Culletivu Parlemu Corsu

eccu u messagiu di u culletivu:

1. Muscià à 'ssi ziteddi chì ci n'hè d'altri, di i so anni, chì pàrlani corsu!
2. Incuragì i parenti è dà l'asempiu à d'altri!
3. Prumova, una volta di più, u cuncettu d'IMMIRSIONI!




Bella iniziativa à prumove è à sparte!

U 2 d'aprile si tenerà in Corti una serata cù u Culletivu Parlemu Corsu
Coppiu quì l'infurmazione ch'aghju lettu: 8 ori di sera u spittàculu. Rcfm ci sarà à parta da 6 ori è mezu in direttu. À parta da 7 ori si pò manghjà.




dipoi qualchi ghjornu leghju nant'à a tela cumenti ch'ùn riescu micca à capì. A ghjente si lagna di u cuntinutu di sta serata, critichendu a scelta d'una animazione cù DJ.
faraghju rimarcà à ste persone parechje cose:
- elli parlanu quandu u cullettivu agisce...
- l'organizadori anu fattu a scelta di mischjà a tradizione è a mudernità, un cuncertu cù i grandi gruppi corsi è un DJ. certi si ne ridenu di sta situazione? sò stumacati? purtantu ghjè cusì chì si salva una lingua, fendu a leia trà e leve. a lingua corsa ùn ghjova micca solu à parlà di pomi, di mazzeri, di sumeri è di paghjelle. vulete ch'ella sia aduprata da a ghjuventù? mustrate li ch'ella ùn hè micca qualcosa d'oppostu à a mudernità, ch'ella s'adatta à tutte e situazione...
- certi vechji cucchi preferiscenu una veghja à l'usu anticu? a ponu fà. nimu l'impedisce...parleranu trà di elli è si puderanu ripete à buzzeffu chì a lingua si ne more è u populu dinù. sò digià rispunsevuli di stu fattu. sò elli chì anu arrestatu di trasmette a lingua...emu scambiatu di seculu, di millenariu ancu. ci vulerebbe à rende ne si contu...

ci vole à mantene l'usi, à salvà storia, tradizione è testimonii di u nostru passatu. ma ci vole accettà dinù chì a vita hà scambiatu. o chjudimu l'ochji nant'à a realità o l'aprimu è provemu à ghjuvà ci di l'arnesi oghjinchi.

Aghju lettu anch'eiu cummenti cusì...


ma ste parsone chì più di dà lizziò à l'altri ùn sanu micca fà, cumu hè ch'elli a si passinu davanti à u screnu di u so urdinatore a so "veghja nustrale"?

Innò, ma capite, un DJ ùn hè micca nustrale è in più di quessa u tippu si chjama Big Ali , eresia.

Hè poi, cun un DJ, forse veneranu ghjente chì ùn serianu venute per i gruppi corsi, ùn seremu più in trà di noi, vergogna vergogna.

ci vole à chjamà lu Grossu Minutu nant'à l'affissi
sarà più nustrale è farà vene tutti i passiunati di vera cultura


à mè mi pare sopra tuttu chì 20 anni fà à l'università (porca miseria cum'è sò vechja ) e serate studientine si facianu cusì. cuminciavamu spessu cù un gruppu identitariu è finiamu à a cafet di PP1 techji di "the summer is magic... wooo ùùù ooohhhh...This is the rythme of the night oh yeaaaaahh !!!"...avà mi vene a nustalgia