Ci vole quantunque à ritene (per quelli chì ùn si ne sò ancu arvisti)chì quand'ell'hè quistione di minà annant'à i Corsi e voce s'adduniscenu tutte. A viulenza in l'affruntamenti trà sustenitori bastiacci è nizzardi ci sarà stata, quessa ùn la neca nimu, ma viulenza ci n'hè statu ancu di più trà sutenitori d'altre squatre... È saria suspresu di vede interdetti da u ministru di l'internu i sustinitori parigini in Marseglia è viciversa... Senza cascà in un eccessu di vittimizazione, si pò quantunque rimarcà ch'ella casca torna a sintenza annant'à i Corsi. Ma lascemu corre, tantu a sapemu ch'elli ùn ci ponu micca pate.
Eiu ùn daraghju cà un parè annant'à l'aspettu spurtivu:
Annu dopu à Bastia Lens è quelle cacciate di Frédérique Thiriez l'avia ringraziatu perchè mi paria ch'ellu avia datu una mutivazione in più à i Bastiacci, è ch'ellu avia fattu nasce un veru sintimu di sulidarità.
una squadra era nata è a seguita a cunniscimu
Dunque o Federì s'è tù ci leghji
à ringraziatti torna
diciaraghju listessu à u nostru ministru:
à ringraziavvi o sgiò Ministru, u vostru stracciu avarà fattu nasce a rivolta in core à ogni ghjucadore bastiacciu, à ogni sustenitore turchinu è aldillà à a Corsica sana!!!
Casca bè chì dopu à una seria di trè disfatte era ora d'inversà a tindenza in campiunatu
Più cà mai: FORZA BASTIA!!!
Accueil 
