Ghjuvan Filice à u Tibettu
— Si stà bè quì o Ghjuvan Filì chè ?
— Iè, si stà bè, a Citadedda di Calvi hè viramenti bedda, ti ringraziu d’avemmi invitatu, è d’avemmi prisintatu a to amica Kim. Ùn la sa’ forsi micca ma eiu fantasmighju annant’à idda dipo’ un pezzu.
— Iè a sò, aghju lettu què annant’à internet…
— Iè ma tù o purciddò a ti faci !
— Ahè… Chì voli fà hè cusì… Hè scema per mè, ùn ci possu fà nulla innò ?
— O Circiò, ùn la vo’ micca chjamà à Kim ch’idda vinissi à bia un colpu cù no’ ?
— Innò, dorme annant’à u yacht, capisci, mi dispiace à parlatti di quessa chì eiu ùn sò micca cusì , ma vedi, l’aghju datu u contu stanotte è avà ci vole ch’ella si riposi appena.
— A’ l’ascianza tù ! Par piaceri madamicedda ? ci pudeti arricà torna dui Heineken ?
— Iè subitu !
A zitella volta cù e duie biere, Ghjuvan Filice ellu si face digià un’alluppicata annant’à u so futtogliu, boccapartu, surnacheghja chì pare un Mutore. A zitella pone e duie buttigliole annant’à u tavulinu. Prova à ritenesi ma a vecu bè ch’ella hè morta di risa davanti à stu spetaculu… Tandu sottuvoce li dumandu d’arricammi dinù u giurnale s’ellu ci hè. Volta subitu incù u Corse-Matin, circhendu sempre à piattà a so risa maliziosa.
Beuh, ùn ci hè viramente nulla in stu giurnale, "Corti : Manifestazione, 6 CRS firiti da dece zitilloni incagullati, Aiacciu : U falzu Kiné aduprava veri
godemichés, Sportu : Landreau è Cissé uperaziunali sabatu, Francia : Ribery è Anelka ùn andaranu micca in prigione, Internaziunale : Catastroffa aeriana à u Nepale: 25 vittime francese. People: Vacanze calvese per Kim Kardashian”... bon quessa a sò…
— MALLAAAAAAAÀ !
— O Ghjuvan Filì ??? Chì t’accade ?
— Nudda, infini iè, aghju fattu un sunniacciu, aghju sunniatu u me amicu Mallà, a sa’ quiddu chì hè prufissori di filusuffia à u liceu francesu internaziunali di Hong Kong.
— Iè u cunnoscu bè à Mallà, hè partutu quallà cù u so tippu… A sai quellu chì hè andatu à cultivà u risu in China. Quì avia i castagni ma dopu ci hè statu u cinipide… Aiò ! Era cù un ghjudice di Casinca ma u s’hà lasciatu per andà à vive incù Mallà. Cumu si chjamava digià???
— Tittolu ?
— Iè eccu ! Sò sempre inseme ?
— Iè mi pari. Dunqua aghju sunniatu chì u m’amicu Mallà era nudu, ind' a nivi è ch’iddu chjamava : « Aiutu ! Aiutu ! » è dopu hè affaccatu una spezia di scimionu daretu… Un arcefalu…
— Beuh… Pocu affare innò… M’ai santavugliatu!
— Scusami , ma era un sonniu stranu, cum’ una spezia di visioni . O Circiò ùn ci hè micca un cyber in Calvi? Aspettu un mail impurtanti di un editori, aghju mandatu u me manuscrittu, m’aviani da dà una risposta oghji o dumani.
— Un cyber ? Tè piglia u mo Iphone s’è tù voli andà nant’à Gmail.
— Puttana, hè vera, ci hà da vulè ch’e mi piddi anch’eu un Iphone. Mì ch’aghju un mail ! Ah innò ùn hè micca quidda d' Actes Sud... Mì! quissa po! Induvina quali idd'hè ?
— Chì voli ch’e sappii quale ellu hè aiò?
— Hè Mallà ! m’hà scrittu arrimani : "Caru amicu, ti scrivu stu mail da l’aeroportu di Hong Kong. Quì ci campemi, a noscia nova vita ci piaci monda, ma u paesi dinò mi manca monda, i me loca, a me ghjenti, i salami... Ti scrivu dunqua par annunziatti a nutizia: rientru in Corsica per passacci i dui mesi di vacanzi! Tittuluchju hà troppu travaddu, si stà quì. Piddu l’aviò pà Parighji sta mani, ghjungu stasera, mi stocu in Parighji dui ghjorna. Ti chjamaraghju da culà. Sì tù po' vena à circammi saria bè, infini vidaremi. Eccu u me amicu, t’abbracciu forti. "
— Bah, hè un pezzu ch’ellu ùn rientre più Mallà, sò parechji anni... Merda ! O Ghjuvan Filì, vengu di leghje u giurnale è parlavanu di un crash, un volu Hong Kong Parighji, l’aviò s’hè scrasatu in l’Himalaya… Ch’ellu ùn sia… Mì hè quì! Ùn aghju micca lettu l’articulu sanu, ghjustu u principiu… O puttana o Ghjuvan Filì! Ci era! Ne parlanu : " U crash di un aviò di a cumpagnia Cathay Pacific face 25 vittime francese frà e quale Stefanu Mallachamè, scrivanu cunnisciutu chì uttense u Goncourt dece anni fà. "…
— Ùn hè micca pussibuli! Innò !
— O Ghjuvan Filì…
— Ti dicu chì ùn pò essa, sò sicuru ch’iddu hè vivu, stu sonniu era chjaru, hè vivu è chjama à u succorsu.
— Aiò ùn ai micca da crede à…
— Iè ! dumane piddu l’aviò pà Parighji è da Parighji vò in Kathmandu. Aghju da ritruvà u m’amicu, Socu sicuru ch’iddu hè vivu, tù statti s’è tù vo'.
— Aiò… Ùn t’aghju micca da lascià parte solu quallà… Eppo’ a muntagna ci vole à cunnoscela...
— Allora pidda u to Iphone è cerca à riservacci dui biglietti.
Kathmandu hè un locu chì ùn si pò mancu discrive, simu allughjati à l' Himalaya Hotel, incù una vista magnifica annant’à l’Himalaya – a fottò sopra l'aghju pigliata da u balcone, incù u telefonu. Iè, Kathmandu hè magicu ma ùn emu micca tantu tempu à perde à fà i turisti, nemmancu u core. Prima ci vole à ritruvà u nostru amicu. E nutizie ùn sò tantu bone. I succorsi sò cullati è anu trovu a carcassa di l’aviò in lu massicciu di Shisha Pangma. Ùn la s’hà francata nimu, tutti i passageri ch’elli anu trovu eranu morti. Ci vole à cuntà dui ghjorni per priparà l’espedizione è virificà u matiriale. Simu in cuntattu incù a squadra di i succorsi è emu un appuntamentu dopu dumane incù unu di i sherpas. Si chjama Tharkey, hè cullatu incù a prima espedizione. S’e u pachemu bè accittarà forse di purtacci quassù.
Dui ghjorni dopu pigliemu un picculu aviò per Lukla. Tharkey ci aspetta custì, pruvemu à scunvincelu di cullacci quassù, ma ellu ùn vole micca, chì per ellu hè piriculosa è ùn ghjova à nulla. Li pare impussibule ch’e possimu ritruvà u nostru amicu, micca vivu in tutti i casi. Ghjuvan Filice insiste è li prupone trè volte di più cà u prezzu abituale.
U lindumane eccuci in viaghju incù Tharkey è una squadra di Sherpas, emu dinù i iacchi, isse spezie di vacche tibettane… Sò imprissiunanti i iacchi mirà…
Dopu trè ghjorni di marchja ghjugnimu infine à l’aviò, hè ghjotu, femu u giru, ci alluntanemu appena è à forza di circà truvemu una grotta. Intrimu nentru è custì truvemu u nome di Mallà sculpitu in lu cotru, sicuramente incù qualchì scanciolu, chì ci hè qualchì unu è parechji sò rotti. Hè a prova ch’ellu ùn hè micca mortu in lu crash. Incredibule! A visione di Ghjuvan Filice era ghjusta! Ma in ste cundizione, cù u fretu è a fame, a spiranza di truvallu vivu dopu più di una simana hè poca. Chjamemu :
— MALLÀ ! MALLAAAAAAAAÀ !!!
...
— Emu chjamatu più di un’ora, dice Tharkey, senza risultatu, avà ci vole à rifalà! Hà da esse notte.
Falemu, tristi ma ancu scuragiti. Stallemu e nostre tende vicinu à l’aviò, passaremu a notte culà, è dumane sì Diu vole, cuntinuaremu e nostre ricerche.
In piu bella un mughju spavintosu strappa u silenziu di a notte...
— Aaaaaaaaaauuuuuuuurrrrrrrrgggggggggggghhhhhhhh !!!
— Chì diavule sarà què o Ghjuvan Filì?
— È chì hà da essa, hè u iettì o balalò! ha ha ha!
— Pfffff, a to cunnaria… Ahè à bonanotte.
— À bonanotti o Circiò… ha ha ha... aaaahhh ... RRRrrrrrrrruuuuuummmmmmm ssssssscccccccccciiiiiiiiiiiiiiiiiiii, rrrrrrruuuuuuuuuuummm... RRRrrrrrrrrrrrrrrrrrrraaaaaaaaaaaaaaa….
Ghjuvan Filice chì surnacheghja… Chì tanti Iettì.
U lindumane, pigliemu u tè incù Tharkey, l’altri sherpas elli anu digià ricossu tutti i s’affari è sò pronti à parte.
— Induve andaranu po avà i t’amichi o Tharkey?
— Si ne falanu, anu intesu u iettì stanotte, allora anu a pauraccia è ùn volenu più stà. Ci lascianu quantunque dui Iacchi. Chì vulete fà, sò e so cridanze cusì, credenu à u iettì, sò paisanoni mirà. Eiu mi staraghju cun voi, chì ùn ci crelgu. Alò muvimuci ! Circhemu torna stamane, ma dopu ci n’andemu, mi dispiace pè u vostru amicu ma hè sicuramente mortu.
Sò ondeci ore è ùn emu trovu nulla, Ghjuvan Filice cannuchjuleghja a muntagna…
— Mirè, vicu una tacca rosula…
— Fà ch’e vechi! ... Mì chì hè vera, ci hè qualcosa quassù in issa ghjarghjera, cullemu !
Ci avvicinemu, è truvemu una sciarpa rosula azzingata à una petra, appena cum’è a sciarpa rossa di l’inculatacciu di Barbier, ma rosula.
— Hè a sciarpa di Mallà ! dice Ghjuvan Filice.
— Aaaaaaaaaauuuuuuuuuuuuurrrrrrrrgggggggggggghhhhhhhh !!!
— Ete intesu ? ùn listessu mughju cà quellu d’arrisera. Hè vicinu vicinu. Ma chì sarà ?
— Quassù ! mirà ! Una grotta !
— Aaaaaaaaaauuuuuurrrrrrrrrrrrrrrrrrrrrrrrrrrrghhhh !!!!
— Guardate quì e Zampate ch'ellu ci hè... Tamante ! Ma chì sarà??? dice u nostru guida chì cummencia à perde u cuntrollu... Caccia una spezia di paternostru incù un picculu Buddà, è si mette à pricà pisibulendu.
In più bella sorte da a tana un scimbione di più di dui metri d’altu. Hè u Iettì ! I "paisanoni" a sapianu… U peghju hè chì ùn emu mancu fucile nè nulla. A campa chì u iettì ùn ci vede. Provu à caccià l’Iphone da a mo vesta per pigliallu in fottò, o vai ! Cù i guanti hè impussibule. Eccu, avà s’alluntana pianu pianu…
Aspittemu appena, per esse sicuru ch’ellu sia alluntanatu è intrimu tutt’à trè inde a grotta…
— Mmmmmmmhhhhhhhhhh… aaaiiiuuuttuuu!
Hè Mallà! hè vivu… Ammagritu, barbutu, e labre tutte strinate, ma vivu…
— Mallà, u me amicu… Se’ vivu ! O chì suddevu !
— Ghjuvan Filici, ùn po’ mancu sapè u suddevu ch’idd’hè par mè dinù.
I dui amichi s'abbraccianu piignendu.
— Se' firitu ? po' viaghjà ?
— Innò và bè…
— Aiò spiccemuci nanzu ch’ellu volti scimbione!
— Ùn t'inchiità o Circiò hè bravu, risponde Mallà, m’hà francatu a vita. Dopu u crash mi socu discitatu in la nivi, l’altri erani tutti morti, socu ghjuntu in una grotta, ci sò statu una stonda, aghju scrittu ancu u me nomu. Era debuli, aghju manghjatu a nivi, in l’aviò aghju trovu dinù dui o trè pacchetti di chips. Eppo’ hè ghjuntu u iettì, m’hà piddatu è m’hà cuddatu quì… Ind' a ghjurnata sorti, è volta cù animalotti, i mi faci manghjà. Hè cusì ch’aghju pussutu tena sinamenti à oghji.
— Allora u iettì saria bravu ? Meddu cussì! ùn voddu micca finiscia appiccatu cum'è un salamu in la so grotta.
— Iè o Ghjuvan Filì, bravu po hè, ancu troppu… Pensu ch’iddu hè ancu appena innamuratu di mè, cum’è King Kong è a so bionda… È tutti i seri mi... infini… videti ciò ch’e voddu dì...
— AAAAAAAAAAAAUUUUUUUUUUUUURRRRRRRRRRRRGGGGGGGGGGGGGGGGHHHHHHHH
Quand’ellu hè intrutu u iettì in la tana, s’hè lampatu subitu annant’à Ghjuvan Filice. Quì vi devu palisà un affare, ùn aghju mancu circatu à capisce, mi sò cacciatu à fughje è Tharkey n’hà fattu altr’è tantu. Una volta à locu sicuru emu aspittatu, agguattati sottu à un pintone…
— AAAAAAAAAAuuuuuuuuuuuuuuurrrrrghhhhhhhhh
— Aaaaaaaaaaaahhhhhhhhhhhhhhhh
— AAAAAAAAAArrrrrrrrgggggggghhhhhhhh
— Nooooooooooooooooooo, micca u cuuuuuuuuuuuuuuuuuu... AAAAAAAAAAAAAAAAAAAAAAAAAAAHHHHHHHHHHHH
— AAAaaaaaaaaaaauuuuuuuurrrrrrrrg…. Mmmmmmmmmmffffffff
L’affare hà duratu un’ora… Forse ancu appena di più… Eppo’ u iettì hà finitu per sorte di a so tana, hà pigliatu appena di neve è a s’hà messa annant’à u so… cumu dì… Ùn sò micca s’è vo avete un’idea di ciò ch’ellu pò esse un cosu di iettì… Cumu a vi possu spiicà, vidite i sumeri ? bon infine lascemu corre…
— I corci i to amichi, dice Tharkey i iettì devessenu cum’è i iacchi, a turera, a stagione di l’amori cumencia di lugliu.
— AAAAAAAAAAuuuuuuuuuuuuuuuuurrrrrgggGGGHHHHHH!!!
— Aaaaaaaiiiiiiiiiaaaaahhhhhhhhhhhhhhhh
— AAAAAAAAAAAAAUUUUUUUUUUUuuuuurrrrrrrrgggggggghhhhhhhh !
Aspittemu una mizora, è quand’aviamu da ricullà assin’à a grotta, ecculi chì sortanu tramindui … Anu i so pantaloni tutti strappati è anu fatica à marchjà… L’aiutemu à falà sin’à l’aviò. Sò cinque ore di sera, durmaremu torna quaghjò.
U lindumane dopu una notte assai difficiule, Ghjuvan Filice s’arrizza. Sorte fora, s'accende una Kim, s'alluntana appena. Si face falà ciò chì li resta di pantaloni è si chjina di culu inde a neve. Hè a sola manera ch'ellu hà trovu fassi una spezia d’anestesia.
Ma daretu à Ghjuvan Filice ci hè unu di i dui iacchi, u più grossu. Hè inziritu è hà strappatu a so funa…
— MMMMMMMMMMMMMMUUUUUUUUUUUUUUUHHHHHHHHHHHHHHH !
Accueil 
...
chì tanti Hergé...
