ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  RechercherRechercher  S'enregistrerS'enregistrer  ConnexionConnexion  
Le Deal du moment :
Cartes Pokémon Japon : le display ...
Voir le deal

 

 T'choupi in corsu

Aller en bas 
5 participants
AuteurMessage
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: T'choupi in corsu   T'choupi in corsu EmptyLun 28 Mai - 17:52

Un a sò s'ella vi pò ghjuvà, ma aghju traduttu dipoi a nascita di a mo figliola qualchì storia
di T'choupi. Ogni volta ch'o cumprava un libru, ne facia a traduzzione è a incollava nant'à u testu in
francese. Aghju principiatu quand'ella avia à pocu pressu dui anni.
Forse po ghjuvà per e scole materne. Un hè creazione.
Ci seranu cose da cambià o da adattà à u livellu di i sculari.
Sè v'avete una rimarca soprattuttu nant'à e traduzzione, ùn esitate micca.
Hè capita chì ghjè faciule assai à traduce T'choupi ma s'ellu c'hè una traduzzione chì vi pare troppu
"francese" ditemila, m'aiuterà ancu à mè !

Da leghje cù e figure ben intesu.


Dernière édition par henry smart le Lun 28 Mai - 18:00, édité 1 fois
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyLun 28 Mai - 17:58

T'choupi ùn vole chjinassi

-È s’addurmintò u lupucciu…
Eccu a fine di a storia, T’choupi.
Per tè dinù, hè ora d’andà
à u lettu !

Babbu accumpagna à T’choupi
Ind’a so camera.
-Bona notte, u mo T’choupi !
Ma T’choupi ùn vole stà fermu
ind’u so lettu.
-Ùn vogliu micca dorme !
-Stà ind’u lettu, viderai chì t’hà
da vene u sonnu.

Po s’affacca mamma per basgià à
T’choupi.
-Fà i belli sogni, u mo carucciu.
-Mamma, dicenu chì i lupi
dormenu vicinu à i so cinini.
Hè vera ?
-Ne parleremu dumane, T’choupi.
Avà ti tocca à fà una bella sunnata.
Bona notte !

Hè chjinatu T’choupi.
Babbu è Mamma guardanu a televisione
quandu a porta s’apre.
Qual’hè chì affacca ?
-Mamma, aghju a sete…
Eccu un bichjeru d’acqua, T’choupi.
È avà, à u lettu !
-Mamma, mi poi turnà à accumpagnà ?
Ùn ci a facciu à mette a mo cuverta.

Mamma stracqua à T’choupi è
volta ind’a sala.
Ghjunghje T’choupi à corri corri.
-Aghju una piscia !
-Alè spicciati è dopu torni solu
solu à u lettu !

T’choupi hè turnatu à chjinassi.
Ma chjama :
-Babbu, babbu, babbucciu !
-Chì ci hè torna, hè tardi !
hè ora di dorme.
-Babbu, aghju a paura di u bughju…

- O ciù, avà basta !
Per i zitelli hè a chjinatoghja. Eiu è mamma,
vulemu stà appena tranquilli.
-Per piacè babbu, mi poi cantà una
canzona tinendu mi a manu ?

-Và bè…Ma subitu dopu a canzona,
ci lasci stà !
-Và bè, babbu.
Babbu principia à cantà :
-O ciucciarella, ùn sai quantu
ti adoru, le to bellezze le
to cullane d’oru…

Dopu à una stundetta, mamma ùn
sente più nunda ind’a camera di
T’choupi.
Si serà addurmintatu T’choupi ?
Iè, T’choupi dorme quant’è
un topu cecu…
È chì face babbu ? dorme
ancu ellu !


Dernière édition par henry smart le Lun 28 Mai - 18:05, édité 1 fois
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyLun 28 Mai - 18:04


T'choupi hà a paura di u tonu

Hè eccitatu sta sera T’choupi.
Ne hà una techja Mamma :
- Basta cusì, T’choupi.
Falla finita è finisci u to
piattu.

Alè, T’choupi, hè a chjinatoghja.
Calma ti un pò.
Osinnò dumane, serai stancu.

Ma T’choupi si lagna.
- Ùn vogliu andà à dorme. Ùn aghju
micca u sonnu.
- Alè T’choupi, ti lasciu u lumerellu.
À bona notte !

Flic ! Flac ! Floc !
Fora, piove è ne fala è T’choupi
ùn hè micca rassicuratu.

Tacatac ! Tacatac ! Badaboum !
Si sentenu e tunizate.
T’choupi si tappa l’arechje.
- Chì serà stu rimore ?

- Babbu, mamma, aghju a paura !
Ùn vogliu micca stà solu


Babbu ghjunghje à rassicurà à
T’choupi.
- Aiò, o mo figliolu, ùn hè nunda.
Hè u timpurale. Hè u tonu chè tù
senti.

- Fideghja, T’choupi, sò i lampi
chì lucenu ind’u celu.
- Hè bellu, dice T’choupi.
- Alè T’choupi, torna à u lettu.

- Vedi, T’choupi, ùn c’hè nisuna
ragiò d’esse impauritu.
Alè avà, poi dorme tranquillu.

Badaboum ! Badaboum !
T’choupi stringhje forte forte
u so orsucciu.
- Ùn abbia micca paura, orsucciu
hè solu u tonu chè tù senti.
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyLun 28 Mai - 18:08

T'choupi và nant'à u catinu

- Mì, T’choupi, hè un
catinu per tè. Da chì tù ai
una voglia di fà appena d’acqua
poi piscià nentru.

T’choupi si cala nant’à u catinu
è piscia.
- Bravu u mo T’choupi !
a sai fà cum’è un grande…
Avà, vai è viota u catinu ind’u
cabinettu ?

T’choupi arreca u catinu fendu
casu assai.
- O bà, ai vistu, ùn aghju rivuccatu
nunda !

T’choupi viota u catinu ind’u
cabinettu
- Possu tirà a sciassa d’acqua ?
T’choupi appoghja nant’à u buttone
è …psssh ! si ne và u pisciu.

Appena più tardi, babbu
chjama à T’choupi per ghjucà
ind’u giardinu.
Avanti di sorte, dumanda :
- Ùn ai micca a voglia di piscià
ind’u catinu ?

Si posa T’choupi nant’u catinu :
mancu una goccia !
- A possu tirà quantunque a sciassa
d’acqua, babbu ?
- A prussima volta chì tù averai
a piscia, u mo carucciu.

Ma subitu ch’elli sò fora,
T’choupi strida :
- Babbu, induv’hè u mo catinu ?
aghju una piscia di quelle !

T’choupi corre versu a sala
di bagni, ma u catinu ùn c’hè !
Babbu piglia à T’choupi
apperlamanu.
- A sò induv’ellu ci hè un altru
catinu, ancu megliu !

È babbu mette à pusà à T’choupi
nant’u cabinettu di i maiò.
Bù và bè, ghjè altu !

Hè ancu megliu di piscià cusì !
- A mè, dice T’choupi, ciò chì
mi piace u più, hè di tirà a sciassa
d’acqua…
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyLun 28 Mai - 18:10


T'choupi à u mare

T’choupi ghjunghje à u mare
cù u so babbu è a so mamma.
Dice mamma :
- Tè T’choupi. Tù, pigli u to
stagnone, a to paletta è i to
bracciali.

Aù ! ghjè troppu pisiu per mè !
dice T’choupi. Eiu mi piantu
quì.

T’choupi hè impaziente.
- O bà allora, sì prontu ?
andemu à ciuttà si.
- ghjungu, ghjungu.

Ma hè surpresu T’choupi.
- Uuu ! hè freddu, u mare.
O bà, aspetta mi.

Babbu trascina à T’choupi.
- Alè, veni. Emu da saltà tremidui
ind’è i marosuli.

Innò. Ùn ci vogliu micca andà.
Voltu incù mamma.

O ciù, ùn ti bagni micca ?
- Innò ! hè troppu ghjalata l’acqua,
è po ci sò i marosuli tamanti.

- A mè, mi piace u mo picculu
pozzu.
Babbu vene à circà à T’choupi :
- Alè, o ciù ùn abbia micca paura.
Viderai, ci avemu da campà.

Và bè, ci vò ma orsucciu vene dinù.
- Ùn hè micca pussibule, hà da esse
crosciu intintu.
- Allora, veni tù o mà.

Hop là ! T’choupi salta per sopra
i marosuli.
Tinendu à babbu è à mamma
Apperlamanu, ùn hà manc’appena
paura.
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyLun 28 Mai - 18:12

T'choupi si letica incù u so babbu

- Babbu, vogliu fà a
bissicletta !
- Micca subitu, T’choupi,
prima mi tocca à stallà
‘ssu spurtellu.

- Aiò babbu, vogliu ghjucà
eiu !
- A sò, a sò, T’choupi…Ma
per u mumentu, và è ghjoca
quallà.

T’choupi s’impazienta :
- Ma ùn sò chì fà…
- Dammi una manu allora,
prupone babbu. Tè, arreca
mi sta vituccia, quì !

Ma T’choupi li porghje
a scatula di i ferri.
- Innò, vulia solu una vita,
suspira u babbu. È tù mi
dai a scatula di i ferri.

T’choupi hè ammusciatu
assai.
- Tù, babbu, ùn sai mancu
riparà a mo bissicletta !
- T’choupi, falla finita
osinnò m’aghju mette
in colera…

- Si gattivu, Babbu !
Babbu s’inzerga.
- Sè tù cuntinueghji,
T’choupi, mi n’occupu
più di a to bissicletta !
Alè, vai ti ne !

T’choupi si scanta. Hè
scuntentu.
- Eh bè, dumanderaghju à
mamma : hè più brava chè
tè ! mughja T’choupi à u
so babbu.

T’choupi si posa davanti a
casa. Face u musu :
- Babbu, hè gattivu !
E avà m’annoiu…

A manu à manu, babbu chjama :
- T’choupi, affacati quì,
aghju compiu !
Cuntentu cum’un pichju,
T’choupi corre versu babbu.

Eccu ! dice babbu.
Avà, poi purtà u to orsucciu
dapertuttu cun tè !
A ringraziatti ! sì un tercanu
o bà, u più forte di tutti…
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyLun 28 Mai - 18:15

T'choupi và a u circulu

Caccaru vene à circà à
T’choupi.
- Sì prontu per andà
à u circulu ?
- Ièèè ! E orsucciu
vene incù noi !

Avanti à spettaculu,
Caccaru arreca à T’choupi
à u bestiaru.
- Orsucciu, ai vistu l’elefante ?
È u lione ?
Anc’assai ch’ellu hè chjosu
ind’a so gabbia !

U pagliacciu chjama :
O ghjente, entrite, entrite !
Hà da principià u spettaculu...
- Caccaru, orsucciu, prestu !
Ùn ci vole micca mancà
u principiu.

Caccaru sorte un sacchettu
da a so stacca :
- Tè, T’choupi, t’aghju compru
qualchì biscottu.
- miam...eccu, hè bughju…
principia !


-Fideghja, T’choupi,
u ghjuculadore cù i so
cinque fiacculi…
-Anch’eiu possu ghjuculà !

- Vedi quassù i trapezisti ?
- Caccaru, è s’elli cascanu ?
- Ùn t’inchietà :
c’hè un filettu di sottu
per richjappà li !

- Eccu u dumatore,
T’choupi.
- È u so lione ! Ùn abbia
micca paura, orsucciu, sò quì…

Un pagliacciu s’avvicina di
T’choupi :
- Induve serà passatu u mo
fiore ? Oh là là là là là !
Millu quì ind’a stacca di issu
burlascone !

Ghjè a fine di u spettaculu.
Sciaccamaneghja T’choupi :
Bravi ! bravi ! Evviva
u circulu !

Fora, dumanda u caccaru :
- Cosa hè chì t’hè piaciutu
u più ?
- U pagliacciu chì fecia a magia !...
E hop ! eccu un fiore, caccaru.
Eiu dinù, sò fà a magia !
Revenir en haut Aller en bas
Circione

Circione


Messages : 2212
Date d'inscription : 27/02/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMar 29 Mai - 7:24

à ringraziatti o henry! ghjuvaranu sicuramente!

eiu aghju finitu incù i ciuppì... (ancu di grazia chì ùn ne pudia più risa)
ùn lu possu più pate à Ciuppì, ma u più chì mi stumacava era stu baullone di Oui-oui.


ma u più gran casticu ferma quantunque a seria televizata di i Teletubbies...
:pale:
fughje

_________________
Spunsurizatu  da l'UNESCO
Revenir en haut Aller en bas
u ghjudice

u ghjudice


Messages : 200
Date d'inscription : 26/02/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 0:15

E i barbapapa, induve i lasciate ? Senza parlà di 'ssa catena di televisiò, Piwi...

Zittu zittu, nunda chè di parlanne, mi collanu i narbi.

In tutti i casi, bellu travagliu o Henry, eo facciu più o menu listessu affare, ma ùn inscrivu micca, traduciu leghjendu.
Revenir en haut Aller en bas
Michela

Michela


Messages : 201
Date d'inscription : 08/03/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 8:05

henry smart a écrit:
Un a sò s'ella vi pò ghjuvà, ma aghju traduttu dipoi a nascita di a mo figliola qualchì storia
di T'choupi. Ogni volta ch'o cumprava un libru, ne facia a traduzzione è a incollava nant'à u testu in
francese. Aghju principiatu quand'ella avia à pocu pressu dui anni.
Forse po ghjuvà per e scole materne. Un hè creazione.
Ci seranu cose da cambià o da adattà à u livellu di i sculari.
Sè v'avete una rimarca soprattuttu nant'à e traduzzione, ùn esitate micca.
Hè capita chì ghjè faciule assai à traduce T'choupi ma s'ellu c'hè una traduzzione chì vi pare troppu
"francese" ditemila, m'aiuterà ancu à mè !

Da leghje cù e figure ben intesu.


salutu2 ditone Ièèèèèèèèèèèèèèè!!! mipiace A mo figliola grande era scema di T'choupi!!Avà hè troppu tardi per leghjeli tristu tristu ma mi ghjuverà di sicuru per a scola!À ringraziatti!!! Wink
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 10:54

Circione a écrit:
à ringraziatti o henry! ghjuvaranu sicuramente!

eiu aghju finitu incù i ciuppì... (ancu di grazia chì ùn ne pudia più risa)
ùn lu possu più pate à Ciuppì, ma u più chì mi stumacava era stu baullone di Oui-oui.


ma u più gran casticu ferma quantunque a seria televizata di i Teletubbies...
:pale:
fughje


u più grande casticu sarà sempre l'altra croce di Dora è u so mughju stridente "c'est gagné!!!!!"
Arrggggggggg ogni volta mi vene a voglia di strangulà la.


Fora di què hè un bellu travagliu! A ringrazià vi! ditone
Revenir en haut Aller en bas
Circione

Circione


Messages : 2212
Date d'inscription : 27/02/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 11:24

o sgiò ghjudice, ùn sò mancu appena d'accunsentu incù ciò ch'è vo dite annant'à i Barbapapa.

ma ùn vi lagnate micca perchè sorte di l'infernu televisuale di Tiji per passà à quellu di Piwi, hè digià una bella cosa:

i Teletubbies sò una setta, nè più nè menu, u piigniculone di Oui-oui hè un collabo, Franklin è Petit Potam sò dui baulloni...
hè piriculosa è nuciva Tiji a vi dicu eiu.
:affraid:

_________________
Spunsurizatu  da l'UNESCO
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 11:44

u ghjudice a écrit:
E i barbapapa, induve i lasciate ? Senza parlà di 'ssa catena di televisiò, Piwi...

Zittu zittu, nunda chè di parlanne, mi collanu i narbi.

In tutti i casi, bellu travagliu o Henry, eo facciu più o menu listessu affare, ma ùn inscrivu micca, traduciu leghjendu.

Anch'eiu traducia leghjendu, ma mi so avvistu chi ghjera un casticu per a mo moglia. E Po cusi Ghje sempre a listessa storia , sempre ghjuvativu per memuriza e strutture. E dopu cu u tempu à partesi di a traduzzione fissa scambiu ...
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 11:48

petra alta a écrit:
Circione a écrit:
à ringraziatti o henry! ghjuvaranu sicuramente!

eiu aghju finitu incù i ciuppì... (ancu di grazia chì ùn ne pudia più risa)
ùn lu possu più pate à Ciuppì, ma u più chì mi stumacava era stu baullone di Oui-oui.


ma u più gran casticu ferma quantunque a seria televizata di i Teletubbies...
:pale:
fughje


u più grande casticu sarà sempre l'altra croce di Dora è u so mughju stridente "c'est gagné!!!!!"
Arrggggggggg ogni volta mi vene a voglia di strangulà la.


Fora di què hè un bellu travagliu! A ringrazià vi! ditone


Eiu Dora è hello kitty l'aghju strangulate subitu ! Cusi un c'he prublema ! A mo figliola chjama hello kitty u gattacciu.
In Quant'à Oui Oui ai a ragio circione he un collabo. Un ci entre in casa meia !
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 12:23

À T'choupi li piace l'acqua !

- O mà, m’annoiu, dice T’choupi.
Un sò chì fà. Possu andà fora ?

- Aiò T’choupi, piove è ne fala
fora ! Aspetta una stundetta.
Fà puru un disegnu, nò ?

- Innò, ùn aghju a brama di
disegnà. Vogliu ghjucà fora.
Fà mi u piacè, o mà.

- Và bè, sò d’accunsenta.
Ma fascia ti bè ch’osinnò
ai da esse crosciu intintu.
Metti u to impermeabile.

- Eccu, o mà l’aghju messu !
Mi ne vò.
- Aiò, ùn poi sorte cusì !
Ti si scurdatu di i to botte !

- T’choupi, ai messu u to cappellu
per l’acqua ? dumanda mamma.
- Accidenti, mi ne sò scurdatu !

Ma induve serà stu cappellu ?
Ah eccu lu ! piombu hè tupinu
o allora serà u mo capu chì hè
tamantu.

- Avà sò prontu, o mà !
- Allora, vai puru u mo
carucciu. E sciala ti la bè !

Mì, hè stanciatu !!
Ma hè sempre bagnatu in terra.

Un vole dì, ancu dopu
à l’acquata, ci campemu !!
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 12:26

T'choupi si veste solu solu

- T’choupi, emu da sorte,
t’appronti ? Sò nant’à u lettu
i to panni…
- Innò, micca questi,
oghje mi vogliu veste solu.

- Aghju da piglià a maglietta
cù a stella è e brache ch’ella
m’hà rigalatu minnana.
- Oh là là, T’choupi,
ai messu tuttu sottu sopra !
Avà a to camera hè tutta
à vaccheghju !

- Eccu, l’aghju trove e
mo brache !
- Aspetta, prima ci vole à
mette a culotta !

- Aiò, T’choupi,
micca nant’à u capu !

- Aspetta, t’aghju da aiutà
à imbracatti.
- o Mà, a maglietta, a mettu eiu !

- Sò guasi prontu.
- Bravu, T’choupi,
ma ai messu a maglietta
à l’arrimbersciu…
hè davanti a tichetta !

- Ùn ci la facciu à mette
i scarpi, ùn vene faciule…
M’aiuti torna, o mà ?

- Fideghja, aghju messu i scarpi
di babbu !
- Chì ciocca !

- Mettu ancu u mo berettinu…
- Face troppu caldu, T’choupi !
sè tù voli, poi piglià a to baretta.

- Alè, ci n’andemu…
- O mà, ti sì scurdata di u to
cappellu. Tè, eccu lu !
- Bravu, T’choupi ! ti sì assestatu
cum’un grande è à
mammata l’aiuti bè !
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 12:30

T'choupi face e bestialità

T’choupi ghjoca à ballò
ind’è l’ortu.
- Babbu, feghja cum’è
sò aggalabatu !
Ma…Bim ! u ballò casca
frà i belli fiori di mamma.

Babbu hè assai scuntentu.
- Oh sangue la miseria !
ai sfracicatu tutti i fiori !
Và è ghjoca nentru.

T’choupi entre ind’u scagnu.
- Dimmi, o mà, ti possu aiutà ?
À chì ghjova ‘ssu buttone , quì ?

- T’choupi ai sguassatu tuttu ciò
ch’avia scrittu ! sò assai scuntenta :
và è ghjoca in altrò !

T’choupi colla à vede a so
surelleccia.
- Fanni, discetati !
voli ghjucà cù mè ?

T’choupi si campa a coghja,
ma quandu s’affacca mamma,
o li mughji.
- T’choupi, ch’ai fattu à Fanni ?
Oghje, ùn possu più pate e to
scimità !

Per fassi perdunà, T’choupi mette
à assestà tuttu.
- Alè, e puppatule,
hè ora di u bagnu !

Plouf-plouf ! Babbu sente u rimore
Ind’a salla di bagni.
Hè in zergu da veru !
- T’choupi ! ne aghju una techja !
Alè, fila ! E ch’ùn ti senti più !

Un pocu dopu, mamma cerca à
T’choupi per fà cena.
ma induve serà torna ?
- Si serà calmatu !
si stona u babbu. Quant’à mè
appronta una scimità nova.

In furia, collanu u babbu è
a mamma ind’a camera di
T’choupi, ma…
- Guardate, u bellu disegnu
chì v’aghju fattu !
- Serebbe ora chì tù fussi bravu !
Eccu u T’choupi chì ci piace !
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 12:38

T'choupi hà una surelluccia

T’choupi hè cuntentu cum’un pichju.
Hè nata a so surelluccia.
Cù babbu, sò andati à circa à
mamma è a cinina à l’uspidale.
- Viderai o mà, avemu assestatu
tuttu, dice T’choupi.

- Mamma, aghju fattu un disegnu
per cinina Fanni è babbu l’hà appiccatu
ind’a so camera.
- Cum’è tù sì bravu, T’choupi.
Andemu à vede subbitu.

- Bravu, T’choupi, hè bellissimu
u to disegnu !
- Una carezza, o mà !
- Di sicura, mo T’choupi.
M’ai mancatu, a sai !
Babbu chjina a criatura ind’u lettucciu.

- Hà da dorme torna assai, Fanni ?
Eiu, vogliu ghjucà cun ella.
- Fanni hè sempre chjuculetta,
dice mamma.
Hà bisognu di dorme assai.

Babbu spiega :
- A cinina pienghje,
chì hà a fame.
- Anch’eiu, vogliu manghjà.
E ùn s’incaricheghja nimu
di u mo vesperinu ! si lagna
T’choupi.

- Tè T’choupi, dice mamma,
eccu i to biscotti preferiti !
Vedi ch’ùn mi sò micca scurdata
di tè.
- Piombu! hè ingorda Fanni !
strida T’choupi.
Hà da finisce nanzu à mè.

- Babbu, babbu, pienghje.
Soca averà torna a fame ?
- Innò, hà bisognu d’esse mutata.
M’aiuti ?
- Iscia ! puzza ! dice T’choupi.

- Fanni hà da andà à sciloffu
avà. Li vogli fà un basgiucciu ?
- Iè, ma eiu ùn ci vò à dorme
chì sò maiò !
- Eh, à mumenti serà l’ora di
u chjinà ancu per tè, dice
a mamma.

Ai vistu, Orsucciu,
Hè bella a mo
surelluccia.
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 12:42

T'choupi à u sopramercatu

Hè felice T’choupi.
Li piace à fà a spesa
incù mamma.
- Voli cullà ind’u carrettinu ?
prupone mamma.
- Iè ! m’aghju da campà !
dice T’choupi.

- Innò ! T’choupi,
ùn li pigliemu micca
tutti i pacchetti
di biscotti.
Ne ferma torna in casa.

- O mà, possu falà ?
chere T’choupi.
- Và bè, risponde mamma
ma ùn corri micca ignilocu !

- Eccumi o mà,
sò quì !
- Salute, picculu sgaiuffu.
Induv’eri chjappu ?

- O mà, ai vistu !
Sò i bombò chì mi piacenu
u più, m’aghju da buscà un
pacchettu.
- Un ti scantà, T’choupi !

- Mamma, o mà !
chjama T’choupi.
Ma hè smarita mamma
è T’choupi si sente persu.

S’avvicina una donna :
- o mo chjuculellu
ai persu à mammata,
cumu ti chjami ?
- T’choupi.

A donna di u supramercatu
chjama ind’u microfanu :
- u picculu T’choupi
aspetta a so mamma à l’accolta
di u magazinu.

- Eccu à mamma !
- Ai avutu a paura mo carucciu.
Anch’eiu sò stata impaurita.
A vedi ch’ellu ci vole
à stà sempre affiancu à mè.

- A ti prumettu, o mà d’ùn
falla più.
Tamantu magazinu !
- Picculu sgaiuffu, di i bombò
ùn ti ne si micca scurdati !
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 12:46

T'choupi hà a paura di i cani

Oghje, T’choupi va à u
parcu cù mamma.
- Mì, un cane ! Fideghja,
o mà, un cane !
- Iè, iè, mo carucciu,
ghjè un catellu.

- Vogliu vede u catellu !
- Aiò, chì ci seranu d’altri cani
à u parcu. Ci n’hè sempre
à buzeffu !

Strada facendu, T’choupi
perseguita i culombi.
- Mi campu cù i culombi,
ma eiu, preferiscu i cani.

Un pocu più in là, T’choupi
sculineghja un cane tamantu.
- Un cane ! un cane !
- T’choupi, aspetta !
Fà casu !

Ma quandu s’avvicina T’choupi,
u cane s’affacca à saltichjera.
- Ouaf-ouaf !
- Mamma ! aghju a paura !

L’omu cheta u so cane.
- Un ti ne fà ! Hè giovanu,
hè scimignulitu,
ma hè mansu.
- Sò cani da fà paura quessi !
avà mi vene a trimulella !

Mamma s’avvicina da u cane.
- A vedi ch’ellu hè bravu. Anch’ellu
hè statu impaurita. C’ole à allisciallu
pianu pianu.
Voli pruvà ?
- Nò, eh ! ch’ellu m’hà da sciaccà
un morsu…

Fatta fine, T’choupi avvicina
a manu.
- O mà, fideghja !
u cane trinneca a coda.
- Iè, T’choupi, hè segnu
ch’ellu hè felice chè tù l’allisci.

Avà ùn hà più paura
T’choupi.
- Cumu si chjama ?
- Si chjama Bruscu è hà
trè anni.
- Cum’è mè ! dice T’choupi.

T’choupi si gira voltu
a mamma.
- U ci pigliemu un cane
tamant’à Bruscu in casa
nostra ?
Revenir en haut Aller en bas
henry smart

henry smart


Messages : 31
Date d'inscription : 08/05/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMer 30 Mai - 12:50

T'choupi parte in vacanze

Sò e vacanze !
T’choupi appronta u so saccu.
- Babbu, feghja ! Pigliu u mo
camiò, a mo pistola à acqua, a
mo giraffa…
- T’choupi ! ùn poi purtà tutta
tutta sta robba cù tè ! Ti tuccherà
à lacà carchì ghjoculu quì !

Chjama Mamma.
- T’choupi, sì prontu ?
Aiò, ch’ùn hè l’ora di disegnà :
Ci tocca à parte. !
- Aspetta, ùn ci la facciu à truvà
à orsucciu !

T’choupi ghjunghje à corri corri.
- Ecculu, l’aghju ritrovu !
- Eh ! serebbe ora chè
no ci muvissimu !

T’choupi mette à pusà accant’à a
so surelluccia , Fanni.
- Eiu, a mi mettu solu solu
a mo cinta !
Vroum ! smarra a vittura…

A capu à una stonda, T’choupi
mette à rugnicà.
- O mà, aghju a piscia è a fame !
- Aspetta una stundetta chì à mumenti
ci femu una piantata ! sia paziente !

Fatta fine, babbu si pianta per
manghjà un buccone.
T’choupi hè suddisfattu.
- Miam-miam ! Mi piacenu
i sandwich .
- Ancu Fanni era famita !
dice Babbu

Compiu u spuntinu, mamma
alloca tutta a robba.
- Alè, T’choupi, muvimuci.
Tutti in vittura !
- Innò ! vogliu ghjucà torna un
pocu…vroum-vroum !

Quand’ellu hè in vittura, s’annoia
T’choupi.
- Ghjunghjimu quandu ?
- Da quì à pocu ! dice mamma.
Vulemu fà un ghjocu ? u primu
chì vede una vittura turchina hà vintu…
- Sò eiu ! ne vecu una !

À manu à manu, Fanni
Mette à pienghje.
- Cantali puru una
filastrocca, T’choupi ?
prupone babbu.
- « Calicaloce, dammi una noce… »

Qualchì minutu dopu…
- Eccu u mare, ci simu ! dice babbu
T’choupi hè stunatu.
- Digià ? ma aghju torna u laziu
di cantà…Hè passatu à scappera
‘ssu viaghju !!
Revenir en haut Aller en bas
Michela

Michela


Messages : 201
Date d'inscription : 08/03/2012

T'choupi in corsu Empty
MessageSujet: Re: T'choupi in corsu   T'choupi in corsu EmptyMar 21 Avr - 9:28

http://cartina.free.fr/?T-choupi-faci-l-ortu

http://cartina.free.fr/?T-choupi-va-a-a-scola
Revenir en haut Aller en bas
Contenu sponsorisé





T'choupi in corsu Empty
MessageSujet: Re: T'choupi in corsu   T'choupi in corsu Empty

Revenir en haut Aller en bas
 
T'choupi in corsu
Revenir en haut 
Page 1 sur 1
 Sujets similaires
-
» i numari in corsu
» CAVALLU CORSU
» Facebook in corsu
» E piante in Corsu
» Per un naziunalisimu corsu.

Permission de ce forum:Vous ne pouvez pas répondre aux sujets dans ce forum
ISULA :: Lingua viva :: Scola :: Maestri (e)-
Sauter vers: