Aiacciu - Bastia

http://www.corsematin.com/article/derniere-minute/ajaccio-bastia-sur-beinsport-en-langue-corse.785886.html
:shock: :shock: :shock:

sarebbe qualcosa di tremendu! ùn ci possu crede... :oops:


sarebbenu i qatari à dà ci una lezziò d'identità è à vede in stu macciu quellu di u populu corsu sanu?
aaaaaaaaaaaaaaaahhhhhhhhhhhhhhhhhhhhhhhhhhhhhhhh :affraid:

Saria una bona nutizia... forse a sola chì à dilla franca, quandu vecu a passione è a tensione ch’ellu ci hè ingiru à stu macciu, mi stumaca. Rivalità di chè aiò andate à favvi leghje mansa di capre.

Leghju quì è culà cummenti di « sustenitori » chì m’arrecanu u vomitu. Ùn ci hè pù un palmu di nettu.

Aghju sempre sustinutu u Sporting, cum'è a più parte di quelli chì anu siguitatu l'epupea auropea... U SCB di Papi è d'Orlanducci quellu chì l'hà cunnisciutu, ùn pò micca dì chì u so club di core ùn hè Bastia... innò? Hà fattu svintulà e nostre bandere in cima à l'Auropa futolistica... bandere turchine - ma dinù teste more... - incù tutti i "blasoni" di e nostre vittime:





è quella maglia incù a testa mora? ùn era bella?







Aghju sempre sustinutu à Bastia benchì ùn sia mancu appena bastiacciu, puru quand'era in Aiacciu...

Tandu andava in Mezavia "côté route" à sustene u GFCA d’Alessandri , Cucchi, Gentile, Cavalli, Muselli ecc.



Tuttu què per divvi chì per mè l'ACA ùn riprisenta tante cose.


Ma malgradu tuttu eiu i derby S.C.Bastia/ A.C.Aiacciu i guardu sempre senza passione, sò per Bastia hè vera, ma ùn ci hè micca stu focu, sta rabbia cum'è quand'elli ghjocanu contr'à squadre pinzute... (andate à capisce perchè :suspect: ) si face chì ùn capiscu micca ch'elli accordinu certi (soprattuttu i giovani) tantu valore à stu genaru di macci… Soca volenu fà cum’è i sustenitori parigini è marsigliesi? O megliu, cum'è quelli di u Barça contra u Real ? Da duve vinarà ? Forse u cumplessu di u culunizatu… Andate à sapè…

Megliu, ampargu ch’ellu ci hè un populu turchinu - una spezia di Stroumph corsu degnu di figurà in la nostra rubrica « animali strani ? « - ne ghjunghjenu certi à l'insulti, ci avaremu da tazzà in trà di Corsi pè un macciu di ballò ? Tandu sì chì Thiriez è Valls anu da esse cuntenti…

O zitè, parlate appena di populu corsu micca di populu turchinu… A corsica hè UNA ùn la scrivia Ghjacumu Thiers in « Percò sò di Bastia » :

« Chì simu di a filetta
Chì ci tesse a mente
Chì lampa e cunfine. »

Innò, viramente ùn capiscu micca sta frenesia… Dopu ti parlanu di a catastroffa di Furiani ... Aiò appena di rispettu pè i nostri morti ! U SCB hè sempre statu a squadra di A Corsica. U dolu di Furiani hè a Corsica sana chì u porta, ogni famiglia hè stata - più o menu - tocca da issa strage. Appena di dignità aiò.

Ne simu à tazzacci in trà di noi quandu i Corsi avarianu da esse cuntenti d'avè duie squadre in L1.

Un derby ACA / SCB avaria da esse una festa di u ballò corsu . Avarianu da esse sti macci esempii di fraternità è di pace trà di noi… I sustinitori avarianu da esse tutti mischiati, u stadiu avaria da esse rossu, biancu è turchinu (ùn mi fate micca dì ciò ch’ùn aghju micca dettu ) è avarianu da svintulà e bandere corse à mezu, è basta.

Infine, à u livellu spurtivu - ancu s'ellu ùn hè tantu in lu spiritu Fair Play di u ballò - truvaria nurmale chì i macci trà Bastia è Aiacciu finischinu sempre pè una vittoria di l'una è di l'altra squadra, ch'ognunu pigli sugni trè punti, storia di ùn rigalà micca 4 punti à l'altre squadre in casu di parità à i dui macci... - Ci ne caccianu abbastanza punti innò ?

Ben’intesa sè à u ritornu una di e duie squadre un ghjoca più nulla è chì quill'altra lotta per mantenesi o pè una piazza d'onore - è perchè micca di quella di campione, si pò sempre sunnià - ci vularà à lascià i punti à a squadra chì ne hà bisognu u più.

Iè a sò facciu l'apulugia di i macci arrangiati …

Eppuru so seriu, à tal puntu chì per mè, st’affare di i sei punti avaria da esse un’evidenza per tutti, tantu pè i dirigienti cà pè i ghjucadori è i sustenitori.

ùn si n'avaria mancu da parlà...

A mè ciò chì mi face ride, hè quand'eo sentu chì 'ssu macciu deve esse u macciu di l'unione è di a fratellanza di tutti i Corsi.

O Circiò ci credi tù ? Ci intazzemu per un sì o per un innò, tutta a nostra storia hè cusì è d'un colpu averiamu da scambià ?

Secondu puntu, 'ssu macciu hè un derby. Senza ghjunghjene à e brutte, un derby senza macagne o scherzi ùn hè un derby, fideghja puru à Looking for Milan di Cantona, è viderai chì i sustenitori durante u macciu ùn cantanu micca tutti inseme, eppuru sò di listessa villa, ma dopu à u macciu quand'elli si scontranu, si macagnanu.

Infine, eo dumenica vogliu ch'ella vinci a Corsica, è cum'è Aiacciu ùn hè in Corsica ,

u ghjudice a écrit:

cum'è Aiacciu ùn hè in Corsica ,

sò cumplettamente d'accordu cun tè




u solu prublemu hè chè tù macagni cum'ellu ci vole à fà. ma quandu omu leghje nant'à u foru bastiacciu chì l'aiaccini sò sardi "finis à la pisse" è ch'elli anu cum'è fratelli i "nazillons lyonnais" m'inchietu anch'eiu per stu macciu.
http://camperemu.com/viewtopic.php?f=1&t=34338

...è què ùn hè guasi nunda accant'à certi scritti letti altrò. allora forse chì ste persone prufittanu d'esse daretu à un screnu per sfugassi...ma s'elle tenenu un minimu a rabbia ch'elle anu per u ghjornu di u macciu ci hè da dumandà si cum'ellu hà da finisce stu derby...o s'ellu puderà cumincià...


ciò chì m'ingonfia assai dinù hè u piacè ch'ellu deve piglià st'*** di Thiriez fighjendu a nostre manera di cuncipisce l'evenimentu

u ghjudice a écrit:

A mè ciò chì mi face ride, hè quand'eo sentu chì 'ssu macciu deve esse u macciu di l'unione è di a fratellanza di tutti i Corsi.

O sgi`Ghjudice, u semplice fattu d'appartene à un Kop hè una prova d'alienazione culturale - hè appena ciò ch'e pruvava à spiicà parlendu di OM / PSG è Barça / Real.

Avà per ciò chì ghjè di u valore "identitariu" o "culturale" di u ballò corsu, ci vole quantunque à addimette chì quand'ella riesce una squadra corsa un parcorsu cum'è quellu di u SCB in 77-78 hè tutta l'isula chì li hè daretu. Tandu sò i nostri ambasciadori, è i listessi chì anu da trattà d'inculati i Bastiacci mentre i derby, anu passà a nuttata à curnà in vittura cù e bandere di u SCB, è u ghjornu chì l'A.C.A ghjoca a finale di a champions league vidarete o sgiò Ghjudice chì tandu Aiacciu sarà torna in Corsica è ci andarete ancu voi in villa à curnà !

Detta quessa, v'approvu quantunque... A socu bè chì ùn ci pudemu pate, ma nun sia cà per dispiace à Thiriez et à Vals vale u colpu di fà nice.

u ghjudice a écrit:

Secondu puntu, 'ssu macciu hè un derby.
Infine, eo dumenica vogliu ch'ella vinci a Corsica, è cum'è Aiacciu ùn hè in Corsica ,

Sicondu puntu o sgiò Ghjudice: sò quantunque suspresu chì un omu cum'è voi scrivi un missagiu chì ùn vole dì nulla, vi cuntradite...

Postu ch'è vo dite chì stu macciu hè un derby è chì Aiacciu ùn hè micca in Corsica, vinite di fà a dimustrazione chì Bastia nun più ùn hè in Corsica

Almenu ch'è vo voglite parlà di u Derby di u Meditarraniu, Aiacciu essendu in Sardegna - è "l'Aiaccini essenu Sardignoli finiti à u pisciu"?

A mettu ghjustu per fà piacè à Ciricione, l'aghju trova nantu à Camperemu


L'ACA c'est un peu comme nos hémorroïdes, c'est quelque chose qui se situe à peu près là, qui est petit et rouge. En soit ça ne représente rien, mais on ne peut pas s'empêcher de se les gratter régulièrement, y'a rien à faire, ça nous démange.

Eiu mi sò sempre dumandatu cum'e anu fattu u so colpu l'Aghjaccini, per avè duie squadre di ballò.

http://www.corsematin.com/article/derniere-minute/video-aca-scb-les-consignes-aux-supporters-avant-le-derby.794080.html





Aghju riagitu annant'à FB, ripigliu quì ciò ch'aghju dettu culà...

Citation :

U Corsu (è u naziunalistu) oghje basta ch'ellu mughji : "tutti inseme, tutti inseme, hey*! hey*!" o allora "Uniti!"... ma st'unità ùn hè quella di i Corsi, hè quella di "U Populu Turchinu" . Dopu e strage ch'ella hà cunnisciutu a Corsica marca propiu male di fà i scemi cusì... Dopu anu da dà lizzione annant'à u rispettu questi quì? U peghju hè ch'elli sò i listessi chì pienghjenu quandu i sustinitori bastiacci sò interdetti in Nizza... È facenu certi paraconi - parlendu di "stelle gialle" - chì oimella... Cuntinuate cusì o zitelli ! ete capitu tuttu!


* parolle sputiche "turchine"

Ùn hè tantu ciò ch'elli ponu dì (o pinsà) i giurnalisti cuntinintali chì m'inchieta, di quessa à a limita mi ne impippu...

À mè ciò chì mi dispiace u più hè di vede quant'elli sò cambiati i valori corsi. Si campa a so "cursezza" in lu righjettu di l'altru, quandu u "Gaulois", quandu "l'Arabacciu", Quandu "l'Aiaccinu"... Allora iè, hè vera, ciò chì s'hè pussutu dì o scrive era spessu macagne... A macagna piace ancu à mè...

Ma quessa avà andate à spiicalla à unipochi chì sò passati à l'attu arrisera... Hè sempre una macagna?

Eiu in li stadii di ballò ci vocu è ci sò sempre andatu, sempre in le tribune pupulare. Tutti quelli chì cum'è mè anu praticatu ste tribune a sanu ch'elli sò parechji custì à ùn cunnosce micca u sicondu gradu.


Allora o zitelli! Basta! n'emu vistu abbastanza strage annant'à stadii, sò nati ancu i morti pè rivalità trà sustenitori (Heysel, Hillsborough... ) arricurdemuci quantunque di isse catastroffe - u fattu d'avè avutu dinù noi a nostra parte ùn ci impedisce micca di falla, à u cuntrariu - perchè certe volte quand'ellu ci hè assai mondu in un stadiu, basta pocu per chì un azzuffu trà sustenitori sia tragicu.


Eppo' ci hè una "circunstanza aggravante ", u cuntestu. Dopu a simana ch'emu cunnisciutu in Corsica, cum'è l'aghju detta annant'à FB ciò chì s'hè passatu arrisera in Aiacciu a futte male. Ùn ci hè più rispettu di nulla.

Ci hè da esse stumacati, diciaraghju anch'eiu cum' è Ghjuvan Vitu Albertini:

In Corsica ci inchinemu di pettu à a morte, i "sustinitori" bastiacci elli – ancu per esse una manatella - li stupanu addossu.

ai parlatu ben! tuttu ciò ch'ai dettu hè verità!
ghjè una vergogna reazzione simile...spergu ch'elli ùn anu micca a pretenzione di chjamà si "sustenidori". ùn anu u rispettu di nunda, ne di u spiritu corsu, ne di a morte, ne di u sportu...

U peghju hè chì arrisera anu vistu u Ghjudice à u Lamparo...

Eccu belle parolle ch'è quesse.
Anc'à mè, mi stumacanu tutti sti "Corsi corsi" di i mio chì si volenu crede più corsi ch'è l'altri è chì pensanu chì l'"identità corsa" passa per u ricusu di l'altri, è chì ùn anu chè a cultura di a viulenza.
Mansa di conni ch'elli sò !

Vergogna à elli è à tutti i "Corsi puri di razza è cerbellu viotu".

salute o Ruclì!

mi sò permessu di rituccà appena u to missagiu


Ma attenti! ùn hè micca censura hè solu chì ind'è noi "cuddi" ùn si dice micca...
cuddi (s'e ùn mi sbagliu micca) hè u plurale feminile in i di i Suttanacci (si vede ch'è tù leghji troppu à Ghjuvan Filice )

Quì a doppia d rimpiazza u nostru gli

e coglie = i cuddi

ma aghju messu e perchè face ride di più

avà s'è tù voli mette coglie à a piazza a poi fà...


eccu ma postu chì stu sugettu hè cunsacratu à stu derby di merda chì cummencia à ingunfiammi i ancu à mè ...



Forza Bastia!
L'emu da stirpà st'Aiaccini di merda, di falata ci emu da piantà in Bucugnà postu chì francatu a foce di Vizzavona sò tutti "Gaulois"...

Mi faci cacà à ricunnosciala, ma 'ssu fiori di Circionu hà parlatu bè.

U ballò hè à spissu u spechju d'una sucità (dixit Ménez, Bromberger, Rey, Sinet, Galeano, Ghjuvan Filici, ecc.) : tandu, beuh, chì imaghjina di merda...

Infatti nò, ùn aghju nudda à dì, era solu pà trattà à Circionu di fiori, è aprudà i smileys di i dui capotti.

Iè. Aghju forse troppu l'abitutine di certe letture chì influenzanu a mio manera di scrive.

Circione a écrit:

postu chì stu sugettu hè cunsacratu à stu derby di merda chì cummencia à ingunfiammi i ancu à mè ...

L'emu da stirpà st'Aiaccini di merda, di falata ci emu da piantà in Bucugnà postu chì francatu a foce di Vizzavona sò tutti "Gaulois"...

Ghjuvan Filici a écrit:

Mi faci cacà à ricunnosciala, ma 'ssu fiori di Circionu hà parlatu bè.

Allora femu un affare o Ghjuvan Filì, dopu u macciu di cullata ci piantemu in Bucugnà è li dimu chì Bellacoscia era un banditu d'operetta è chì i so discendenti (è n'avarà qualchè unu ) sò tutti Gaulois è dopu ben'intesa i tichjemu di colpi.


U peghju hè chì st'abruttiti di ghjucadori anu da fà 0 à 0 à forza di Tirà annant'à i "pottò" (dixit u mustacciutu )


Eiu vulia chì e duie squatre pigliessinu sugni trè punti ma ahù...

V'aghju da amparà à tirà annant'à i pottò!

S'elli facenu 0 à 0 oghje è listessu in Furiani à u macciu ritornu, li staria bè di falà tramindui in L2 per 2 punti... forse cusì capisciaranu... È "l'amatori di derby" ci truvaranu anch'elli u so contu.

à vede u cumpurtamentu di i ghjucadori mi dicu chì in fin di contu, u SCB è L'ACA anu i sustenitori ch'elli merdanu...

Circione a écrit:

à vede u cumpurtamentu di i ghjucadori mi dicu chì in fin di contu, u SCB è L'ACA anu i sustenitori ch'elli merdanu...

i conni anu i sustenidori è u risultatu ch'elli meritanu...
ma qualchi abruttitu ùn face micca una squadra sana

avà ciò chì m'inchieta hè a seguita s'elli finiscenu a ghjurnata cum'è eri sera

Ancu assai ch'ellu ci hè Lyon - Brest à 5 ore

quelli omancu sò civilizati
ci emu da campà





a innò merda mi sò sbagliatu di fottò

Mi dai a fame o Circiò.

Eiu, à u macciu ùn ci era. Ma ciò ch'aghju intesu à a televisiò hè una vergogna.
Prima, vogliu dì chì Cavalli, à cumentà u so figliolu, eiu ùn l'averia messu. È ellu, prufeziunale ch'ellu hè, hà accettatu.
Dopu, di a capata ch'elli si sò sciaccati i ghjucadori, ùn ne vogliu parlà, accade nant'à tutti i terreni, massimu quandu i giurnalisti facenu cullà a pressione soli soli fenduci un brocciu di nunda. L'abitru, l'hà messi fora, hà fattu bè.
Ma chì u sgiò Cavalli apri a so bocca per fà passà u so figliolu per a vittima, è ch'ellu insulti un ghjucadore bastiacciu mentre 10 minuti, sciacchendu 3 o 4 volte davanti à una catena di televisiò chì : "ùn pudia accade chè cun una persona cusì, ùn ci pudia esse chè un stranieru per fà piantà a festa".
Ancu di grazia ch'ellu hà giratu e squadre quand'ellu intrenava per 'sse Francie, è ch'ellu hà assai ghjucadori furesteri à u GFCA...
Spergu ch'ùn lu lascieranu mai più cumentà una partita di ballò.

D'altronde, à dilla netta, sò statu appena dillusu di i cumenti in corsu. Ma sopratuttu, macci in lingua corsa, bramu di sentene torna è torna.

Isulanu a écrit:

Eiu, à u macciu ùn ci era. Ma ciò ch'aghju intesu à a televisiò hè una vergogna.
Prima, vogliu dì chì Cavalli, à cumentà u so figliolu, eiu ùn l'averia messu. È ellu, prufeziunale ch'ellu hè, hà accettatu.
Dopu, di a capata ch'elli si sò sciaccati i ghjucadori, ùn ne vogliu parlà, accade nant'à tutti i terreni, massimu quandu i giurnalisti facenu cullà a pressione soli soli fenduci un brocciu di nunda. L'abitru, l'hà messi fora, hà fattu bè.
Ma chì u sgiò Cavalli apri a so bocca per fà passà u so figliolu per a vittima, è ch'ellu insulti un ghjucadore bastiacciu mentre 10 minuti, sciacchendu 3 o 4 volte davanti à una catena di televisiò chì : "ùn pudia accade chè cun una persona cusì, ùn ci pudia esse chè un stranieru per fà piantà a festa".
Ancu di grazia ch'ellu hà giratu e squadre quand'ellu intrenava per 'sse Francie, è ch'ellu hà assai ghjucadori furesteri à u GFCA...
Spergu ch'ùn lu lascieranu mai più cumentà una partita di ballò.

D'altronde, à dilla netta, sò statu appena dillusu di i cumenti in corsu. Ma sopratuttu, macci in lingua corsa, bramu di sentene torna è torna.

faci ben di parlà di i cummenti in corsu. devu ricunnosce chì sò stata dilusa anch'eiu. avia l'impressione ch'elli parlavanu di tuttu fora di ciò chì si passava nant'à u terrenu...à tale puntu ch'aghju guardatu a siconda mi-temps...in francese
a presenza di Cavalli mi lascia assai perplessa essendu u babbu d'un ghjucadore... è s'ellu hà parlatu di sta manera spergu ch'ellu ci serà una seguita...

per u restu, per a dimarchja di prupone u macciu in lingua corsa
a prossima volta ci vulerebbe à mette Circione è Ghjuvan Filici per i cummenti

petra alta a écrit:

a prossima volta ci vulerebbe à mette Circione è Ghjuvan Filici per i cummenti

Ghjeu ? Cummintà cù un subranacciu ? Mai ch'idda fussi !!!

Bò allora, si sò pisti o nò ? (ùn aghju micca suvitatu u macciu)

Hè vera chì Cavalli hà insistutu appena troppu annant'à u fattu chì quellu chì hà fattu nasce tuttu fussi strangeru. Hè un babbu è difende u so figliolu.


U prublema ùn hè micca quì - ancu chì pè certi "sustenitori" bastiacci chì anu scrittu chì dopu à Vizzavona ùn ci era più cà "Gaulois" era appena ridicula a scena di u Gaulois aiaccinu contr'à u Corsu turchinu - u prublema hè chì i ghjucadori quant'è i so sustenitori - micca tutti ma una bella parte - sò una mansa di baulli, qaundu i dirigenti lampanu una chjama cum'elli anu fattu, ci vulia chì i ghjucadori tinissinu i so narbi. In quant'à certi spettatori (ùn la facciu più à chjamalli sustenitori) ùn aspittavanu cà quessa, è ancu s'elllu ùn ci fussi statu nulla annant'à u tarrenu à un mumentu datu avarianu trovu una scusa per sfucassi, chì quelli di i macci si ne infuttanu, ci vanu per sfucassi è basta.

Spergu solu ch'ellu ùn si passarà più nulla avà, chì ognunu si ne riitrrà tranquillu in casa soia.

Avà per vultà annant'à l'azzione ci vole à ricunnosce chì a colpa hè di u Bastiacciu, l'agressività hè soia, Cavalli (figliolu) hè statu bellu mansu.

Eiu avaria messu u rossu à Angola è u giallu à u capitanu aiaccinu, ma bon ùn emu micca da rifà u macciu.


Un "derby" corsu avaria da esse una festa, ci si pudaria andà senza paura incù i so figlioli, ci cuniniscimu tutti... Avariamu da esse tutti inseme daretu à e duie squadre è incuragille traminduie , sciaccamanà quand'ellu ci hè una azzione di una parte è di l'altra. È esse cuntenti di vede vince una di e duie sguadre ancu s'ella ùn hè micca a nostra.

Ma s'e fussi statu in Aiacciu oghje invece d'andacci in famiglia, u macciu u m'avaria guardatu tranquillu à a televisione tantu timia ciò chì s'avia da passà. È quessa ùn hè micca nurmale.


Allora truvarete sempre un imbecile per minimizà o rilativizà e cose, per dì chì quessa ùn hè nulla, chì a Corsica cunnosce danni maiò, viulenza, morti, maffia, droga ecc. è chì ùn ci vole micca à piengne per dui bombe agricule è dui pattoni...

Ma eiu mantengu chì a sucetà corsa và male è chì un veru derby incù u stintu corsu, incù Bastiacci è Aiaccini degni tantu annant'à u tarrenu cà in le tribune m'avaria fatu piacè di vedelu, ancu s'ella ùn avaria micca sguassatu tuttu u restu.

Pè i cummenti ancu s'elli ùn sò stati parfetti di u puntu di vista di u lessicu "futbaliscitu" ( a tuscia, u pottò, un'azione dangerosa... ) eiu mi sò campatu (di rise) è in fin di contu, i cummenti in lingua nustrale sò stati u solu puntu pusitivu di sta partita.


eccu vi lasciu chì m'aspettanu in Bucugnà...

Ghjuvan Filici a écrit:

petra alta a écrit:

a prossima volta ci vulerebbe à mette Circione è Ghjuvan Filici per i cummenti

Ghjeu ? Cummintà cù un subranacciu ? Mai ch'idda fussi !!!

Bò allora, si sò pisti o nò ? (ùn aghju micca suvitatu u macciu)

Piccatu o Ghjuvan filì, vengu di riceve un mail di Charles Bietry chì mi dumanda di cummintà in corsu un macciu di "cacciu" di donne in cristu in la fanga.