Andreotti Dumenicu "Minicale"

O Erbaghju quandu e metti e virsione scritte di ste canzone? ùn hè micca a rubrica musicale quì hè l'ANTULUGIA di i SCRITTORI

Foglii venerabili d'un tempu anticu.

ùn sò po quale ellu era stu J. di Lilla...
sicuramente qualchì parente o paisanu di Minicale ... Ah sti media o zitè...

Erbaghju a écrit:

Ùn sintite ciò chì corre
Da la piaghja à a muntagna
I cani ne sonu in dolu
À chì grida à chì si lagna
Si ne mortu Satanassu
Senza avenne alcun macagna

Ùn si sà s'ella hè tisia
O s'ella hè stata a puntura
Marcu l'avia allivatu
Cù l'arte la più futura
Ùn cridia chì la morte
Lu mandassi in sepultura

Una sera fattu veghja
Sciolta la cunversazione
S'anu lasciatu lu cane
In salute à lu fucone
A matina l'anu trovu
Mortu è zittu ind'un agnone

Satanassu si n'hè mortu
U ghjornu hà fattu malatia
S'hè truvatu à la so morte
Solu è senza cumpagnia
.... n'ùn cridia mai
Ch'ellu fussi à l'agunia

L'avia vindutu un catellu
Per fallu vene à ....
Alesiu di Ghjuvan Petru
U l'avia rigalatu
Ma per la cundizione
Ch'ellu ùn fussi maltrattatu

Quand'elli la sinteranu
I nostri amici in Niolu
Credu chì si purteranu
Tutti quanti u nostru dolu
Chì culanne satanassu
Ci avia più di un figliolu

Bonasera o camaratu
Incù tantu ...
Duve site incaminatu
Solu è senza ...
Quì marchjate cum'è un ladru
Per la più secreta via

Caru amicu ùn mi cunsola
D'andà ... è ...
V'anu insignatu à la scola
À parlà cusì impulitu
Forse ùn avete manghjatu
È site sempre famitu

Per cumprà tante bugie
Quantu solli le pacasti
Marchji sempre per le vie
Senza ... nè ...
Chè tù diventi sumere
Eppò metteti l'imbasti

O chì per contà le fole
Di bugie si impastatu
Disprezzeristi lu sole
Bench'ellu t'abbia scallatu
Chì a più parte di l'inguernu
Si sempre mezu spugliatu.

Stu cuntrastu scrittu da Minicale, l'aghju trovu nantu à a K7 d'Antone Ciosi, Ritornu à u paese (cù e voce di René Astolfi è Antone Ciosi). Pudete stallu à sente dinù nantu à Deezer (dischettu Chanson française). L'aghju vulsutu ricupià ma per disgrazia, ci sò parulle ch'ùn capiscu.

Sì qualchissia mi pò aiutà à ritruvalle.

Dumanda seria.

Pen(n)a persa.

Solu è senza cumpagnia

Sperenza a écrit:

Bonasera o camaratu
Incù tantu ligiadria
Duve site incaminatu
Solu è senza cumpagnia
Quì marchjate cum'è un ladru
Per la più secreta via

Caru amicu ùn mi cunsola
D'andà ligiardu è spiditu
V'anu insignatu à la scola
À parlà cusì impulitu
Forse ùn avete manghjatu
È site sempre famitu

Per cumprà tante bugie
Quantu solli le pacasti
Marchji sempre per le vie
Senza nè cena nè pasti
Chè tù diventi sumere
Eppò metteti l'imbasti

O chì per contà le fole
Di bugie si impastatu
Disprezzeristi lu sole
Bench'ellu t'abbia scallatu
Chì a più parte di l'inguernu
Si sempre mezu spugliatu.

l'aghju fatta di mimoria
senza stà à sente u discu
ma mi pare cusì, virificate ùn si sà mai
eiu ùn aghju micca u sonu annant'à st'ordi di #@"~&/!#?§@!

a virsione integrale si trova in l'antulugia di Ceccaldi
a vi mittaraghju
cù a magnifica canzona di T.Pasqualini cantata da L. Savelli.

Ti ringraziu.

"Ne cena ne pasti" era faciule à truvà, aghju mancatu di malizia.
"Ligiadria" hè quella chì m'hà datu u più u filu à torce.

Ma chì vole dì esattamente "ligiadru è spiditu" ?

Isulanu a écrit:

Solu è senza cumpagnia

Eppuru l'avia scritta nantu à a carta...
Fà chì mi sò scurdata di ricupialla.

a ligiadria hè una spezia di grazia

spiditu = lestru

Circione a écrit:

spiditu = lestru

Cumu aghju fattu à ùn pensacci micca ?

Spiditu = speedy

ARRIBA !!

Eccu quì a virsione cantata da Antone ciosi è Rinatu Astolfi:

Aghju trovu stu scrittu nentru à "A muvra di u 1936".

U tempu chì hè passatu

Branu hè digià passatu
Hè ghjuntu lu crudu invernu ;
Soffia u ventu assaittatu
Da le cime à u bassu internu
Sarà in terra scatinatu
Satanassu da l’infernu ?

Nuvembre n’hè apparitu
Cù la so vechja curetta
Solu, cum’è un eremitu
Quandu mai nimu l’aspetta ;
À principiu di l’invernu
S’hè calfatu la baretta.

Scatulisce in Aitoni
U trettu di la furesta,
Tronca e piante è li ghjamboni
Pare ch’ellu ghjetti pesta ;
Trema l’aria, fiocca neve
È si move a timpesta.

Cambia aspettu la natura
U celu s’inturbidisce
Si distende la cutrura
È la neve fiocca à strisce ;
Da lu monte à la pianura
Ogni cosa sculurisce.

Si n’hè andatu dicembre
Dopu a festa di Natale,
Laceratu avia le membre
Da lu ventu micidiale
Cum’è acellu razzicatu
Senza piume è pocu ale.

Hà lasciatu i so dritti
Ch’ellu venissi Ghjennaghju ;
Dopu tanti ghjorni tristi,
Ch’ellu faccia bon viaghju !
È lu so biancu mantellu
L’hà distesu sin’à maghju.

Minicale in Almanaccu di a Muvra per u 1936.