Lingua corsa, lingua viva...

quale hà dettu chì l'omi pulitichi eranu tutti listessi? Bouddha, Confucius, Gandhi, u mo vicinu, a mo caccara?
forse hè una surpresa per certi, ma quelli chì anu capitu a manera di funziunà di a classa pulitica francese ùn si stuneranu micca di l'ultimu schjaffu di François Hollande.
Parechji anni fà era statu Sarkozy, oghje ghjè ellu, dumane sarà un antru.


http://www.eitb.com/fr/infos/politique/detail/958543/langues-regionales--hollande-fera-ratifier-charte-langues/


http://fr.novopress.info/134172/francois-hollande-enterre-la-ratification-de-la-charte-des-langues-regionales/

http://www.corsematin.com/article/ajaccio/la-france-ne-ratifiera-pas-la-charte-des-langues-minoritaires.930183.html

http://www.marianne.net/Langues-regionales-le-dernier-reniement-salutaire-de-Hollande_a227419.html



http://www.apiazzetta.com/A-lingua-francese-campera-_a1519.html




sò niscentre è baulla perchè chì mi dumandu induve si trova u periculu à salvà una lingua...
ma ciò chì mi dirangia u più hè chì i veri rispunsevuli ùn sò micca parigini ma corsi. simu noi è solu noi à avè tralasciatu a nostra lingua. elli ci mettenu solu u "coup de grâce" cum'elli dicenu. si a ghjente si sentia cuncernata è tenia abbastanza cara a so lingua ùn ci sarebbe ne lege ne puliticante per fà la more...

Eiu prisidente...
Eiu Prisidente...
Eiu prisidente...
Eiu Prisidente...
Eiu prisidente...
Eiu Prisidente...
Eiu prisidente...
Eiu Prisidente...
Eiu prisidente...
Eiu Prisidente...
Eiu prisidente...
Eiu Prisidente...
Eiu prisidente...
Eiu Prisidente...
Eiu prisidente...



Un cornu.

A u giurnalistu di Marianne, li pregu ghjustu ch'ella li ghjunga a cacarella in punta, ch'ellu chjappi u filosserà è tutte e malatie di 'ssu mondu.

u ghjudice a écrit:

A u giurnalistu di Marianne, li pregu ghjustu ch'ella li ghjunga a cacarella in punta, ch'ellu chjappi u filosserà è tutte e malatie di 'ssu mondu.

PATELLU!..!L'hai messu u so pane in casa...!

"Eù Prisidente un cornu ! Circione un puntu !

https://isula.forumactif.com/t206-pulitica-strangera

Un articulu di A Piazzetta à leghje dinù dans son jus...
http://www.apiazzetta.com/I-partigiani-di-le-francais-pour-tous_a1547.html
Per mè anu dettu tuttu...
A salutà ciò ch'elli facenu cù u so giurnale per a lingua è per sveglià e cuscenze




"Nanz'à a partita Bastia - Lille, un striscione cupria tutta a lungura di a tribuna Sud di Furiani. Nantu si pudia leghje : "CTC : u 25 d'aprile, state à sente u populu, vutate a cuufficialità per salvà a lingua corsa".

U messagiu s'addirrizza à l'eletti di a CTC chì u 25 d'aprile anu da dibatte di u prugettu di cuufficialità, purtatu da Pierre Ghionga. Nant'à u situ CNI, prevene digià : « Ceux, qui sont contre la coofficialité, sont contre la langue corse ».

Nant'à stu prugettu, s'hè intesu di tuttu : dangereux, discriminatoire... è avemu ancu avutu i nostri indignés (avemu l'indignés chè no meritemu).

Purtantu, in stu prugettu ùn ci hè nunda di chè spaventassi. Jean-Baptiste Luccioni (Corse social démocrate) parla ancu di "révolution de velours" in Corse-Matin.

Nò, l'abitanti di stu paese ùn seranu micca furzati d'amparà u corsu à colpi d'Assimil, ch'elli ùn s'inchietinu.

Ma di siguru, cum'è da per tuttu, ci sò l'accaniti di u "français pour tous".

Una lingua hè in traccia di more ? Chì pò fà ? Elli rispondenu "discrimination". È perchè micca Apartheid postu chè no ci simu ?

Li parlate d'una lingua minacciata, chì ancu l'UNESCO a dice ? Elli risondenu "On ne sauvera pas le corse par la contrainte". Di siguru. Ma hè "par la contrainte" chì a Francia l'hà stirpata.

Ma a pruposta a più rivuluziunaria hè siguramente quella di François Tatti : "Obligation de l'offre, liberté de choix". Detta altrimente vole dì... ùn scambiemu nunda. Postu ch'ella hè a situazione attuale (u corsu hè insignatu in tutti i stabilimenti, ma ùn hè obligatoriu). Eccu cum'ellu si piglia a ghjente per buchje di pomi...

È sapemu dinù chì u sistema attuale ùn marchja più (circa 80% di l'elevi facenu corsu in sesta, si ne perde assai in scola di quarta, è guasi più nunda in liceu), è ch'ellu ci hè bisognu d'andà più luntanu sè no vulemu salvà ciò chì ferma di sta lingua.

"Oui mais c'est pas la cooficialité qui sauvera la langue corse" (bella scusa per ùn fà nunda) rispondenu in ultimu argumentu addisperatu. Nò, quessa a sapemu. Ùn sò micca e stituzioni chì anu da salvà u corsu. Tuccherà à u populu di sceglie s'ellu vole parlà è salvà a so lingua ("rien ne vous empêche de parler" dicenu i sempiterni azezi). Ma dop'à duie centu anni di travagliu accanitu pè stirpalla è disprezzalla, ci vole un "pianu Marshall" pè salvà ciò ch'ellu si pò salvà, chì a situazione hè pessima.

Ci vole à sapè ch'ellu ùn hè micca impussibule ; hè l'esempiu di u gallese chì torna à vince i locutori dop'à una morte assigurata.

Ma per quessa ci vole a vuluntà pulitica. Ci vole à crede dinù chì parlà duie lingue hè una ricchezza, ch'ella hè un'arnese straordinariu d'integrazione di l'altru, è un'apertura reale nant'à u mondu latinu (700 milioni di locutori), è micca una chjusura.

I Corsi ne sò cunvinti (da leghje : 90 % des Corses sont pour le bilinguisme nant'à CNI).

È l'eletti ? Videremu u 25 aprile."

Pudete seguità u dibattitu à l'assemblea nant'à a lingua quì :
http://www.corse.fr/Seance-publique-de-l-Assemblee-de-Corse-des-16-et-17-mai-2013-reprise-des-debats-a-18h_a4075.html

Appughjate dopu nantu à "cliquez ici pour accéder au direct".

à ringrazià ti!
ùn anu ancu finitu? purtantu a decisione hè semplice à piglià!

Iè chì avà anu finitu, anu vutatu una centinaia d'amendamenti è po u testu sanu.
31 voti à prò
0 contru
11 persone ch'ùn anu participatu
4 assenti

vengu di vede chì a cuufficialità hè stata vutata!
ùn mi pare mancu vera quandu pensu à certi discorsi è à certi accaniti!
avà mi dumandu cume stu votu sarà traduttu in u nostru cotidianu...
mi pongu a questione per esempiu à u nivellu di a scola postu chì hè u mo duminiu. cumu s'hà da passà per noi? hà da scambià qualcosa quandu vecu chì u nostru ministru face smarisce l'insignamente di e lingue "regiunale" di i prugrammi...
cumu fà per salvà sta lingua cusì cara ma purtantu in periculu?

petra alta a écrit:

avà mi dumandu cume stu votu sarà traduttu in u nostru cotidianu...

d'appressu à me stu votu hà da diventà un pocu cume quellu tanti anni fà per a ricunniscenza di u populu corsu .. ma bon ci seremu fatti piacè u tempu d'una discussione (se tu sapisse cume mi vorrebbi sbaglià )

Ùn aghju lettu u scrittu sanu (è ùn sò mancu s'ellu si pò truvà in qualchì locu) ma sò statu à sente à i voti è ùn amendamentu vutatu dicia s'o ùn mi sbagliu "e televisiò duveranu ritrasmette almenu 50% di i so prugrami in lingua corsa", un antru dice chì i prufessori d'università puderanu aduprà o u francese o u corsu, feranu cum'elli volenu. À sente i discorsi, pensu chì u fondu di u statutu hè veramente forte.

U peghju hè à vene, ci vulerà à battaglià ma per una volta ci hè statu appena di curagiu puliticu.
Tandu perchè micca appena di curagiu populare.

Ghjallochju a écrit:

ma bon ci seremu fatti piacè u tempu d'una discussione (se tu sapisse cume mi vorrebbi sbaglià )

ciò chì mi face piacè hè di sapè chì stu votu face cacà à certi...per disgrazia mi sò sempre detta chì a salvezza di a nostra lingua hè solu un affare di persone, micca d'istituzione. era à i nostri parenti, à noi à trasmette la è à fà la campà...
emu sceltu referenze, mudelli ch'ùn anu nunda à chì vede cù ciò chì custituisce a nostra cultura. cumu fà avà per fà marchja aretu? cumu fà per fà capisce à a ghjuventù ciò ch'ella pò perde?

Sicondu mè ùn cambiarà nulla per avà. Fin'chì u statu francese è una pochi quì dinù staranu à cavallu à a so santissima custituzione, a lingua corsa starà for'di casa ind'è ella.

Ùn credu micca ch'ellu sia solu un statutu à pudè salvalla ma sò sicuru ch'ellu aiutaria à cambià u sguardu chì parechji anu annant'à ella, puru ind'è i so più arrabbiati difensori...

Una lingua ùn pò campà cà vultata à l'avvene è oghje simu di punta à u periculu di vedela firmassi vultata versu eri per via di a pazzia è a gattiva fede di certi.

L'isula sana hè d'accunsente (è ancu s'ella ùn l'hè, i so eletti anu sceltu per ella) cun stu statutu di cuufficialità è ne simu à aspettà chì Parigi dica di nò. Cum'è s'è un'isula sana ùn pudia sceglie ciò ch'ella vole fà in terra soia à di per ella. Quandu ci pensu, l'affare hè quantunque strasurdinariu.

eiu di Parigi mi n'impippu
ùn scambiarà micca a mo manera di vede a lingua è ciò ch'aghju da fà...

Ùn scambierà mancu a mea ma chì un cunsigliu ch'ùn ci entre per nunda, scegli per noi s'è no emu da pudè parlà in corsu (chì nò ùn hè vera chì in Corsica oghje si pò parlà corsu dapertuttu), hè stumacante.

A nostra lingua ùn face micca cusì paura allora... Ciò ch'o trovu veramente peccatu hè d'essene ghjunti à 'ssi punti : un statutu per "salvà" a lingua corsa ( è salutu u travagliu è u curagiu di Ghionga)... In primu locu tuccava (tocca) à noi à parlàlla, ùn c'impedisce nimu, affissi "il est interdit de parler corse" ùn ci n'hè più...sò piuttostu barriere imaginarie chè no ci mettimu à di per noi troppu spessu :

Es : cun elli ùn parlu micca corsu chì...

- tantu mi risponderanu in francese

- li parlu sempre in francese

- ùn anu micca da capisce

- aghju a vergogna

ecc ecc

I

à u puntu duv'ella è cascata a nostra lingua tuttu cio chi po andà nu u sensu di a so salvezza o per u menu di u so mantenimentu un po esse che una bona nutizia dunque diceraghju "era ora" ...!quantunque una ricunniscenza amministrativa un rimpiazzerà mai una volontà populare chi mi lascia dubbitosu (cum'ella dice Sperenza qual'è chi ci impedisce di parlà corsu tutti i ghjorni e quale sia u locu ? quale è chi impedisce i parenti (e per parecchji chi si volenu militanti ..)d'amparàlu à i zitelli ?), una volta di più ne chjamemu à u statu chi no cumbattimu di vene à soccorsu di e nostre mancanze ..
dopu pigliendu u casu ottimistu chi stu votu trovi un principiu d'applicazione si ponerà a quistione di a perenisazione à longu andà di duie lingue nant'à u listessu picculu territoriu e cu una populazione di menu di 300 000 abitanti (cun quantu locutori per e duie lingue?)sapendu chi ancu cu un statutu uguale u francese averà sempre a suprana tantu à u livellu demografficu che culturale (libri , tv, alti studii ..)e economicu : u prublemu hà da esse dunque quellu d'una scelta pulitica assai più larga .. sopra tuttu chi di poi trenta o quarant'anni femu tuttu per aluntanàcci da u talianu per raggiò ideologiche (e ch'arrangianu ben u statu), à m'avisu di privàcci di sta riferenza storica è un sbagliu maiò (e tengu à precisà ch'un so manc'appena irredentistu !!) , nighemu dui mill'anni d'evoluzione linguistica e lascemu u corsu solu di pettu à u francese nu un raportu inuguale (picculu esempiu di e cunsequenze : tanta ghjente ch'un sanu mancu più accentuà currettamente una casata , nanzu si parlava francese cun l'accentu corsu avà si parla corsu cun l'accentu francese , generalisazione di u "r" pronunziatu di gola à a pinzuta , etc.. ) .
dunque stu votu tantu megliu ma scusate s'o un ballu micca di gioia nant'à u tavulinu ..

un c'è mancu statu bisognu d'aspettà a risposta di u cunsigliu custituzionale chi a sentenza c'è ghjunta direttamente da Valls nu Corse Matin : niet !!!! quandu pensu chi stu meccu durante a campagna interna à u partitu sucialistu per designà u candidatu à a presidenziale era sbarcatu in corsica à parlàcci d'apertura istituzionale e di a so sperienza catalana ..
un è micca una suspresa ma averebbi credutu ch'elli aspetterebbinu a risposta di i "sabbii" per mettesi à cupertu e ghjunghje à u listessu risultatu , omancu cusì ci rispareremu torna sei mesi o un annu di raggionate inutile
e in stu mentre i nostri giovani partenu in aviò in parigi , da crede chi u statu vole ch'ella cuntinueghji ..

sarà u mistieru chì scambia l'omu o allora trovanu tutti i conni di a creazione per occupà si di "l'interiore" è di a Corsica? Sarkozy,Hortefeux, Guéant, Valls...a lista di l'incumpetenti accaniti s'allonga...

un eccezzione : pierre Joxe ma quellu un sonniava micca di diventà presidente , solu di trovàcci soluzioni .. ci vole à dì dinò chi era un antr'epica e nu un quatru assai disferente ..

firmate è fate cunnosce sta petizione...per dì merda à Valls è à tutta a so sterpa...


http://www.petitionpublique.fr/PeticaoVer.aspx?pi=P2013N41002

Tempu nominati ministri di l’armate o di l’interiore s’incalfanu u vestitu stichitu
di u giacobinismu cù l’ochjali di e mule ,è ch’elli si chjaminu Strauss o Brahms
ùn ci sanu appiccicà ch’una Valls o una ‘contredanse’ in francese !

simu guasi à 1000 ...una petizione cum'è questa quì merita di più successu... ci vole à firmà, sparte sin'à à ottene una participazione chì farà cacà cum'ellu ci vole Valls è a so clicca...