CHJAMA È RISPONDI IN LINEA 13/02/2014

Incù stu sugettu quì
Sculliscia a puesia
Ognunu puderà dì
Ch ellu hè sportu d alegria
Dicendu forse di sì
A Aiacciu o à Bastia

Erbaghju a écrit:

Fiore di Teppa a écrit:

O Tittò quissa hè dura
Tù ci metti à a sfida
Sarè tù contra a natura ?
Di a rima prontu à rida
Chì parlendu di ballonu
U docu à tè me Tittonu !

Allora s'ella hè cusì
Ancu à me musa si stacca
Chì annant'à u sugettu
Manch'eiu ùn ci capiscu un'acca
Hè vera chì u sugettu
Avà i cuglioni mi sciappa

Sè qualcosa quì si sciappa
O u mo caru Erbaghju
Ghjè chè tù manchi una tappa
Tandu eu t aiuteraghju
Metti puru a to sciarpa
È mettiti in viaghju

Circione a écrit:

Erbaghju a écrit:

Circione a écrit:

À Erbaghju:

Osinnò pudemu fà
Cum'avemu sempre fattu
À  chì vole impruvisà
Ch'ellu ùn  si stia piattu
Senza dumandà permessu
Nemmancu  signà  cuntrattu
 

Ma chì saraghju po' ghjuntu
À raghjunà muse sceme
Par risponde à i mio vanti
Sò attacchi è ghjasteme
Eiu chì in puisia
Ti cridia esse di l'emme

U  sugettu hè u  ballò
Dunque  ùn aghju nula à  teme
U  ci hà  prupostu  Tittò
Chì hè à  fondu per l'OM*   
Tù  mi  voli  ghjucà  contru?
O  emu  da  ghjucà inseme?   



* (si leghje: o emme     )

Avà lighjendu a to rima
Vecu chì sè scemu persu
Di pigliammi incù tecu
Senza ghjucà ai persu
Peghju ùn c'hè in u cantone
È mancu inde l'universu

Puri vocu à l'attaccu
Ni passu unu, dui è trè
È di quissa ùn socu fiaccu
È viaghju di più bè
Ma tandu perdu fedi
Ch'ùn aghju ballò in pedi !

Scusatemi o amichi
S'e m'affaccu in ritardu
U sugettu di u ballò
Sappiate ch´hè bellu largu
S'è vo ùn sapete ghjucà
O zitè eiu v'ampargu

Tittò a écrit:

Erbaghju a écrit:

Fiore di Teppa a écrit:

O Tittò quissa hè dura
Tù ci metti à a sfida
Sarè tù contra a natura ?
Di a rima prontu à rida
Chì parlendu di ballonu
U docu à tè me Tittonu !

Allora s'ella hè cusì
Ancu à me musa si stacca
Chì annant'à u sugettu
Manch'eiu ùn ci capiscu un'acca
Hè vera chì u sugettu
Avà i cuglioni mi sciappa

Sè qualcosa quì si sciappa
O u mo caru Erbaghju
Ghjè chè tù manchi una tappa
Tandu eu t aiuteraghju
Metti puru a to sciarpa
È mettiti in viaghju

Quì ti sbagli ancu tù
Sarè tù cum'è Circione
Chì sò vinutu sta sera
Par fammi 2 canzone
È micca à circà i voti
Par ùn sò quale alizzione

A mè mi piace u turchinu
È a dicu à rime tese
Mancu u li girgu u spinu
A a squadra marsegliese
A dicu ancu senza teme
Forza è forza l om     

A Erbaghju

Tù dici chì ti n infutti
Ghjurghi eppo pesi a manu
Ma cunnoscu i to produtti
È forse d altri a sanu
Ci vole à dì avà à tutti
Chè tù sì un bresilianu   

Eiu sò per u sportingu
È micca pè l'ACA
À quessi eiu l'appingu
Cum'è salticce à siccà
È avà vocu è mi chjingu
È vi lasciu impruvisà   

S'è  vo  ghjucate cun mè
Tutti vi ripusarete...
Ne passu unu, dui, trè!
Quattru! cinque! a cridarete?
À a  fine sciaccu un pacchettu
È  u mettu inde e rete  

O Tittò sè una sega
Ci ha' trovu lu sughjettu
È quì ugnunu ti prega
Di ùn fà tantu dispettu
Forsa ti piddi pà i Basca
Ma hè biota la to vasca ;-)

Voli tufunà e rete?
Calmeraghju a to fiamma
Di marcà ai a sete
Serà ancu fame è brama
Ma o cari ùn la sapete
Chì sò più lestu chè Lama...


Bernardu micca Sergiu...

Tittò a écrit:

A Erbaghju

Tù dici chì ti n infutti
Ghjurghi eppo pesi a manu
Ma cunnoscu i to produtti
È forse d altri a sanu
Ci vole à dì avà à tutti
Chè tù sì un bresilianu   

Circione a écrit:

S'è vo ghjucate cun mè
Tutti vi ripusarete...
Ne passu unu, dui, trè!
Quattru! cinque! a cridarete?
À a fine sciaccu un pacchettu
È u mettu inde e rete

Circiò farà l'argentinu
Eppo' eiu u bresilianu
Mancaraghju cù i pedi
Eppo' ellu cù a manu
Fendu e so fisichette
Mai ùn sarà capitanu

À sidussincu li nasce
Subitu u sudore in fronte
Pare una capra chì pasce
O forse un rinoceronte?   
S'ellu ghjugne Caparrittu
Li facciu un "picculu ponte"  

Circione a écrit:

À sidussincu li nasce
Subitu u sudore in  fronte
Pare una  capra  chì pasce
O  forse un  rinoceronte?   
S'ellu ghjugne Caparrittu
Li  facciu un "picculu ponte"  

    

Ah, avali ch'e ti sentu
Mi pari più discitatu
È quì lu to versu quentu
Veni beddu allisciatu
Hè fami discipulina
A me virsura ùn hè fina !

Un bellu picculu ponte
Hè tamanta fisichetta
Ch è cose sianu conte
Ch a verità sia detta :
Trà mez à e fiure tonte
A più bella hè a ruletta

  

O  Tittolu lascia corre
Bench'è  tù  sia  sinceru
Eiu sò un ghjucadore
U  ballone  hè u mo mistieru
Guarda  chì ti  facciu ancu
U  colpu  di u  sombreru

Per pudè fà u sumbreru
Ci vole à sapè carizzà
Chì u ballone da veru
Mancu ùn si lascierà fà
Soca avia in penseru
Di fallu nant à FIFA

Soca avete capitu
Ch'ellu ùn mi piace stu ghjocu
Allora s'ella hè cusì
In canzone avà mi sfocu
È u vostru sumbrerone
U vi ficcu in quellu locu

Aiò fatela finita!
Falla finita o Tittò!
U ballò hè a mo vita
Sò NATU incù un ballò!  
S'ellu ùn ti piace u chjucu
Ti facciu un ponte maiò

Ghjè prupongu ribillioni
À chì ùn piaci u ballonu
Ch'iddi fùssini lioni
Fieri più chè un paonu
Forsa chì incu Erbaghju
Sta ribillioni faraghju...

Eiu sò cum'è l'Erbaghju
U ballò un mi ne piace
Pò darsi saraghju capra
Ma custì c'hè pocu à pasce
Calpighjate u tarrenu
Cumu l'arba avarà da nasce ?

Fà puru un ponte maiò
Unu vechju è unu novu
Ùn capiscu a to ragiò
È pur tantu eiu provu...
Sì natu cun un ballò
Ma nutizia ùn ai trovu.

sidussincu a écrit:

Eiu sò cum'è l'Erbaghju
U ballò un mi ne piace
Pò darsi saraghju capra
Ma custì c'hè pocu à pasce
Calpighjate u tarrenu
Cumu l'arba avarà da nasce ?

Eiu ùn sò fà u sombreru
Nè e passe nè tiri in salti
Allora i pueta muti
Sì più cà mè elli sò sgualtri
A vi dicu vulinteri
Ch'avà lasciu a piazza à l'altri