Antulugia

Forse ci vogli fà crede
Chì saria propiu lucale
Linguaccie nun si ne trova
Di sicuru à l'Acquale
Voi parlate pulitu
E l'astri parlanu male ?

À Lozzi parlanu bè
Perchè sò bon cristiani
Ma in paese ind'è tè
Si passanu affari strani:
'Ci chì ùn ti ponu più pate
I to propii paisani...

Ancu Julien a m'hà detta
(Ùn pò più pate a to ghigna ):
"Què? hè sempre trà li pedi
Ch'ella li ghjunga la tigna!
Ch'ellu volti à u più prestu
In lu paese di Digna!"

Quessa po mi stunaria
Ellu ùn ti cunnosce mancu
Quant'à mè ùn ai vistu
Tù nè guatrera nè pancu
S'ella mi ghjunghje la tigna
Ch'ellu ti ghjunga lu grancu !

T'ai passatu più d'un mese
Ma senza troppu avè voglia
In brama di puesia
Eu facia a circuglia
Simu ancu cullati in Lozzi
In cerca di ramasuglia...

V’avete passatu un mese
In Sidossi à l’aria fina
ma scorsa ch’ella hè a Santa
è finita la statina
vi scurdate di Niolu
trapughjatu Sant’Arghjina

arisera à l’ostaria
di Napulione Luciani
di Sidossi à tavulinu
ci era ottanta paisani
ùn mancavate chè voi
o mansa di capivani

Abbandunà lu paese
Quessa po mai ch'ella fussi
S'è tù nun ci colli mai
Chè per manghjà ssi cuscussi
Eiu chì vi valgu tutti
Ci stò ancu à denti asciutti.

ci stai ancu à dent'asciutti
quesse sò parolle vane
prova si n'hè ti ne vai
in Digne à vince u to pane
è ùn ci torni chè d'estate
unepoche di simane

Forse nùn ai capitu
Tutta cosa hà una ragione
Nun ci colli o Caparittu
Perchè tù faci u sciumbrone
E ùn sai distifinisce
A scelta è l'ubligazione

tù sè scalatu in sidossi
sò forse dui anni o trè
nanzu ti stavatu in Corscia
s'è tù ti ricordi bè
fà contu ch'eu in paese
ci sò statu più chè tè !!

Ci sì statu più ch'è mè
Ci vole à calculà l'affare
Ma pensu chì à mumenti
Faremu e some pare
E di quellu di a loghja
Nimu ùn tene più mimoria

ùn tenenu più memoria
quessa sì tù chì a dici
quandu collu tutti quanti
di vedemi sò filici
tù cù lu t'incrochju in manu
ti fughje ogni paisanu

Un mi fughje u paisanu
A u cuntrariu s'affacca
E per esse arrigistratu
Pigliaria ancu a so tacca
Ti dispiace è a capiscu
Tù nun poi fà un discu...

ne aghju poca primura
d'u to discu arrigistratu
bisognu ùn c'hè d'apparechji
per salvà u nostru passatu
e parolle di l'antichi
sò stampate in lu mo capu

Voi vantate à Sidossi
Perchè hè u vostru paese
Difindite l'usi corsi
Ùn parlate più francese
Ma quandu tutti sò mossi
Magnate "couscous merguez"

manghjemu couscous merghese
quessa ùn hè micca una burla
passemu stonde curtese
à chì canta è à chì zurla
sarà megliu ch'à l'Acquale
chì à manghjà ùn ci hè nulla

Sò stampate in lu to capu
Ma in chì statu hè u locu ?
Ci correrà lu pastizzu
Per ricusà lu ricordu
Di ssi suveniri quì
Eiu nun mi fidu troppu.

Caparrittu a écrit:

manghjemu couscous merghese
quessa ùn hè micca una burla
passemu stonde curtese
à chì canta è à chì zurla
sarà megliu ch'à l'Acquale
chì à manghjà ùn ci hè nulla

di u mio paese la storia
a ti contu senza pene
sappia bè ch'a mio memoria
d'ogni puntu si n'invene
invece tù arrigistri
ch'ùn si capace à ritene

U prima di fame crepa
Mi face ghjugne a stizza
L'altru m'arreca la frebba
Cù u so capu chì s'arrizza
Andatevine à L'Acquale
Ci magnarete a pizza

Ritenghi cum'una spunga
E ssa spunga eu ùn la pigliu
Lasci scappà tante cose
Ch'ai u ciarbellu à ciarnigliu
Un vogli paragunà
U sente è l'arrigistrà ?

Tù arrigistri à Curscinchi
Senza avelli mancu chersu
Eppo' dopu à Sidussinchi
Ma quelli ùn anu versu
S'è tù ùn arrigistri à mè
O amicu hè tempu persu

Lozzi paese di cuccagna
fonte di a puesia
à u pede di a muntagna
cù lu so merru Acquaviva
ma pizza ùn si ne magna
ch'ùn ci avete pizzeria

Mancu beieremu vinu
In paese di l'Acquale
Un ch'hè mancu restaurant
In veru si manghja male
E quellu chì ghjunghje à Lozzi
N'hè à runzicà i tozzi...

Avà e mio rime intrecciu
È e mani mi strufingu
Unu hè troppu casarecciu
È quill'altru hè casalingu
Ùn site mai cullati
Sinamente à u campingu?