Eccu una fola di Natale chì piace assai à i sculari.hè un travagliu fattu da cunsiglieri pegagogichi...Per i maestri interessati,aghju a sfruttera...
U rigalu di Babbu Natale
Simu indè l’attellu di Babbu Natale .
Babbu Natale appronta i ghjoculi pè i zitellucci . Ci sò trè nanni chì l’aiutanu.In fine tutti i ghjoculi s`fatti è mesi indè I pachetti pè fà I rigali . Babbu Natale hè cuntentu è si chjina à bon’ora perchè à sà chì dumane ci serà u travagliu !
Simu u 24 di Dicembre.
Babbu Natale s’arrizza , si stinza è mette u so custume rossu .Porta tutti i rigali fora pè empie u trascinu incù l’aiutu di i so nanni.
Una volta fora , si dice mà perchè chì eiu , un aghju micca rigalu ? Mi piacerebbe quantunque avè ancu eiu un ghjoculu pè ghjucammi quandu sò solu . Tandu , cummencia à apre un pachettu .Oh ! un camiò di spenghjifochi ! U trova cusì bellu chì si dice :
-Aghju dà ghjucà incù ellu cinque minute.Pin! Pon! Pin!Pon !Eccu chì Babbu Natale diventa spenghjifocu.
Dopu un altru rigalu , tocca à e puppatule .E pettina è li mette i fiuchetti ind’è i capelli.Pò ,Babbu Nataleapre un terzu rigalu è caccia un trinichellu di à so scatula è u mette nant’u à i ragli.
-Ciù !Ciù !Ciù !
Utrinichellu s’alluntana , fischendu , è d’un colpu , pichja nantu à una buccia di neve !
Oimè !L’accidente !
Babbu Natale si sbilligheghja !Mai un volta s’era campu cusì.
Tandu ,Saetta è Accendita , e duie renne chì tiranu u trascinu, ghjunghjenu à corri corri .Quand’elli vedenu Babbu Natale inghjinochjatu ind’è a neve , à mezu à i rigali tutti imbulighjati, stanu bocca aperta.
Saetta tartagliuleghja :
-Ba...Ba...Babbu Natale ! Spicciati , chì emu da esse in ritardu !
Babbu Natale diventa rossu imbafatu.
Accatasteghja tutti i rigali ind’è u so trascinu ma ùn pò s’impedì di suffià, fighjendu u camiò di i spenghjifochi è dice cusì à Saetta:
-Un rigalu cusì , nimu un lu mi ferà mai à mè.Un hè micca sempre piacevule d’esse Babbu Natale.
Ma , vistu ch’ellu era d’un bon naturale, Babbu Natale ritrova quantunque a so boccarisa.A nuttata sana ,sparte tutti i rigali à i zitelli .
A l’alba , ritorna in d’è a so casa , stancu mortu.Quandu ellu ghjunghje indè à so salla , chì surpresa di vede un rigalone sottu à u so ghjalgu incù scrittu nantu «Bona festa Babbu Natale ! »
Si piglia u pachettu in corpu è apre…..Maraviglia , O chì surpresa !Nentru à u pachettu ,c’hè appuntu u rigalu chì Babbu Natale aspettava...è s’addurmenta abbraccendu u so camiò di spenghjifochi !
[b]Ci sò i sbaglii,per quelli ch'anu u laziu di curegge...Eiu,ùn aghju avutu u tempu...
ECCU E FIURE:
Ne manca duie,e metteraghju più tardi chì ci sò i "bugs"
Accueil 
