Puisìa Anima Maiori

Un salutu à tutti, dopu à una piccula assenza, mi ni voltu appena incù voscu, à sparta calchì scrittuchju.
Eccu una puisìa tinta d'umanità, unu di i me sughjetta prafariti, pensu chì pudemu tutti dà una manu à quiddi chì sò à malavìa, basta pocu à volti, una parolla, un surrisu, un sguardu.
bona littura.


ANIMA MAIORI

Appaghja i to lapra é porghji un surrisu
À l’omu ch’ùn sà apra u so essa afflittu,
Prova à vesta di soli l’umbri di u so visu
Incù dui paroli da ùn lacà lu zittu.

Inditta a surghjenti da sciaquà a paura
À l’omu ch’ùn hà nienti é à circà si stanca,
Falli veda u raghju chì straccia a bughjura
È dalli u curaghju ch’ugni porta spalanca.

Insigna a fantasìa é a gioia di campà
À l’omu à malavìa chjusu in a so pena,
Mosciali l’impurtanza di creda à l’avvena
È l’intima spiranza chì nudda ùn pò parà

Dà una strada nova quandu tuttu si sfaci
À l’omu chi ùn trova ùn sensu à la so vita,
Rigalali a libartà é a gioia infinita
Di sparta l’umanità avviendusi in paci.

[quote="Ghjaseppu Cardelli
ANIMA MAIORI

Appaghja i to lapra é porghji un surrisu
À l’omu ch’ùn sà apra u so essa afflittu,
Prova à vesta di soli l’umbri di u so visu
Incù dui paroli da ùn lacà lu zittu.

Inditta a surghjenti da sciaquà a paura
À l’omu ch’ùn hà nienti é à circà si stanca,
Falli veda u raghju chì straccia a bughjura
È dalli u curaghju ch’ugni porta spalanca.

Insigna a fantasìa é a gioia di campà
À l’omu à malavìa chjusu in a so pena,
Mosciali l’impurtanza di creda à l’avvena
È l’intima spiranza chì nudda ùn pò parà

Dà una strada nova quandu tuttu si sfaci
À l’omu chi ùn trova ùn sensu à la so vita,
Rigalali a libartà é a gioia infinita
Di sparta l’umanità avviendusi in paci.
[/b][/quote]

Ùn ti cheria limosina, mai più m’aspettava che tu pensessi à mè !
Ghjè sempre un piacè di leghje una scrittura nova perche fresca,
Ci cambia di e stinzzate di cinquante o sessenta filari chi ci’hè u so à fà à ghjunghje in fondu
Si vale un sonettu ! quatru quatrini di rime doppie dà core in capu
ùn si pò di che : .. BIS
Ùn perdi nunda per aspettà, chi micca per nunda ma ti feraghju listessu a critica

Anima maori inchjustrata cum’è elli da pedi in capu , ùn ti manca più che u Haka !

U surrisu chjama u surrisu , dà què à porghjelu à lapre appaghjate, un hè Dona Lisa chi vole per fàllu à lapre strinte ! spalanca e to lapre seria più ghjustu

-inditta : guasi guasi ùn mi dice nunda per avèla pocu intesa è mai detta , in più d’esse stretta à u francese ghjè una parolla dura, poca à l’embiu di u to tastu
insegnami o dimmi a surgente seria piu ghjustu è dolce

-inditta, rinforzata da sciaquà ma scritta sciacqua in u sensu di richjarà quante sciacquità, aghjustà l’acqua per mischjà è ciambuttà in a trovula o a camatta
-insegnami a surgente chi spula o sguassa a paura, seria piu dolce è ghjustu chi paura hè una parolla dura ragiò di più per esse amatata da quelle dolce à l’embiu di u tastu sceltu

-è dalli u curagiu ch’ogni porta spalanca : si dice megliu chi spalanca ogni porta è ancu a porta pare esse puntata à calci ?
-Sò bè chi dà u dettu à a scrittura ci’hè un saltu ma u fattu di scrive tuttu in i s’indurisce à a lettura
Nienti è spiranza, sfaci è paci mi pare che u cismuntincu hè più tondu !
Spiranza scritta cusi n’aghju pocu à quantu à rimà avvena cù pena ùn a mi sentu chi mi si pare chi à vena è a pena arripicanu a spiga !

Quessa detta ùn cambia micca u tastu è aghju sempre piacè di leghje quandu ci’hè qualcosa à pasce
ùn trovu à dì che cio ch’aghju pruvatu per mè à a scola di quelli chi sò frizzi è attenti

À tastu dolce , scrittura sottile, ùn perderai l’estru se tu accunci l’altra è piglieraghju a to strada u surrisu à mente è à lapre appaghjate per ùn dì nunda

-In tantu fàtt’un giru per estri cuntrasti per scopre l’acutezza è a dulcezza di Fringhellu

Ti salutu à salutera
ùn fà casu à a manera s’ella t’ampara à cunosce i to amici ! …Lulù

Ti ringraziu assà o LùLù pà issi paroli, hè sicura chì ci sarìa sempri meddu à fà, meddu à dì, ma pà essa sinceru incù tè, quandu scrivu à spissu riflettu pocu é micca, mettu ciò chì mi veni, i scritti ch'è tù leghji passani direttamenti dà u cori à a carta, senza stacci alcuni.   
Ùn mi matriculighju micca u ciarbeddu à vulè truvà a più bedda fiura, a più bedda infrasata, a parola più ghjusta ch'è un altra, scrivu à menti sciolta, parchì socu fattu cussì.   

ti salutu dinò

GC

Ghjaseppu Cardelli a écrit:

Ti ringraziu assà o LùLù pà issi paroli, hè sicura chì ci sarìa sempri meddu à fà, meddu à dì, ma pà essa sinceru incù tè, quandu scrivu à spissu riflettu pocu é micca, mettu ciò chì mi veni, i scritti ch'è tù leghji passani direttamenti dà u cori à a carta, senza stacci alcuni.   
Ùn mi matriculighju micca u ciarbeddu à vulè truvà a più bedda fiura, a più bedda infrasata, a parola più ghjusta ch'è un altra, scrivu à menti sciolta, parchì socu fattu cussì.   

ti salutu dinò

GC

Dà u core à a carta senza stacciu,  comprati puru un ciarnigliu ! è se tu sì fattu cussi… scriverai sempre cussà !
I cucinari Japunesi puru fendu a stessa sòssula cercanu sempre di fà megliu per megliurassi  ancu elli
Quessa a ti devi prima à tè à prò di a lingua chi «  ejaculatio primaticcia pocu intriccia !

Ejaculea jacta est !