Scritti imposti

Erbaghju a écrit:

Per u mese di sittembre, vi prupongu un antru scrittu impostu. Cù a struttura chì vi piace, vi tocc'à impinnà una puisia chì t'hà una leia cù un fattu, un locu, un parsunaghju storicu (Corsu o micca)...

PS1: postu chì nimu ùn hà scrittu nulla, u me scrittu impostu di u mese d'aostu u mi mettu inde u slippu

PS2: Tittolu, "Sterling bridge" hè bella, ma cunnisciuta di tutti, ti tocc'à scrive calcosa di novu!

Chì ne pinsate di stu sugettu? U femu o u cambiemu?

ai sempre a piazza inde u slippu?

Sicondu i ghjorni, ùn emu più 20 anni...

Addisperata a écrit:

ci vulerebbe à creà forse un sugettu apposta per cuntinuà à nutrillu : creazione/adattazione di canzone pè i zitelli, o infurmazione nantu à ciò chì esiste

ùn vi scurdate chì u situ di a Cità d'Aiacciu dedicatu à a zitellina hà fattu una bella racolta è chì si pònu ASCULTA' e canzone (micca telecaricalle, questione di diritti)

http://www.parlamicorsu.com/

è in particulare e canzone zitelline : ci hè tuttu ciò chì hè dispunibule (o micca) mi pare... a risorza hè ricca

http://www.parlamicorsu.com/chansons

allora o sgiò è signora amministratori, u creemu issu sugettu?

iè, à cundizione chì Erbaghju ùn vochi micca annant'à u sugettu di i zitelli per vantà u matiriale ch'ellu hà in lu so slippu

Ùn pensu micca chì sia di u ghjennaru d'Erbaghju.

Addisperata a écrit:

Addisperata a écrit:

ci vulerebbe à creà forse un sugettu apposta per cuntinuà à nutrillu : creazione/adattazione di canzone pè i zitelli, o infurmazione nantu à ciò chì esiste

ùn vi scurdate chì u situ di a Cità d'Aiacciu dedicatu à a zitellina hà fattu una bella racolta è chì si pònu ASCULTA' e canzone (micca telecaricalle, questione di diritti)

http://www.parlamicorsu.com/

è in particulare e canzone zitelline : ci hè tuttu ciò chì hè dispunibule (o micca) mi pare... a risorza hè ricca

http://www.parlamicorsu.com/chansons

allora o sgiò è signora amministratori, u creemu issu sugettu?

Pensu, in u sugettu "scola" , ch'ellu ci sia una piazza per dà fiatu à ciò chì tù dumandi... Fideghja emu ancu messu e parolle di u "jungle" di a futura emissione "Canzunetta".

Erbaghju a écrit:

Erbaghju a écrit:

Per u mese di sittembre, vi prupongu un antru scrittu impostu. Cù a struttura chì vi piace, vi tocc'à impinnà una puisia chì t'hà una leia cù un fattu, un locu, un parsunaghju storicu (Corsu o micca)...

PS1: postu chì nimu ùn hà scrittu nulla, u me scrittu impostu di u mese d'aostu u mi mettu inde u slippu

PS2: Tittolu, "Sterling bridge" hè bella, ma cunnisciuta di tutti, ti tocc'à scrive calcosa di novu!

Chì ne pinsate di stu sugettu? U femu o u cambiemu?

Guerrieri di a pace


O guerrieri di a pace
Vi vogliu scrive un cantu
Testimunianza verace
Di un curaghju tamantu
Lodà u vostru fervore
Tanti sforzi di valore
Salutà u vostr’ardore
Sonnii d’un mondu migliore.

Essari strasurdinarii
Di cusì altu pastitu
Altissimi visiunarii
Voi avete capitu
Chì tutte e viulenze
Ùn generanu ch’e male
È chì e belligerenze
Sò à l’umanu fatale.

Gandhi, Luther King, è l’altri
Scunisciuti o famosi
Voi artigiani sgualtri
Di a pace amurosi
Per ell’avete campatu
È spessu fin’à a morte
Per quellu sonniu amatu
Di scambià a nostra sorte.

Riveru i vostri atti
Per tutta a cummunità
Ammiru i vostri fatti
Opere per l’umanità
À precà u bè per tutti
Ancu i vostri nemichi
Da u s’odiu resi brutti
Tale spettri malefichi.

L’omu si crede signore
In ogni situazione
Si vole duminatore
Di tutta a Creazione
Vole sterpà i so pari
Per mustrà a so pudenza
Ma quella ghjente vulgare
Ùn hà ch’e a so arghenza.

Site pocu numarosi
Puru site a sperenza
Di l’umani suspirosi
A più nobile essenza
U sangue ùn lava nunda
Ùn a sapete ch’e troppu
Quandu l’essare s’affunda
In l’infernu di u schjoppu.

A pace hè forza vostra
A vulete stabilisce
Degni in a vostra mostra
Fieri di a perseguisce
A battaglia altruista
Per un mondu più serenu
A lotta idealista
D’un generosu rimenu.

O quantu mi piaceria
D’esse cume voi stessi
A vostra forza vurria
Ch’e sempre perseguitessi
Site per mè un esempiu
Di e bunezze ultime
Per mandàcci à l’ulimpiu
È sò vostre queste rime.

O Ruclì, a sai chì u scopu di i "scritti imposti" hè di crià puisie nove? :suspect:

1. Iè ma eiu ùn mi ne sò micca scurdatu!
2. O Ruclì, fà cum'è mè, quandu ùn impenna nimu per un scrittu impostu, quella chì t'ai scrittu a ti metti ind'è u slippu!

San Martinu, dui scritti di Circione per un sugettu solu!!!

More à vint'anni

Vint'anni ùn anu chè vint'anni
È si ne vanu à more
Cum'è nimu ùn la sà

Vint'anni ùn anu chè vint'anni
Ma li so corte l'ore
À vulelle spiccà

Mai vuleriamu sente
Ch'un figliolu nucente
S'hè persu à ma più
Persu ghjuntu à l'albore chetu
Per avè solu betu
Un bichjeru di più

A vogliu piantà
In fondu di i cori i più bughji
A rabbia di cantà ch'ell'ùn si strughji
A nostra giuventù.

Giuventù chi bolle
À l'idea di corre per istrada
Senza cuntacci ch'ad ogni girata
A morte ci hè dinù.

Zitellu ùn fà cum'è 'su sole
Chi appena pisatu s'empie d'oscurità

Zitellu guarda li to vint'anni
Sò u fiore chi sbuccia è si vole ingrendà

Guarda intornu à tè
Quantu chì ne sò morti à l'età toia
Da mandalla in pezzi quella gioia
Chi face chè tù si
Guarda intornu à té
I to vint'anni falli sempre ride
Di grazia ùn ti ne cuntà bugie
A vita ùn la tradì.

More more more
À vint'anni
Eu dicu 'nò !


Cantata da Eric Mattei...

Penseri è pavura di tutti!

à i NOSTRI!

Per u tempu buggiardu
di a vita arrubata,
or tandu vi mandu un sguardu
una parulla ciatta,
di dulcezza un fiatu
è d'amicizia un trattu.
§

MAÌ PIÙ

Zittu si sà
mutu si stà,
à pena piatta
parulla ciatta.
À caru amicu
nunda li dicu.

Basta u mottu
per tempu rottu.
U dettu strisge
pena ch'ùn dice
ferita sottu
sempre à l'arice.

Per qualle sò
'ste parullette?
Dimmi per ciò
serianu dette
se nimmu inghjò
ùn coglie fette.

Omu infelice
ùn pò fà nice.
Ùn sparte più
chì maì più'ùn dice
Caru sì tù
veni ò Ciù!
§
ciocciu

[list=1][*]

Postu ch'e simu di ghjinnaghju circaremu à piglià ancu noi e risuluzione di capu d'annu...

prupongu dunque un scrittu impostu, storia di scrive è soprattuttu di facci duie rise

u sugettu hè libaru.

l'idea saria di fà e puesie à partesi di canzone cunnisciute chì esistenu digià (iè, a palesu l'aghju chjappa annant'à un antru foru )

a sola regula imposta sarà quessa

Dui per ch'ella sia più faciule :

1 pudete trasfurmà ppena i versi arrubati

2 pudete fà tuttu in rime "arrubate" ma per fà a lega trà parechji versi pudarete ancu mette versi inventati da voi , sti versi inediti ùn francaranu micca i 50 %


per davvi un'idea:

Cursichella svinturata (Pampasgiolu)
A nostra eplica ti pesa (F.Vincenti)
Sè stata culunizata
Ma ùn ti sè ancu resa (circione)
Ma sta tarra ùn hè à vende
Nisunu ci pretende (G.Fusina)


Eccu , à e vostre tastere!!!



ah!
ancu un pocu mi ne scurdava!

st'eserciziu hè UBLICATORIU per Ghjallochju

Circione a écrit:

st'eserciziu hè UBLICATORIU per Ghjallochju

essendu amministratrice aghjusteraghju una regula: o ghjallochju interdizzione cumpletta di piglià l'opere di certi scrivani virtuali chì anu participatu per anticipazione

Quantu tempu avemu per fallu ? Dicu què chì ci hè digià un scrittu impostu in prosa...

ùn la sò ....

vidaremu
ùn simu micca à a scola
ma più ci n'hè è megliu hè...

avà pè u tempu... avete sin'à a fine di u mese?
bastarà?
saria bè di fanne unu ogni mese...

un mese mi pare ben ancu si u meiu in puesia l'aghju quasi finitu
ai dettu chì ci vulia à stampà nò?

ai prestu finitu???? cù e rime è tuttu?

và bè sè TRIMENDA


(ùn l'aghju forse micca pricisata ma ci volenu e rime ben'intesa)

L'emu viste e rime nantu à l'esempiu chè tù ci ai datu.

iè a sò
ma tù sè astuta...

aghju pricisatu per quill'altra...

Circione a écrit:

ai prestu finitu???? cù e rime è tuttu?

và bè sè TRIMENDA


(ùn l'aghju forse micca pricisata ma ci volenu e rime ben'intesa)

cù e rime è tuttu tuttu perchè sò...tremenda

petra alta a écrit:

Circione a écrit:

st'eserciziu hè UBLICATORIU per Ghjallochju

essendu amministratrice aghjusteraghju una regula: o ghjallochju interdizzione cumpletta di piglià l'opere di certi scrivani virtuali chì anu participatu per anticipazione

per a vitualità voli parlà solu di i pueti o ghjustu di a so opera ?