Pruverbii:U tempu chì face:U FRETU,a neve.

« Ghjela da taglià l’alitu. »

« Calore è ghjelu, ùn ponu stà in celu. »

« L’inguernu ùn pò stà in celu. »

« Tempu reiu, omu reiu, ùn ponu stà in celu. » (v. impussibilità)

« Ne fiocca à fiucchera ! »

« Neva à sa più bella. »

« Bianca, bianchina, ghjunghje à l’usciu è po si chjina (a neve). »

« Ciò chì para u freddu para u caldu. »

« Un fritu chì si sicca. »

« Hè un freddu chì cascanu i corbi. »

« Hè un freddu chì cascanu i mucichili. »

« Face un freddu ch’accide. »

« Un frittu da taddà a curata. »

« Un freddu da taglià a curatella. »

« Freddu da cani. » (v. ghjacaru)

« Freddu d’inguernu, divizia d’estate. »

« Cantanu l’anghjuli ! »

« Frescu cum’è un calcagnu di frate. » (v. preti)

« Frescu cum’è u gregale. »

Michela a écrit:

« Bianca, bianchina, ghjunghje à l’usciu è po si chjina (a neve). »

bianchina...hè cusì chì a sentia chjama quandu era chjuca...

Brava o Michela



ci hè dinù un aspetttu pusitivu :

"A neve hè u suvu di a tarra"

Unepochi ch'aghju trovu ind'è u dizziunariu corsu-francese (U Muntese):

1.Diu dà i panni sicondu u frèddu.

2.Nè per frèddu nè per terzane, ùn si sonanu e campane.

3.Ciò chì para u caldu, para u frèddu.

4.Solu e frèddu marzulinu èntrenu in cornu bacinu.

5. Natale indà, frèddu e fame in quantità.

6.Prima di Natale, nè frèddu nè fame.

Lucuzione : Unn é frèddu pé i miò panni : ùn mi garba.

7.Neve marzulina strughje da a sera a a matina.

8.Tutta a nostra vita é nève a u sole.

9.Acqua e nève attempu, bundanza.

10.Ùn si pò pità in a neve ch'ell'ùn si vega.

11.Neve in ghiennaghiu, prepara l'oliaghju.

12.Quand'ell'é piena a casa, omu si pò burlà di a neve in piazza.

******************************************************************

Aghju lasciatu l'ortografia cum'ella era . Mi dumandu s'aghju fattu bè.

2. E terzane : e frebbe.

5. Indà : passatu.

8. A vita passa in furia.

" Tutta a nostra vita hè neve à u sole "

U Tempu a strughje è bell'à spessu hè fatta à stracci!

Sperenza a écrit:

Unepochi ch'aghju trovu ind'è u dizziunariu corsu-francese (U Muntese):

...

2.Nè per frèddu nè per terzane, ùn si sonanu e campane.

3.Ciò chì para u caldu, para u frèddu.

4.Solu e frèddu marzulinu èntrenu in cornu bacinu.

10.Ùn si pò pità in a neve ch'ell'ùn si vega.

Per piacè o Sperenza, chì volènu dì in veru 'ssi pruverbii da tè quì sopra trascritti. Ùn sò sicura di capìsceli bè

Sperenza a écrit:

Tutta a nostra vita é nève a u sole.

ancu per mè questa quì hè à rilevà!