U sole entre da e lame fruste di a vechja persiana è mi disceta. Oghje hè a mio ultima ghjurnata, a sò. A vecu chì dorme u spinu contr'à mè, e so cule calde arrimbate à u mio corpu. A mio manu corre longu à u so spinu è corre trà e so anche,u so sessu hè digià crosciu, si lascia fà, allora falgu à beie à a so surgente, a mio lingua s'imbriaca di u so liquore è ella si torce di piacè, mi vole, mi chjama à piglialla subitu subitu, si mette à quattru patte è riceve u mio minchju, li facciu l'amore cum'è mai, li facciu l'amore per l'ultima volta. Quandu avemu gosu tramindui, mi licenziu truvendu per scusa un affare di primura, a basgiu è a lasciu radurmintassi.
A vittura fila ver di a muntagna, quassù à circà appena d'aria pura per l'ultima volta, à circà appena di pace è di serenità. Ghjuntu quassù, nù 'ssa girata induve si scopre a piaghja sana, m'ingargu. Sortu à piscià, è fideghju a piaghja, a mio piaghja, induve aghju battutu da zitellu, 'ssa piaghja ch'aghju lavuratu da l'età di quatordeci anni, 'ssa piaghja induve aghju lasciatu sudore, sangue è salute . 'Ssa piaghja chì m'hà datu à manghjà, 'ssa piaghja d'induv'elli m'anu cacciatu, m'anu sprupriatu per fà a so stradaccia per chì i turisti falghinu più in furia in Portivechju.
E lacrime mi collanu à l'ochji, mi vene u tremu addossu, voltu à a vittura pigliu a ghjacchetta è tornu à fidighjà a piaghja per l'ultima volta. Cacciu a pistola di stacca, a mettu in bocca, cusì compie a mio ultima ghjurnata.
Accueil 
