Legni è mobuli corsi di P. Alessandri è A. Raclot

Chì l'affari sianu chjari. Un si parla quì di literatura.
Si parla quì d'un libru, in corsu è in francese , chì si vole pedagogicu è à tempu testimunianza d'un sapè fà, chì s'ellu ùn hè per smarì, cunnosce stonde difficiule.

Dopu à una prisentazione di a filiera di u legnu in Corsica, è di i legni lucali, sopr'à tuttu di u castagnu, legnu rè, l'autori ci facenu un listinu detagliatu di u mobulu tradiziunale corsu, cun spiecazioni detagliate è storicu, è parechji ritratti.

I cascioni, e marie, e cummode, scancerie, i letti, tavulini è altri pusatoghjii ùn averanu più secreti per voi.

Tuttu l'interessu di u libru hè riassuntu in l'introitu :

" Vittima d'un cuncunrenza industriale [...]cun mobuli ghjunghjiticci più à bon'pattu chì ùn sentenu di nunda, prudutti d'una sucietà chì tende versu l'uniformisazione di a ghejnte è di a robba ".

A l'ora chì a frenesia di l'immubigliare vince a Corsica sana, è chì da Bastia à Fulelli, crescenu case è casali chì parenu tutti figlioli di listessa mamma, à l'ora chì nentru à 'sse case, da Stockholm à Bunifaziu, s'ammansanu e cucine Mobalpa è i mobuli Ikea, Alessandri è Raclot ci ramentanu chì l'identità è a cultura d'un populu, a diveristà chì face a ricchezza di u mondu duve noi campemu , passa dinù da i so mobuli.

Hè quessa u prublemu : assai ghjente preferisce a faciulità di mobuli senza anima, ch'e a vera qualità di i mobuli veri, chì tenenu una vera persunalità, è tenenu assai più valore.

Pantaleon Alessandri è Abel Raclot sò duie referenze primurdiale cuncernendu u legnu è i mobuli corsi. Facenu o anu fattu un travagliu magnificu, mobuli, porte è d'altre cose propiu rimarchevule. Hè statu una bella idea di fà stu libru, ma devu ricunnosce chì sò stata quantunque dilusa quandu l'aghju avutu in manu. Aspettava di più. Ùn ci aghju micca ritrovu a diversità, u detagliu, l'infurmazione chì m'averebbenu aiutata à capisce megliu ciò ch'aghju in casa meia o in giru à mè. Ci hè tantu à dì nant'à stu sugettu...Ma anu fattu qualcosa, hè digià assai. Anu permessu d'entre in stu mondu magnificu di a storia "intima" corsa. Ùn si pò micca cuntentà à tutti, sopra tuttu croce cume mè


Aldilà di a bellezza di st'opare ci vole à sapè ch'emu un veru prublemu in stu duminiu (quellu di l'ogetti è mobuli di i seculi passati). Smariscenu pianu pianu. I primi rispunsevule simu noi. Nunda à chì vede cù i nostri vechji chì avianu messu da cantu sti vechju cumpagni quandu elli anu scupertu u formicà :affraid: . Ùn emu nunda à dì contr'à stu fattu, ùn emu micca campatu a so vita per sapè quantu ella era difficiule è quantu stu materiale hè statu praticu per elli. Anu fattu ben... Ciò chì mi frastorna di più sò e leve chì anu seguitatu è chì anu mandatu tuttu à u rumenzalaghju senza tene contu di u fattu ch'elle si sbarazzavanu di una parte di a so propia storia...
Ci hè dinù u prublemu di e vendite...Discutendu cù antiquarii aghju amparatu ch'una grande parte di u nostru patrimoniu si ne và in Italia...I talianu compranu tuttu ciò ch'elli trovanu: mobuli, porte, ogetti, stiletti...Mettenu u prezzu è ùn guardanu nunda, nè u statu nè l'origine...
Eccu un antru prublemu...quantu case viutate, cose arrubate in i paesi ancu quandu a ghjente e vole tene è prutege...Certi si sò trovi cume spezialità u "déménagement" senza l'accordu di u pruprietariu...Facenu u giru di i paesi, cercanu e case chjose è dopu...addiu ricordi è mobuli di mammò

O Petra Alta, i vechji ùn anu tutti messu da cantu i mobuli, parechji i barattavanu contr'à mobuli in formica.

Di più, ancu sè parechji mobuli vechji ( sopr'à tuttu quelli in castagnu, perchè chì ùn ci ghjunghje a tignula, micca cum'è u larice, a noce o u chjarasgiu ), sò sempre in bon'statu, ci n'hè quantunque chì sò da cambià.

E hè custì ch'ellu hè u prublema.

Per campà la tutti i ghjorni, a ghjente ùn cumanda guasi più mobuli ind'è i bancalari, perchè chì anu pigliatu l'abitudine d'andà nù i magazini di déco è di cumprà subbitu.
Eppuru quand'elli ti cumandanu un mobulu, hè sempre un mudellu pigliatu annant'à i cataloghi, di 'ssi mobuli muderni, ch'elu si vede in tutte e case di u mondu occidentale.

C'era una vichjetta in paese chì dicia, pichjendu di manu nant'à u so tavulinu, "paspate què, què hè miccà, veru miccà ne ?! Micca faux miccà..."

Sarà ancu un affare di gustu...ùn pudemi micca rimpruverà à a ghjente di preferisce i mobuli muderni è di crede si l'eredi di Le Corbusier o di Philippe Starck
Ma hè vera chì perechji si sbaglianu pensendu truvà megliu in certi magazini "pratichi" senza capisce chì per u listessu prezzu o ancu menu caru anu qualcosa di unicu, di particulare, di bellu ind'è elli cù i vechji mobuli...
Dopu hè vera chì cumandà un mobulu ùn hè tantu semplice...affare di soldi. I sogni, a bellezza, u travagliu si paganu...caru...

petra alta a écrit:

Dopu hè vera chì cumandà un mobulu ùn hè tantu semplice...affare di soldi. I sogni, a bellezza, u travagliu si paganu...cari... :

Ti possu assicurà chì sè tù faci un cumparativu, ùn spenderai forse micca di più fendu lu fà, chè cumprendu lu in certi magazini. ( Un ti parlu micca di conforama )

u ghjudice a écrit:

petra alta a écrit:

Dopu hè vera chì cumandà un mobulu ùn hè tantu semplice...affare di soldi. I sogni, a bellezza, u travagliu si paganu...cari... :

Ti possu assicurà chì sè tù faci un cumparativu, ùn spenderai forse micca di più fendu lu fà, chè cumprendu lu in certi magazini. ( Un ti parlu micca di conforama )

Aiò, falli un devis à 'ssa disgraziata