Sulitudine

À la ghjente  di u cuntornu
Mandaremu i dispacci
Accindaremu lu fornu
È faremu i mugliacci
Per accatizzà u focu
Simu digià  trè buttacci

Chì tù sia un buttacciu
Chì tù sia un suffiettu
Un soffiu di puesia
L'aghju bramatu è l'aspettu
Di purtallu à di per mè
Tandu saraghju custrettu.

Ci hà da vulè ch'e ti facci
Subitu un'antra canzona
Lastemu stà i buttacci
Chì ùn simu à a stazzona
Evviva u prisidente
Ch'ella songhi a ciccona

À sidussincu :

S'è n'aspittavamu à tè
Per avè i fondi larghi
Avariamu lu tempu
Di turnà à esse magri
Chì a to cutisazione
Mancu per more ùn la paghi

Eu pagu sempre in canzone
Cù lu versu u più sicuru
Un n'aghju da fà cantà soldi
S'è tù l'ai falla puru
Po sunate ancu a ciccona
Eiu faraghju u tamburu.

A pelle l'ai bella tesa
Per  fà  a tamburinata  
Bench'è tù  guardi à a spesa
Pacarè  a to turnata:
Cù i  zini  ch'ai in borsa
Ci faremu una zinata

Un vale a pena ch'eo provi
A suffià nantu à a brusta
Eu ti chjamu in canzone
Tù mi rispondi in manghjusca
A puesia cùn tè
Entre sana è sorte frusta.

Capiscu e to lagnanze
Ma inquanti à mè tù ciarli
Per un cuncorsu di panze
Di cosa voli ch'e parli?
Evviva u prisidente!
Frittelle è mugliacci caldi!

Ùn vogliu dì eresia
Ma un annu hè guasi scorsu
Di paghjelle e puesia
Ùn fate più u cuncorsu
Site forse à panza piena
Intanati cum'è l'orsu.

…..SPERENZA……………………...............Lulù
Ùn vogliu dì eresia …………….... « ùn hai dettu eresia
Ma un annu hè guasi scorsu……ma nantu à u foru l’aghju letta
Di paghjelle e puesia …………. ..chi ci preganu 'bon natale'
Ùn fate più u cuncorsu…………...è ghjè propiu una pazzia
Site forse à panza piena ………..scorsu Aprile ùn alletta
Intanati cum'è l'orsu. …………...che e zucche senza sale ! »

O Lùlù di Cervioni
Serà forse una macagna
Piace à u nostru patrone
Ulivieru di Balagna
Dice ancu hè verità
Ognunu sempre si lagna  






Intantu bona dumenica è bon caffè à tutti.

http://isulana.blogspot.fr/2015/05/prima-matina.html

…….Sperenza . . . . . . . . . . . . . Lulù
O Lùlù di Cervioni . . . . . . . « Niulinccu di razzinu
Serà forse una macagna . . . .u maestru hè d’estru finu
Piace à u nostru patrone . . . .scrive sparte è tramanda
Ulivieru di Balagna. . . . . . . .ma pocu pasce a banda
Dice ancu hè verità . . . . . . .cù Natale per stupinu !
Ognunu sempre si lagna

Lùlù a écrit:

Niulinccu di razzinu
u maestru hè d’estru finu
scrive sparte è tramanda
ma pocu pasce a banda
cù Natale per stupinu !

Di i prati d’u parlatu
A banda ùn hà più primura
Esce di u suminatu
Luntanu d’a so pascura
Chì penserà u pastore
Di 'ssa tamanta sciagura ?

U pastore aspetta è spera
Di i pueti u viranu
Ch'elli piglinu a tastera
O puru a penna in manu
Caparrittu Sidussincu
Rappallinu è  Isulanu

Hà aspettatu Aprile
U nostru amicu Circione
È u sole veranile
Per caccià u so pilone
Eo u cacciu di Lugliu
Chì passu l'agregazione

Dunque allora hè naturale
Ùn hè micca un sacrilegiu
Ch'è tù possi avè l'urale
È divintà prestu agregiu
È vultà quì prufissore
Di liceu o di cullegiu

U colpu di u cuncorsu
Voi u mi fate spessu
Caparrittu l'annu scorsu
Fece sguasi u listessu
Ùn mi pudia risponde
Chì passava u cappessu

M’inframettu una seconda
Per salutà u ritornu
Di l’amicu Isulanu
È a so rima giuconda
Ùn s’hè chjamatu in vanu
O Circiò chì bellu ghjornu !

Quì ti dò tutti l'ingressi
Ma dammi un colpu di manu
Ci hè vulsutu ch'e chjamessi
U nostru amicu Isulanu
Invece tuccava à tè
Essendu u to paisanu

A ti diceraghju in rima
Ch’ùn ne vogliu fà secreti
Ma l’aghju lampata a prima
A chjama à tutti i pueti
Eri chì da mesi è mesi
Si facianu discreti

Hè vera ci ai chjamatu
Cù e to belle canzone
È subitu sò scalatu
Chì avà hè l'astagione
Sò surtitu da a tana
Dopu a mo inguernazione

Dopu a to inguernazione
Si esciutu da a tana
Fendu sente à u cantone
A to voce isulana
Ma rimane una quistione
L’altri seranu in panna ?

Circione a écrit:

U  colpu  di u  cuncorsu
Voi u  mi  fate spessu
Caparrittu l'annu scorsu
Fece sguasi u listessu
Ùn mi pudia  risponde
Chì passava u cappessu

Eccu avà ci rimprovi
D'ùn datti capu apposta
Eri sò scappatu hè vera
Senza mancu una risposta
Ma u toiu u diplomu
U t'hà purtatu a posta

À Sperenza :

Isulanu a écrit:

Eccu avà ci rimprovi
D'ùn datti capu apposta
Eri sò scappatu hè vera
Senza mancu una risposta
Ma u toiu u diplomu
U t'hà purtatu a posta

Vulinteri vogliu risponde
O caru à ciò ch'è tù dici
Aghju varcatu e sponde
Chì l'aghju avutu in Parigi
Ma ùn m'hà mai impeditu
Di cantà incù l'amici...