| | Currispundanza puetica |  |
|
|
|
| Auteur | Message |
|---|
Ruclinonu Solechjari
Messages : 518
Date d'inscription : 27/02/2012
Localisation : Casinca
| Sujet: Re: Currispundanza puetica  Jeu 18 Oct - 8:38 | |
| | |
|
 | |
Erbaghju
Messages : 482
Date d'inscription : 29/02/2012
| | Sujet: Re: Currispundanza puetica Lun 22 Oct - 15:00 | |
| | |
|
| | |
Circione
Messages : 2212
Date d'inscription : 27/02/2012
| | Sujet: E stelle di a ripa vintosa, Simone Agostini, Ghjuvan Petru Ristori. Dim 28 Oct - 12:02 | |
| | |
|
| | |
Circione
Messages : 2212
Date d'inscription : 27/02/2012
| | Sujet: Per capu d'annu. Ghjacintu Orsucci, Ghjuvan Petru Ristori. Dim 28 Oct - 12:04 | |
| | |
|
| | |
di sfughjita
Messages : 124
Date d'inscription : 06/03/2012
Localisation : Bastia
| |
| | |
Circione
Messages : 2212
Date d'inscription : 27/02/2012
| | Sujet: L'Infernu ,Culiseu è Natalellu. Mar 6 Nov - 17:01 | |
| | |
|
| | |
Circione
Messages : 2212
Date d'inscription : 27/02/2012
| | Sujet: A pippa, Pincu, L'Orsu d'Orezza, Natalellu di Rusiu. Mar 6 Nov - 17:53 | |
| | |
|
| | |
Erbaghju
Messages : 482
Date d'inscription : 29/02/2012
| |
| | |
Erbaghju
Messages : 482
Date d'inscription : 29/02/2012
| | Sujet: Re: Currispundanza puetica Dim 28 Avr - 21:12 | |
| Par avelli uffertu "Da a ripa ventosa" quandu l'aghju vistu arisera, aghju prumessu à Ghjuvan Petru una risposta di Leandru
Di l'amandulu u fiore
Ùn sò cà duie e stagione
Ma mi piace à st'albore
D'avè in manu u librone
Rigalatu cù u core
Da Ristori u puitone
Di risponde à questu amicu
Sempre a vulia fà
Ma u parlatu di Vicu
Par pudè scrive è cantà
Era calcosa a ti dicu
Prima à ammaistrà
Ch'ellu sia salutatu
Quellu di A Riventosa
Chì u tempu aghju pigliatu
Par risponde à a so improsa
Ma avà sò ingrandatu
È possu impinnà calcosa
Face un paghju d'anni fà
Chì mi cunsigliasti in rima
È di stu fattu o cumpà
Ti portu una grande stima
Chì in Corsu allettu avà
Cane, sumere è bima
Di u mio caru paese
Batte in pettu a ciccona
È ùn si passa un mese
Senza chì a mio parsona
Cù e duie arechje tese
Ùn ascolti a so canzona
Sia di babbu o di mamma
Aghju intesu e canzone
A paghjella è a nanna
Sò state e prima lizzione
Par cunnosce calchì rama
Di a nostra tradizione
Vedi bè chì i to cunsigli
I m'aghju pigliati tutti
È u chjassu chì tù pigli
Duve i versi ùn sò sdrutti
Trà i fiori è i stigli
Hà datu i più belli frutti
Incun una fede eterna
È a to penna sè mossu
Dendu a voce fraterna
Di u pueta in rinforzu
À a me vita muderna
Ma chì t'hà u stintu corsu
Par e future canzone
À a to musa diletta
Sapendu chì u me nome
Poche rime ellu accetta
Li facciu a suggistione
Di fallu rimà cù Filetta
Leandru | |
|
| | |
Erbaghju
Messages : 482
Date d'inscription : 29/02/2012
| | Sujet: Re: Currispundanza puetica Mar 22 Aoû - 10:37 | |
| Eccu ciò ch'aghju mandatu à una manata di pueta à l'entre di u 2017. Ùn sò micca un induvinu L’affare ùn era privistu À un cignale mastinu Arruvillatu da Pristu (<= nome di u me ghjacaru  ) Ci aghju persu u me funinu Nimu di voi ùn l’hà vistu ? Ci sò turnatu à andà Una volta, duie è trè Cù primura di truvà Quellu chì cù gran piacè Parmittia di chjamà È dumandà “ vai bè ?” Incù arte è virtù Mi sò messu à ruspà Aghju cercu tantu è più Duva ellu pudia stà Ma cerca inghjò è insù Si n’hè firmatu quallà S’hè strappatu u me core Aghju pientu è stridatu Eru prontu ancu à more D’avellu abbandunatu Ma ghjuntu in l’uparatore L’aghju prestu rimpiazzatu Stu matiriale cambiatu Sempre a voce si tace Chì u numaru sguassatu Di truvallu ùn sò capace Hè cusì ch’aghju impinnatu Par divvi “salute è pace” A più bella a vi contu Ch’era à u mese di sittembre In a machja cum’è un tontu À flagillammi e membre Branculai lestru è prontu Ma u cignale..... corre sempre !!!! Pace è salute !!! | |
|
| | |
Erbaghju
Messages : 482
Date d'inscription : 29/02/2012
| | Sujet: Re: Currispundanza puetica Mar 22 Aoû - 10:39 | |
| Tittò m'hà rispostu u prima :
Risposta à Stefanu Conca
Chì piacè quessa matina
Di riceve i t’auguri
Scritti cun rima calina
Per gradisce i futturi
Chè t’appii in sta lettarina
I mo voti i più sicuri.
Pregu à tè è à i toi
Un’annata senza uguale
Tanta saluta eppoi
Dui soldi, ch’ùn hè male
Eppo pregu centu annoi
A u pessimu cignale.
Stu cignale sempre corre
Mez’à quella Marignana
Manderaghju un cacciatore
À disturbe a so cuccagna
Per salvà u to onore
Di pettu à quessa macagna.
S’ellu ci vole a ti dicu
Viotu tuttu u canile
Eppo partu o car’ amicu
Appress’u cignale vile.
Li prumetu gran’castigu
Chì ghjè bonu u mo fucile.
In quantu à u teleffonu
A so perdita hè trista
Hè smaritu u so sonu
Attemp’a famosa lista* *(a lista di i numeri)
Quandu u capu* ùn hè bonu *(à ch’ùn hà capu…)
Ci vole l’anche è a vista.
Quandu a sorte si rivolta
Ùn ci vale a furtuna
Sè a to ragione ascolta
Per chì frachja stessi una
Per a to prussima volta
Pensa à metteci una funa.
Torna un pezzu u ti facciu
Dopu ti lagu riflette
Per tè u mio amicacciu
E mo speme ne sò scelte :
Ch’ùn t’accadi st’affaracciu
Per dui’ mille dicessette.
Abbracciu maiò à tè, Sonia è Leandru.
| |
|
| | |
Erbaghju
Messages : 482
Date d'inscription : 29/02/2012
| | Sujet: Re: Currispundanza puetica Mar 22 Aoû - 10:40 | |
| Eppo dopu Ghjuvan Petru Ristori :
CACCIA D'ORU
Mi prisentu da cinghjale :
Sò cruciatu ma mastinu,
Pè mezu porcu nustrale
Pè mezu salvaticinu
Ma l'unicu animale
Chì hà un telefuninu.
L'aghju trovu di ribattu,
In fondu di a spilonca,
È, ben' chellu fussi piattu
Sott' à una ghjemba tronca
Ci scuprii u ritrattu,
D'un certu Stefanu Conca.
Cunnoscu d'ùn bellu pezzu
U furdanu ritrattatu
In stu picculu attrezzu
Cù u quale m'hà ghjustratu.
Da trè anni s'hè avvezzu,
Furtuna ! Hè sgalabatu.
Ormai, grazia à Dìu,
Li facciu perde la faccia,
Da ch'ellu piglia l'abbrìu
Pè a so' solita caccia
Cù tuttu u so' cunvìu
U seguitu à la traccia.
Ùn pò più fà cum'è prima,
Quandu cù a so' antenna,
Pigliava posta, in cima
D'una culminante zenna.
Pensu ancu chì a rima
Ammutulita, chinchenna.
Pè diventà muntagnolu
Ùn basta mutà di pannu.
Perch'un telefunu solu
Possi fà tamantu dannu,
Vogliu porghjeli cunsolu
È dilli bon Capudannu.
Ancu si moltu mi costa
Di fà simili richjeste,
Una tregua l'hè pruposta,
S'ell' ùn ci mette prudeste,
Ch'ellu spachji ogni posta
Pè u tempu di e feste.
E tregue sò benvinute
Ancu si l'odiu tenace
E ci rende mal vivute.
Ma si questa li cunface
Li auguru Salute
S'ellu mi lascia a Pace.
È pè esce di st' intrescu
Secondu i voti mei,
Vogliu dì à 'ssu burlescu,
Cùn ottimi caladei :
U numeru cinghjalescu
Cumencia sempre per sei !!!
| |
|
| | |
Erbaghju
Messages : 482
Date d'inscription : 29/02/2012
| | Sujet: Re: Currispundanza puetica Mar 22 Aoû - 10:47 | |
| - Erbaghju a écrit:
- Tittò m'hà rispostu u prima :
Risposta à Stefanu Conca
Chì piacè quessa matina
Di riceve i t’auguri
Scritti cun rima calina
Per gradisce i futturi
Chè t’appii in sta lettarina
I mo voti i più sicuri.
Pregu à tè è à i toi
Un’annata senza uguale
Tanta saluta eppoi
Dui soldi, ch’ùn hè male
Eppo pregu centu annoi
A u pessimu cignale.
Stu cignale sempre corre
Mez’à quella Marignana
Manderaghju un cacciatore
À disturbe a so cuccagna
Per salvà u to onore
Di pettu à quessa macagna.
S’ellu ci vole a ti dicu
Viotu tuttu u canile
Eppo partu o car’ amicu
Appress’u cignale vile.
Li prumetu gran’castigu
Chì ghjè bonu u mo fucile.
In quantu à u teleffonu
A so perdita hè trista
Hè smaritu u so sonu
Attemp’a famosa lista* *(a lista di i numeri)
Quandu u capu* ùn hè bonu *(à ch’ùn hà capu…)
Ci vole l’anche è a vista.
Quandu a sorte si rivolta
Ùn ci vale a furtuna
Sè a to ragione ascolta
Per chì frachja stessi una
Per a to prussima volta
Pensa à metteci una funa.
Torna un pezzu u ti facciu
Dopu ti lagu riflette
Per tè u mio amicacciu
E mo speme ne sò scelte :
Ch’ùn t’accadi st’affaracciu
Per dui’ mille dicessette.
Abbracciu maiò à tè, Sonia è Leandru.
Dopu aghju rispostu à Tittò è li parlu di tutti quelli ch'avianu ricivutu a me prima puesia : À l’amicu di Tavagna Di mistieru prufissore Cunfermu chì sta macagna Fatta à u cacciadore Di sittembre in Marignana L’aghju campa cù orrore Ma tù mi dai u curagiu È mi sentu andà megliu D’amparà chì u viaghju Sin’à lu paese meiu Sè prontu à fà di ghjinnaghju Dunque ti rispongu anch’eiu U cignale l’ai detta Incù l’aiutu di Diana Dorme sempre in a filetta S’ellu ùn hà leccu a tartana Inde calchì posta stretta Di Balogna, Ota o Piana À quellu cignale corsu Li prumettu tanti affanni Chì prestu à u rinforzu Pristu avarà i to cani È cù tè à u succorsu Ghjà sò pronti i paisani Passendu piglià à Francè Chì ellu sà caccighjà È ùn ti scurdà d’Ancey Hè forte par scucinà Ristori à u me parè S’ellu vene hè par manghjà Pocu cunfidenza aghju In quellu chì conta male Piglialu sempre un viaghju Fendu u to giru stradale Cunfonde trè è un paghju Ellu ùn pò tumbà cignale Sì luntanu hè Bunifaziu Lascia corre eiu mi cansu A possu fà senza straziu Par amparallu innanzu Ch’ellu ùn mi tirga di laziu Annant’à un porcu mansu Tù chì ai par distinu Cum’è casa a machja corsa Avà mi rendi u funinu O ti femu quella mossa È cum’è un assassinu Ti lamparemu in a fossa Erbaghju | |
|
| | |
Contenu sponsorisé
| | Sujet: Re: Currispundanza puetica | |
| |
|
| | |
| | Currispundanza puetica | |
|
? Eiu ùn l'aghju 
.)
