à chi simu ?

Circione a écrit:

Eiu a mo  riintrata annant'à Isula  l'aghju  fatta

avà  aspittemu  à l'altri...


Ma ùn t'inchiità !

pianu pianu  ghjugnaranu po' anch"elli...

CALA,CALA! ùn hai fattu ch'una rientrata à u ballò à dece minute di a fine !
Una rientratella, micca un tarramotu da arrizzassi a notte !
à quantu à l'altri facenu u giru di u tarrenu per scaldassi ... in aspettendu !

Benvenuta à PATRIZIA  Gattaceca chi mi pare esse sempre stata !

Ogni rientrata, à chi doppia, à chi scala di frescu !
Mutu di Sperenza, chi ci’hà cusi assulanatu, u Casàconi hè torna riprisentatu
è un’Acquatella vene rinfrescà a rientrata di settembre !      
di poi chi Patrizia scumbatte si diceria ch’ella ‘ridoppii’* !…à menu ch’o sia eù ?
*(ridoppià : quatru volte ?)

Circione a écrit:

Eiu a mo  riintrata annant'à Isula  l'aghju  fatta

avà  aspittemu  à l'altri...


Ma ùn t'inchiità !

pianu pianu  ghjugnaranu po' anch"elli...

facciu a mea dinù, infine provu!
à ringrazià stu connu di Hollandu chì hà decisu di crepà i stitutori cù a so riforma fragica.
zitelli stanchi, maestri stanchi è soldi persi per e municipalità.

Ò zitelli ùn’abboccate micca u cornu per sunà a vostra rientrata chi i lettori sò attenti !
Ch’averia à dì eù ch’ahju sunatu in u disertu per i lettori fidi, chi u ghjornu ch’elli s’abbocheranu à scrive ?
tandu à elli sì, suneremu e vive !

sona sona chì sai sunà...

ma guarda chì ste doppie enne ponu ancu arricà u sonnu...


Almenu ch'è tù conti ancu tù di "piglià e sarre incù duie erre"?

sona sona chì  sai sunà...

ma  guarda chì ste  doppie enne ponu ancu arricà u sonnu...


Almenu ch'è  tù conti ancu tù di  "chjappà e sarre cun duie erre"?

Sonnu o sonu !

Mi discetu sol’avà ! m’hai sunatu dui colpi à fila, bastava po unu !

Di regula m’assicuru cù u dizziunariu, ma aversatu da u francese m’era parsu paru quandu ghjera à ritrosu !
è anc'assai,ch'aghju parlatu di cornu per esse capitu listessa
Aghju rimessu tuttu di squadra è cusi possu dì ch’aghju fattu a mo rientrata cù tè !
ò Maè ! se tu n’hai ch’à mè per scularu,… hai à fà l’ore in più !

L’avete cacciatu à tempu , eri avia appruntatu què :
« Cacciate puru u frisgettu scrittu ! marca u sette à mez’à u nove *! »
* mezu Settembre ò zitelli ! mezu Settembre !

Dui capi machja si sò prisentati à a rientrata, ma puru di u Gotha ùn ghjunghjime
à u Quotà per fà e ballotte ..à u secondu giru !

Hà ragiò Circiò ! da sonnu à sonu ... ci’hè un mondu !

o Lulù u scopu ùn hè micca di fà u buzz cum'elli dicenu certi.
simu quì, femu pruposte di sugetti, scrivimu è soprattuttu spartimu. certi ci leghjenu senza vulè scrive. noi scrivimu quandu pudemu. ognunu face ciò ch'ellu pò fà. senza parlà di u fattu ch'un foru ùn pò micca avè u "dinamisimu" d'una reta suciale. què era pussibile 6 anni fà, quandu facebook ùn era tantu praticatu.
u più impurtante hè d'avè un spaziu induve a lingua corsa campa (d'una manera o di l'altra), essendu una biblioteca virtuale, un locu induve omu pò scrive, lascià un messagiu, fà dumande, ecc.
ognunu à u so nivellu, ognunu cù e so pussibilità.

Sumenta a écrit:

o Lulù u scopu ùn hè micca di fà u buzz cum'elli dicenu certi.
simu quì, femu pruposte di sugetti, scrivimu è soprattuttu spartimu. certi ci leghjenu senza vulè scrive. noi scrivimu quandu pudemu. ognunu face ciò ch'ellu pò fà. senza parlà di u fattu ch'un foru ùn pò micca avè u "dinamisimu" d'una reta suciale. què era pussibile 6 anni fà, quandu facebook ùn era tantu praticatu.
u più impurtante hè d'avè un spaziu induve a lingua corsa campa (d'una manera o di l'altra), essendu una biblioteca virtuale, un locu induve omu pò scrive, lascià un messagiu, fà dumande, ecc.
ognunu à u so nivellu, ognunu cù e so pussibilità.

à chi simu ? hè natu à tempu à e vacanze per mantene una prisenza,per peccatu d’orgoliu
di cresce u mo ‘audi mattu’ mattu !
postu ch’o ci’eru aghju scrittu quind’è culandi, per i lettori chi ci facenu u piacè di suità .
-di fattu pare un tastu à cuntrasti cio chi t’hè valsu d’abbuchjati stu ‘pensum’ ma ùn hè ma statu u scopu meu.
Accunsentu u sensu che t'hai di u foru è s’ell’hè un locu di scontri quant’una veghja ùn si pò sparte..ch’in parechji.
Ùn aghju mai parlatu di livelu è di pussibilità ma ch’ellu sia per parlà o per scrive avemu tutti e capacità,
ghjè solu un fattu di pràtica per crescene l’usu .
un travagliucciu, a minima pratichella ùn hè mai persa
Parlu à spessu cù ghjente ch’ùn scrivenu mai è mi ci rinfrescu per appinzà a scrittura
Quand’aghju principiatu à scrive in Corsu aghj’avutu sùbitu una grande libertà di scrive in francese
ma m’hè vulsutu un bellu pocu per ghjunghje ‘à chi ne sò ?’

-U mo Pm hè apertu « « è ognunu hè benvenutu.. ch’ ùn sò fattu per 'facebook' senz’avelu mai lettu ne pruvatu !

Sta mane m'hè pigliatu u tichju di :Lamentu per l'amici parati da u ventu chi traghje per sti Fori !
COMPLAINTE  de RUTEBEUF : musique de Leo FERRÈ et si bien chanté par Joan BAEZ
::::::::::: U LAMENTU di RUTEBEUF:: Adattazione Òhimè ! corccia di mè !

Que sont mes amis devenus----------Duve sò chjappi i m’amici
Que j'avais de si près tenus-----------ch’o mi tenia cusi felici
Et tant aimés---------------------------è sempre à latu
Ils ont été trop clairsemés-------------soga u ventu l’hà spapersi
Je crois le vent les a ôtés--------------per esse oghje cusi scarsi ?
L'amour est morte----------------------Ùn ci’hè più fiatu !
Ce sont amis que vent me porte------ u ventu solu pichja à l’usciu
Et il ventait devant ma porte-----------è sbattulendu u so rimusciu            
Les emporta-----------------------------u s’hà paratu !

Avec le temps qu'arbre défeuille--------- listess’à l’alburu chi sfrasca
Quand il ne reste en branche feuille------ una una feghj'a so fronda
Qui n'aille à terre---------------------------ch’in pianu cascà
Avec pauvreté qui m'atterre-------------  Quandu u ventu puta è monda
Qui de partout me fait la guerre---------- ci si stippa ancu l'inguernu  
Au temps d'hiver-------------------------- è se ferma un fiore fraternu
Au temps d'hiver -------------------------  u ci dirasca !
Ne convient pas que vous raconte-------  A  Solitudine prestu s’appronta,
Comment je me suis mis à honte--------  amici à latu, a v’aghju conta !  
En quelle manière

Que sont mes amis devenus
Que j'avais de si près tenus
Et tant aimés
Ils ont été trop clairsemés
Je crois le vent les a ôtés
L'amour est morte
Le mal ne sait pas seul venir
Tout ce qui m'était à venir
M'est advenu

Pauvre sens et pauvre mémoire
M'a Dieu donné, le roi de gloire
Et pauvre rente
Et droit au cul quand bise vente
Le vent me vient, le vent m'évente
L'amour est morte
Ce sont amis que vent emporte
Et il ventait devant ma porte
Les emporta
 Rutebeuf (1230-1285) Adaptation en Français moderne de la Griesche d'Hiver.

i boi inziriti sò scarsi o Lulu

osinnò sta puesia era digià stata messa in corsu da Ghj. Fusina è cantata da Petru Guelfucci

http://www.deezer.com/track/5309721

Mì,Mì,Mì un Circiòsole chi spunta à l’orizonte !
Eù chi sò mezu che Incà aghj’assai piacè !
à umbria listessa 'i boi inziriti' per Rutebeuf ?

ùn sapia micca ch’ellu ci’era un adattazione ,ma quella di Ghjacumu hè bella
à ringraziatti torna per a to en‘ciclope’dia
hai sempre un bellu ochju in fronte per fighjà per ognilochi !

ùn aghju mentuatu ‘duve sò i m’amici’che per esse à paru di u tastu ‘à chi simu ?
ma puru s’o ùn mischju micca l’amore cù l’amici averia scrittu :
« l’amore hè morta » à u singulare
Chi quandu m’appimpu à fà qualcosa o s’ell’hè ben fattu da qualchisia dicu :
« Hè statu fattu cù AmorE, deliziE è òrganE ! »
Cacciatu di u pallò ! scrivi in sta manera ! ma piu pocu che i boi inziriti ! !

pè amore delizie è organe à u plurale à sò ch'ella esiste in francese (sò eccezzione) ma in corsu mi pare d'avè sempre intesu amori è organi à u plurale.
Delizie invece pò currisponde ancu à delizia singulare.

ma in corsu sò parechje e parolle chì cambianu genaru cambiendu modu.

ditu - dite
bracciu - bracce
ecc.

saria forse bè d'apre un sugettu apposta in lu filu cunsacratu à a lingua.

Dicu sempre in francese ste trè parulle chi vanu inseme, ch’in corsu a regula tradutta ùn hà sensu,
ma pensava ch’ognunu a si capia
Possu fà corre un pò di pratica ma manc’appena di gramatica !

Salutu i messaghji d’oghje chi ci rifiatanu
A chi simu ? torn’inseme !

iè mi paria ancu à mè ma postu ch'è tù l'avia dette in corsu è micca in francese...

Scorre sempre indarnu u  frisgettu di fine di vacanze
dà quì à pocu,puderemu participà à quelle di i Santi !
à quant’à a Rientrata…..pregheranu per noi !!

Scrittu solu per move ‘à chi simu’

Tal’è qual’u statu francese
Isula foru campa à crechje
è senza voi per fà e spese
simu à coscogliule è nechje !

ai a ragiò o Lulù. certi ùn si movenu più. (o Circione si tù ci leghji )
stu fb tomba i spazii virtuali cum'è i fori, a sapemu dipoi parechji anni. ma scrivimu quantunque. ci vole à participà, sparte puesie, canti, scritti, cunniscenze... ghjuveranu sempre per quelli chì s'interessanu à a nostra cultura è a nostra lingua. fb ùn hà micca sta capacità d'esse una biblioteca dispunibile per tutti, n'importa quandu.
ogni spaziu hà a so qualità. scrive quì o quallà ùn vole micca dì lascià da cantu l'unu o l'altru

Sumenta a écrit:

ai a ragiò o Lulù. certi ùn si movenu più. (o Circione si tù ci leghji )
stu fb tomba i spazii virtuali cum'è i fori, a sapemu dipoi parechji anni. ma scrivimu quantunque. ci vole à participà, sparte puesie, canti, scritti, cunniscenze... ghjuveranu sempre per quelli chì s'interessanu à a nostra cultura è a nostra lingua. fb ùn hà micca sta capacità d'esse una biblioteca dispunibile per tutti, n'importa quandu.
ogni spaziu hà a so qualità. scrive quì o quallà ùn vole micca dì lascià da cantu l'unu o l'altru

Altri tempi altri modi ! hè puru sicchia cù stu sole scemu d’ottore nuvembre chi ci sterpa !
Mi dispiace per quelli chi puru senza cunnosceli,eranu amici o cumpare di scrittura.. chi m’avviava sempre.. u so estru
Ruclinonu stà à umbria , Serra torra à silenziu u so cantu di prima à u sprichjà di u sole è e nostre donnette ùn furmiculeghjanu mancu un brìsgiulu d’aiccù !
Hà da esse dura per e cigale… a stagione di Mammapetra !
Faciu a mosca cavallina dà un tastu à l’altru ma ùn m’affaccu più per Puesia ch’ùn mi piccia di scrive in grossu ne cù duie culonne.
Steremu d’à chi simu? 'à chi feremu'? ..à vede cresce e tilàtiche !
ma ùn vole dì ! ponu sempre vultà tempi è modi ?

Sò statu scrittu u 4 di nuvembre 2012 è aghju capettatu eri a mo seconda china cù Quaraquaquà..quà messaghji … è quaraquarantacinque cù quellu d’oghje à l’andatura di 222 scritti à l’annu .

Aghju ‘pagatu u cavalottu’( fà u so tantu di parte) per caccià a baiocca di Vechju Cuccu è avvicinami di quella di Macuccu :….CORCI à VOI !

a ghjente hà bisognu di parlà di u so billicu micca di scrive corsu nant'à un foru
ancu si devu ricunnosce chì certi facenu un travagliu magnificu per a lingua nant'à e rete suciale!

dopu ci sò i prublemi chì impediscenu di scrive (tempu cum'è Rappallinu, prublemi d'ordinatore cum'è per Serra, malatia...). ci hè dinù u fattu chì certi anu pigliatu l'abitudine di vene nant'à Isula troppu tardi. à mezanotte ùn ghjova più per cuntrastà ...o di leghje senza scrive. ma si ùn scrivimu più ùn ci sarà più nunda à leghje

spergu cumincià sta dumenicata un sugettu nant'à a prima guerra mundiale. aghju documenti è ritratti chì vulerebbe sparte in memoria di i nostri antenati chì hà vissutu u peghju à st'epica. mi ci vulerà appenà di tempu per "numerizà" tuttu ma pruveraghju pianu pianu. ùn mi vecu micca sparte stu generu di cose nant'à fb chì hè fattu per sguassà è sminticà...

osinnò per fà un buzz pudemu fà un cuncorsu di duke face...





...