Scritti imposti

Circione a écrit:

Arrisera aghju ripigliatu a mo puesia
aghju cambiatu duie o trè parolle – storia d'esse sicuru ch'ellu si tagli e vene u Ghjudice – è soprattuttu a puntuazione.

Avia appiccicatu tuttu perchè certe infrasate principiavanu in una strufata è finianu in quill'altra, per via di quessa è di e rime "incatinate" mi paria più logica di u puntu di vista di l'estetica ch'ella furmessi un tuttu a puesia.


Rilighjendula stamane, mi sò arvistu chì a puntuazione nova pirmittia di staccà e strufate senza nuce di nulla à u filu di a littura, dunque aghju spiccicatu torna.

Tuttu què per dì chì ùn l'aghju micca fatta per obedisce à Tittolu.

È cusì ti manca una rima, vargogna !

Aspettemu u novu sughjettu!

Tittolu a écrit:

È cusì ti manca una rima, vargogna !

Hè vera chì ùn aghju micca siguitatu a cunsegna à a lettara.
M'hè vinuta a rima in omba nant'à u nanzultimu versu, ma ribomba ùn hè micca arfagna postu chì rima incù prufonda è ciomba è dunque pudia chjode a puesia cusì chì tandu u sestu versu ùn s'impunia più , innò?

Isulanu a écrit:

Aspettemu u novu sughjettu!

lasciaremu forse appena di tempu à quelli chì vularianu participà?

Hè vera chì una settimana era appena cortu. Aspetteraghju torna appena.

Circione a écrit:

Tittolu a écrit:

È cusì ti manca una rima, vargogna !

Hè vera chì ùn aghju micca siguitatu a cunsegna à a lettara.
M'hè vinuta a rima in omba nant'à u nanzultimu versu, ma ribomba ùn hè micca arfagna postu chì rima incù prufonda è ciomba è dunque pudia chjode a puesia cusì chì tandu u sestu versu ùn s'impunia più , innò?

:shock:

Isulanu a écrit:

Discitera di sensi

Cusì, à l'ispensata
L'inchjostru acitosu
Di canzone muscosu
Mette à filusufà
Calisgina cutrata

Ti pare apustrufà :
O! Senti l'artemisa?
Sussurime di risa
È fracassu d'amore
Chì t'invita à fà :

Fà scaturì l'ardore
Di i sonnii annigati
I sintimi scurdati
È spulalli in lu ventu
Per dalli un culore

Fà fronte à u spaventu
Cum'è ultima malizia
Affundà di mattizia
È cum'è presa di pesca
In fine inalburallu

Vampate d'aria fresca
Di muse è di passione
Per dumà 'ssu lione
Chì ti face impinnà
Serà l'unica esca
Per pudellu abbrinnà

Tornu à leghje è mi vene a brama di dinne di più. Ùn sò tantu forte per i cumplimenti ma vogliu quantunque palisà quantu ci vecu "puesia" in 'sse strufate. "Bella", ùn basta micca. Ùn hè micca un affare di dimensione di a billezza, ùn ci hè ierarchia nù a creazione sicondu mè ma quì ci vecu di più cà l'assestu di e rime, ci vecu l'estru è u sensu...

È eiu, ùn sò abbastanza aggalabatu per sapelli riceve.
Ti ringraziu torna, hè a prima puesia ch'o scrivu è ci aghju vulsutu mette prufundore è passione. Temia di lanciammi chì face un pezzu ch'o vi leghju à tutti, site puitone, è u mo versu di sette pedi, ùn hè tantu tradiziunale.

ai fattu bè di lanciatti
è sappia chì e prime puesie ùn sò micca tutte belle cusì.

Isulanu a écrit:

Ti ringraziu torna, hè a prima puesia ch'o scrivu è ci aghju vulsutu mette prufundore è passione.

Tandu prupunarè tù u prussimu sugettu

Circione a écrit:

ai fattu bè di lanciatti
è sappia chì e prime puesie ùn sò micca tutte belle cusì.

Ùn muntammi troppu a sega chì v'aghju da sciaccà una puesia à ghjornu dopu

Erbaghju a écrit:

Isulanu a écrit:

Ti ringraziu torna, hè a prima puesia ch'o scrivu è ci aghju vulsutu mette prufundore è passione.

Tandu prupunarè tù u prussimu sugettu

Hè detta!

Ùn sminticate micca u sugettu in prosa in i scritti imposti: A SEDUZZIONE
Ci hè assai à fà ancu quì

petra alta a écrit:

Ùn sminticate micca u sugettu in prosa in i scritti imposti: A SEDUZZIONE
Ci hè assai à fà ancu quì

Mi dumandi à mè ?

Dumandu à tutti

Ci vole à crede ch'ùn simu tantu seduttori !

Postu chì hè u mo giru di sceglie, prupongu una puesia annant'à l'ammancu in sestine d'ottunari in rime AB AB CB (ferà piacè à Circione). Avete capitu, simu nant'à una forma tradiziunale, ma ùn impedisce à nimu di sortene nant'à u fondu.
Scrivite puru, avemu duie settimane!

Eccu a meia, voi avete torna guasi duie simane...


A to manu



Quand'è tù mi sì luntanu
Ogni altrò pare più bellu
È a cerca a to manu
U mio core urfanellu
Ùn sò ch'una mità d'esse
Quandu manchi à u mio celu

Sò cum'è un alma à tesse
Un mondu ancu invintatu
Isula ch'un diu messe
Da falla locu scurdatu
Sò amacu senza fiore
Quandu manchi à u mio latu

È ne sò seculi l'ore
D'un attesa eternità
È mi si pare di more
O d'ùn guasi più campà
Mi trascingu à straziera
Quella strana libertà
Di l'ammancu prigiunera

Pare ch'ellu sia sparitu Circione. Metteraghju a mea sta dumenicata.

Tittolu a écrit:

Eccu a meia, voi avete torna guasi duie simane...


A to manu



Quand'è tù mi sì luntanu
Ogni altrò pare più bellu
È a cerca a to manu
U mio core urfanellu
Ùn sò ch'una mità d'esse
Quandu manchi à u mio celu

Sò cum'è un alma à tesse
Un mondu ancu invintatu
Isula ch'un diu messe
Da falla locu scurdatu
Sò amacu senza fiore
Quandu manchi à u mio latu

È ne sò seculi l'ore
D'un attesa eternità
È mi si pare di more
O d'ùn guasi più campà
Mi trascingu à straziera
Quella strana libertà
Di l'ammancu prigiunera

Bravu ! Mi piàcenu assai tutte ste parolle tissute in bella è scelta manera !

Belle puesie...

bravi.


avà ci hà da vulè ch'e mi ci metti anch'eiu...
:oops:

ma per avà ciò chì mi manca hè a musa...

Hè ora di ripiglià u filu di i scritti imposti per tutti i pueti di u foru: Addisperata, Tittò, Meziornu, Bob, GFI, Zifranu, Sidussincu, Caparrittu...è tanti altri

È pò vultà

Francà mare, strappà funa
Chjodesi cum'è e sore
Di a vita chì stazzuna
Tante martellate in core
Ma sappia o isulella
Ch'elle mi pesanu l'ore

Oghje a mo vita hè spartuta
Trà Corsica è cuntinente
È a suffrenza vissuta
M'avvelana avà a mente
Stà à sente o isulella
A mo strada di studiente

Fermu trà u scunnisciutu
È a mo terra lasciata
Stu viaghju rincresciutu
Identità annebbiata
Mi senti o isulella
Vultà cun tanta affuriata?

Mi ne voltu d'estatina
Tale un turistu in vacanza
U mio essere rimina
È per tè sempre impanza
In bracci à tè isulella
Mesi ùn ci n'hè abbastanza

À chì parte per studià
À chì per girà u mondu
Ma à rombu di pedià
A so strada, u so circondu
Rientremu o isulella
Chì u nostru mondu hè tondu

Prupunite un sughjettu novu, chì quessu ùn insipira tantu mondu.