Tempi fà

A Sperenza accorta u tempu. 

È solu què.

Ghjallochju a écrit:

Circione a écrit:

Eiu  sò prontu à  scummette chì Sperenza  ùn  hè mancu capace à  taglialli  a coda à  Ghjallochju


 

quandu hà tagliatu a toia hai avutu male    ?

Eiu ùn aghju intesu nulla, ma ci vole à dì chì quand'ella hè dura a carne e cultelle ci vole ch'elle sianu arrutate bè astrimente ùn la tagli, soca a soia era sturzosa...  

Ghjallochju a écrit:

Sperenza a écrit:

Sperenza hè opposta à l'atti di crudeltà versu l'animali, moltu più l'acelli (quandu pensu à u piuppione... )

s'o fussi ancu un ocertula     ..

 

u 14 di lugliu data maladetta?



1789 : à a Bastia !
A matina di u 14 di lugliu, artisgiani è cummercianti di Parigi si rendenu à L’Invalides per circà arme. A folla piglia 28.000 fucili et 20 bouches à feu. Vanu dinù «À la Bastille !» induv’elli credenu di truvà polvera. Quallà ci hè 82 veterani è 32 suldati svizzeri per prutege omi è materiale. Cù l’aiutu di e Guardie francese i revoluzionarii riescenu à entre è à piglià u putere. I suldati svizzeri anu solu u tempu di mette e so tenute à l'aringuersciu per salvà si. Tandu sò pigliati per prigiuneri è a si  francanu. A folla tomba l’altri. U marchese di Launay, guvernatore di u locu, hè purtatu in i carrughji è dopu à sta piccula spassighjata hè scapatu da un macellaru. U so capu hè messu in cima à un palu è pruminata cù d’altre teste. Stu rituale macabre, ineditu in a storia di a Francia, face ciambuttà a revoluzione in a viulenza…


1880 : Panem et circenses
Durante guasi cent’anni a cummemurazione di u 14 di lugliu hè abbandunata. Volta in 1880, sott’à III^a Republica. U regime, per diventà più forte, cerca à custruisce un imaginariu naziunale novu in giru à simbuli republicani. Sceglienu a Marseillaise cum’è innu ufficiale è u 14 di lugliu cum’è festa naziunale. Certi diputati mettenu in causa a viulenza di 1789. U  14 di lugliu di u 1790 hè preferitu postu chì ùn hà custatu « ne una goccia di sangue ne una lacrima». In u 1880, per a prima festa naziunale, a Republica face e cose in grande. U ministru di l’internu dumanda à i prifetti di festighjà a ghjurnata « avec autant d'éclat que le comportent les ressources locales ». Una sfilarata di militari (sempre d’attualità) hè organizata, inspirata da quella di i gardes fédérés in  1790. Ci vole à mustrà quantu l’armata francese s’hè addirizzata dipoi a disfatta contr’à a Prussia in u 1870.


1895 : l’affari sò in francese (Le Petit Bastiais)
Un omu di a cità di Viouville (Lorraine) chì si lagnava di u so figliolu è chì li vulia dà una punizione hà inventatu un suppliziu d’una grande crudeltà. Hà ligatu i pedi di u ciucciu, hà passatu una corda sott’à e bracce è l’hà alzatu sin’à u pianaghju. Dopu, pigliendu un martellu di stazzunaru, hà inchjudatu e mane di u zitellu contrà u muru di a camera. U corciu hà mughjatu di dulore abbastanza forte per privene i vicini. L’anu staccatu è anu fattu arrestà stu babbu denaturatu. I Giandarmi l’anu salvatu di ghjustezza di l’indignazione di a folla.


1895 : Festa « naziunale » in Bastia  (Le Petit Bastiais)
U 14 di lugliu hè statu festighjatu in Bastia cù pocu fulgore. Ch’ella sia a colpa di u sgiò X o di u sgiò Y ghjè quantunque dispiacevule chì sta festa naziunale si passi, dipoi parechji anni, senza alcuna animazione è succorsu per i poveri. Purtantu certi sanu pensà à i poveri i ghjorni d’elezzione, mà tandu omu rimpiazza i boni di pane è di carne cù prumesse è strinte di manu chì si n’anderanu cù u libecciu u lindumane. Dunque, u prugrammu hè sempre listessu dipoi anni è anni : salve d’artiglieria, rivista, illuminazione ! Sarebbe ora di scambià lu, o per dì megliu, d’aumintà lu. Regate, corse di cavalli, carusellu, eccu e distrazzione semplice à mette in piazza. U cummerciu ci truverebbe u so contu è a ghjente dinù. Infine, aspittendu ghjorni più belli, pruvemu à esse felici di rende contu per quist’annu di ciò ch’avemu vistu…


 
1933 : ein volk, ein reich, ein fuhrer
U 14 di lugliu di u 1933, à l’iniziativa di u ministru nazistu di a prupaganda Joseph Goebbels, u partitu nazistu (NSDAP, per Nationalsozialistische Deutsche Arbeiterpartei o  Partitu Naziunale Sucialistu di i Travagliadori Tedeschi) diventa u partitu unicu, u solu auturizatu in Allemagna. L’altre furmazione sò disciolte. I sindicati sò rimpiazzati da un organisimu curpuratistu: u Deutscher Arbeiter Front (Fronte di u Travagliu Tedescu). In sei mesi è malgradu u sustegnu d’una minorità d’elettori, Hitler riesce à capivultà a demucrazia allemana.


1949 : colpu di fretu un 14 di lugliu
Splusione di a prima bomba atomica suvietica. L’Americani ùn sò più i soli à dispone di l’arma nucleare. U pussibilità d’un futuru cunflittu mundiale diventa indissociabile di u spettru d’una guerra cumpletta, capace di distrughje a pianetta. A guerra diventa « freta » trà i dui blocs.


2008 : l’estate, sea, sex, sun è...
297 vitture sò state brusgiate è 121 personne sò state arrestate nant’à u territoriu naziunale francese in a notte di u 13 à u 14 lugliu (bilanciu ministeru di l'internu). (L'express)


Ghjè dinù a data di nascita di Valérie Pécresse è Dorothée…





o micca...

U 14 di Lugliu di u 1564 (effemeride Le Petit Bastiais)
Sampieru truvendu si in Vicu s’indirizza à a folla è li dumanda di piglià l’arme contr’à l’oppressori di u so paese. Un certu Jean Cristinacce li risponde chì a guerra ch’ellu intratene contr’à Genova ùn porta chè calamità à a Corsica è ch’ellu farebbe megliu di vultà in Francia. Cristinacce parlava d’oru è Sampieru hà avutu a ragiò d’ùn ascultà lu micca. Ùn fù micca a salvezza di a Corsica ma cù una attitudine guerriera si pudia ottene cuncessione è mustrà à a storia chì , si Genova era infama, a Corsica era curagiosa.


u 14 di Lugliu di u 1755,  Pasquale Paoli diventa Generale di a Nazione.   
(ancu si a lastra indicheghja u 15  )

sempre in u listessu giurnale - Le Petit Bastiais - una cronica di u 14 di lugliu di u 1908 chì ne dice assai nant'à a manera di vede sta festa à l'epica...una festa per u populu o piuttostu per tene lu... sarebbe stata megliu di traduce la a sò, ma ùn aghju micca e cumpetenze per fà la eppo' a trovu perfetta cusì  ...tutta a suttilezza d'una lingua è a primura di sprime una opinione sempre d'attualità – per certi solamente – chì per disgrazia i Corsi diventanu più pinzuti chè i pinzuti è si ritrovanu di più i più in una storia ch'ùn ci riguarda micca...

u 14 di lugliu di u 1789 a Corsica ùn era micca francese. ghjè durante à Constituante (u 30 di nuvembre di u 1789) chì i revoluzionarii ci anu vulsutu fà st'onore, i Corsi essendu per elli un esempiu di rivolta à seguità... (a Corsica diventa un dipartimentu in u 1790)
sta rivolta contr'à u rè ùn era micca a nostra... ùn eramu micca l'eredi di i Gaulois, di i Francs è di tutta a clicca chì hà seguitatu... eramu Corsi, in guerra dipoi anni è anni contr'à Genova è l'armate ch'ella avia pagatu per sottumette ci...

Citation :

"Ils ne sont pas rares, sans doute, ceux qui ont un peu oublié les origines de notre 14 juillet, et pourquoi cette date est, en France comme dans tous les  pays où quelques Français sont établis, un jour de réjouissance et d’enthousiasme. Le souvenir des plus grandes émotions, des plus glorieux souvenirs de notre histoire s’effacent peu à peu, tandis que demeure la fête établie pour commémorer ces mêmes gloires. Ne sont-elles pas oubliées, aujourd’hui, les fêtes instituées par le calendrier républicain ? La liste ne manque cependant pas d’originalité.
Le 14 juillet, fête de la Fédération, remplacé comme fête nationale, sous l’empire, par le 15 août, ne fût pas rétabli après nos désastres de 1870. Ce ne fut qu’en 1880 que la tradition en fut reprise.

Pour beaucoup de citoyens de notre génération, le 14 juillet est devenu la journée de bon chômage obligatoire, marquée par deux événements uniques, inégalables : la Revue ! le Feu d’artifice ! Ah cette Revue ! Ces multitudes de coquelicots défilant au pas de parade sur la place publique, qui donc, depuis sa plus tendre enfance, ne s’en est pas réjoui ? Ceux qui n’ont pas le bonheur d’habiter une ville de garnison remplacent la revue par le défilé des pompiers, mât de cocagne, jeux divers… des pompiers, n’est-ce pas encore un peu des soldats ? Et rien ne vaut, croyez moi, trois mille hommes par ville, qui ont passé deux nuits – les pauvres ! – à s’astiquer de la cime du pompon jusqu’au dessous des godillots, pour s’aligner, en plein soleil, sous l’œil admiratif des populations.
Si la chaleur est torride, ils sont nombreux les petits pioupious qui tombent frappés d’insolation. Bien souvent, à cause de cela, on a proposé de supprimer cette inutile parade. Y pensez vous ? un 14 juillet sans la Revue ! ce serait comme une distribution de prix sans discours ; il y manquerait le plat de résistance, le clou !

Quant au feu d’artifice, il est aussi indispensable à la nuit que la Revue l’est à la matinée ; une pareille journée ne saurait se terminer dignement sans quelques pétards qui menacent la nue, « pour éteindre, comme disait M. Viviani, les étoiles du ciel », en présence de la foule qui fait Aaaah !...
Vous riez et vous vous croyez ridicule ? Que non pas ! nous nous amusons, au contraire, très gentiment, comparativement à nos confrères en république des Etats Unis, qui célèbrent l’anniversaire de leur indépendance le 4 juillet. Cette année, disent les dépêches de New York, le nombre de tués et blessés par l’explosion des pétards et pièces d’artifice ainsi que par la décharge d’armes à feu, à l’occasion des fêtes de l’indépendance, est de 75 tués et de 1186 blessés. Remarquez que c’est là un progrès : il y avait eu, l’an dernier, 124 morts !
Décidément la gaieté s’en va !

Mais le peuple, de tout temps, n’a-t-il pas exigé des réjouissances publiques ? Panem et circenses ! criaient les Romains. Depuis trois mille ans, les Chinois célèbrent la fête du Labour, et les Japonais, la fête du Printemps, avec un entrain toujours nouveau. La Grèce honorait, en ses fêtes publiques, la Terre, la Moisson, la Vendange, les richesses de la Nature, les sentiments les plus doux et les meilleurs de l’âme humaine, et aussi l’Adolescence, l’Hyménée, la Vieillesse. Les fêtes du calendrier républicain ne sont qu’un retour aux mœurs antiques.
Éternellement, l‘histoire se recommence. Et s’oublie ; éternellement les peuples sont les mêmes : ceux qui furent vraiment leurs maîtres ont été ceux qui surent les amuser. Ecoutez Danton, qui s’écriait en l’an II : « donnons des armes à ceux qui peuvent les porter, de l’instruction à la jeunesse et des fêtes nationales au peuple ! »
Un peu plus tard, Robespierre dit à son tour : « rassemblez les hommes, vous les rendrez meilleurs…donnez à leur réunion un grand motif moral et politique. Un système de fêtes nationales bien compris serait à la fois le plus doux lien de fraternité et le plus puissant moyen de régénération. Que toutes tendent à réveiller les sentiments généreux qui font le charme et l’ornement de la vie humaine, l’enthousiasme de la liberté, l’amour de la patrie, le respect des lois ; que la mémoire des tyrans et des traîtres y soit vouée à l’exécration ; que celle des héros de la liberté et des bienfaiteurs de l’humanité y reçoive le juste tribut de la reconnaissance publique »

Laissez donc ! le 14 juillet de cette année sera une grande fête, plus grande que toutes celles qu’on avait vues jusque là. Savez vous pourquoi ? – Parbleu ! Parce qu’elle tombe un mardi, et que le Parlement a eu l’heureuse idée de décréter le lundi fête chômée ! Avec le dimanche, cela fera trois jours de vacances pendant lesquels l’usine sera fermée et les paiements suspendus, trois longs jours de flemme !... Cela vaut bien, n’est-il pas vrai ? qu’on crie : Vive la République !"

C. Des Cordeliers

Avà ch'ai datu a prova di i to talenti di giurnalista  , duveristi fà listessa cosa ma micca solu per una data (per un annu per esempiu).

Esempiu : evenimenti impurtanti stalvati in lu 1971.

Sperenza a écrit:

Avà ch'ai datu a prova di i to talenti di giurnalista  , duveristi fà listessa cosa ma micca solu per una data (per un annu per esempiu).

Esempiu : evenimenti impurtanti stalvati in lu 1971.

cunnosci u sensu di a parolla vacanze?  
videremu à a rientrata (ma hè una pruposta interessante)  

Ié ma tandu ci vulerà à scambià u titulu...trattà di l'annu 1971 in una sezzione chjamata TEMPI FÀ...

Sperenza a écrit:

Ié ma tandu ci vulerà à scambià u titulu...trattà di l'annu 1971 in una sezzione chjamata TEMPI FÀ...

purtantu 1971 ghjè guasi a preistoria si tù ascolti per a leva attuale  

L’11 di settembre...ghjornu di tristezza



1906
Chjama à a disubbidienza civile in Africa suttana lampata da quellu chì diventarà u simbulu di a prutestazione pacifica : Gandhi. Addunisce tremila persone in u teatru di Johannesburg è face nasce a « satyagraha ». U scopu di sta « filusufia » hè di fà ricunnosce i so torti à u so aversariu senza aduprà a forza fisica.
Bella filusufia ma pensu quantunque chì qualchì scapochju face prò à quelli ch’ùn volenu sente nunda è sopra tuttu a verità…




1968
Una data speciale per a Corsica è a cità d’Aiacciu. Stu ghjornu a caravella SE-210, volu 1611 di Air France, partutu d’Aiacciu à destinazione di Nizza casca in mare.  95 persone morenu in sta catastroffa.  L’inchiesta attribuisce officialmente a causa di l’accidente à un focu in fondu à a cabina. Ma certi testimonii dicenu chì l’aviò hè statu toccu da u missile francese disarmatu tiratu dipoi l’isula di u Levant. In maghju 2011, Michel Laty, anzianu dattilograffu di l’armata, accerta ch’ellu hà « pichjatu » un raportu classificatu « secret-défense » quand’ellu travagliava à a prefettura maritima di Toulon. « On a abattu un avion civil au lieu d’abattre une cible programmée » : eccu ciò ch’ellu hà dettu à u ghjurnale di TF1. A ghjustizia francese hà riapertu l’inchiesta u 20 di marzu di u 2012.







1973
Un ghjornu terribile in a storia di u Chili. Marti, l’ 11 di settembre di u 1973 u guvernu democraticu socialistu di Salvador Allende hè capivultatu da un colpu di statu militare. Allende si tomba durante l’assediu di u palazzu di a Moneda è ghjè u generale Augusto Pinochet chì piglia u putere. A dittatura  militare guvernerà u paese sin’à 1990. A Junta militare dissolve u cungressu naziunale, i cunsigli municipali, i sindicati, i partiti pulitichi. Un ci hè più libertà per a stampa. A literatura liata à u socialisimu hè interdetta. U coprifocu hè massu in piazza. Tutti l’oppunenti sò esiliati o tombi… 3200 morti, 38 000 prigiuneri straziati, millaie è millaie di persone arrestate durante più di quindeci anni…







2001
Stu ghjornu, à 9 ore menu un quartu, un Boeing 761 culpisce una torra di u World Trade Center in New York. Qualchì minutu dopu un sicondu  aviò culpisce a so piccia. Un antru si scrasa nant’à u Pentagone in Washington. A 10 ore menu cinque, a torra Sud si sfonda per via di u focu chì face strughje a struttura d’acciaghju. Una mezora dopu l’altra torra si sfonda anch’ella. Ùn resta più nunda di stu locu cunnisciutu è colmu di vita. U mondu sanu guarda st’orrore à a televisiò senza capisce… cumu scurdà si di sti corpi chì cascavanu di e finestre, di quelli chì dumandava aiutu… 2973 morti, tombi da Al-Quaïda è Oussama Ben Laden. U locu piglia u nome di « Ground zero ». Oghje ci si pò vede a più grande torra di l’America (a terza in u mondu) : u One Wold Trade Center. Pare esse stata fatu di vetru ma a so struttura hè d’astracu armatu è d’acciaghju, capace di resiste à camiò « piégés ».

cum'è ùn possu stà senza di una cunneria aghjusteraghju chì l'11 di settembre, 254esimu ghjornu di l'annata, hà un cugnome pocu cunnisciutu: si chjama u ghjornu di l'écrevisse.*
ne prufittu per salutà à quella ch'aghju scontru qualchì ghjornu fà  



*nant'à u calendariu republicanu