Ind'è / Indè / Inde

Per andà nu u to sensu, duie parolle chì si duvarianu scrive altrimente cà cume a facenu : cuntinivà è u paiese. Sì d'accunsente, o anguillò ?

sidussincu a écrit:

Per andà nu u to sensu, duie parolle chì si duvarianu scrive altrimente cà cume a facenu : cuntinivà è u paiese. Sì d'accunsente, o anguillò ?

Di una certa manera sò d'accunsentu per via di ciò ch'emu dettu anzora di scrive cum'ellu si parla è micca di parlà cum'ellu si scrive.

Ma, accant'à què, ch'omu a vogli o innò si pone à un mumentu datu a quistione di a fisiunumia di a parolla.



Un Balaninu ùn hà da micca da scrive: a scoa, u ceu, a straa, l'aive, ecc. basta ch'ellu sappia chì ind'è ellu l o d un si sentenu trà duie vucale

Iè, ma s'o pigliava l'esempiu di "cuntinuà", tutte e persone appena anziane dicenu "cuntiniveghja", è pensu chì u scrittu risigheghja di fà cambià a prununcia.

ùn la sò...
per cuntinuà eiu a quistione ch'e mi pongu hè di sapè s'e l'aghju da scrive cù v o micca.

Per mè, dapoi ch'aghju rimarcatu què, scrivaria cuntinuvà o cuntinivà. Avà chì ci pensu, c'hè dinù a parolla "cuminione"...

E pruperà (è micca priparà).
E suguità (per seguità... si trova digià suvità nu certi dizziunarii).

S'o mi possu permette d'intervene, per contu meiu ùn aghju nisun prublema in stu sensu. Dicu "cume (Z)i dice?" è "cum'è (S)i dice ind'è mè". Ma ùn sò un esempiu chì l'aghju forse amparata di a scrittura senza avvedemine.

D'altronde, vengu di fidighjà u ligame, hè un travaglione ch'ellu hà fattu G. Chiorboli!
Devu cuncede ch'ùn aghju capitu tuttu...

Isulanu a écrit:

D'altronde, vengu di fidighjà u ligame, hè un travaglione ch'ellu hà fattu G. Chiorboli!
Devu cuncede ch'ùn aghju capitu tuttu...

iè
è ci n'hè 193 pagine....

Ùn possu leghje chè 10 pagine.

Circione a écrit:

Un Balaninu ùn hà da micca da scrive: a scoa, u ceu, a straa, l'aive, ecc. basta ch'ellu sappia chì ind'è ellu l o d un si sentenu trà duie vucale

Ci arricurdemu tutti di un locu induve sta scrittura rendia a littura assai fastidiosa.
Eiu pensu chì a nurmalizazione sarà a sola manera di dà una cuerenza linguistica à una lingua in cerca di sviluppu. Una scrittura nurmalizata parmettarà une ricunniscenza visuale sicondu a manera ch'ella hè scritta per sapè ciò ch'ella vole dì.
In francese ùn si dumanda nimu perchè chì a lingua hà sciaccatu à u caracutu una H è una X. S'ampara ch'ella si scrive cusì: puntu è basta. È ancu per ùn prununcialle micca, ci sò è ci anu da stà.
È ùn andemu à dì chì tuttu in francofoni parlanu di a listessa manera. In Marseglia, per dì "menu" sò parechji quelli chì dicenu "moinse" () è a maiò parte di i francesi chì ùn a dice micca cusì () ùn iscrivenu micca "moins". A cuerenza dumanda chì a parolla sia scritta "moins" da tutti è dopu ognunu dice cum'ella li pare.

Vidaremu bè u travagliu chì sarà fattu da u cunsigliu di a lingua (dizziunariu).
Ùn sarà fatta per cuntità à tuttu u mondu ma quessa a sapemu digià chì a suluzione parfetta ùn esiste micca è chì i crastadori di grilli anu e so cultelle arrudate bè.

A L'AMICHI DI U FORU ISULA (È À TUTTI L'ASTRI)

Avà sì chì principiemu à ragiunà!
A cundizione SINE QUA NON pè ùn perde u so tempu hè chì ognunu (è micca sempre i listessi) dica a soia, sia prontu à sente è accettà l'argumenti di l'altri.
Prumettu di vultà u più prestu pussibule nant'à u foru pè cuntinuà (o cuntinivà )a discussione, è dà risposte quandu possu.
Per avà ringraziu à tutti.
ISULANU, hà rimarcatu chì solu 10 pagine di "La langue des Corses" (1991, 1993) sò state publicate (apposta pè u foru ISULA: https://skydrive.live.com/redir?resid=6CBE25B1A55E88F4!273&authkey=!AHDRE-hRmFIEg2A). U libru sanu si pò truvà à a libreria bastiaccia ALBUM (04 95 31 08 59) chì u m'hà dumandatu ùn hè tantu.
Di sicuru ùn esisterà mai un libru chì dia tutte e risposte !
U più bellu ind'una lingua hè ch'ella ùn appartene à nimu sana sana, ma chì ognunu ne pussede un pezzu, da sparte cun l'altri (quelli chì volenu sparte...)
A' prestu.

intesu o lettu capiscu "cume"
Spiegatemi sempre u cumu di u perchè !

avia spiicatu u perchè in principiu di missagiu o Ciocciu:

Circione a écrit:

postu ch'e ci simu un'antra cunfusione chì sò parechji à falla hè cumè /cum'è


custì hè più faciule:

cume (cumu) = comment
cum'è (cum'ì) = comme


rimarcate chì in certi casi ci vularà à fà cuntrazzione:

cum'(è) e(iu) vi dicu = cum'e vi dicu si sente cume vi dicu ma ùn hè micca cume hè cum'e.

S'è tù scrivi "cume tè" ci vularà à leghje [d].


Ma Chiorboli ci dice chì in certi lochi hè attistata a forma "cume s'ella fussi "

Eiu scrivu "cum'è s'ella fussi" perchè dicu [s]

Ellu dice [z] dunque hè ghjusta ch'ellu scrivi cum'ellu dice: "cume s'ella fussi" .

avia capitu,era solu per buccà u cumu di u perchè
cum'è mi ci sò messu ancu eù dipoi.

A- CUM'È + Prunome
:cum'è tè, cum'è voi: cunsunale iniziale di u prunome sempre "forte" (o pretta) in tutte e varietà.

B- CUME (CUMU, COMU) + Cunghjunzione
:cume s'ellu / cumu s'ellu / comu s'ellu (è variante <comu s'iddu> è c.): l'iniziale di a cunghjunzione (sì, s' ...) hè "frolla" ([Z], di regula -forse- in tutte e varietà.
(Ma ci pò esse a pressione di u scrittu, è di una "regula" ortografica" mal furmulata è mal capita.

A' CIRCIONE: ch'ellu facci un "TEST" pè verificà sì a prununcia hè "pretta" ([S]) ancu pè i so paisani, quelli chì ùn leghjenu u corsu, o s'elli ponu dì anch'elli <cume [Z]'ellu...>. Prima ci vol'à lavassi l'arechje ...

A' prestu.

Ci vole ch'e ti funischi dinù l'ADN o una presa di sangue bastarà?

Eiu ùn sò mancu appena una referenza per st'affari custì chì a mo prima lingua hè u francese, ma ti parlu di ciò ch'aghju sempre intesu ind'è mè, da ghjente cum'è Mamma chì hà amparatu u francese à a scola o cum'è Zia Lalla chì era di 3 (micca 2003 ) chì ùn sapia nè leghje nè scrive è chì strappava appena appena di francese ma senza sapellu parlà o cum'è tant'altri, amichi* o parenti.

Credi puru ch'elli si sprimenu sti lucutori senza alcuna prissione di u scrittu è chì u so dettu hè staccatu di tutta "regula ortografica" mal furmulata è mal capita. U corsu ùn l'anu micca amparatu à 20 anni è à u Palazzu Naziunale
è ci ùn anu mai messu pedi.

Per elli, cum'è per mè:


:cum'è tè, cum'è voi: cunsunale iniziale di u prunome sempre "forte" (o pretta) in tutte e varietà.

:cum'è s'ellu : l'iniziale di a cunghjunzione (sì, s' ...) [s]

: per mè cum'è per tè [p]

: oghje cum'è dumane [d]

: d'aprile cum'è di maghju [d]

ecc.


* Vengu d'avè un amicu di Tallone à u telefonu, 77 anni, pruduttu schiettu di l'uralità è aghju fattu u "test"caldu: incù l'esempii quì sopra : .

dice cusì anch'ellu.

Avà ùn dicu micca ch'ella ùn si possi dì in lu circondu bastiacciu, o ancu in astrò, è tandu a scrittura cume s'ella hè più cà lighjittima ma senza imponela à l'altri chì dicenu [s].

avà mittimu ch'ellu sia un fenomenu novu chì tocchi solu i lucutori nati incù u seculu scorsu ma chì nanzu, vogliu dì à u dicottesimu seculu, i nostri antinati avissinu dettu "cume s'ellu " [z] cambiaria qualcosa?
per mè innò.

avà ci hè dinù un antru affare

quand'omu parla in furia mi pare ch'ella ùn venghi micca troppu male

" 'ume s'ell'era" [z] appena cum'è "Hà dettu" (hà 'ettu)

ma sò forse sott'à "prissione" di u scrittu - di Chiorboli.

avà quand'omu parla stagliatu mi pare d'avè sempre intesu [s]

Circaraghju à tende l'arechja - ch'e lavu bellu spessu - in tantu, falgu à L'Isula à cumprà un pacchettu di cotons-tiges *



*

Pruposta A: tirlu bambace
Pruposta B: custone cutone
Prubosta C:steccu à punte ingutuppate di bambace per stuzzicà l'arechje

"Le doute est le commencement de la sagesse" (Aristote) ...
La procrastination: l'art de remettre au lendemain...

Per avà, lascemu bolle...

Circione a écrit:

* Vengu d'avè un amicu di Tallone à u telefonu, 77 anni, pruduttu schiettu di l'uralità

ma quale serà stu tallunincu ?

tù cumu dici o Ghjallochju?

Circione a écrit:

tù cumu dici o Ghjallochju?

ellu ùn dice micca...mette i smileys

Circione a écrit:

tù cumu dici o Ghjallochju?

dicu cume te (e cume u tallunincu )
per parlà appena seriu metteraghju da parte a quistione di a scrittura : cum'è o cume mi pare una cumplicazione inutile duv'ellu ci n'è à bastanza e ghje per me una discussione di spezialisti (cio ch'un so micca) e cuntinueraghju à scrive (per u pocu ch'o scrivu .. ) "cume" .
duv'e me e mi pare da pertuttu duve aghju parlatu e intesu parlà corsu "cume" era seguitatu da una cunsunale chi un subia micca mutazione (à parte forse nant'à RCFM .. ma custì aghju intesu ancu parlà di "tre onne (donne)" e d'altre chi ci vorebbe à scrive un antologia ). dunque "cume te" (e micca "cume dè" ).
è listessu per "quante" :"quante voi" (pronunziatu "quante boi " e micca "quante woi" infine spergu ch'o mi so fattu accapì )
avà per piglià appena u contra pede di u mio propiu discorsu ci vole quantunque à notà chi ci so e mutazione linguistiche propie à una persona o una famiglia senza ch'ella si possa cunsiderà cume un sbagliu venendu da una gattiva (o tardiva) amparera di u corsu . in paese c'era una vecchja chi pronunziava tutte e cunsunali senza mai mutale : u f (chi un si cambiava micca in "v" , u p ("b") , etc .. e quessa un avia mai parlatu che corsu . m'hanu contu chi a so mamma (ch'un aghju micca cunnisciuta ma chi sicuramente u francese u sapia ancu più pocu)avia u listessu difettu di pronunzia. partendu da st'esempiu (un deve esse statu u solu) un si po nigà chi sti casi esistianu ben ma un ponu micca à mo sensu esse riprisentativi d'una regula , ci vole ghjustu à pigliàli in contu cume eccezzioni.

petra alta a écrit:

Circione a écrit:

tù cumu dici o Ghjallochju?

ellu ùn dice micca...mette i smileys

se tu voli sapè duve i mettu feghja nu a rubricca aìnccu ..