Circione
Messages : 2212
Date d'inscription : 27/02/2012
 | Sujet: Ghjuvan Deziu  Dim 4 Mar - 21:31 | |
|
Ghjuvan Deziu
Sirenu spunta l’albore
Abbraccia a vallitella
Ghjuvan Deziu u pastore
Cura a so bandarella
È u so sguardu d’amore
Saluta l’ultima stella
Carizzendu a pianura
U primu ragiu si stende
Mentre traghje un’aria pura
A vallitella s’accende
Ghjuvan Deziu cù primura
Dà capu à e so faccende
U casgile addurmintatu
Aspetta u so patrone
Ghjuvan Deziu ci hà amparatu
I gesti di Salamone
Pasturellu attempu natu
In baglia à e stagione
Hè l’eternu bardianu
Di l’usanze pasturale
L’opara di a so manu
Hè colma di naturale
U so stintu paisanu
Hè ricchezza universale
Nu i muchji impruviseghja
U ghjornu appressu à e capre
Eppoi a sera à veghja
Pare un libru chì s’apre
Tutt’ognunu sunnieghja
Appesu à e so labre
| |
|
Sumenta
Messages : 2052
Date d'inscription : 25/02/2012
| | Sujet: Re: Ghjuvan Deziu Mer 7 Mar - 20:37 | |
| magnifica  | |
|
di sfughjita
Messages : 124
Date d'inscription : 06/03/2012
Localisation : Bastia
| | Sujet: Re: Ghjuvan Deziu Mar 13 Mar - 10:12 | |
| A pensu cum'è Petra Alta, sona ista puesia quant'è un bel'umaggiu ! Avà sè vo a mi permittite, vi vuleria dumandà o Circiò ciò ch'elli sò i gesti di Salamone, poi chì vole dì 'in baglia à e stagione' ?  Grazie tante  | |
|
Circione
Messages : 2212
Date d'inscription : 27/02/2012
| | Sujet: Re: Ghjuvan Deziu Mar 13 Mar - 22:30 | |
| Bona sera o Disfughjita... allora duie cose, a baglia hè la nourrice, in baglia à = à la merci depè i gesti di Salamone l'aghju detta cusì perchè u mo ziu Ghjuvan Deziu m'avia contu a fola di u primu pastore: https://isula.forumactif.com/t105-salamone#655 | |
|
