Animali strani

Ùn supportu micca di veda 'ssa rubrica biota.

Allora attaccu eu, cù un sughjettu chì m'hè sempri piaciutu : quissu di l'animali tuntini.

Oghji l'Eterocèfalu, unu spezia di topu chì campa suttitarra, è ch'ùn hà micca pila. In generali, u truvareti in l'Est di l'Africa, quissa par dì ch'ùn hè micca dumani chì vo ni cacciareti unu da u vosciu giardinu.

Nant'à Wikipedia, aghju lettu chì l'Eterocèfalu campa 20 anni in cattività, è dopu mi socu arristatu di leghja l'articulu parchì mi n'infuttiu com'è di l'annu 40. Ma vi prupongu quantunca di scopra sta maravidda di a natura.

È avali sapeti ch'iddi esistini l'animali cussì suzzi.

Ghjà ch'e' ci socu, ni prufittu pà fà biscà à Circionu.

À prupositu d'animali strani, eccu una pescia prestorica ch'aghju presu quist'annu.

I diminsioni ? 42 centimi (minori par raportu à... nò, ùn mi vantaraghju micca) è 530 grammi in fasa di rigimu.

Vera ch'era un pocu magra.

mi faria biscà s'avissi a prova ch'è tù sè tù annant'à a fottò...
è quì mi dispiace ma pò esse n'importa quale... o sguasi*



















* Eiu ùn sò, chì ùn sudu micca cusì per chjappà una pescia mizana di 42 centimi

Cusì quenta quessa :shock: , hè gialla a to pescia, sarà ancu malata sarà!

Ghjuvan Filici a écrit:

Ùn supportu micca di veda 'ssa rubrica biota.

Allora attaccu eu, cù un sughjettu chì m'hè sempri piaciutu : quissu di l'animali tuntini.

Oghji l'Eterocèfalu, unu spezia di topu chì campa suttitarra, è ch'ùn hà micca pila. In generali, u truvareti in l'Est di l'Africa, quissa par dì ch'ùn hè micca dumani chì vo ni cacciareti unu da u vosciu giardinu.

Nant'à Wikipedia, aghju lettu chì l'Eterocèfalu campa 20 anni in cattività, è dopu mi socu arristatu di leghja l'articulu parchì mi n'infuttiu com'è di l'annu 40. Ma vi prupongu quantunca di scopra sta maravidda di a natura.

È avali sapeti ch'iddi esistini l'animali cussì suzzi.

ùn pudiamu sperà una più bella manera di cumincià sta rubrica!
si n'avete d'altre mettite le puru...hè propiu ciò ch'aspettava! ci ne hè una techja di e filangrocche di certi
(o Circione )

Tengu à pricisà quantunque chì isula.forumactif.com hè un situ assai seriu.

Bisogna dunque à ristabilisce certe cose
Ghjuvan Filice si sbaglia in li so missagi.

ùn hè micca a so pescia di 42 centimi chì hè prestorica ma hè ciò ch'ellu chjama (à tortu) l'eterocefalu.

A prova:



s'agisce dunque di u famosu prolagus sardus (Cunigliulu Topu) ch'elli magnavanu i nostri antinati
o piuttostu quelli di Ghjuvan Filice chì l'osse l'anu trove in Araguina Senola ...

dopu avè lettu st'articulu interessantissimu di a Sucetà prestorica francese:





Devu palisà ch'e mi sò sbagliatu anch'eiu, è ancu chì Ghjuvan Filice era più vicinu cà mè da a virità. :oops:


Vengu di virificà di modu più scentificu è ne ghjungu à a cunlusione chì u nostru animalottu ùn era nè un prolagus sardus (topu cunigliu) nè un heterocephalus (topu talpa) ma un Homocephalus

a prova:



prisentu dunque e mo scuse à Ghjuvan Filice

Circione a écrit:

Vengu di virificà di modu più scentificu è ne ghjungu à a cunlusione chì u nostru animalottu ùn era nè un prolagus sardus (topu cunigliu) nè un heterocephalus (topu talpa) ma un Homocephalus

ai fattu ben di dà sta precisione. ùn ci vole micca à lampà n'importa chè senza esse cumplettu è precisu. ghjustamente vulia dì dinù ch'elli anu trovu ùn hè tantu sott'à Cuccuruzzu qualchi ossu di stu specimen è st'elementu quì

Bellu ritornu di i vechji sughjetti !

È di l'oritteroppu, vi ne ricurdiate ?

U vechju scrittu mirvellacciu da mè di u 2009 :

Orsu-Dumenicu Solechjari a écrit:

Eccu una bestia moltu simpatica, ch’aghju scontru durante u mio viaghju in Africa, quandu duviu assicurà una missione moltu sicreta per u contu di u famosu Gruppu Epsilon, per fà cascà un dittattore africanu… ma, in fattu, ùn hè micca quessu u sughjettu oghje.





L’uritteropu, animale riprisentatu nant’à u ritrattu quì (innò ; u ritrattu hè veru, ùn hè micca una minichera fotugrafica, st’animale esiste da veru) s’assumiglia appena à un porcu, certi u chjamanu ancu porcu di terra, ma ùn hè micca un porcu. E so arrechje s’assumiglianu un pocu à quelle d’un sumeru, ma ùn hè micca un sumere. A so codda s’assumiglia assai à quella d’un cangurù, ma ùn hè micca un cangurù.
In fattu, st’animale hè solu l’uritteropu, ùn s’assumiglia veramente à nimu. Certu, ùn hè micca rispunsevule di a so faccia, ma hè quantunque assai goffu. Detta 'ssa cosa, forse podasse pinseria u stessu affare di noi.



Sta bestia si trova in Africa subsahariana, salvu in a furesta densa (è per quessa, a difurestazione seria moltu prufitevule à st’animalacciu).
Cume i suchjadori di sangue, i topi pinnuti, i fandonii è i lernazg, st’animale sorte solu di notte, forse podasse per ùn fàssi micca macagnà nant’à a so faccia da l’altri animali.


Cosa manghjerà una bestia simile ? In fattu, st’animale straniissimu manghja e termite. Di ste piccule bestie chì strughjenu tuttu u legnu d’una vechja casa in pocu tempu, l’uritteropu si ne techja prestu prestu… d’altronde, mi dumandu s’o’n’aghj’a micca da pigliànne unu per mè per u paese, chì costanu troppu cari, i prudutti chimichi contr’à e termite.
In fatti, ùn manghja ch’è insetti, ma infine, riflettite appena… una bestia cusì, a si vede da luntanu… Nè ?





Hè quantunque a pinnucia più bellu maiò ch’è chjucu.
In fattu, s’assumiglia assai à un porcu.
Mi dumandu s’ellu seria bonu u lonzu d’uritteropu.
…
Bon… hè detta… Quandu averaghju finiti a mio missione sicreta in u Pankük (nazione asiatica), è s’è u Gruppu Epsilon ùn mi dà micca troppu prestu una missione nova, m’aghju da cumprà un paghju d’uritteropi per allivàlli.

Mi face piacè stu sugettu

Eccu!

a sapia ch'e l'avia vistu in qualchì locu

s'agisce senza dubitu di u famosu omocefalu d'Agnaronu, ne parlanu in lu numaru 29 di a rivista Stantari:

:affraid:


ci saranu sempre specimens simile in Aragnonu?

Innò, l'anu magnati tutti...

Ghjuvan Filici a écrit:

Ghjà ch'e' ci socu, ni prufittu pà fà biscà à Circionu.

À prupositu d'animali strani, eccu una pescia prestorica ch'aghju presu quist'annu.

I diminsioni ? 42 centimi (minori par raportu à... nò, ùn mi vantaraghju micca) è 530 grammi in fasa di rigimu.

Vera ch'era un pocu magra.

per fà biscà à Circione ci vole à mette piuttostu què
(è ùn sarà micca u solu à biscà ...)

L'ultimu ultimu mi piace monda !

Ruclinonu Solechjari a écrit:

L'ultimu ultimu mi piace monda !

u pesciu?

U ritrattu.

una bella piscata!

n'hà chjappu quattru d'un colpu !

Hè vera chì, di u puntu di vista di u pesciu, hè ellu u vincitore.

Eccu una mamma chì si primureghja di i so ciucci ! ancu di grazia hè una spezia esotica chì stà... nant'à a strada di u Fussatu vicin'à Corti :affraid:

Eiu a trovu u sguardu simpaticu.

Sta volta tengu qualcosa di seriu, aghju trovu una spezia di varmu chì à colpu sicuru hè prestoricu (in più di quessa era in Filitosa ):

È quissi l'ani trovi ultimamenti annant'à Marzu, a pianetta. A NASA dici : "ùn la sapemu micca ciò ch'iddi sò sti furmazioni, ma ùn sò micca animali, infini, ùn la sapemu micca, ma ùn ci voli micca à fantasmà, nò nò, ùn sò micca animali, hè impussibuli..." :shock:

Forse una furmazione geologica specifica. Quale hè chì sà ?