Si n'hè andatu Petru Ghisoni, stu ghjovi u 14 di ghjennaghju , in Bastia, à l'età di 100 anni.
Oramai riposa in pace in u campusantu di u so paese di Santu Petru di Tenda.
Vechju militente naziunalistu, pueta è scrivanu, cunnisciutu per i so scritti in a rivista misinca u Muntese in l’anni 1960 è
u so libru :Quattru petre per un muru , esciutu in u 1994 cù a prefazione d’Antone Acquaviva.
In stu libru , raccolta di i so "Canti Naziunali si ritrovanu puesie naziunaliste o dedicate à i soi , « ramenti » , ricordi di vita è stalvatoghji di Minutu Grossu (Petru Giovanni di i Perelli d’Alisgiani 1715/1801) . è per compie a legenda di u l’orcu, quellu gigante di a preistoria chì campava versu Casta è chì palisò à i pastori u secretu di u brocciu.
Petru Ghisoni era u babbu di u prufessore Dumenicu Ghisoni ch’ avia cuurdunatu u culloquiu in Lione « Ces îles que l’on dit françaises » (libru editatu in 1988 da L’Harmattan) , mortu in u 1989, attempu à a so moglie Isabelle, in un accidente stradale .
Quelli chì l’anu cunnisciutu bè ci contanu ch'ellu alzava sempre a so bandera corsa, quella di u so povaru figliolu, ogni matina, in a so casa di e Ville d Sta listessa bandera chì ghjè stata messa nant'à a so cascia, in umaggiu.
S’hè compia a so vita ma u so ricordu firmerà per sempre.
[/url][/img]
Accueil 
[/img][img]
[/img][img]
[/img]
