Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Puesie di PAUL MATHIEU

Voir le sujet précédent Voir le sujet suivant Aller en bas 
AuteurMessage
Paul Mathieu



Messages : 3
Date d'inscription : 22/10/2012

MessageSujet: Puesie di PAUL MATHIEU   Lun 22 Oct - 13:38

Salute sò nuvellu nant'à issu foru.
Aghju scrittu una canzona pè u mo cane ch'hè mortu. Aspettu e vostre rimarche.

A morte di cintu

O Cintu lu mio cane
Avà ti vogliu chjamà
M'anu amparatu sta mane
Chì ti si fattu avvelenà
Cane cusì fiatu
Ai persu lu to fiatu

Soca avianu l'estru
Di pudè fatti male
Sò fatti di sangue pestu
È di penseru murtale
È Pregu ghjorn'è notte
Ch'elli paghinu a to morte

Animale cusì sinceru
Mai più ne truveraghju
È girà lu mondu interru
Senza sente lu t'abbaghju
Raru ch'ell'era ellu
Hè statu pè mè lu più bellu

Vogliu cullà in muntagna
Quassù per i Perelli
Paese Di la castagna
Induv'elli cantanu l'acelli
À fatti una croce
In simbulu di a to voce

Aiaccinu ere di core
Ma ti si abituatu
È pò t'hè piaciut' à core
Solu pè lu Pratu
À circà la becazza
O lu mio cane Di razza

O signore maladisci
Quellu ch'hà tombu à ellu
Chì tù sai è capisci
La penna d'un zitellu
Ch'hà interratu lu so cane
Di bon'ora sta mane

Finiscu le mio canzone
Ch'ai ritruvatu à Melu
Canu di stintu è di passione
Aghju tenutu lu to pelu
Mi ramentu lu to nichju
Lu t'abbaghju è lu mio fischju

PM Santucci.








Revenir en haut Aller en bas
Voir le profil de l'utilisateur
Paul Mathieu



Messages : 3
Date d'inscription : 22/10/2012

MessageSujet: Puesie di Paul Mathieu   Lun 22 Oct - 13:47

Acqua chì corri...

Surghjente chì corre
Trà mezu à li castagni
Si ne và à more
In fium'Alisgiani
Belli ritratti di nostalgia
Techji di maraviglia

A to surella chì finghje
In quelli muri oscuri
Ci dumand'à tinghje
Quelli sentimenti puri
Di quelle canzone
In la casa di babbone

Acqua ti metti à cantà
Pè le generazione à vene
È pè ùn fà scurdà
Di ciò chì ci hè à mantene
Per rifà di lu fiume corsu
Un idea à l'appossu

È po s'ella ti piace
In un picculu scantu
O s'è tù sì capace
Di fà in un cantu
U nidu di l'amori
O fiume chì corri !











Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Puesie di PAUL MATHIEU   Lun 22 Oct - 16:39

Sia u u benvinutu o Paulu Matteu

hè un piacè d'accoglie ti qui

(merda ùn viaghja più l'alletta annant'à i sarà a mo tastera ch diccunneghja rambo rambo rambo )


noi ci cunniscimu pensu ch'è tù ai induvinatu quale so... (annant'à o dinù rambo rambo )

ti filiciteghju pè a to puesia, hè indu u filu di a tradizione ma quessa ùn mi stona micca da a to parte

forse ci vularia à cambià picculi affari di nulla per via i u coontu di i pedi ma ùn vole dèi

Hè una puesia chi tocca perchè si vede ch'ella hè scritta incù u core è soprattuttu cù u naturale.


Scrivi quant'è tù voli, fà quant'è ch'è tù sia in casa toia
salutu2


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Paul Mathieu



Messages : 3
Date d'inscription : 22/10/2012

MessageSujet: U suspiru Di a lingua corsa   Lun 22 Oct - 17:14

Vulia mette una puesia ch'aghju scrittu 4 anni fà è pò mi so dumandatu a so ch'ella pudia serve ma in reflentendu bè mi so dettu " alè alè metti!"
Dunque hè una canzona chì parla Di a lingua corsa. A la pruvatu d'esse pessimistu tuttu u longu pè pudè finì nant'à una strofa uttimista!



Tù sì surghjente di benestà
dì sapè è di cultura
Tempi fà, ere pè stantà
u pane d'una vita dura
Oghje povera è à l'abandonu
Si ne parla cum'è un donu

Di tè si ne parla cum' un donnu
Chì più nimu ti connosce
oghje si sente lu to stonu
è di la to vita l'angosce
oghje perdimu quell'arte
Chì si pronta à parte

Chì sì pronta à parte
ùn ci hè mancu dubitu
Di lu paradisu le porte aparte
u to mortoriu hè pè subitu
u populu ti pregha salute
ma le boche stanu mute

ma le boche stanu mute
ùn si parla più chè francese
Le to parulle sò partute
È troppu longue sò le stese
pè pudè le ritruvà le
è ricuminccià le paghjelle

Ancu si oghje pè i corsi
Tù ùn ai più impurtenza
li vogliu lampà rimorsi
È tene oghje pè partenza
pè cummincià u to rinnovu
nantu à un mondu novu

Revenir en haut Aller en bas
Voir le profil de l'utilisateur
Ruclinonu Solechjari



Messages : 518
Date d'inscription : 27/02/2012
Localisation : Casinca

MessageSujet: Re: Puesie di PAUL MATHIEU   Lun 22 Oct - 18:25

Bella puesia, tuttu pugnente !
Benvenutu quì o Paulu Mattè.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Erbaghju



Messages : 452
Date d'inscription : 29/02/2012

MessageSujet: Re: Puesie di PAUL MATHIEU   Lun 22 Oct - 19:59

Bona sera o PM, vecu chì u to saccu hè pienu. Sì tù a ti senti di fà un scrittu impostu quì mi farà prò chì eiu ghjè u me slippu chì hè pienu risa
Revenir en haut Aller en bas
Voir le profil de l'utilisateur http://erbaghju.unblog.fr/
Contenu sponsorisé




MessageSujet: Re: Puesie di PAUL MATHIEU   Aujourd'hui à 23:03

Revenir en haut Aller en bas
 
Puesie di PAUL MATHIEU
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Publicité sirop Mathieu au centre-ville de Sherbrooke
» La Jeune Parque, Paul Valéry
» Les 3 mousquetaires de Paul Anderson
» [oeuvre] Le Bossu de Paul Féval
» [Dowswell, Paul] Etranger à Berlin

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: