ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
-30%
Le deal à ne pas rater :
Continental Edison Aspirateur balai vapeur 1600W – Blanc
55.99 € 79.99 €
Voir le deal

 

 Lamentu di u banditu Spada

Aller en bas 
5 participants
AuteurMessage
u ghjudice

u ghjudice


Messages : 200
Date d'inscription : 26/02/2012

Lamentu di u banditu Spada Empty
MessageSujet: Lamentu di u banditu Spada   Lamentu di u banditu Spada EmptyMer 21 Mar - 12:26

Di nome Andria
E Spada di casata
Natu in Aiacciu
Di famiglia stimata
Fù lu tredeci di ghjennaghju
Chì ghjurnata ghjastimata

Gavinu hè babbu
Di Sardegna un mudellu
Bastianu Spada
Quessu hè u mio fratellu
Cun i travaglii in furesta
Empiamu case è bursellu

Anna Maria
Hè a mio mammarella
Brava è fattiva
Dolce cum'è un'agnella
Mi dete boni cunsiglii
Ma fatale era a stella

Fù per Rutili
A tortu ammanittatu
Tiraii addossu
Cum'è un'addisperatu
Quandu i giandarmi casconu
Rutili fù liberatu

O quandu in Chiatra
Mi ricordu una sera
Cun Antonelli
Cusì brutta manera
Tiraiamu in una buttega
Sin'à viota a carchera

Un'altra volta
A u Poghju-Mezana
Torna Antonelli
Ma chì cosa strana
Ne fecemu un tal'sterminu
Da fà pienghje a campana

Quandu in Arbori
Mi ferì in un ballu
Ghjuvan Vitu Ricci
Mi purtò à cavallu
E mi currò mesi sani
Cun sapia cumu pacallu

In u mentre vense
A vittura pustale
Cum'è casticu
Un ci pudia esse oguale
Culà truvai l'abissu
A surgente d'ogni male

U più ch'eo mi pentu
Mi ne mordu lu ditu
Hè d'avè tombu
A Ricci Ghjuvan'Vitu
Ellu m'avia salvatu
Eo, ingratu l'aghju traditu

M'avessi tombu
Maria Caviglioli
Quandu di bastone
Mi minò soli à soli
Un averia suminatu
In Corsica tanti doli

Tredeci volti
Sò statu criminale
E tutte scritte
A u grande tribunale
Ne contanu dece morti
E un feritu murtale
Revenir en haut Aller en bas
u ghjudice

u ghjudice


Messages : 200
Date d'inscription : 26/02/2012

Lamentu di u banditu Spada Empty
MessageSujet: Re: Lamentu di u banditu Spada   Lamentu di u banditu Spada EmptyMer 21 Mar - 12:29

Un cunnoscu micca l'autore, è l'aghju scritta di capu, dunque s'elle mancanu e strufate, mettitele puru.
Revenir en haut Aller en bas
salvu ne sia




Messages : 1
Date d'inscription : 18/04/2012

Lamentu di u banditu Spada Empty
MessageSujet: lamentu di romanetti   Lamentu di u banditu Spada EmptyMer 18 Avr - 23:11

Vistu a vostra memoria so persuasu che vo site forse in pussessu mentale di U Lamentu Di Romanetti, babbu u mi cantava quand ell era di stu mondu . Ma mi ne scudatu e mi vene a mente solla sa strufata : quandu Calcatoghju ride, ride tutta la Cinarca . Mi fariate un gran piace se vo pudesite , se voi u cunniscite, publica nantu a stu foru stu lamentu .
Revenir en haut Aller en bas
sidussincu

sidussincu


Messages : 252
Date d'inscription : 14/03/2012

Lamentu di u banditu Spada Empty
MessageSujet: Re: Lamentu di u banditu Spada   Lamentu di u banditu Spada EmptyMer 18 Avr - 23:24

Salute, ci n'hè unu nu u libru di Roccu Multedo, "Muzarettu di a Grossa", publicatu da a Stamperia Sammarcelli. Dà dui lamenti cumposti da Ghjuvan Paulu Codaccioni di Pruprià (chì scrivia nu a Muvra), unu per Muzarettu, è unu per Romanetti. Hè abbastanza longu ssu lamentu, ma ùn vecu micca a strufata amintata. Forse ùn hè micca listessu. U principiu hè cusì :

Sò Romanetti
Banditu rinumatu
Cun ragione
Aghju sempre tumbatu
E nùn si trova impusturi
In tuttu lu me passatu
In qualunque circustanza
Mi sò sempri ben purtatu.

Mettu quì u principiu di qualchì strufata :

Da l'Aiaccini quantu n'era stimatu...

Bravu cun tutti, è senza tradimentu...

Onestamenti, facia li me affari...

Era banditu, ma colmu di rispettu...

Quandu sò ghjuntu, mortu da la furesta...

Di li me atti, ne pudeti stà fieri...

Etc.
Revenir en haut Aller en bas
di sfughjita

di sfughjita


Messages : 124
Date d'inscription : 06/03/2012
Localisation : Bastia

Lamentu di u banditu Spada Empty
MessageSujet: Re: Lamentu di u banditu Spada   Lamentu di u banditu Spada EmptyVen 20 Avr - 9:13

sidussincu a écrit:
Salute, ci n'hè unu nu u libru di Roccu Multedo, "Muzarettu di a Grossa", publicatu da a Stamperia Sammarcelli. Dà dui lamenti cumposti da Ghjuvan Paulu Codaccioni di Pruprià (chì scrivia nu a Muvra), unu per Muzarettu, è unu per Romanetti. Hè abbastanza longu ssu lamentu, ma ùn vecu micca a strufata amintata. Forse ùn hè micca listessu. U principiu hè cusì :

Sò Romanetti
Banditu rinumatu
Cun ragione
Aghju sempre tumbatu
E nùn si trova impusturi
In tuttu lu me passatu
In qualunque circustanza
Mi sò sempri ben purtatu.

Mettu quì u principiu di qualchì strufata :

Da l'Aiaccini quantu n'era stimatu...

Bravu cun tutti, è senza tradimentu...

Onestamenti, facia li me affari...

Era banditu, ma colmu di rispettu...

Quandu sò ghjuntu, mortu da la furesta...

Di li me atti, ne pudeti stà fieri...

Etc.

O Siddussì, per contu meiu hè peccatu d'ùn cupià quì l'intigralità di 'ssu lamentu. tristu Ci hè una ragiò à 'ssa scelta ? scratch
Chì ferma sempre un piace pè a littrice amatore chì sò eiu di scopre testi novi da leghje.
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

Lamentu di u banditu Spada Empty
MessageSujet: Re: Lamentu di u banditu Spada   Lamentu di u banditu Spada EmptyVen 20 Avr - 9:25

Hè bellu di vede ste puesie scritte cun talentu, ma ùn ci vole micca scurdàssi ch'e ne Romanetti ne Spada ùn eranu omi bè.
Revenir en haut Aller en bas
http://appuntamentu-corsu.forums-actifs.net
sidussincu

sidussincu


Messages : 252
Date d'inscription : 14/03/2012

Lamentu di u banditu Spada Empty
MessageSujet: Re: Lamentu di u banditu Spada   Lamentu di u banditu Spada EmptyVen 20 Avr - 21:56

L'avaria messa tutta, ma ciò ch'ammanca hè u tempu !!

Avà sò ghjuntu in Corsica per e vacanze, ma ùn aghju micca pigliatu u libru. D'altronde quessu si trova faciule, micca cum'è certi libri di a Stamperia Sammarcelli chì sò esauriti.
Revenir en haut Aller en bas
Contenu sponsorisé





Lamentu di u banditu Spada Empty
MessageSujet: Re: Lamentu di u banditu Spada   Lamentu di u banditu Spada Empty

Revenir en haut Aller en bas
 
Lamentu di u banditu Spada
Revenir en haut 
Page 1 sur 1
 Sujets similaires
-
» Scritti imposti
» Lamentu di Marinella
» Cuntrastu trà un tribbiu è una sechja
» Lamentu di a Cuchja
» Puesie di Ruclì

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: