Peretti Anton Marcu "Pincu"

Pincu sò , Pincu seraghju
Pincu à u Forte , Pincu à u Cateraghju
È sin ch'averaghju un schincu
Sempre mi chjameraghju Pincu

O Ghjallochju, ùn ai nulla tù di u to paisanu?

quì vicinu un aghju che una , è quella ch'ellu avia fattu stampà per l'inogurazione di u munimentu à i morti in 23 e un presenta tant'interessu . feraghju capu prestu per fàvvine leghje qualchi una ..

À ringraziatti!

(i sai mette i ritratti omancu? )

Circione a écrit:

À ringraziatti!

(i sai mette i ritratti omancu? )

:oops: nant'à l'ordì so un veru bracci mozzu e mancu a mi sentu di ricopià tuttu à a manu ...
u megliu serà ancu ch'o e ti mandi , aghju ancu quella intera e sana di u zu'ndria , bella disferente di se duie srufate conne cantate dapertuttu ..

Bravu o Galluchjò!



mettu quì e puesie di Pincu ch'è tù m'ai mandatu:















À ringraziatti!

aghju una vecchja fottò (è vera ch'avia poche scenze d'esse nova :oops: )di Pincu e U Strampalatu inseme , quandu l'averaghju nant'à l'ordi a ti lamperaghju ..

Ghjallochju a écrit:

aghju una vecchja fottò (è vera ch'avia poche scenze d'esse nova :oops: )di Pincu e U Strampalatu inseme , quandu l'averaghju nant'à l'ordi a ti lamperaghju ..

Era u to paesanu, o Ghjallò ? (cume a pensa Circione)

Ruclinonu Solechjari a écrit:

Era u to paesanu, o Ghjallò ? (cume a pensa Circione)

inde Circione un sà chi mondu ..

Iè ?

IN PIANELLU
per l'elezzione di u tre di maghju mille nove centu vinti cinque

quest'annu u tre di maghju
fu per noi pienu di fiori
hanu tosu e pecurelle
e so fieri i pastori
e poi vinsenu a lotta
i nostri cari elettori

o chi orsi scatinati
chi so quelli di u mere
ch'un connscenu altru nunda
tutti quanti che u dovere
di sustene u so sciancu
è tuttu u so piacere

s'o circassi di sapè
qual'è u più sinceru
perderebbi u mio tempu
a vi dicu propiu in veru
tutti quanti so devoti
unu piu che l'altru è fieru

ch'ellu evviva carlu griggi
e u figliolu ghjuliu santu
e ricciardi don luisu
cu i dui figlioli accantu
tragone e carlu matteo
e paoli anghjulu santu

questu è megliu cunniscitu
da tutta quanta a ghjente
cume capu di squadrone
paoli u cummandante
un omu pienu di gloria
bon amicu e bon parente

eviva i fratelli andrei
e po eviva i tre peretti
ancu que fecenu contu
à u spogliu di i buglietti
porteranu cume l'altri
anc'elli i frisgiuletti

e poi ch'ellu eviva pierollu
mertinu cun pittinone
santu u fieru guerdianu
e poletti petr'antone
anton'paulu u rossu
e francois u mio cumparone

eviva poletti 'nceccu
quellu nostru cunsiglieru
eviva u so figliolu
louis sempre forte e fieru
questi quand'elli ci so
facenu e cose in veru

ch'ellu eviva ghjuvan petru
e poi francesca maria
cu u mastinu cecceccu
e paulu in cumpagnia
don ghjilormu e ghjiseppucciu
omi fidi pè a meria

ch'ellu eviva anton'valeriu
petru paulu u fratellu
ch'ellu eviva anton'ghilormu
e ghjiseppu chi fu quellu
sinceru per u partitu
e di u pinzu u mudellu

eviva i dui moretti
saveriu cu u figliolu
questi qui so stati fermi
tutt'e dui per u cacciolu
anc'elli detenu un colpu
per mette u nemicu in dolu

poi ch'ellu eviva vincente
eviva carlu maria
questi so dui cani di morsu
per sustene a meria
poi ch'ellu eviva luteru
cun peppetru in cumpagnia

ch'ellu eviva ciferellu
don ghjilormu manghjaghjolu
questu si ch'è fermu e fieru
e poi c'è u figliolu
chi per sbatte l'aversariu
basterebbe ellu solu

ch'ellu eviva ghjan'andria
e u figliolu anto'mertinu
peppetru u guerdianu
subitu in lu cunfinu
ghjan'antone e i figlioli
un gruppu propiu mastinu

eviva manenti charles
tottu e rossi pilanchjone
eviva i so tre figlioli
ch'in qualunque occasione
ricusanu e ricchezze
per sustene lu stampone

eviva carlu e sesè
e u mio cumpare tattone
ch'ellu eviva stolfacchinu
ghjiseppu u mio cumparone
stolfu cun carlu battista
carlu luiggi e mavone

ch'ellu eviva carlu andria
e ch'ellu eviva paglione
e po eviva calaghjola
chi per noi sempre dispone
sopra tuttu quandu ci vole
à difende mascherone

eviva cumpare prancaziu
cu i so dui figlioloni
questi sanu ancu stupà
nant'à li belli bocconi
quantunque sianu puru
di sustanza belli e boni

ch'ellu eviva don marcu
e i so dui fratelli
questi so propiu di razza
nisunu l'annasa ad elli
s'ella casca sanu dà
capu à questi e capu à quelli

c'ellu eviva marcantoni
quellu tantu visitatu
eccu un ellettore fermu
da tutti cumplimentatu
nanzu che perde l'onore
brama di perde lu fiatu

ch'ellu eviva risterucci
poggi filippu maria
cu i figlioli fermi e fieri
o chi bella cumpagnia
questi so veri puntelli
per sustene a meria

ch'ellu eviva , eviva ghjuliu
ghjuliu quellu di piacenza
questu ci vole di lodàllu
senza olcuna differenza
perchè volse u tre di maghju
sudisfà a so cuscenza

per filippu e u so criccu
eviva sinceramente
eviva quellu battini
chi si chjama ancu vincente
cimiria e po filippu
ancu que belle sumente

di u vostru gran pertitu
eviva e damicelle
cu e vecchje hanu aiutatu
à fà vince dinò elle
e piu ben chi sanu fà
i migliacci e le frittelle

eviva lu nostru mere
l'aggiuntu e li cunsiglieri
dio li dia pace e salute
cun quelli settanta fieri
e manteneli cuntenti
degurditi e po sinceri

à quelli nostri aversarii
ch'hannu tantu battagliatu
per lampà u mere in terra
ch'ellu li sia accordatu
fra quattr'anni un lavatiu
più bellu e piu caricatu


u 3 di maghju 1925

documentu vistu nant'à a pagina Storia di Corsica
https://www.facebook.com/pages/STORIA-DI-CORSICA-Histoire-de-Corse/220183178280