trasaltà quant’è lu sia un rughju !
Ci vole ch’è tù pueta, boscu di tante fronde
Sia cum’è e selve generose è prufonde
Carizzante d’amore è di dolce canzone
È puru chì ascondenu qualchì ghjattumammone.


eccu !

salutu2
Revenir en haut Aller en bas
Voir le profil de l'utilisateur
Erbaghju



Messages : 452
Date d'inscription : 29/02/2012

MessageSujet: Re: Ci vole chì u puetu   Lun 15 Oct - 21:40

Ci vole u pueta, fattu d'ombra è di lume,
Alma cheta è alegra o ingrussatu fiume,
Ch'ellu sia in mossa, cù a deda, u prima.
Anfarte mistiriosu, intesu incù stima
Da e donne, l'arbasgi, i savii è i rè,
À tutti, a so tirzina arreca u piacè.
È quandu omu ascolta, trà sonniu è nustalgia,
Un'arrietta materna di calchì puisia,
Chì annanna, chì basgia, imbriaca è carezza,
Diventa ancu a suffrenza un nidu di dulcezza
Chì pone in u disertu a sumente di un fiore
È in u celu foscu un istellu in culore
Chì farà cantichjà, di gode stonde belle,
L'amore, a spiranza, acelli è pisciarelle.
In a gioia sirena è i pienti stanciati,
Ogni tantu, ci vole, à l'omi spavintati,
À sente u scatinime, inde a notte bughja,
Di un filare chì, stridente, civra è mughja.
Ci vole u pueta, cù a musa in aiutu,
Ch'ellu sia un valdu frescu, calmu è frundutu,
Cù u ventu chì face, in e rame, e canzone,
È induve, à l'assaltu, prontu hè un lione.

Revenir en haut Aller en bas
Voir le profil de l'utilisateur http://erbaghju.unblog.fr/
Circione



Messages : 2157
Date d'inscription : 27/02/2012

MessageSujet: Re: Ci vole chì u puetu   Lun 15 Oct - 23:51

Hè propiu bè stu ghjocu d'adattazione di una puesia da parechji pueti, ci hè parechje voce, ognuna porta qualcosa,
a toia "arvigne" è mi piace assai!

L'ai fatta toia ma senza tradì! Bravu. salutu2

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Ci vole chì u puetu   Aujourd'hui à 23:05

Revenir en haut Aller en bas
 
Ci vole chì u puetu
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Enfin ça y est, l'homme vole !
» Casting - Projet Spectacle Musical Bénévole
» AFFAIRE DES MILLIONS DE DOLLARS VOLE A LA COFED: Le suspect, Alexis Thambwe Mwamba…
» On vole des enfants à Paris
» Recrutement graphiste bénévole

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: