Sughjuntivu presentu o passatu ?

Hè megliu à dì :

a) Ci vole ch'eo vi dumandi qualcosa.

o

b) Ci vole ch'eo vi dumandessi qualcosa.

Mi pare chì a pruposta a)sìa più ghjustu, ma ùn ne sò più sicura

di sfughjita a écrit:

Hè megliu à dì :

a) Ci vole ch'eo vi dumandi qualcosa.

o

b) Ci vole ch'eo vi dumandessi qualcosa.

Mi pare chì a pruposta a)sìa più ghjustu, ma ùn ne sò più sicura

Di regula:

Ci vole ch'e vi dumandi qualcosa (prisente/prisente)
Ci vulia ch'e vi dumandessi qualcosa

ma i suttanacci dicenu

Ci vole ch'eo vi dumandessi qualcosa

Avà mi vene un'antra dumanda:

"Ùn si sà s'ella hè tisia
O s'ella hè stata a puntura
Marcu l'avia allivatu
Cù l'arte la più futura
Ùn cridia chì la morte
Lu mandassi in sepultura"

(minicale)

Cumu si spieca chì per u più a ghjente dice "lu mandessi in sepultura"?
Avia rimarcatu sta mutazione di a A in E (per i verbii di u prima gruppu) senza sapella spiecà.

Grazie tante o Erbaghju

M'avia fattu listessa rimarca leghjendu, cum'ellu a scrive Santu Casanova :

Vurria chì la me voce
Trapanassi ogni muntagna
Ch'ella jugnissi in Niolu
Risunà pa la Balagna
Ch'ella fracassi lu mare
E le fruntiere di Spagna.

Ma ghjè torna un puetu pumuntincu. Ci vuleria à vede un autore cismuntincu, ma eiu, scritti in corsu, ùn ne aghju tantu...

Ci hè dui affari:
- a mutazione abbastanza classica A/E chì esiste sempre (farina/ferina; pertitu/partitu...) trà pumonte è cismonte. Chivi ùn ci hè prublema.
- Una giniralizazione per i verbi di u prima gruppu ( -à) chì, à l'imparfettu di u sughjuntivu, sò cunghjucati ancu in pumonte (viculacciu) di sta manera (ch'ellu andessi, ch'ellu manghjessi...) quandu si pò sente è leghje ch'ella si dicia altrimente. Perchè?

sidussincu a écrit:

M'avia fattu listessa rimarca leghjendu, cum'ellu a scrive Santu Casanova :

Vurria chì la me voce
Trapanassi ogni muntagna
Ch'ella jugnissi in Niolu
Risunà pa la Balagna
Ch'ella fracassi lu mare
E le fruntiere di Spagna.

Ma ghjè torna un puetu pumuntincu. Ci vuleria à vede un autore cismuntincu, ma eiu, scritti in corsu, ùn ne aghju tantu...

Sta forma in -assi mi pare d'avella letta ind'è u libru di Fusina, Un dulore squisitu. Guarderaghju torna.

Sperenza a écrit:

Sta forma in -assi mi pare d'avella letta ind'è u libru di Fusina, Un dulore squisitu. Guarderaghju torna.

esistianu e duie forme ma mi ricordu chi guasi tutti i vecchji impiecavanu piuttostu "assi" , un mi spiecu miccu perchè chì "essi" avissi pigliatu a suprana (è quellu ch'o impiecu anc'eo ).

Eiu aghju sempre intesu dì, puru da i vecchji, -ESSI...

Sperenza a écrit:

Eiu aghju sempre intesu dì, puru da i vecchji, -ESSI...

micca quì , e aghju cunnisciutu vecchji (infine s'elli eranu campati ) chi avà averebbinu più di centu quarant'anni .. (un ingiovanisce manc'à me st'affare )

Sperenza a écrit:

sidussincu a écrit:

M'avia fattu listessa rimarca leghjendu, cum'ellu a scrive Santu Casanova :

Vurria chì la me voce
Trapanassi ogni muntagna
Ch'ella jugnissi in Niolu
Risunà pa la Balagna
Ch'ella fracassi lu mare
E le fruntiere di Spagna.

Ma ghjè torna un puetu pumuntincu. Ci vuleria à vede un autore cismuntincu, ma eiu, scritti in corsu, ùn ne aghju tantu...

Sta forma in -assi mi pare d'avella letta ind'è u libru di Fusina, Un dulore squisitu. Guarderaghju torna.

"Difatti ci paria ch'elli mutassinu dinù l'omi postu ch'elle cambiavanu e campagne..." (nuvella "A Posta")
Un esempiu à mezu ad altri.