chjama à Niulinchi !!

S'è tù chì ti faci addossu
Sì u nimicu s'avvicina
Guarda chì u cannone hè grossu
È manda tuttu in pulvina
Intesu lu primu colpu
Ti ghjugne a scurrintina

L'ai dettu u cannone hè grossu
E guasta a puesia
Duve mittite i pedi
Un vocu ma' ch'ella sia
Nu a trincera a mio penna
Resiste cun curtesia.

Sì a to penna hè curtese
A meia sarà scurretta
Ùn fà micca u venachese
O spezia di stroncheghjetta
Chì quand'omu parte in guerra
Curtesia ùn si n'aspetta

Un facciu lu Vinachese
Chì di Niolu ne sortu
Ne surtaristi ancu tù
O ma cum'è tù sì scortu !
S'ella hè per cantà cusì
A u fronte più un ci voltu.

Ai ancu a pritinsione
Di vulè fà u suldatu
Ma per esse in permissione
Ti faci purtà malatu
È chjami à u succorsu
Caparrittu à u to latu

Caparrittu à u mio latu
Hè un pezzu ch'un lu trovu
Per mè cura un antru fronte
E ne piglia un modu novu
Mi lascia à mezu à e palle
Di l'Acquale o di u Poghju.

A stà cù l'infantaria
Caparrittu nun s'abbassa
È di a to cumpagnia
Saparè chì si ne passa
Ellu hè passatu ufficiale
Tù sè sempre prima classa.

Pigliu tutti li pueti
Un guardu mai u rangu
Ma per fà gattive rime
A u fronte un ne mandu
Ufficiali è generali
Vi lacu u bruttu cummandu.

A sò chì disobidisci
A l'ordini di i gradati
O forse ùn li capisci
Quandu in corsu ùn ti sò dati?
Barda chì centu anni fà
Certi funu fucilati...

Pigliu sempre a pratesa
Eiu di li disgraziati
Ti ne poi stà in altu
A manghjà cù i gradati
Ma per parlacci cusì
Ne site gattivi fiati.

Ch'è  tù mi parli  cusì
N'aghju u mio core afflittu
U solu gradatu  quì
Hè u tinente Caparrittu
Ch'e fussi gradatu eiu
Ti pare ch'avessi scrittu?

Circione a écrit:

Subitu mi sò arvistu
Da strategu militare
Chì era scrittu "reservistu"
Annantu à u cartulare
Ma ti mandu in prima ligna
S'ellu s'imbrutta l'affare

Ma per fà u ginarale
Ci vole ancu u capu à segnu
Disgraziata l'armata
Cù Circione e u so ingegnu
E u semplice suldatu
Sapissi quantu u pienghju...

U meiu u battaglione
Ùn hà nulla d'ufficiale
Pocu impreme u gallone
Ed eiu sò capurale
Sappia chì à u cumbattu
Hè u curagiu chì vale

Avà sì ch'aghju capitu
Scusate o sgiò capurale
Cù lu vostru battaglione
A guerra un andarà male
L'avete furmatu à posta
Per vince à u carnavale.

Ùn ai ancu micca capitu
Chì ùn ci hè mancu battaglione
È ch'elli m'anu traditu
Senza dammi la cagione
Ma mi battaraghju solu
Chì sò un veru lione

Sì lione di cummeria
E un appia pratinsione
Mancu di fatti ingaggià
Nu quelli di Buglione
Sarei bunu macaru
Pè caccighjà u muscone...

Tù sè bonu per Buglione
È cunnoscu i to stanti:
Pigli a banga è u stagnone
È vesti stifali è guanti
Po' ricoti nantu à a pista
I cacati d'elefanti

Unu si crede lione
L'altru riguara a caca
Ùn sò s'ellu hè Buglione
O l'armata chì vi paga
Ma cù voi simu affullati
S'è u nemicu ci fraga

Quale hè chì vulerà leghje
Un cuntrastu cusì bruttu
Forse l'impiite di sulu
Perch'ellu fia lu fruttu
Ma a gattiva sumente
Un darà nunda à u tuttu.

"Bench'e mi trovu sulettu"
Senza lu mio battaglione
Vogliu nant' à u mio carnettu
Scrive e mio intinzione
Di stirpavvi tramindui
Baiunetta à u cannone

Accunciat’ un bellu pattu
ùn circate puzza è guerra,
u mo estru si framette
è da luntanu face l’attu
à i fratelli di lingua è terra
d’ùn marcà cusi u sette !

Pocu impreme qual’hà vintu
puru s’ellu hè per ghjocu
què u tastu gira amaru
è s’aversa à contra stintu
di a storia di u locu
chi li site tutti à paru !

Cumu sarà chì l'ONU
Ci manda un cascu turchinu
Ch'ai da parlà O Lulù
Eiu quì ùn cunnoscu à nimu
È ùn sò u so fratellu
Nemmancu lu so cuginu.

Circione a écrit:

Cumu  sarà  chì l'ONU
Ci manda un cascu turchinu
Ch'ai da parlà O Lulù
Eiu quì ùn  cunnoscu  à nimu
È ùn sò u  so fratellu
Nemmancu  lu  so cuginu.

Di l’Onu ùn sò ‘cascatu’
per mandà murale è pace
è dà Niolu pocu chjamatu
à cambià cio chi li piace,
d’Onolulù ùn sò vultatu
per dirizzà u ‘can'chi ghjace’ !

Ùn vale micca a pena
Ch'è tù fia da paceru
Hè ghjustu per ride appena
C'he mi vestu da guerrieru
Lascia fà fusi à fusai
À ognunu u so mistieru

Circione a écrit:

Ùn vale micca a  pena
Ch'è  tù fia da paceru
Hè  ghjustu per ride appena
C'he mi  vestu da guerrieru
Lascia  fà  fusi à  fusai
À  ognunu u so mistieru  

Circiò hà scrittu :
« Eiu quì ùn cunnoscu à nimu
è ùn sò u so fratellu
ne mancu u so cuginu »

Sì bellu più che suciale
è dai capu à tuttu
ora prò hè, solu per mè
se tu a dici ùn hè per tè
t’impreme a ghente è u casale
chi si propiu un veru scuttu !