chjama à Niulinchi !!

hè smaritu Sidussincu
è si stà mutu Circione
u primu girà lu mondu
per buscà duie canzone
l'altru passa e so ghjurnate
per stu Corti in furmazione ...

Caparrittu a écrit:

hè smaritu Sidussincu
è si stà mutu Circione
u primu girà lu mondu
per buscà duie canzone
l'altru passa e so ghjurnate
per stu Corti in furmazione ...

Quì ci'hè più nulinchi che Niulinchi..!

Aghju intesu cù piacè
che tu eri campanaru
sona puru quì ò Francè
stemu tutti zitti à paru
senza musa in appicollu
ne penna per battagliolu !

Ma sintite u vucione
Di l'amicu Caparrittu
Era anch'ellu in furmazione
Ma tandu si stava zittu
Nanzu viaghjava stortu
Avà viaghja dirittu.

à lulù

hè vera sò campanaru
ogni tantu in paese
aghju sunatu o Lulù
ancu lu trè di stu mese
ma quant'à mè Sidussincu
ste campane ùn l'hà intese

aghju sunatu a ciccona
trè chjocchi è ancu quattru
ùn aghju micca l'orgogliu
d'esse un campanaru sgualtru
ma s'è Sidussincu ùn sente
li n'aghju da sunà un altru

ma ancu à Circiunacciu
mi tocca à sunalli un chjoccu
viaghju sempre dirittu
è ùn sortu da u solcu
o ghjente ùn cridite micca
i detti di stu bafolcu*

*cugnome di i lacqualacci

Caparrittu a écrit:

à lulù

hè vera sò campanaru
ogni tantu in paese
aghju sunatu o Lulù
ancu lu trè di stu mese
ma quant'à mè Sidussincu
ste campane ùn l'hà intese

aghju sunatu a ciccona
trè chjocchi è ancu quattru
ùn aghju micca l'orgogliu
d'esse un campanaru sgualtru
ma s'è Sidussincu ùn sente
li n'aghju da sunà un altru

Sona solu per i cristiani
cù i sumeri ch’ùn hanu sete
frusterai tempu è ciccona,
ùn mi cerca piu i pagani
ch’in puesia di poca fede
ùn n’hanu aria ne canzona !

Caparrittu voli fà
Un chjam'è rispondi solu ?
Ai sunatu e campane
E dici ch'eo sò sordu
Forse credi da Petralba
Chì si sentenu in Niolu ?

Vecu u mio nome chì corre
Dipoi una settimana
Credi tù di fammi ghjunghje
A u sonu di a campana
Ampara à teleffunà
S'è tù voli fà una chjama !

Caparrittu a écrit:

ma ancu à Circiunacciu
mi tocca à sunalli un chjoccu
viaghju sempre dirittu
è ùn sortu da u solcu
o ghjente ùn cridite micca
i detti di stu bafolcu*

*cugnome di i lacqualacci

'Ci chì ùn colla in paradisu
Di u sulmere u roncu
À sunà tù sè dicisu
Ma u battagliolu hè troncu
È conta chì Sidussincu
Cum'è una campana hè cioncu

Sidussincu ùn hè cioncu
face arechja di merchente
è ùn sente à dilla franca
chè ciò ch'ellu vole sente
parla di u so teleffonu
ma ellu u spenghje sempre

Ma induve saranu  chjappe
Quelle penne sidussinche
Inquanti à mè si stanu  piatte
O le muse  si sò spinte
S'elle capetanu quì
L'anu da trimà  e schinche

Un mi tremanu e schinche
Nè mi tremanu e mani
Impennu quandu a vogliu
Micca quand'è tù mi chjami
Mi cumandu à di per mè
Un aspettu i capitani.

O circiò e nostre schinche
Ùn tremanu chì sò ferme
Fà a pruvista d'inchjostru
Per intinghje le to penne
Chì per risponde à noi altri
Ai interessu à avenne

Sappia chì corbi cù corbi
Mai ùn si caccianu l'ochji
S'è no ci mittimu in dui
Attenzione ch'è t'ùn scrochji
Chì t'anu da trimà e schinche
I pedi cù li ghjinochji

Ciò ch'è t'ai dettu male
A vogliu ripete megliu
Dui corbi sparghjenu l'ale
Unu hè male è l'altru hè peghju
S'è vo ùn vi cacciate l'ochji
I vi cacciaraghju eiu

Ùn sò più quellu ch'e fui
– Chì nanzu era un lione –
S'è vo vi mittite in dui
Furmà vogliu un battaglione
D'Erbaghju Bob è Tittò
Eiu u vogliu cumpone.

È à mè ùn mi ci metti
Nentru à u to battaglione ?
Soca ancu tù scumetti
Ch'e sia in qualchì tafone
O ch'appia troppu difetti
Per fà u to cumpagnone...

Subitu mi sò arvistu
Da strategu militare
Chì era scrittu "reservistu"
Annantu à u cartulare
Ma ti mandu in prima ligna
S'ellu s'imbrutta l'affare

À furmà un battaglione
Ci vole ch'è tù ci ghjunga
È s'è contr'à mè ùn aghju
Cà Tittò è Bob a spunga
Cù Rapalinu davanti
Tandu ùn risicu più nunda

U battaglione  hè vicinu
È avemu l'avantaghju
Ci hè  Brandon è Rappallinu
Ci hè Tittò è  ci hè l'Erbaghju
Ùn ci pudete luttà
Postu chì ùn  site cà un paghju

State à sente ciò ch'e dicu
O ghjente lascemu corre
Fughje lu nostru nemicu
È trema da u timore
Sentu dì chì Sidussincu
Hè purtatu disertore

Ciò ch'e sentu quì stasera
Sò disertore, siccome !
A lume di a lumera
Rispondu à lu mio nome
Sò puetu di carriera
Ma quantunque ci vole à dorme...

Dormi puru o Sidussì
Fà sogni dolci è ligeri
S'è contr'à noi ùn avemu
Cà quessi cum'è guerrieri
Ti poi stà ancu in lettu
Ùn avarei pinseri

sidussincu a écrit:

Ciò ch'e sentu quì stasera
Sò disertore, siccome !
A lume di a lumera
Rispondu à lu mio nome
Sò puetu di carriera
Ma quantunque ci vole à dorme...

Tù porti fucile  è  saccu
Per parlà di carriera?
Aiò! à  u primu attaccu
Ti piatti indu  a  trincera
Marca male a puesia
Cun tè per portabandera

Caparrittu a écrit:

Dormi puru o Sidussì
Fà sogni dolci è ligeri
S'è contr'à noi ùn avemu
Cà quessi cum'è guerrieri
Ti poi stà ancu in lettu
Ùn avarei pinseri

Stammi à sente  o  Caparrittu
Tù chì  viaghji  capaltu
À u minimu  cunflittu
Sarè bellu  lestru è  sgualtru:
Ti piattarè in la trincera
Ancu tù à u primu assaltu

Eiu ùn sò un bigliaccone
Chì si piatta in lu fossu
Solu contr'à un battaglione
Facciu fronte fin'ch'e possu
Mentre chì da a paura
O Circiò ti faci addossu