Sulitudine

Sperenza a écrit:

Dopu a to inguernazione
Si esciutu da a tana
Fendu sente à u cantone
A to voce isulana
Ma rimane una quistione
L’altri seranu in panna ?

Sidussincu ùn pò più vene
Siatene pur sicuri
Hà cidutu à  e sirene
D'orizonti falsi  è scuri
Avà hè  sur(face)bookatu
Scrive solu annant'à i muri.

Caparrittu vinarà
Infine  a  vogliu  crede
Chì si pò sempre spirà
Ch'ellu appii sempre a fede
Ma sò  cum'è San Tumasgiu
Aspettu sempre di vede

Rappallinu hè  un Puetu
Cosa dicu... hè un Scrittore
S'ellu si face discretu
È s'ellu ci lascia corre
È  chì  di chjama è  rispondi
Ellu ùn  hè  tantu  amatore

Ci saria ancu Tittò
Quant'hè ch'ellu ùn s'hè più vistu!
Ch'ellu  venghi s'ellu pò
Ancu per  vene in turistu
Soca ùn li dice  più nulla
Avà  ch'ellu hè un artistu...

Inquant'à Bobbu a spunga
Soca  hè partutu in viaghju
Casu mai ch'ellu ghjunga
Eiu  lu  ricivaraghju
È cusì  ci spiicarà
Cumu hè chì  trè  face un paghju...

Si  face la mio Spiranza
Chì avà  marchemu male
Aghju aspittatu  abbastanza
Ma d'aspittà più nun vale
Mi parenu tutti chjappi
Da u mondu virtuale.

Aspittava pè risponde
Chì u fruttu sia maturu
Intraraghju nù u ghjocu
Bench'eo ùn mi trovi sicuru
Sò chì pripari calcosa
Piattu daretu à u muru.

Piattu daretu à u muru
Aspettu ch'è tù mi caschi
Siane puru sicuru
Ùn pensu micca ch'e fiaschi
V'aspettu cù u bastone
À tè è à l'altri ambraschi

Vi mandu u me salutu
Pueti d'arti maiori,
Incù voscu sò vinutu
In qualità d'amatori,
Chi ùn possu firmà mutu
Di pettu à tantu firvori.

Sè n'aghju a parmissioni
M'infrungnu quì un istanti,
Spruvistu di pratinzioni
I me pregii ùn sò tanti,
Ma d'impruvisà canzoni
A possu fà senza stanti.

Dunqua s'aghju bè capitu
In issu mondu virtuali,
Ugnunu quì hè sparitu
Hè u locu và di mali,
Ma eu ùn sò intimuritu
Cantemu puri avali

Oghje tuttu hè virtuale
Ma quì hè un locu à parte
Un ambiente naturale
Prupiziu à tramandà l'arte
Dunque infrugnati puru
Si a toia voli sparte

Quissa l'aghju bè capita
Pari un locu divinu,
Duva a musa s'invita
Eppò ti teni vicinu,
A mea hè savurita
Musca u rosumarinu

Avali caru amicu
Da cuntinivà in canzone,
Sempri à l'usu anticu
Ti pongu una quistione,
Mi dumandu d'induva veni
U subranomu " Circione " ?

S’affacca Rosumarinu
U salutu da luntanu
Sottu à u celu pariginu
Duve mi ghjunghje l’affannu
Basta ch’o senti una chjama
È u core hè à veranu.

Ùn aghju veru talente
Pè fà un’impruvisata
Ma mi piace à stà à sente
Ancu tutt’una nuttata
Finchè ci hè candela è cera
‘ssa puesia pregiata.

Avà a facciu finita
Chì rispostu eiu t'aghju
Spergu ch’a ghjente smarrita
O partuta in viaghju
Ti rispunderà quantunque
Nanzu à u mese di maghju.

Rosumarinu a écrit:

Avali caru amicu
Da cuntinivà in canzone,
Sempri à l'usu anticu
Ti pongu una quistione,
Mi dumandu d'induva veni
U subranomu " Circione " ?

Da a lana picurina,
a circia*, dunque Circione
A mio mammò Filicina
Mi dede questu cugnome
Chì quandu m'era zitellu
Paria tuttu un muntone


*a circia hè a lana di e pecure quand'ella hè longa ( ma ùn si deve dì dapertuttu)

Sperenza a écrit:

S’affacca Rosumarinu
U salutu da luntanu
Sottu à u celu pariginu
Duve mi ghjunghje l’affannu
Basta ch’o senti una chjama
È u core hè à veranu.

Ùn aghju veru talente
Pè fà un’impruvisata
Ma mi piace à stà à sente
Ancu tutt’una nuttata
Finchè ci hè candela è cera
‘ssa puesia pregiata.

Avà a facciu finita
Chì rispostu eiu t'aghju
Spergu ch’a ghjente smarrita
O partuta in viaghju
Ti rispunderà quantunque
Nanzu à u mese di maghju.

O Spiranza ciò ch'è tù dici
Eiu ùn la possu crede
Bench'è tù sia in Parigi
Ti ci volenu e candele?
Accendi puru u lume
Cusì ci pudarè vede

Circione a écrit:

Oghje tuttu hè  virtuale
Ma quì  hè  un locu à parte
Un  ambiente naturale
Prupiziu à tramandà  l'arte
Dunque infrugnati puru
Si a  toia voli sparte

VIRTUALE ùn sò !

à Circione :
« ti vogliu chjamà 'à parte'
ripigliendu u to parlatu
se u foru hè locu 'à parte'
vole dì stranu o scantatu
bellu più ghè da andà
scrive,leghje è praticà ! »

à Rosumarinu :
« Salutu à Rosumarinu
s'ell'hè rusinu ghjè profumatu
è marinu ghjè turchinu
lu so corsu ghjè ben natu
colmu à sale di zucchinu
fiuritu è imbalsamatu ! »

Circione a écrit:

O Spiranza ciò  ch'è tù dici
Eiu ùn la possu crede
Bench'è  tù sia in Parigi
Ti ci volenu e candele?
Accendi puru u lume
Cusì ci pudarè  vede

Ti diceraghju una cosa
Bugie ùn ne sò cuntà  
È stasera stò ascosa
Priva d’elettricità  
Leghju à lume d’a candela
A ti ghjurgu hè verità.

Postu chè tù sì cum'è San Tumasgiu guarda puru...

Ma senza elettricità
Per cumpone in puesia
Inquanti à mè l'ai da frustà
Di l'Iphone a battaria
Mi dici a virità
O mi conti una bugia?

I pueti aghju chjamatu
Ma mi scordu di l'Erbaghju
Per ch' e ne sia scusatu
Allora mi pintaraghju
Tuttu lu mese d'aprile
È dinù quellu di maghju

@Circione

O Circiò fideghja appena
Dicu sempre a veritai
Erisera dopu cena
Principionu i me guai
À aspettà cum’è a manna
A fata elettricitai.

Sempre a risposta si face
Quandì tù mi chjami tù
Ma sì l'Erbaghju si tace
(Dopu ùn a diciarè più)
Hè ch'e ti lasciava in pace
Puità incù Lulù

Incun ellu l'aghju intesa
A musa hè sempre in viaghju
È à l'attaccu, a difesa
Si face cù tal curagiu
Chì à mezu à quella tesa
Ùn s'inframette Erbaghju

Di stu fattu mi ne pentu
Chì u foru hè un chjassu
Hè sarà ancu più quentu
Sì ognunu vene à spassu
À fà cantà ogni ventu
È dalli un novu passu

Oh quantu mi piaceria
Ch'ellu picciassi u foru
È chì -colpu di magia-
Si lighjissi u rinnovu
Di u cantu in puisia
Da scambià u ramu in oru

Hè vera ch'ellu risponde
L'Erbaghju quandu u chjamu
Cum'è u pesciu inde l'onde
Corre sempre appressu à l'amu
Ma ùn aghju stu putere
Di cambià in oru u ramu

@Sperenza

Ma stammi à sente o Sperenza
Inde e to puesie
Quandu di lume sè senza
Di noi ti voli ride?
Inquanti à mè tù cunfondi
E candele è e bugie.

Sì t'ùn ai stu putere
Cambia puru a to lenza
Chì e pescie ùn sò crudele
È t'anu a ricunniscenza
Fendu ch'un bon piscadore
Ùn rientre mai senza

Quandu pescu cù a cuchjara
Quandu azzingu u lumbrice
ch'e ghjunghi scozzulu hè rara
Tuttu lu ondu a dice
Di l'ami inde e labre
Avarè ancu e vinice...

Tendi puru a to reta
È appronta a piscaghjola
Chì a pescia sempre cheta
Ùn l'ai ancu micca à tola
Chì sè bonu par piscà
In Calacuccia è in Tolla

À corre appressu à e pesce
Ùn passu e mo ghjurnate
À dilla franca m'incresce
È sò troppu strapazzate
Quandu e vogliu magnà
E mi compru cunghjulate

Avale i to amichi
Sanu bè ciò chì tù sè
Cù a piscaghjola in manu
Vai sempre ind’è Thiriet
À cumpratti duie pesce
Par fà u fieru in caffè

Ciò ch'e facciu a palesu
È ùn cercu micca scuse
Ma mi sò sempre difesu
Cù e rime è cù e muse:
Ch'è tù ti techji di pesce
è ingurgatti incù e cruzie

Circione a écrit:

Rosumarinu a écrit:

Avali caru amicu
Da cuntinivà in canzone,
Sempri à l'usu anticu
Ti pongu una quistione,
Mi dumandu d'induva veni
U subranomu " Circione " ?

Da a lana picurina,
a  circia*, dunque Circione
A mio mammò Filicina
Mi dede questu cugnome
Chì quandu m'era zitellu
Paria tuttu un muntone


*a circia hè  a lana di e pecure quand'ella  hè longa  ( ma ùn si  deve dì  dapertuttu)

Quissa ùn a cunniscìa
Nimu nasci amparatu,
Ma sentu a nustalgìa
Parlendu di u passatu,
Chi u muntonu di tempi fà
Oghji si trova pilatu    

À sta musa giuvanile
Sò ubligatu à risponde
Sappia ch'ellu ùn ci vole à ride
Di e chjocche lisce è monde
Chì si trova spessu tosu
Quellu chì parte per tonde