Filastrocche (e stagione, u tempu)

L'acqua
Trè candelle acqua
Abri u to paracqua
Manicu à tene
Celu à balene
Paracquo, tettu à tamburu
Piovi, piovi, piovu puru



Soffia u ventu
Passa un nulu grande
U sole si mette à pienghje
Soffia u ventu in i so diti
Vù vù ù ù
U sole si mette à ride


Hè nivatu
Hè nivatu sta notte
In furia e nostre botte
I nostri guanti
A nostra sciarpa di lana, avanti
Ci feremu un barone
Più altu chè San Petrone
È s'ellu ci piglia l'estru
Pallate à u nostru maestru


U ventu
Hè frescu u tempu, brù ù ù
Fisca u ventu, vù ù ù
E si porta i capelli
Di tutti i vechjarelli
Corri corri pè e strette
Apressu à capelli è barette


Ghjennaghju
Ghjennaghju hè u primu
È daretu ùn ci hè nimu
È davanti ci sò
Tutti i mesi à zozò
Chì si ne vanu inseme
da ghjennaghju à dicembre
Chì si ne vanu à spassu
da un capu d'annu à l'astru


Natale
Sta notte hè natale
Ceppu di natale


Capu d'annu
Bon di, bon annu è bon capu d'annu
Pace è salute pè tuttu l'annu


Duie parolle
Duie parolle pè capu d'annu
Pace è salute pè tuttu l'annu
Duie parolle salute è pace
A chì ne vole mille basgi


Culori
À u veranu fiori fiori
À mezu pianu quanti culori!
Bianche, turchine, rosse è gialle
E pratelline è e farfalle!


Tempu
Pè u sgiò ventu
Mancu un pientu

Pè u sgiò tonu
Mancu un sonu

Pè u sgiò fretu
Mancu a punta di u nostru spetu

Pè a signora neve
Un salutu cumu si deve

Pè cumpare veranu
Un pratu sanu

Pè cumare l'estate
Porte è finestre spalancate

I mesi

Dicembri, Ghjinnaghju è Farraghju
Di nevi sò suminati
Marzu, Aprile è Maghju
Di fiori sò parfumati
Ghjunghju, Lugliu è Aostu
Di soli sò bagnati
Sittembri, Uttrovi è Nuvembri
D'uva sò vindimiati


P. Zarzelli

Ventu

Tuttu ottobre
U ventu zitellu
Conta e fronde di u so mantellu
Pè a furesta.
Toccu nuvembre
Parte à fà festa
In mantellu d'oru
U ventu quand'ellu stende u volu.


GHJ. T. Rocchi

Cuccu meiu


Da poi qualchi mese
Muta era la calanca
Sta mane u cuccu ci canta ci canta
Ci canta indè l'aria d'aprile risona
Cusì bellu versu di a so canzona

Cuccu cuccu cuccu meiu
Dimmi l'éta ch'aghju eiu
(bissu)

Ai l'età d'andà à a scola
Bella Mariola bella Mariola
Ai l'età d'andà à a scola
Bella Mariola tù voli amparà


GHJ. T. Rocchi

Soffia u ventu
Passa un nulu grande
U sole si mette à pienghje
Soffia u ventu in i so diti
Vù vù ù ù
U sole si mette à ride

hé perfetta pé i mio trè anni

Dolod'Orezza a écrit:

hé perfetta pé i mio trè anni

sò filastrocche per a scola materna casca ben

A SETTIMANA DI U MICHELAZZU

Luni prumette
Marti si mette
Marcuri s'arresta
Ghjovi face festa
Vennari ùn pò
Sabbatu ùn vole
Dumenica hè vacanza
È sempre face cusì...

(da u talianu "La settimana del fannullone").

à ringrazià ti!

http://casavechja.free.fr/pdfcrdp/tempue_feste_in_poesia_in_lingua_corsa_1988_by_casavecchia.free.fr.pdf

Sperenza a écrit:

http://casavechja.free.fr/pdfcrdp/tempue_feste_in_poesia_in_lingua_corsa_1988_by_casavecchia.free.fr.pdf

bellu  ligame , una  campa  pè i  zitelli