mi scusu, sò stanca morta, mettu quì ciò ch'aghju dettu nantu à Facebook... d'altronde chì possu dì di più?
Ete fattu bè di mette quì une poche d'opere di Santu Casta.
Sò triste sta sera, eranu dui anni ch'ùn l'avia più vistu, è avà sò perchè...Hà avutu u tempu di scrive a seguita di "u ingallaratu", un librone...ch'ellu mi avia lasciatu leghje prima di a so publicazione, un gran privilegiu!
Un gran nome di a Literatura corsa, ma ùn si ne parlava micca tantu, averia meritatu di più ricunniscenza!
Si dicia ch'ellu era "difficiule à capì" ma ellu rispundia ch'ellu scrivia a lingua ch'ellu avia sempre parlatu!
Circadore appassiunatu da giuvanottu, à un mumentu chì nimu si ne primurava tantu, arrigistrava a ghjente di tutti i rughjoni. Ne ferma un pezzucciu in u so manuale "Lingua viva" ma assai vechji scagnini avianu presu l'acqua in cantina...Era nanzu à a numerizazione.
Era capace à ricunnosce u paese è ancu a famiglia di e volte à e prime infrasate! à un mumentu ne vulia prupone un "ghjocu" à RCFM : seria stata una campa!
Nimu pò illustrà megliu u fattu chì "una bibbiuteca hè brusgiata"
Bella messa oghje à u Domu in Aiacciu, una messa detta in corsu da Antoine Peretti magistrale, cantata da e voce di GMWeber, BAttì Paoli, Micheli Solinas, Olivier Ancey....
Cummuvente.
RISPETTU
Accueil 
