Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Furiani, 24 anni.

Voir le sujet précédent Voir le sujet suivant Aller en bas 
AuteurMessage
Circione



Messages : 2157
Date d'inscription : 27/02/2012

MessageSujet: Furiani, 24 anni.   Jeu 5 Mai - 15:41

À l'eplica m'era sempre militare, infine facia  u mo  serviziu. U 5 di maghju era di guardia, ma m'era arrangiatu incù un giovanu chì ùn  essendu micca  corsu avia  cambiatu  a  so  guardia incù a meia. Ùn  sò più  cum'ella hè  stata ma à l'ultimu mumentu ùn  hè  micca stata pussibule.Si  face  ch'ellu  hè partutu ellu à  a mo piazza incù unipochi  di militari, giovani Corsi pè u più. Eranu in cima à  a tribuna nordu, è  caschedenu tutti.
Certi  funu  feriti bè, ellu dinù... Andate à  sapè ciò  chì si  saria passatu s'e fussi cascatu eiu à a so piazza, ùn  saria forse mancu quì per  cuntavvi sta passata. Ùn m'arricordu mancu più u nome di stu  giuvanottu, ma  ciò  ch'e m'arricordu bè  hè  ch'ellu era nizzardu, è  accanitu per l'OGCN.

Oghje  quandu  ci pensu mi dicu  ch'e li  devu  forse a vita. S'elle ùn  fussinu cirtustanze  tragiche cusì, ci  saria  ancu da ride di st'affare,  rinditevi contu... un Nizzardu.  paura

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
SERRA



Messages : 954
Date d'inscription : 25/02/2012

MessageSujet: Re: Furiani, 24 anni.   Sam 7 Mai - 21:48

un aghju coragiu à imaginà cio chi no  serebbimu  diventati tutti  quì senza stu nizzardu ,  ben  intesu  Isula  Foru   un  serebbe  mai  esistutu e  forse  seriamu avà nant'à  Estricuntrasti tale  anime  perse à  fà a  caccia à u  minimu  francisume (e un  parlu  di i  talianisimi paura ) custretti  à  fà  perifrase  longhe  cume  discorsi  alisgianinchi , à  aghjustà un  "i" à  tutte e  parolle  in  "à" (  e un  parlu  di  l'averbii in  "ente")..  brieffu (cum'ellu  dicerebbe  un  anzianu cumpagnu  di u  foru) ci vorebbe  à  fà una  sottuscrizzione  à  fine  d'alzà una  statula  à  stu  nizzardu  scunnisciutu senza u quale a  nostra  esistenza  un  serebbe  che  bughjura e ghjorni morbidi cheers .
Revenir en haut Aller en bas
Voir le profil de l'utilisateur
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Furiani, 24 anni.   Lun 9 Mai - 22:35

Mi truvava quella sera nantu à a tribuna pruvisoria. Cu a mo surella è u mo babbu eramu nantu à l’ultimu rangu ch’hè cascatu. Mi ricordu
chì u mo babbu venia di ricullà cun buttiglie d’acqua è di Coca, d’a voce d’u spiccore chì si spulmunava à u microfonu per dumandà à a
ghjente di a tribuna Nord di pientà di batte i pedi… eppo ott’ore è vinti, un fracassu. A cascata, corta è interminevule. In dui tempi. Mi sò
vista parte in daretu, mani azziccate à a sedia. Guardava u celu .Chì c’era d’altru da fà for di fissà u celu è aspettà a fine d’a cascatoghja?
Paria ch’ella s’alluntanessi a volta celesta ma a guardava tuttu sapendu ch’ùn avia micca da more ‘quellu ghjornu.
Per tante ragiò.
Perchè ch’ùn era nè u locu nè u mumentu, eramu quì pè u ghjocu è a festa !
Perchè ch’ùn avia chè vint’anni !
Perchè ch’ùn vulia fà pena à a mo mamma !
Innò ! ùn ci vulia micca ch’o murissi !

Fine d’a cascatoghja.Un silenziu.
Po i mughji, i pienti, I lagni, i visi spaventati, e facce insanguinate; un pumpieru s’avvicina. Mi dice: « vous êtes tombée sur tous les
autres. Ils ont amorti le choc ! » è s’alluntaneghja, appressu à i feriti più gravi.
U mo babbu ci accumbraccia, a mo surella è eiu, tuttu pienghjendu. Stanu inseme, eo vò à circà un telefonu (chì tandu i telefunini…) per
privene a mo mamma , cum’è centinaie d’altre persone, in un longu curteghju zittu.

A notte si face nantu à Furiani.

« Era un cinque di maghju in li nostri campà
Era un cinque di maghju, perdunateci o Mà… »
Revenir en haut Aller en bas
Voir le profil de l'utilisateur http://isulana.blogspot.com
Contenu sponsorisé




MessageSujet: Re: Furiani, 24 anni.   Aujourd'hui à 23:02

Revenir en haut Aller en bas
 
Furiani, 24 anni.
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Avis de marché - Collectivité Territoriale de Corse (20A) - restauration générale de la chapelle "Santa Maria Assunta" à Furiani classée au titre des M.H - lot 4 : décors peints
» Furiani Transports (Nice 06)
» Cent'anni, centu mesi... L'integrale.
» C'est l'anni d'Yvain !
» Connaissez-vous Annie Cicatelli ??

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: Attualità :: Sportu-
Sauter vers: