Chjama à voi !

Ghjungu cù a barretta in manu
È vi facciu lu rinchjinu
Sò partutu da luntanu
È longu fù u caminu
Ma mi n'andaraghju prestu
S'ellu ùn mi risponde nimu.

!

Alè, mi ne vocu. Bona ghjurnata à tutti.

S'è tù ghjugni scapigliatu
Strignendu a barretta in pettu
Hè chì sè ben'allivatu
È impastatu di rispettu
Eiu mi chjamu Circione
È s'è tù volti t'aspettu

Aghju utu di i guai
Ma avà voltu cù piacere
Ùn pudia più parlà ne
Incavezzatu cum'è sumere
Ùn vi dumandu spiegazione
Quì site vo i patroni ! :silent:

Umbeh ùn m'hà rispostu nimu, sò inchietu, sò inchietu... Chì v'accade o Circiò ?

Ùn purtà micca pinseri
Sì a rima hè tricaticcia
Voli impastughjà sumeri
Senza avè mancu salticcia
Eiu mi chjamu Circione
Benchì sia poca la circia.

Scadutu a écrit:

Umbeh ùn m'hà rispostu nimu, sò inchietu, sò inchietu... Chì v'accade o Circiò ?

Iè, ùn ti tuccà indocu
Noi u saparemu spegne
S'ellu ci'ole u to focu
Cù e nostre rime indegne
Intantu, dalli o pocu
Lampa puru e to legne

o Scadutu à la to chjama
ci vole à risponde calcosa
a mio musa chì s'infiamma
si spanna cusì goiosa
chì nott'è ghjornu ghjè in brama
di puesia è d'improsa

a mio musa oghje si sprime
senza mai fatti affrontu
ribomba per monti è cime
è ti face stu resucontu
dicendu chì per fà rime
Caparrittu hè sempre prontu

eccu quì a mio manera
custì amicu m'arrestu
ciò ch'e ti dicu ghjè vera
chì socu francu è onestu
a Scadù à bona sera
à truvacci à u più prestu

Trè strufate ai cumpostu
E vogliu mette in risaltu
Ma vistu ch'ai rispostu
Spicca puru un antru saltu
Fin'ora stava nascostu
Avà viaghji capaltu...