Adattazione

per a to scelta,sta scuperta di Pessoa è per u piacè ch'aghju avutu à leghje Roccu Multedo

El monte y el río

En mi patria hay un monte.
En mi patria hay un río.

Ven conmigo.

La noche al monte sube.
El hambre baja al río.

Ven conmigo.

Quiénes son los que sufren?
No sé, pero son míos.

Ven conmigo.

No sé, pero me llaman
y me dicen «Sufrimos».

Ven conmigo.

Y me dicen: «Tu pueblo,
tu pueblo desdichado,
entre el monte y el río,
con hambre y con dolores,
no quiere luchar solo,
te está esperando, amigo».

Oh tú, la que yo amo,
pequeña, grano rojo
de trigo,
será dura la lucha,
la vida será dura,
pero vendrás conmigo.

Pablo NERUDA

A muntagna è u fiume

In paese meiu ci hè una muntagna
In paese meiu ci corre un fiume

Veni incù me

A notte atteppa pè a muntagna
A fame fala versu u fiume

Veni incù me

'sse ghjente chì soffrenu, quale sò ?
Ùn a sò, eppuru sò i mei

Veni incù me

Ùn a sò ma mi chjamanu dicendu :"Suffrimu".

Veni incù me

Mi dicenu : "U to populu, u to populu, marturiatu da a muntagna à u fiume,
chì pate fame è guai, ùn vole lottà solu
è ti chere aiutu o amicu".

O tù a mo cara, a mo ciuccia, a mo biada di granu
a lotta serà dura è dura serà a vita
ma venerai incù me.

a scopru solu oghje!!!
mi scusu d'ùn avè la vista nanzu! hè propiu bella o Sperenza!

Ti ringraziu.

Megliu tardi chè mai.

O Petra mettu quì a mo canzona...a spiazzerai sì tù voli.

LUKA
**********************************
Mi chjamu Luka
Campu à u secondu pianu
Stò ghjustu sopra à tè
Ci simu scuntrati erimane

Sì tù senti un rimore stranu
In la notte, un mughju luntanu
Per piacè ùn dumandà (x2)
Ùn mi dumandà cosa era...

Serà chì sò sgalabatu
Tuttu mi scappa d'e mani
Serà perchè chì sò scemu
Eppuru nun facciu lu fieru

Pichjanu da fatti pienghje
Tù nun ti sai difende
Voli solu avè a pace (x3)

Sò bè ùn t'inchietà
Sò torna incettatu in a porta
Hè cusì ch'o rispunderaghju
Sì tù dumandi ma ùn ti fidà
Vuleria esse tranquillu
Nunda di rottu nunda di scialbatu

|Ùn dumandà cume sò (x3)

Mi chjamu Luka
Campu à u secondu pianu
Stò ghjustu sopra à tè
Ci simu scuntrati erimane

Sì tù senti un rimore stranu
In la notte, un mughju luntanu
Per piacè ùn dumandà (x2)
Ùn mi dumandà cosa era

Pichjanu da fàtti pienghje
Tù nun ti sai difende
Voli solu avè a pace (x3)





Suzanne Vega parla per un zitellu minatu da i so parenti...

è una bella adattazione à u livellu pueticu ma e to parolle un entrenu micca micca nu a musica (aghju provatu à cantàlla .. ) . per u caraocchè ci hà da vulè chi tu a currege appena

Ancu assai ch'avemu à Sperenza per fà l'adattazione!
brava!

o ghjalluchjò, piglia a web cam è mandami e to videò di caraocchè...
dopu e mettu annant'à youtube

Ghjallochju a écrit:

è una bella adattazione à u livellu pueticu ma e to parolle un entrenu micca micca nu a musica (aghju provatu à cantàlla .. ) . per u caraocchè ci hà da vulè chi tu a currege appena

Eppuru l'aghju scritta cantendu... ma aldilà di stu fattu vuleria currege qualchi spressione appena "sgalabata" cum'è per esempiu u passagiu (u scrivu in inglese) :

"They only hit until you cry
And after that you don't ask why
You just don't argue anymore"

Circione a écrit:

Ancu assai ch'avemu à Sperenza per fà l'adattazione!
brava!

Grazie.
Toute peine mérite salaire. Ti manderaghju u mo RIB.

Sperenza a écrit:

Circione a écrit:

Ancu assai ch'avemu à Sperenza per fà l'adattazione!
brava!

Grazie.
Toute peine mérite salaire. Ti manderaghju u mo RIB.

Ogni penna ùn vole micca sempre paga !

Circione a écrit:

Ancu assai ch'avemu à Sperenza per fà l'adattazione!
brava!

o ghjalluchjò, piglia a web cam è mandami e to videò di caraocchè...
dopu e mettu annant'à youtube

per u clippu metteraghju a mio tenuta di Calimeru , quistione di credibilità per raportu à u suggettu

U mo core caminerà

Ogni notte , in sognu
Ti vecu, ti sentu
È cusì sì vivu in me

Pocu impreme u viotu
U spaziu trà di noi
Sì venutu è m'abbasta à me

Tù sia luntanu o vicinu
Credu ch'u core sempre camina
Ritorni è apri a porta
Sì quì in lu mo core
U mo core caminerà

L'amore ci tocca
Una volta è dura
À dui u femu ingrandà

L'amore era quandu
T'amai , risentu
'sse stonde chì sempre seranu

Tù sia luntanu o vicinu
Credu ch'u core sempre camina
Ritorni è apri a porta
Sì quì in lu mo core
U mo core caminerà

Sì ghjuntu ùn temu più nunda
Sò ch'u mo core  caminerà
Seremu per sempre eiu è tù
Sì salvu in lu mo core
U mo core caminerà


Adattazione di "My heart will go on" (parulle : Will Jennings, musica : James Horner).

Ùn aghju più vita, sperenza finita,
Cumu a possu accettà ?
Oghje senza tè ùn c’hè più piacè
Mi ne stò in a nebbia à aspettà.

I sonnii svaniti si ne sò smariti
Ùn vogliu mancu fà nice.
A malincunia tronca l’armunia
D’una mente sola, è infelice.

À l’addisperu, propiu à l’addisperu
Chì aldilà di a tristezza
M’annegu in un oceanu d’amarezza
À l’addisperu un addisperu veru
Per vene à u mio succorsu
Ùn bramu più nisun discorsu
Mancu ùn sò più capace
D’esse in pace

A mio dipendenza hè a to presenza
Ùn mi sentu più fiatà
In cerca d’amore ùn c’hè ch’e languore
Un dulore scemu ch’ùn sì pò piattà.

Oghje u silenziu senza un licenziu
Mi sprufonda à l’abbrocu
In l’imbriachina cascu in pulvina
Di pare vede ti in ogni locu.

À l’addisperu addisperu sinceru
Di campà ùn aghju più laziu
S’ella hè per chè tù diventi u mio straziu
À l’addisperu in un statu miseru
T’aghju vulsutu appartene
Per ùn riesce à ottene
Di a sorte inghjuliente
Solu u niente.

Mi n’aghju da more, strappà u mio core
Da a to indiffarenza
Scuntrà a scimizia senza più nutizia
È sprufundà a mio esistenza.

À l’ultimu sangue, à l’ultimu langue
Ormai ùn ne possu più
Passione tumbata, l’anima scempiata
U mio orizonte era solu tù.

À l’addisperu, velenu murtiferu
Di campà ùn aghju più laziu
S’ella hè per chè tù diventi u mio straziu
À l’addisperu, cusì, à l’addisperu
Ùn aghju più nisun essenza
Ùn mi ferma più ch’e suffrenza
È sò cumplettamente à l’addisperu
Casdendu in inferri, a senti, à l’addisperu.

Bravu !  

bravu o Ruclì! ma poca "ambiance" chè tù ci metti per stu réveillon    

Grazie.

S'e vulete, aghju dinù adattatu "La solitutina" di Laura Pausini è "Le temps des fleurs".   

Ruclinonu Solechjari a écrit:

Grazie.

S'e vulete, aghju dinù adattatu "La solitutina" di Laura Pausini è "Le temps des fleurs".   

"Nuit de folie", "YMCA", "allez viens boire un p'tit coup à la maison"? per fà campà u spiritu di u réveillon   

petra alta a écrit:

Ruclinonu Solechjari a écrit:

Grazie.

S'e vulete, aghju dinù adattatu "La solitutina" di Laura Pausini è "Le temps des fleurs".   

"Nuit de folie", "YMCA", "allez viens boire un p'tit coup à la maison"? per fà campà u spiritu di u réveillon   

e "la danse des canards" serebbe  troppu dumandàtti    ?

Fate la voi, ùn aghj'à micca à fà tuttu eiu.

Eiu aghju u catàru è 40 di frebba.  Sì Ghjallochju a vole scrive, hè ellu u spezialistu d'e piume. 

Sperenza a écrit:

Eiu aghju u catàru è 40 di frebba.  Sì Ghjallochju a vole scrive, hè ellu u spezialistu d'e piume. 

porca miseria, anch'eiu... ùn la cridia micca quandu omu dicia chì si chjappanu i virus nant'à a tela    

Per via d'u catàru ùn ai mancu annunciatu ch'aghju vintu u cuncorsu di e cacciate 2013 cun 46 punti.     

ghjè a grippa chì mi face perde u capu!   
allora, ai sceltu u to premiu?   

Sti pantalunacci ???  

Ùn li vogliu mancu di rigalu...