Scritti imposti

Tittolu a écrit:

Erbaghju a écrit:

Sonniu

Quale sò?
Sò liberatu
Ma mi sentu assaltatu.
Di tutti sò a preda, a primura,
Piengu, sò spavintatu ma puru stò.

Cum'è un galbu di natura
Sunniatu tantu è troppu
Avà bramu incù stu corpu
Di campà calchì viaghju
Nant'à a quessa cambratura

Fideghju à u cilente di un istellu u ragiu
È m'incanta u surrisu spannatu di a luna
Chì palesa à u mondu cusì grande furtuna
Di gode signe stonde chì pone parè corte
Quandu à u fà di u sole un pintimentu aghju

À l'alba di a morte
Di pettu à mè stessu
Mai ùn sarà listessu
U reame avà
Chì m'apre e so porte:
Hè sonniu o virità?

Bella bella !

Ci hè quantunque 'ssa strufata di versi appena longhi... A sò ch'in d'astri lochi dicenu chì più hè longu, più hè bonu ma quì ci vole à rispitta i pattattà è i pattaleri...

Tittolu a écrit:

Prupongu di scrive una puesia nant'à u sonniu. Ma cum'è u sugettu hè più cà ribattutu ci mettu un' entica si sale...

Vogliu (iè vogliu ) strufate di cinque filari cù e rime fatte à 1/2/2/3/1 (3 saria u 1 di a siconda strufata è tocch'è fila...) è da quattru à sei strufate.

Vogliu dinù robba scema, vale à dì chì ci vole à cappiavvi...

Simu vennari, avete (avemu ancu) una simana. À e vostre penne !

Aghju rispittatu tutte e cunsigne ma postu chì tù ùn avii dettu nulla per ciò chì tuccava à i pedi, aghju fattu 4 strufate cù 4 strutture sfarente. Ma l'aghju fatta apposta.
Ti diceraghju megliu: l'ultimu filare u vulia compiu dicendu "Sarà sonniu o virità" invece di "Hè sonniu o virità" ma ùn andava più cù i pedi di a strufata ma postu ch'ella hè cusì u mi cambiu è civa per a struttura

Erbaghju a écrit:

Tittolu a écrit:

Erbaghju a écrit:

Sonniu

Quale sò?
Sò liberatu
Ma mi sentu assaltatu.
Di tutti sò a preda, a primura,
Piengu, sò spavintatu ma puru stò.

Cum'è un galbu di natura
Sunniatu tantu è troppu
Avà bramu incù stu corpu
Di campà calchì viaghju
Nant'à a quessa cambratura

Fideghju à u cilente di un istellu u ragiu
È m'incanta u surrisu spannatu di a luna
Chì palesa à u mondu cusì grande furtuna
Di gode signe stonde chì pone parè corte
Quandu à u fà di u sole un pintimentu aghju

À l'alba di a morte
Di pettu à mè stessu
Mai ùn sarà listessu
U reame avà
Chì m'apre e so porte:
Hè sonniu o virità?

Bella bella !

Ci hè quantunque 'ssa strufata di versi appena longhi... A sò ch'in d'astri lochi dicenu chì più hè longu, più hè bonu ma quì ci vole à rispitta i pattattà è i pattaleri...

Tittolu a écrit:

Prupongu di scrive una puesia nant'à u sonniu. Ma cum'è u sugettu hè più cà ribattutu ci mettu un' entica si sale...

Vogliu (iè vogliu ) strufate di cinque filari cù e rime fatte à 1/2/2/3/1 (3 saria u 1 di a siconda strufata è tocch'è fila...) è da quattru à sei strufate.

Vogliu dinù robba scema, vale à dì chì ci vole à cappiavvi...

Simu vennari, avete (avemu ancu) una simana. À e vostre penne !

Aghju rispittatu tutte e cunsigne ma postu chì tù ùn avii dettu nulla per ciò chì tuccava à i pedi, aghju fattu 4 strufate cù 4 strutture sfarente. Ma l'aghju fatta apposta.
Ti diceraghju megliu: l'ultimu filare u vulia compiu dicendu "Sarà sonniu o virità" invece di "Hè sonniu o virità" ma ùn andava più cù i pedi di a strufata ma postu ch'ella hè cusì u mi cambiu è civa per a struttura

Aghju capitu, ai "rispittatu" e cunsigne à modu toiu... 'ssi pumuntinchi...

I Salvalnidei ?

À sò ch'ùn vale nunda à dìlla, ma st'essari fantastichi mi sò stati inspirati, parechji mesi fà, spassighjendummi in a furesta di Vizzavona, duv'elli ci sò faii, laricii è castagni, sott'à a bellezza di u vaghjime.

Fighjate appena :

Citation :

Salvalnidei :

Essari eterei prisenti, sopra tuttu, in a Furesta di Vizzavona
D'andatura umana s'elli a bramanu, ma in fatti immateriali
Probabilmente immurtali.
Tenenu gran'puteri nant'à a materia, ma nisun nant'à i spiriti.
Andacciani, malinconii, tra l'arburi, vestuti di gran mantelli di linu chì l'invilluppa u corpu sannu.
Spruvisti di falsità, ma pochi attivi.
Vedevuli da l'umani solu s'elli a bramanu
Omi o Femine
Fora di u Tempu
Spiriti di a furesta
Tenenu ligami incù a Grande Cità di Petre, chì si trova ghjustu nanzu à Buccugnà.
D'altronde, u so reame, l'Anticu Reame, si trovava tra Vivariu è Buccugnà. Hè quallà ch'elli sò i più forti.

È tandu, aghju messu i Salvalnidei in un scornu di u mio spiritu, sperendu un ghjornu fàlli campà in un scrittu in prosa... o in puesia.
È per avà, stu ghjornu ùn hè venutu (fora di sta piccula allusione).

Ai a ragiò! Sta furesta hè colma di magia (sopra tuttu di vaghjime)

Grazie mille.
È spergu d'un ghjornu, pudè scrive qualcosa nant'à elli.

Discitera di sensi

Cusì, à l'ispensata
L'inchjostru acitosu
Di canzone muscosu
Mette à filusufà
Calisgina cutrata

Ti pare apustrufà :
O! Senti l'artemisa?
Sussurime di risa
È fracassu d'amore
Chì t'invita à fà :

Fà scaturì l'ardore
Di i sonnii annigati
I sintimi scurdati
È spulalli in lu ventu
Per dalli un culore

Fà fronte à u spaventu
Cum'è ultima malizia
Affundà di mattizia
È cum'è presa di pesca
In fine inalburallu

Vampate d'aria fresca
Di muse è di passione
Per dumà 'ssu lione
Chì ti face impinnà
Serà l'unica esca
Per pudellu abbrinnà

Ùn avia capitu dinù chì ci vulia à seguità i pedi.
A prussima volta, dacci dinù un numaru di lettere à mette, cusì serà più sicuru

Hè una bella puesia ch'e quessa.

Ti ringraziu di u cumplimentu, è mi face piacè da veru chì aghju messu a mane sana per sortela.

Isulanu a écrit:

Ùn avia capitu dinù chì ci vulia à seguità i pedi.

Ùn l'avia capita nimu postu chì sta cunsigna ùn era micca scritta. Ti filiciteghju

À ringraziatti, vi feliciteghju dinù à tutti i trè. A cunsigna era difficiule è e vostre puiesie ùn ne sò chè più belle.

Isulanu a écrit:

Discitera di sensi

Cusì, à l'ispensata
L'inchjostru acitosu
Di canzone muscosu
Mette à filusufà
Calisgina cutrata

Ti pare apustrufà :
O! Senti l'artemisa?
Sussurime di risa
È fracassu d'amore
Chì t'invita à fà :

Fà scaturì l'ardore
Di i sonnii annigati
I sintimi scurdati
È spulalli in lu ventu
Per dalli un culore

Fà fronte à u spaventu
Cum'è ultima malizia
Affundà di mattizia
È cum'è presa di pesca
In fine inalburallu

Vampate d'aria fresca
Di muse è di passione
Per dumà 'ssu lione
Chì ti face impinnà
Serà l'unica esca
Per pudellu abbrinnà

Bella iè, è scema dinù (cum'è quella d'Erbaghju...)

Chì chjami abbrinnà ? Pasce ?

Innò, aghju verificatu annant'à l'Infcor, è vole dì dà a brenna (biada macinata) è di manera più generale dà à manghjà o intrattene.

Avà aspettemu quella di Circione!

Isulanu a écrit:

Innò, aghju verificatu annant'à l'Infcor, è vole dì dà a brenna (biada macinata) è di manera più generale dà à manghjà o intrattene.

Pasce dunque

Pasce vole dì manghjà erba nò?

Isulanu a écrit:

Pasce vole dì manghjà erba nò?

Iè ma vole dì dinù dà a magnà, à l'animali per u più. Si pò dinù aduprà per l'omu cù un sensu ironicu o pighjurativu.

Tenebre

Eiu nun aghju più sonnii,
u mio sonnu hè angusciosu,
fattu à bughju tenebrosu,
pinseri, affanni è paure,
chimere, mochi è dimonii.

E mio notte sò sciagure
tissute à sfiere spaventu.
U batticore hè turmentu,
Eiu, ùn sunnieghju più:
m'annecu in l'ore bughjure.

È u mio infernu sè tù
o notte ceca è prufonda
induve l'anima ciomba;
s'ingollenu e to onde
l'albe di a giuventù.

È in isse infernale stonde
chì mi fraianu la mente,
a to voce ùn possu sente
chì di silenziu ribomba,
a chjamu è ùn mi risponde.

Circione a écrit:

Tenebre

Eiu nun aghju più sonnii,
u mio sonnu hè angusciosu,
fattu à bughju tenebrosu,
pinseri, affanni è paure,
chimere, mochi è dimonii.

E mio notte sò sciagure
tissute à sfiere spaventu.
U batticore hè turmentu,
Eiu, ùn sunnieghju più:
m'annecu in l'ore bughjure.

È u mio infernu sè tù
o notte ceca è prufonda
induve l'anima ciomba;
s'ingollenu e to onde
l'albe di a giuventù.

È in isse infernale stonde
chì mi fraianu la mente,
a to voce ùn possu sente
chì di silenziu ribomba,
a chjamu è ùn mi risponde.

Vengu di tagliammi e vene.

Bella puesia o Circiò.

Circione a écrit:

Tenebre

Eiu nun aghju più sonnii,
u mio sonnu hè angusciosu,
fattu à bughju tenebrosu,
pinseri, affanni è paure,
chimere, mochi è dimonii.

E mio notte sò sciagure
tissute à sfiere spaventu.
U batticore hè turmentu,
Eiu, ùn sunnieghju più:
m'annecu in l'ore bughjure.

È u mio infernu sè tù
o notte ceca è prufonda
induve l'anima ciomba;
s'ingollenu e to onde
l'albe di a giuventù.

È in isse infernale stonde
chì mi fraianu la mente,
a to voce ùn possu sente
chì di silenziu ribomba,
a chjamu è ùn mi risponde.

Staccami 'sse strufate o fingardò !!

Bella è in più ci sbarazza di u ghjudice

Arrisera aghju ripigliatu a mo puesia
aghju cambiatu duie o trè parolle – storia d'esse sicuru ch'ellu si tagli e vene u Ghjudice – è soprattuttu a puntuazione.

Avia appiccicatu tuttu perchè certe infrasate principiavanu in una strufata è finianu in quill'altra, per via di quessa è di e rime "incatinate" mi paria più logica di u puntu di vista di l'estetica ch'ella furmessi un tuttu a puesia.


Rilighjendula stamane, mi sò arvistu chì a puntuazione nova pirmittia di staccà e strufate senza nuce di nulla à u filu di a littura, dunque aghju spiccicatu torna.

Tuttu què per dì chì ùn l'aghju micca fatta per obedisce à Tittolu.

Tittolu a écrit:

Isulanu a écrit:

Pasce vole dì manghjà erba nò?

Iè ma vole dì dinù dà a magnà, à l'animali per u più. Si pò dinù aduprà per l'omu cù un sensu ironicu o pighjurativu.

Mi vergognu appenna avà... :oops:
Sò figliolu è figliulinu di pastori, è ùn l'avia mai intesa.

Isulanu a écrit:

Tittolu a écrit:

Isulanu a écrit:

Pasce vole dì manghjà erba nò?

Iè ma vole dì dinù dà a magnà, à l'animali per u più. Si pò dinù aduprà per l'omu cù un sensu ironicu o pighjurativu.

Mi vergognu appenna avà... :oops:
Sò figliolu è figliulinu di pastori, è ùn l'avia mai intesa.

Vargogna ùn ci n'hè quì, solu un scambiu da amparà l'unu di l'altru.

Ùn dumandu chè quessa

iè pasce l'aghju sempre intesu anch'eiu
è vale per tutti l'animali

e pecure o e capre pascenu (= paissent in francese)

ma si diciarà (pè u indettu): l'ai pasciutu u ghjattu?

pè i cristiani ùn si dice o allora cum'ellu a dice Tittolu hè per disprezzu.