u mondu sarà scemu?

u matrimoniu per tutti...


iè u mondu hè scemu. eri 340 000 persone sicondu a pulizza o 800 000 sicondu l'organizadori anu fattu ste scelte quì:

- duie persone di u listessu sessu chì si tenenu caru ùn ponu micca esse à l'aridossu (omancu di manera amministrativa) di i malanni di a vita. s'elli perdenu u so cumpagnu sò cundannati à campà senza a ricunniscenza di u so coppiu, u so ligame, u so amore è u tempu passatu inseme. perdenu case è rivenuti.

- duie persone di u listessu sessu ùn ponu micca tene caru ciucci è esse mudelli di rispettu è d'educazione.

- un ciucciu natu in stu cuntestu è chì perde u so parente "ufficiale" deve esse pigliatu in carica da i servizii suciali. ghjè megliu a DASS à a piazza di a vita cù l'altru parente.

- ciò chì si passa in lettu decide a muralità d'una persona è e so capacità à diventà babbu o mamma.

- u coppiu etterò hè una garantia per cunnosce una vita di famiglia felice. iè a sapemu a viulenza domestica ùn esiste micca cù l'etterò, l'incestu ùn esiste micca cù l'etterò, l'assenza d'amore ùn esiste micca cù l'etterò.

- ci vole à piglià in contu i bisogni è desiderii di i zitelli. ma micca quelli di i figlioli di coppiu omò.


un omu è una donna ùn sò mai stati a garantia d'una zitellina felice...
un omu è una donna sò solu a garantia d'una nascita...

Eiu, aghju da fà ancu più simplice cà Petra Alta. Pensu chì nimu ùn hà nulla à dì nant'à u fattu chì ghjente chì anu i stessi duveri ça l'atri appiinu i stessi diritti.

Tittolu a écrit:

Eiu, aghju da fà ancu più simplice cà Petra Alta. Pensu chì nimu ùn hà nulla à dì nant'à u fattu chì ghjente chì anu i stessi duveri ça l'atri appiinu i stessi diritti.

SCOPA !

Ùn mi facciu ghjudice di nunda (ci n'hè digià unu), ma sta volta u ragionu hè troppu faciule.

Citation :

-duie persone di u listessu sessu chì si tenenu caru ùn ponu micca esse à l'aridossu (omancu di manera amministrativa) di i malanni di a vita. s'elli perdenu u so cumpagnu sò cundannati à campà senza a ricunniscenza di u so coppiu, u so ligame, u so amore è u tempu passatu inseme. perdenu case è rivenuti.

Citation :

-un ciucciu natu in stu cuntestu è chì perde u so parente "ufficiale" deve esse pigliatu in carica da i servizii suciali. ghjè megliu a DASS à a piazza di a vita cù l'altru parente.

U matrimoniu per l'omossessuali ùn hè micca chè un affare di securità, osinnò basterebbe à cambià u PACS a sai bè.

Citation :

-u coppiu etterò hè una garantia per cunnosce una vita di famiglia felice. iè a sapemu a viulenza domestica ùn esiste micca cù l'etterò, l'incestu ùn esiste micca cù l'etterò, l'assenza d'amore ùn esiste micca cù l'etterò.

Citation :

-un omu è una donna ùn sò mai stati a garantia d'una zitellina felice...

Quessu dinù u ragionu ùn tene. A rubaccia ci serà ind'è l'etterò è ind'è l'omò, ma ch'elli ùn sianu i peghju ùn pò esse un argumentu. Osinnò, si puderebbe dì "megliu i babbi chì menanu chì i pedufili". U to argumentu ti và contru.

Citation :

-ci vole à piglià in contu i bisogni è desiderii di i zitelli. ma micca quelli di i figlioli di coppiu omò.

È quelli contru à l'aduzzione dicenu u cuntrariu. È nant'à stu puntu, mi rangiu di u so latu. Micca ch'o pensi chì un coppiu omò ùn pò risponde à i bisogni di un zitellu, rispondu solu nant'à a forma. S'è u prublema hè di sapè s'ellu ci vole à dà a priurità à a custruzzione di u zitellu o à u desideriu di zitellu di i coppii omò, pigliu subitu a prima ozzione.
Ma à parè meiu u prublema hè più cumplessu, massimu s'è tù pensi chì un zitellu di un coppiu etterò è un zitellu di un coppiu omò averanu una zitellina para.

À mè mi piace à cuntrastà nant'à stu foru perchè si face sempre di manera curtesa è cun a più grande semplicità. Ma aspettu una bella manata d'argumenti, micca quelli chè tù ai piscatu una sera di sborgna à u bancu di u caboulot accant'à e cacahuètes

Tittolu a écrit:

Eiu, aghju da fà ancu più simplice cà Petra Alta. Pensu chì nimu ùn hà nulla à dì nant'à u fattu chì ghjente chì anu i stessi duveri ça l'atri appiinu i stessi diritti.

Hè cumplessu l'affare di i diritti, ùn avemu tutti i listessi diritti, ùn hè vera. Ma sta volta ùn possu chè datti a ragiò chì per mè u matrimoniu hè una quistione d'amore è di leia in un coppiu. È quì ùn ci entrimu per nunda è ùn avemu à entreci.

Isulanu a écrit:

À mè mi piace à cuntrastà nant'à stu foru perchè si face sempre di manera curtesa è cun a più grande semplicità. Ma aspettu una bella manata d'argumenti, micca quelli chè tù ai piscatu una sera di sborgna à u bancu di u caboulot accant'à e cacahuètes

ti rispunderaghju cù curtesia: ghjera a serata sushi pu*** g***
si ùn sai mancu fà a sfarenza trà e cacahuètes è i sushi ùn mi stona manc'appena chè tù sia incapace di capisce i mo argumenti


t'aghju da pone duie questione, micca perchè sò bionda platina ma perchè chì mi pare impurtante di cunnosce u parè di e persone chì sò contr'à stu matrimoniu:

- i coppii omò esistenu dipoi sempre, e famiglie omoparentale dinù. ùn scambieremu micca l'omu è perchè scambià lu. ciò chì face parte di a natura umana ùn hà da micca smarisce è l'omosessualità hè qualcosa di naturale. allora chì femu? lascemu sti zitelli in una situazione chì pò diventà difficiule o a sucietà si decide infine à mette li à l'aridossu? i tumbemu tutti o circhemu à evità u peghju? chì ne pensi?

- siconda questione: cumu sò stati allevati leve sane di ciucci? babbu è mamma in casa ogni ghjornu à curà i zitelli o ciucci educati in un cuntestu "monoparentale"? l'argumentu di a presenza obligatoria d'un omu è d'una donna ùn vale nunda. in un paese vicinu à u meiu e moglie vidianu l'omi una volta à l'annu, u tempu di fà i figlioli, è dopu si n'andavanu torna à travaglià altrò. sti ciucci sò stati educati solu da donne cù referenti masci altri chè u babbu...ghjè a situazione di parechje famiglie omò. sò diventati cionchi sti zitelli? serial killer? sarkosisti? ...

ciò chì conta hè di cunnosce a filiazione. l'omosessuali ùn anu mai dettu ch'elli avianu da contà bugie à i so figlioli. un zitellu saperà sempre ch'ellu vene d'un omu è d'una donna. allora induve hè u prublemu? una famiglia hè un affare d'amore è di responsabilità. s'ella ùn hè micca u casu, si a famiglia ùn hè micca a reunione di persone chì si tenenu caru è chì volenu campà inseme piantemu subitu l'aduzzione...


sò e persone chì facenu i parenti micca a sessualità.
ogni ghjornu poi leghje storie di coppii etterò chì tombanu ciucci appena nati.
ch'ellu si chjami matrimoniu, pacs o la fête à neuneu mi n'impippu. a sola ogligazione avà hè di truvà qualcosa chì pò prutege ste famiglie. a meritanu. volenu solu avè una vita tranquilla.
postu chì i zitelli sò l'oggettu di l'angosce di l'anti matrimoniu ci vulerebbe à ascultà un pocu i figlioli di sti coppii chì dicenu è ripetenu chì a sola difficultà per elli in a vita hè statu u sguardu di l'altri...

quandu leghju certi chì facenu u paragone cù a pedofilia o a poligamia, l'etterò chì socu hà un laziu scemu di diventà una lumaca. ella omancu ùn face cacà à nimu cù e so storie di culu, di matrimoniu è di procreazione

petra alta a écrit:

T'aghju da pone duie questione, micca perchè sò bionda platina ma perchè chì mi pare impurtante di cunnosce u parè di e persone chì sò contr'à stu matrimoniu.

Tandu lasciu risponde l'altri chì eo sò à prò! Ùn m'ai capitu bè, a sola cosa ch'o dicia hè chì i to argumenti eranu esciuti da una scatula di chocapic

Per l'aduzzione, mi toccanu l'argumenti di e duie parte, l'affare hè quantunque più cumplessu chè ciò chè tù dici.

Isulanu a écrit:

petra alta a écrit:

T'aghju da pone duie questione, micca perchè sò biomba platina ma perchè chì mi pare impurtante di cunnosce u parè di e persone chì sò contr'à stu matrimoniu.

Tandu lasciu risponde l'altri chì eo sò à prò! Ùn m'ai capitu bè, a sola cosa ch'o dicia hè chì i to argumenti eranu esciuti da una scatula di chocapic

Per l'aduzzione, mi toccanu l'argumenti di e duie parte, l'affare hè quantunque più cumplessu chè ciò chè tù dici.

porca miseria ùn emu mai pensatu à fà una serata chocapic!

mi piacerebbe assai à sente i to argumenti, ch'elli sianu per o contru à stu matrimoniu, o ancu surtiti d'una scatula di rice crispies . l'intervenzione riflettute mancanu mi pare in stu duminiu. vulerebbe propiu cunnosce u puntu di vista d'una persona chì ùn vede micca e cose cum'è mè senza aduprà e parolle sceme di "pedofilia, poligamia" o altre insulte...t'aghju sempre lettu cù piacè. allora aspettu propiu a to intervenzione nant'à stu sugettu o ancu quellu di l'aduzzione

Postu ch'e parlemu di scimizia di u mondu, pensu ch'e vengu di truvà ancu peghju, fighjulate (per piacè) :

http://www.lalibre.be/actu/international/article/791785/aube-dorae-same-la-terreur-dans-des-quartiers-immigras-daathanes.html


Una vergogna senza nome, è un periculu simile à u nazisimu, ma u peghju, sò quelli chì sò d'accunsentu.

Ùn vi scurdate mai ch'e s'e Hitler ùn era micca statu seguitatu da a ghjente, seria solu firmatu un scemu in un scornu.

Lampu a meia, una videò messa nant'à Facebook da A Piazzetta :




È un'antra nant'à a scruccuneria Ryanair :

La face cachée du lowcost : enquête sur le système Ryanair

u pocu ch'aghju vistu nant'à e cumpanie low cost mi face preferisce dipoi un mumentu i mo pedi, u trenu, u battellu o a brasse coulée per i mo viaghji...
à troppu tirà nant'à corda (i prezzi) emu da cunnosce vere catastrofe...
a qualità è a securità si paganu puntu è basta!

aaaaaaaaaaaaaaaaaaaahhhhhhhhhhhhhhhhhhhhhhhhhhhhhhhhhhhhhhhh!

u mondu hè scemu compiu!
ghjunghjimu à un puntu chì mi face pensà ch'ùn ci hè più limite...
o allora ghjè un fake cum'ella dice a ghjuventù?

http://dailygeekshow.com/2013/03/07/des-cadavres-de-condamnes-a-mort-chinois-recycles-en-produits-de-beaute-pour-leurope/?utm_source=newsletter&utm_medium=e-mail&utm_campaign=Newsletter2013-03-07

petra alta a écrit:

u pocu ch'aghju vistu nant'à e cumpanie low cost mi face preferisce dipoi un mumentu i mo pedi, u trenu, u battellu o a brasse coulée per i mo viaghji...
à troppu tirà nant'à corda (i prezzi) emu da cunnosce vere catastrofe...
a qualità è a securità si paganu puntu è basta!

A 'brasse coulée' à a Petra Alta li vene di nascita ?
ci hè da move un 'Tsunam'insù

"j'aime la Corse, j'aime les corses et j'aime leur culture"
u mondu sarà scemu ma Valls ancu di più

http://www.corsematin.com/article/manuel-valls-jaime-la-corse-jaime-les-corses-et-jaime-leur-culture.1015205.html

petra alta a écrit:

"j'aime la Corse, j'aime les corses et j'aime leur culture"
u mondu sarà scemu ma Valls ancu di più

http://www.corsematin.com/article/manuel-valls-jaime-la-corse-jaime-les-corses-et-jaime-leur-culture.1015205.html

Chì bella testa di cazzu...

u ghjudice a écrit:

Chì bella testa di cazzu...

ancu a muderazione automatica ùn viaghja micca quand'ellu si tratta di Valls
iè chì belle testa di cazzu...

A Piazzetta hè stata più cumpletta chè mè ...lighjite puru, hè un bellu medley
http://www.apiazzetta.com/Ci-la-fera-Valls-a-esse-u-peghju-ministru-di-l-internu_a1580.html

a macagna di u ghjornu  



Cummunicatu di l'associu France-Corse in u Corse-Matin.

petra alta a écrit:

a macagna di u ghjornu  



Cummunicatu di l'associu France-Corse in u Corse-Matin.

senza contà chi senza a lingua francese un averebbimu a furtuna di pudè leghje pensate di sta qualità  

ci vorebbe forse à apre un capitulu novu e chjamàlu "la pensée (française) du jour"  

Ghjallochju a écrit:

petra alta a écrit:

a macagna di u ghjornu  



Cummunicatu di l'associu France-Corse in u Corse-Matin.

senza contà chi senza a lingua francese un averebbimu a furtuna di pudè leghje pensate di sta qualità  

ci vorebbe forse à apre un capitulu novu e chjamàlu "la pensée (française) du jour"     

meriti d'esse numatu amministratore d'onore  

ùn ci sarà più manera di vede u ritrattu di Coluche per a campagna di i Restos du Coeur.
L'autore di u ritrattu, u fottograffu Gaston Bergeret, hà dumandatu ch'ellu sia ritiratu. rimpruvera à i Restos du Coeur d'impiegà lu senza pagà li diritti d'autore. L'associu li hà rispostu ch'ellu l'avia datu à Coluche, ciò ch'ellu nega.
dumanda soldi per l'utilizazione passata è à vene...

ciò chì mi face surride hè ch'ellu hà aspettatu 25 anni per sveglià si...
vulerà cambià di vitturà o parte à Tahiti?  


emu cuminciatu a discussione nant'à fb, ma a cuntinuemu quì chì quallà ùn hè tantu semplice di seguità un sugettu...

Eiu dipoi ch'aghju amparatu chì Mimie Matta si tinia incù Grande Corpu Malatu ùn li dò più un centimu.

 

Circione a écrit:

Eiu  dipoi ch'aghju amparatu chì Mimie Matta  si tinia incù Grande Corpu Malatu  ùn li dò più un centimu.

 

pfffff ghjelosu  

o Circione m'ai fattu tuttu un piattu per avè stu sugettu nant'à isula è ùn trovi chè què à scrive  
dimmi la a prossima volta chè tù voli puttachji di Voici  

certe volte u mondu hè scemu è certe volte hè connu...

http://corse.france3.fr/2014/02/09/il-sassoit-sur-le-fauteuil-de-campagne-de-napoleon-et-le-casse-411965.html


avà sapemu quantu pisava Napuleone   

cum'ellu ci hè a ghjurnata di u patrimoniu, di a sulidarità, di a donna, ci hè dinù a ghjurnata di a cunneria...ghjè oghje...
dopu à sta nutizia tremenda di u baullone chì hà avutu l'idea di pusà nant'à a carreia di Napuleone è di sbaccà la, ci hè quella di st'abruttitu di direttore di u zoo di Copenhage chì hà fattu tumbà un girafon d'un annu è mezu...

subitu si pensa ch'ellu era malatu, feritu, agressivu, ch'ellu avia tombu dui o trè visitori, ch'ellu li s'avia manghjati...u girafon, micca u direttore...u primu girafon carnivoru   
u so solu tortu hè d'esse statu in salute è d'avè fratelli è surelle in l'altri zoo d'auropa. timianu a cosanguinità...

una americana assai ricca avia prupostu ancu parechji milioni per fà lu vene ind'è ella è salvà lu. ùn anu micca vulsutu...
ci sò state parechje petizione per truvà una suluzione. ùn anu fattu nunda...

stu connu di veterinariu hà datu una intervista à a televisiò per spiegà cum'ellu avia fattu per mette li una balla in capu. dopu anu fattu vene i ciucci davant'à u so corpu, à u primu rangu, per fà li vede l'autopsia...
hà finitu cum'è ripastu per l'altri animali di u zoo...

allora a dicu è a ripetu: l'omu hè un connu, un cunnacciu ancu...


http://www.lemonde.fr/europe/article/2014/02/09/l-execution-d-un-girafon-au-zoo-de-copenhague-provoque-l-indignation_4363085_3214.html