Aghju pruvatu ancu eiu...
U merre banditu, nò u banditu merre...nò u merre eppo basta
S'aghju decisu
Di piglià u machjone
Cusì decisu
Tralasciendu u rughjone
Ghjè chì certi anu scupertu
U mo visu di vulpone,
U contu ch´aghju apertu
È tante altre pruvisione.
Dapoi un pezzu
Sò statu elettu merre
Senza disprezzu,
M'aspettava u duvere
Ma m'hè piaciutu piuttostu
Di ghjucà cun u putere
Ogni volta aghju rispostu
È nimu ùn circava à chere.
Prima a sciarpa
Ch´aghju sempre addossu,
Pare una serpa
Pronta à cappiavvi un morsu
È ch´ella era tutta falza
Nimu ùn si n hè accorsu
Quandu a ghjente capalza
Smarisce ogni discorsu.
Tante precure
Aghju falzificatu,
Eppo fatture
Chì ùn aghju pagatu
Ancu i strangeri è i morti
Quì anu sempre vutatu
I penseri i più storti
L'aghju avuti à u mo latu.
Aghju prumessu
Impiechi in quantitai
Ma più ch´à spessu
Eiu ùn li dava mai
Dice u puliticante
"Hè sempre cusì, a sai"
È tante spere tamante
Diventonu ancu guai.
Facia nice
Di fà u mo travagliu
Era felice
D'ùn pate nisun tagliu
Rispondia à chì cheria
Senza entre in u detagliu
Cusì nimu nun vidia
Ch era un tamantu sbagliu.
Per u prufittu
Mancu ùn aghju rimorsu
Ùn ci hè delittu
Quandu ùn ci n hè discorsu
Aghju spartutu e mo tese
Trà tuttu u tempu scorsu
Da fà chì in u paese
Più nun si parlessi corsu.
Oghje ch´hè oghje
Sè facciu cunfessione
Cun e pastoghje
Ùn vogliu fà l'unione
Cusì scappu à l'appiattu
Per ùn vede a prigione
È tuttu ciò ch'aghju fattu
Serà fola à u fucone.
Accueil 
(pensu dinù à quella di Philippe Guerrini nant'à isula fb)
ma hà fattu mandà à dì chi a so risposta a ti derebbe in piombu 
, in più malfideghjati puru chi avà c'he chi viaghjerebbe cu un fintunome 
