Eccu, sin'à centu ùn ci hè nulla di particulare à dì, di regula si scrivenu i numari da unu à centu in una parolla sola, cum’è in talianu, ma da l'avà quessa ùn hè ancu cudificata bè.
À partesi da centu ci vole à fà casu à un affare :
Si mette « è » da 101 à 119, è torna per 201 à 219, 301 à 319,ecc. centu è unu centu è dui… centu è dicennove
duiecentu è unu, duiecentu è dicennove, ecc.
À partesi da 120, 220, 320, ecc. sin’à 199, 299, 399, ecc. basta à staccà cintunaie è dicene :
duiemila duiemila è unu, ecc. duiemila è centu è unu…
un milione
una miliarda
Citation :
- unu / una - dui / duie - mille
quandu ellu hè multipicatu mille divintarà mila :
- duiemila, tremila, quattrumila, ecc.
- milione/ dui milioni. - miliarda / duie miliarde
L’altri aghjettivi numerali cardinali sò invarievuli .
Un picculu puntu chì ci vularebbe forse à stabilillu bè, hè solu quellu di sapè cum’elli s’appiccianu o innò l’aghjettivi numerali. S’omu si tene à tuttu ciò ch’hè statu scrittu sopra, si diciugliarà digià parechji punti di scrittura. Avaremu dunque : - numari da unu à centu in una parolla sola - centu è mille multiplicati in una parolla sola : Duiecentu, trecentu (quì staccatu daria « trè centu » dunque ùn pò micca andà ), quattrucentu, ecc. Duiemila,tremila, ecc.
unipochi d'esempii:
312 trecentu è dodeci
1414 mille è quattrucentu è quattordeci 1919 mille è novecentu è dicennove 1923 mille è novecentu vintitrè 2012 duiemila è dodeci 2112 duiemila è centu è dodeci 2354 duiemila è trecentu cinquanta quattru.
l’affare chì pudarà pone prublemi sarà forse a scrittura di numari più grandicum'è :
358 409 trecentu cinquantottumila è quattru centu è novembre 712 814 settecentu è dodicimila è ottucentu è quattordeci 900 511 novecentumila è cinquecentu è ondeci
(per mè s’avaria da scrive cusì)
Ma hè rara di scrive in lettare i numari cusì (o allora hè gattivu segnu postu chì di regula quand’omu he custrettu à falla hè per fà un sceccu… )
Dunque vidite a scrittura di i numari ùn hà nulla di cumplessu, hè solu una quistione di logica postu chì si ripete à misura ch'ellu s'avanza ciò chì s'hè fattu nanzu.
S’è vo ùn ci ghjugnite micca nè in corsu ne in francese, tandu dumandate à Krasucki... quellu a vi saparà spiicà megliu cà mè :
Un ultimu puntu (specificu à u corsu mi pare) hè quellu di l'accordu incù 21, 31, 41, ecc.
si diciarà : aghju 51 annu, hà 21 mese, hè statu 21 ghjornu, ecc.
Eccu, Aghju pruvatu à esse sinteticu, ùn sò micca s’aghju fattu u giru. Spergu chì ùn mi sò micca sbagliatu, in casu mai mi ripigliarete.
Erbaghju
Messages : 482 Date d'inscription : 29/02/2012
Sujet: Re: i numari in corsu Lun 17 Sep - 20:33
T'anu ritrovu u to sugettu di u FC?? À quale ai chjamatu??
Stu sugettu farà prò è quellu di i "i" dinò chì spessu ci sò chì facenu i sbagliiiiiii
Dernière édition par Erbaghju le Lun 17 Sep - 20:34, édité 1 fois
Accueil 
)
:
