Chjama à Ghjuvan u puetu

Vogliu fà una strufata
À u mio amicu  "Ghjuvan"
Sicondu a so parlata
Vene di  l'Usbekistan
Ma per mè  ciò chì li ci vole
Saria un bellu divan 

Avà l'ai fattu parte
Cù tutti i to blablà
L'analisa hè un arte
Ùn vale quì à burlà
Forse li ne ci vole una
Ma quessa ùn la sò fà  

Ti rispunderò sta mane
Cù piacè ti scrivarò,
Sè tu vogli mi parla ne
Eccu eiu ti parlerò.
Ti dispiace a mò parlata,
Cosa eiu ne po fà,
Hè cumu e altre fatta
Hè micca da curregà!
È per tè c'hè un dumandu,-
Serbia, Usbekistan
Vedu, ami tantu tantu
È mi chjami u "divan",
Sta parulla hè francese
Scrivi è tu sì "content"
Hè micca per u paese
Hè per u tò "continent"!
Cumu tu ne parli corsu
Cumu quellu ne sarà,
Sè senz'alcunu rimorsu
Ùn ci vogli rispettà?!

S'è tù m'inviti o "Ghjuvan"
Forse "cun tè partirò"
Ùn cunnoscu l'Usbekistan
Ma vulinteri ci vò
Ùn parlu usbekistanese
Ma mi darè e lizziò

S'ellu ùn hè micca usbeccu
Chì saranu e so prese
Da duve sarà u meccu
Forse qualchì sgiappunese
Chì quallà parlanu seccu
È ùn temenu l'offese

Sarà qualchì samurai?
Pò esse ancu di sì
O tittolu s'è tù a sai?
A ci poi puru dì
Saria ancu u colpu
Ch'ellu fia hara kiri

S'ellu esiste veramente
È s'ellu ùn hè micca un feccu*
Tandu simu male o ghjente
Perchè l'amicacciu usbeccu
Ci hà da impone a so lingua
Tandu, Isula Foru hè leccu



* fake