A sapete sicuramente ma quist'annu ci sò prugrammi novi per a scola.
Najat hà fattu a so revoluzione...un veru piacè...u verbiu diventa u predicat. I cumplementi smariscenu (addiu cari COD, COI, CCL,CCT, CCM
).
A famosa "règle de trois" s'amparerà à u cullegiu... sicondu à a nostra ministra a cunniscenza deve diventà di più "intuitiva"
(3 mesi chì cercu à capì u sensu di sta spressione!).
Cun tuttu què sti poveri sculari devenu risente un stress tamantuuuuuuu...hè per quessa chì ci vole à mette in piazza (per i più chjuchi) mumenti di "relaxation" è d'ascolta...(à quandu u mojito di a recreazione per e maestre storia di sminticà l'infernu di l'Education Naziunale?
)
Una cullega hà fatta a scelta di mette appena di musica per calmà i ciucci durante sta stonda. Perchè micca... Solamente ùn emu micca a listessa playlist. Ella sceglie musiche zen chì mi danu l'impressione d'esse "petite fleur sauvage sous la voûte céleste" è a machja corsa un territoriu apache.
Vulerebbe, per contu meiu, fà piuttostu ascultà à i mo sculari musiche nustrale...
Mi risponderete sicuramente "sò elli" o "Mi ne vocu". A mè mi piacenu assai ma ùn sò micca sicura d'avè l'accunsentu di l'ispettore s'ellu vene in scola, senza parlà di e lagnanze di certi parenti amatori di Christophe Maé o d'electro...
Dunque sò aperta à tutte e vostre pruposte per canzone corse adattate à a scola
S'avete qualcosa à prupone mi...
Accueil 
