Voce Ventu

Corsica Mea


O Corsica meia ti dò lu mio core
Colmu di bandere pront'à svintulà
Ti dò lu mio fiatu sculpitu d'amore
O Corsica meia u ventu a sà

In l'ansciu sirenu di la to natura
Sentu a santa chjama di a libertà
Rinvivisce l'alma la to aria pura
O Corsica meia u ventu a sà

O Corsica meia ti dò la mio manu
Colma di spirenze pronte à suminà
Centu mila spiche da caccià ne u granu
O Corsica meia a terra la sà

M'incantanu l'esse le to bianche cime
Guerrieri di petra in lo mio sunnià
Sò turnate musa da fà le mio rime
O Corsica meia a terra la sà

O Corsica meia ti dò la mio voce
Colma di ribombi pronti à annacquà
Di mille onde chjare piaghje è sarre è foce
O Corsica meia u mare la sà

Diventanu strade li to fiumicelli
Tessenu lu filu di mio sunnià
Battenu cun rabbia marosi ribelli
O Corsica meia u mare la sà

O Corsica meia ti dò la mio mente
Colma di viaghji pronti à infiarà
Ogni passu fattu di fervora ardente
O Corsica meia u sole la sà

Schjariscenu l'alma li to raghji d'oru
Schjariscenu u sguardu, l'idea , u pinsà
Da purtà ti fiera à l'altare moru
O Corsica meia u sole la sà.

Federic Poggi

À Spassu


Vanu e rise è le sciagure
I chjassi, l'andature
À francà e cità

Move issu paese rivolta
Nazione d'una volta
sempiternu sperà

À spassu, mughjate à spassu
Mandate à spassu
Quella bestialità

Tremanu ste leccie è filette
I forni, e casette
Pronti à festighjà

Bolle un core di zitellu
Per un cantu ribellu
ch'un ghjornu turnerà

À spassu, mughjate à spassu
Mandate à spassu
quella bestialità

Move issu paese rivolta
nazione d'una volta
sempiternu sperà

À spassu, mughjate à spassu
mandate à spassu
Quella bestialità

À spassu, cantate à spassu
Ghjucate à spassu
Cù u verbu sperà

L'ultimu dischettu era un incantu!

petra alta a écrit:

L'ultimu dischettu era un incantu!

Sò d'accunsentu à centu per centu.

Parolle: A. Fazi
Musica: A. Geronimi


Gelsomina

Gelsomina
Fusti vinduta cum'è granu
A tè l'amore hè statu pruibitu
Ma pruibitu in vanu

Gelsomina
Eri inghjuliata quant'è fida
Cum'è ch'è tù campavi tanti strazii
Firmendu cusi zitta ?

Gelsomina
Un ne sapii odiu o zerga
Un l'avii sunniata a rivolta
Cum'è s'è fussi indegna

Gelsomina
C'era un mattu per fatti lume
Per ch'è tù a capissi a to sorte
Da fughje e to sciagure

Gelsomina
Eric schiava d'un un assassinu
Dopu vistu ammazzatu stu compagnu
Ne cambiasti caminu

Gelsomina
A libertà t'hà versi strani
Sempre s'hè trovu ghjente per amà
I maestri più infami

Gelsomina
U mostru ùn cunniscia pene
Scupri cù lu to corpu senza vita
A ricchezza di pienghje

Un fiore sunnieghja



U Soli dormi, a luna in celu veghja
Accantu à mè un fiori sunnieghja
Un rigalu purtatu da li stelli
Una dea cu la pelli di meli
Dumani cu li to ochji amurosi
Mi darè tanti sguardi diliziosi.

Cum’è lu ventu ch’in li frondi s’invita
In i to capelli a mio manu hè svanita
E viaghja pè culletti è pianuri
Paisaghji di li piu belli fatturi
Dumane cu li to mani amurosi
Mi darè tanti allisci diliziosi

L’alba purterà d’i so splendori
U discetu di li nostri ardori
Milli raghji, milli culori
Stonda eterna di lu nostru amori

U soli dormi, a luna in celu veghja
Accantu à mè un fiori sunnieghja
Mi conta foli u to sirenu visu
Mazzulellu d’amori, paradisu
Dumani cu li to labbri amurosi
Mi darè tanti basgi diliziosi

L’alba purterà d’i so splendori
U discetu di li nostri ardori
Milli raghji, milli culori
Stonda eterna di lu nostru amori

Federicu Poggi

A serva


Eu, paisanu fieru
Ghjurnatante è disgraziatu
Vogliu cantà l'addisperu
Di lu mio amore scunciatu
Anghjula, pura è fantina
Di u veranu più bellu fiore
Si n'andò quella matina
À fà serva à li signori.
Anghjula, Anghjula mea
A ruvina mi purtasti
Stu ghjornu duv'è n'andasti
In li sgiò
È ne francasti lu purtò.

L'estate l'aria infiarava
Eri stanca à la funtana
A to ciretta pisava
Sott'à quella sciappittana
Eu, rozu travagliadore
Ùn truvai mai la stonda
Ellu, giovanu signore
Bellu, ti girava in tondu.
Anghjula, Anghjula mea
Fù cusì, nun ricusasti
A to giuventù li dasti
À stu sgiò
Chì in la so casa t'ingannò.

Trà a cardellina è u corbu
Matrimonii ùn ne pò nasce
Puru un criaturu in corpu
U sgiò ingratu ti tralascia
Stu ghjornu era festa in piazza
Misurasti a to sciagura
Spusava una di razza
Ricca, di ceppu sicuru.
Anghjula, Anghjula mea
Issa pistola ch'è tù purtasti
A ti cacciai, ùn la mi dasti
È u sgiò
Fù a mio manu chì u tumbò.

Ùn ci hè più dii,servii o maestri
L'idea nostra per sempre l'hà sguassati
Un ghjornu o l'altru,pè laziu o forza
I so nemichi saranu calpighjati
Cusì s'aspittava a guerra senza mancu dumandà
Quale simu nant'à issa terra pè vulecci sterminà?

Cosa valete,belle credenze
Quand'i puntelli sò d'ingannu è staffile?
L'orgogliu scemu disse è sintenze
Ch'appupulonu qualchi stranu curtile
D'esse degni è po felici s'agguattava ancu a brama
Cum'è s'ella ci piacissi di ghjucà 'ssu tristu drama

Puru smariti odiu è cuntrasti
L'oru fangosu di chì cerca una gloria
Oghje spartimu i stessi imbasti
Pè senti dì ch'ella hè compia a storia
Quant'ella hè cruda a bucia chì di grazia ùn ci accecò
Dopu avè cambiatu via,ebbimu una altra prighjò

Emu accoltu e nostre mani
Per fà cascà ogni muru
Per chì un sole novu è puru
Principii à spuntà
Quantu prumesse emu intesu
Da tramutacci ogni stonda
Nant'à a sponda di u maraviglià.

Avà sapemu ch'ellu ùn ci hè stesa
Ch'ùn sia tocca da a malasorte
Hè ora di zifrà l'intesa
Chì sfundarà e nostre antiche porte
Pè campà pari è sfarenti l'amore è a libertà
Ùn ci hè razza di putenti s'omu sà sempre sunnià
Chjosu ùn hè quellu librone di a nostra umanità
Simu tutti l'architetti di un rinnovu di u sperà

Da u sperà,da u sperà
Nascerà sta mossa universale
Da u sperà,da u sperà

Andria Fazi/Voce ventu

Babbucciu Natale


Parolle : Raymond Vincy
Tradutta in corsu da Dumenicu Barrazza
Musica : Henri Martinet


In 'ssa vigilia di natale
A neve ammanta u casale
Cù li so fiocculi d'argentu
Accumpagnati da u ventu
In casa à a luce d'una veghja
Un zitellucciu sunnieghja

Fala Babbucciu Natale
Da li monti è da le valle
Per sparte gioia è piacè
Fate ch'ellu ùn si scordi di mè

Vegu u so carriolu
Pè i sarri di Niolu
À i cunfini di l'albore
Quandu u Cintu cambia di culore

Chjoccanu e campane di u paese
In quellu mumentu divinu
Si move a ghjente i cironi accesi
Sta notte hè natu u Bambinu

Fala Babbucciu Natale
Da li monti è da le valle
Per sparte gioia è piacè
Fate ch'ellu ùn si scordi di mè

Vicinu à l'anticu fucone
In bracciu di lu me babbone
Cum'è una fiaccula di vita
Una carezza infinita
Ghjuvellu di una famiglia
D'amore è pace ùn c'hè sumiglia

Fala Babbucciu Natale
Da li monti è da le valle
Per sparte gioia è piacè
Fate ch'ellu ùn si scordi di mè

Vegu u so carriolu
Pè i sarri di Niolu
À i cunfini di l'albore
Quandu u Cintu cambia di culore

Chjoccanu e campane di u paese
In quellu mumentu divinu
Si move a ghjente i cironi accesi
Sta notte hè natu u Bambinu

Fala Babbucciu Natale
Da li monti è da le valle
Per sparte gioia è piacè
Fate ch'ellu ùn si scordi di mè

Caru Babbucciu Natale

à ringrazià ti o isulanu per sta bella adattazione

S'e ùn mi sbagliu micca e parolle in corsu sò di Dumenicu Barrazza.

petra alta a écrit:

à ringrazià ti o isulanu per sta bella adattazione

Ùn mi ringrazià, hè sempre un piacè tamantu d'affaccà nant'à stu foru, hè d'una ricchezza senza paru.

Circione a écrit:

S'e ùn mi sbagliu micca e parolle in corsu sò di Dumenicu Barrazza.

Aghju fattu a mudificazione.