Puesie di DIRUSIU

E pudete puru fà e lode...

chì saria a puesia senza sintimu?

quella di Dirusiu tocca u core, perchè hè scritta incù u core.


Sò sintimi fatti parolle.

SALUTE A CRICIONE E DI SFUGHJITA

mi scusarete s'aghju messu tuttu stu tempu mà danvati a tante lode mi mancanu e parolle. chi possu di...di sicuru cercu di scriviciulà di più cù u core chi cù l'arte di a litteratura...eppo di vede chi spartimu issi piacè a brusgià pella, mi dà laziu d'avanzà torna. vi ringraziu torna assai e vi dicu a prestu, ch'aghju un piacè tamantu eiu di leghjevi...
Anima di core
GHJ.

So solu e à mè mi pare
Chi tu si sempre qui
ti scapa ancu a risa
Perchè ride cusi ?

S’era statu u ventu
Mossu dà a to mane
Chi mi dice d’andà
Versu i lindumani

Sempre sèrà cusi
In ‘lu pesu di l’ore
sèrai sempre qui
Cù i mio sogni in core

AVVEDECI IN PARADISU O MINELLU, CHI U TO RIPOSU SIA DOLCE E SERENU. DI TE UN CI SCURDEREMU MAI, UN LASCIEREMU SPENGHJE A FIACCULA SPUTICA CHI OGNI RIMA TOIA ACCENDIA... :pale:

U 22 di settembre di u 2010, una giuvanotta di 25 anni, nantu a strade di Pila Canale, si n’ando, culpita, trà scimità, droga, è misèria suciale.
In mémoria di Joanna Tavera.

Altea

Andava, vestuta di sete
U fronte cupertu d’oru
Carezzendu di i so diti
L’addurmentu di i fiori

Altéa si a fèrita
Di u puetu scurticatu
E u ricordu di a to vita
Ferma un martiriu adduluratu

U spampillime, di e stelle
Li facia una currona
Indè u suttile silenziu
E u muscu, di l’erba barona

Altéa si a fèrita
Di u puetu scurticatu
E u ricordu di a to vita
Ferma, un martiriu adduluratu

A notte, a s’abbracciava
Incù e so mane d’argentu
Or tandu una bagnada
Nasci prestu indè u ventu

Altéa si a fèrita
Di u puetu scurticatu
E u ricordu di a to vita
Ferma un martiriu adduluratu

Mà ‘ssu prufume, u dèsidèriu
Fù cagione, di u to dulore
Eternu e cutratu mistèru
Chi scambio in morte, l’amore

Altéa si a fèrita
Di u puetu scurticatu
E u ricordu di u to visu
Ferma un martiriu adduluratu


GHJ. Achard Rocchi – u 7 d’aprile di u 2012.

Magnifica puesia, un bellu umaggiu!

Ùn trovu mancu parole bastevule...

VI RINGRAZIU MARIA

Vi ringraziu o vergine Maria
Regina in celu è benedettu core
U vostru nome laudatu sia
Pè noi tutti gran peccatori

E vostre grazie u vostru figliu in celu
Ci danu forze fede è dignità
Site l’ardente è a più pura stella
Chì à l’orizonte ùn pianta di lucicà

Vulemu in cantu purtà u vostru perdonu
Una preghera simplice in canzone
Per ogni pieve è per ogni rughjone
Sparte u dolce di a vostra passione

Site u fiore di u più bellu biancu
Chì dà parfume è risana ogni core
Site surgente site eternu tesoru
Date speranza a l’arimitu stancu

Vi ringraziu o vergine maria
Santa madonna mamma di u signore
A i vostri pedi ‘ss’umile puèsia
Sia a prova di tuttu u nostru amore

È ab eternu nantu à ‘ss’isula vostra
Alma beata date sempre a forza
Chì ‘ssa preghera fida sincèra è nostra
O grazia à voi ribombi in terra Corsa

Bella puisia per l'ottu di sittembre. Face piacè di truvatti quì!

Erbaghju a écrit:

Bella puisia per l'ottu di sittembre. Face piacè di truvatti quì!

Hè una bella puesia ch'e quessa, tutta piena di fervore.

V'averiu invitatu à prinsentàvvi, ma postu ch'e mi sembrate cunisciutu, ùn dicu più nunda.