Scritti imposti

listessu affare ca pè a prosa:
si prupone un sugettu è si prova à scrive qualcosa. Si pò dinù impone una struttura puetica pricisa.

M'era mancatu ch'e què.

Era ora!!!

quale hè chì prupone un sugettu?

Prupongu di scrive una puesia nant'à u sonniu. Ma cum'è u sugettu hè più cà ribattutu ci mettu un' entica si sale...

Vogliu (iè vogliu ) strufate di cinque filari cù e rime fatte à 1/2/2/3/1 (3 saria u 1 di a siconda strufata è tocch'è fila...) è da quattru à sei strufate.

Vogliu dinù robba scema, vale à dì chì ci vole à cappiavvi...

Simu vennari, avete (avemu ancu) una simana. À e vostre penne !

Ùn sò micca sicuru d'avè capitu. Ci vole ch'o rileghjessi.

hè un sugettu impostu di puesia o un duvere di matematiche?

Site veramente foglie...

Eccu :

Patattì pattattà
Pattattà pattappuffu
Pattattà pattappuffu
Pattatì pattaleru
Pattattì pattattà...

Un antra dificultà, l'ultima strufata deve avè 6 filari. L'ultima rima accuppiendusi cù "pattaleru"

Cum'è vo site buchje ulimpiche...

Eccu :

Patattì pattattà
Pattattà pattappuffu
Pattattà pattappuffu
Pattatì pattaleru
Pattattì pattattà...
Pattatì pattaleru

Forse in giru à miziornu, mittaraghju un esempiu cù e rime più ricche...

Certe, ma cosa vole dì ?

Tittolu a écrit:

Forse in giru à miziornu, mittaraghju un esempiu cù e rime più ricche...

O Tittò metti puru a puisia sana chì a toia mi pare ghjà scritta da un pezzu... :twisted:

Eccu mansa di scarompuli...


NOTTE ALLOGHJU

À l'ore sunniate
U vecu da vicinu
Quellu celu turchinu
Chì mi pare difesu
Dopu à l'albe spuntate

Mi pare d'esse accesu
In cor'd'ogni bughjura
Quellu sole smisura
Chì di ghjornu ùn sà esse
À chjarore palesu

È u sonniu mi tesse
Una vita più bella
È mi vecu cun ella
À visità dumane
Crede à e so prumesse

Eppo vene a mane
À strughje ogni sperà
È d'ogni libertà
Fanne stranu custodiu
Ore da scorre vane
Sin'à a notte alloghju...

bella,ma nulla à chì vede incù a prima, "pattattì è pattattà"
un veru giuvellu di dadaisimu...

Circione a écrit:

bella,ma nulla à chì vede incù a prima, "pattattì è pattattà"
un veru giuvellu di dadaisimu...

Iè hè propiu bella
à tè avà o Circione...

Tittolu a écrit:

Patattì pattattà
Pattattà pattappuffu
Pattattà pattappuffu
Pattatì pattaleru
Pattattì pattattà...

Patattì pattattà
Pattattà pattappuffu
Pattattà pattappuffu
Pattatì pattaleru
Pattattì pattattà...
Pattatì pattaleru

À u me figliolu li piace ancu più quessa cà quill'altra

S'e a forma dumandata ùn era cusì cumplicata, averiu messu qualcosa.

Ruclinonu Solechjari a écrit:

S'e a forma dumandata ùn era cusì cumplicata, averiu messu qualcosa.

Sì tù l'ai scritta dopu à a dumanda di Tittolu, mettila puru ancu s'ella ùn rispetta micca tutte e cundizione imposte.

In fatti, nò, parlavu d'una puesia ch'aviu scrittu assai tempi fà, chì, fora di a forma assai cumplicata, currispundia benissimu à a definizione di Tittolu.
Ma ùn face nunda. M'aghju da adattà.
Grazie.

L'aghju scrittu avà.

Citation :

In a furesta di faii
Campanu salvalnidei
Quell’essari eterei
Dolci è benefattori
Chì cumbattenu i guaii.

L’arburoni sò splendori
Esaltanu a natura
Aldilà di a misura
C’hè una forza arcana
A sapenu i pastori.

Una saviezza suprana
Dorme dentru i castagni
È i laricii altagni
Sò i so degni amichi
Da u fosc’à a sulana.

Ùn si sentenu bruscichi
In stu Reame Ascosu
Da a pace amurosu
Duve, versu Vizzavona
Campanu savii antichi.

Culà a vita hè bona
Nentru l’Antica Cità
Muschendu a felicità
D’un epica scunisciuta
Celebrendu a curona.

A curona riempiuta
Di a forza naturale
Ch’ùn tullera nisun male
In a so maghjor’putenza
Ch’ùn vole micca aiuta.

Stu mondu d’evanescenza
Radia a magnificenza
D’un età di fratellenza
D’un sonniu di quintessenza
Brillendu d’opalescenza.

Vale poc'affare è ùn vole dì nunda, ma almenu, u sughjettu hè statu rispettatu.

Ruclinonu Solechjari a écrit:

L'aghju scrittu avà.

Ùn ci hè cà 7 minuti trà i to 2 missagi, ai fattu bellu prestu!!!

Erbaghju a écrit:

Ruclinonu Solechjari a écrit:

L'aghju scrittu avà.

Ùn ci hè cà 7 minuti trà i to 2 missagi, ai fattu bellu prestu!!!

Certe, ma aghju scrittu n'importa cosa. À u to cuntrariu.

Ruclinonu Solechjari a écrit:

Vale poc'affare è ùn vole dì nunda, ma almenu, u sughjettu hè statu rispettatu.

Vole dì cìo ch'ai vulsutu dì è per quessa vale qualcosa!!! (mi facciu capì? )



Ne prufittu dinù per dì quant'ella m'hè piaciuta a puesia d'Erbaghju! U tema sopra tuttu è l'impressione ch'ella dà d'ùn sapè micca -cum'è a dice l'ultimu versu - si ghjè sonniu o verità

petra alta a écrit:

Ruclinonu Solechjari a écrit:

Vale poc'affare è ùn vole dì nunda, ma almenu, u sughjettu hè statu rispettatu.

Vole dì cìo ch'ai vulsutu dì è per quessa vale qualcosa!!! (mi facciu capì? )



Ne prufittu dinù per dì quant'ella m'hè piaciuta a puesia d'Erbaghju! U tema sopra tuttu è l'impressione ch'ella dà d'ùn sapè micca -cum'è a dice l'ultimu versu - si ghjè sonniu o verità

Aghju messu tempu à capì, ma in fatti, aghju assimilatu u sensu di stu missaghju è ti ne ringraziu sinceru.



Avà, aspettu u parè di l'iniziatore di sta sfida scema.

Ruclinonu Solechjari a écrit:

L'aghju scrittu avà.

Citation :

In a furesta di faii
Campanu salvalnidei
Quell’essari eterei
Dolci è benefattori
Chì cumbattenu i guaii.

L’arburoni sò splendori
Esaltanu a natura
Aldilà di a misura
C’hè una forza arcana
A sapenu i pastori.

Una saviezza suprana
Dorme dentru i castagni
È i laricii altagni
Sò i so degni amichi
Da u fosc’à a sulana.

Ùn si sentenu bruscichi
In stu Reame Ascosu
Da a pace amurosu
Duve, versu Vizzavona
Campanu savii antichi.

Culà a vita hè bona
Nentru l’Antica Cità
Muschendu a felicità
D’un epica scunisciuta
Celebrendu a curona.

A curona riempiuta
Di a forza naturale
Ch’ùn tullera nisun male
In a so maghjor’putenza
Ch’ùn vole micca aiuta.

Stu mondu d’evanescenza
Radia a magnificenza
D’un età di fratellenza
D’un sonniu di quintessenza
Brillendu d’opalescenza.

Vale poc'affare è ùn vole dì nunda, ma almenu, u sughjettu hè statu rispettatu.

Vale o Ruclì, ma ùn rispetta micca u pattaleru di a fine...
Eppo, chì sò i salvanidei ?
Bravu in tutti i casi !

Erbaghju a écrit:

Sonniu

Quale sò?
Sò liberatu
Ma mi sentu assaltatu.
Di tutti sò a preda, a primura,
Piengu, sò spavintatu ma puru stò.

Cum'è un galbu di natura
Sunniatu tantu è troppu
Avà bramu incù stu corpu
Di campà calchì viaghju
Nant'à a quessa cambratura

Fideghju à u cilente di un istellu u ragiu
È m'incanta u surrisu spannatu di a luna
Chì palesa à u mondu cusì grande furtuna
Di gode signe stonde chì pone parè corte
Quandu à u fà di u sole un pintimentu aghju

À l'alba di a morte
Di pettu à mè stessu
Mai ùn sarà listessu
U reame avà
Chì m'apre e so porte:
Hè sonniu o virità?

Bella bella !

Ci hè quantunque 'ssa strufata di versi appena longhi... A sò ch'in d'astri lochi dicenu chì più hè longu, più hè bonu ma quì ci vole à rispitta i pattattà è i pattaleri...