Pruverbii di i mesi,e feste

FALCINA

Pedinella hè stata turrata per falsi è usu di falce

Circione a écrit:

Ù  state micca à sente à Météo France, l'inguernata  hè  compia,  a vi dice Circione...  

"Ciriola ciriola
Simu nentru o simu fora
S'ellu  piove acqua minuta
L'inguernata si n'hè isciuta
S'ellu  hè  sole  è tempu chjaru
Marzu hè peghju cà ghjinnaru."



(si  dice  cusì  dinù  ind'è voi?)

Eccu, acqua minuta in Balagna...

mi poi spiegà "acqua minuta"?
mi pare di capisce ma senza capisce   

petra alta a écrit:

mi poi spiegà "acqua minuta"?
mi pare di capisce ma senza capisce   

indè  mè si dice listessu acqua minuta.... vene à di dolce chi pianu pianu s'infirza... ghjuvativa per e loche è pocu dispiacevule per e ghjente dinu...
listessa parola che a minuta vene à dì u renu o grenu per l'altri...

Sepulana a écrit:

petra alta a écrit:

mi poi spiegà "acqua minuta"?
mi pare di capisce ma senza capisce   

indè  mè si dice listessu acqua minuta.... vene à di dolce chi pianu pianu s'infirza... ghjuvativa per e loche è pocu dispiacevule per e ghjente dinu...
listessa parola che a minuta vene à dì u renu o grenu per l'altri...

Iè, hè  cusì, acquicinella minuta.

grenu o renu?  chì saria per  voi?

U renu, grenu, minuta secondu e loche hè cio chi ferma quand'ellu si staccia u fiore (farina di granu) è secondu u stacciu( di seta o stacciu fine) hè più o menu rifinita a farina piu o menu bianca. Per u francese hè a sferenza tra farine blanche, bise ou complète
certi dicenu dino a semul(l)etta o a venata (chi per me in Caccia va per l'orzu è mica per u granu)
Eccu spergu d'esse stata chjara

à ringrazià vi!   

eccu cio chì ci pò mancà à noi chì amparemu u corsu: documenti sonori chì ci permetterebbenu d'avè à tempu u sonu è a scrittura. sopra tuttu per st'affari di doppie cunsunante.
si truverà nant'à a tela?

petra alta a écrit:

eccu cio chì ci pò mancà à noi chì amparemu u corsu: documenti sonori chì ci permetterebbenu d'avè à tempu u sonu è a scrittura. sopra tuttu per st'affari di doppie cunsunante.
si truverà nant'à a tela?

Iè o Petra si ne trova. U librettu di Sepulana hè accumpagnatu di u CD di mp3. Cusì ci hè ancu una tistimugnanza urale, sunora, hè assai impurtante, tantu pè a lingua cà per via u cuntinutu. Annant'à u ligame ch'ella hà messu, ci hè dinù parechji picculi arrigistramenti.

Aghju  spiazzatu  i  missagi annant'à  a  brennu / brenu ,  rennu / renu.


S'è vo vulete leghje a fine di stu "brenu storming"   cliccate annant'à u ligame sottu quì :


Brennu  o  brenu?

Aostu

Sittembri :

« À a luna sittimbrina, setti luni ci s’inclina. »

« Di sittembre, coglie u fruttu. »

« Sittembre coglie u fruttu chì pende chì vene ottobre è rode. »

« Sittembre coglie u fruttu, uttobre ogni cosa rode. »

« E mele settembrine tenenu fin’à Natale. »

« In u bughju sittimbrinu ùn si devu fà caminu. »

« Sittembre e culpisce (l’alivi), ottobre e sepellisce. »

“I sposi sittimbrini, o veduvi o mischini.”
« Matrimoniu sittimbrinu, prestu veduva o mischina. » (v. matrimoniu)

«
« Per avè un figliolu vai à a Santa di u Niolu. (08/09) »

« Per Santa Croce (14/09), pane è noce. »

« Avà hè ghjuntu Ciprianu ! » (16/09)

Quandu calchissia t’hà u sonnu si briona : « Avà hè ghjuntu Ciprianu ! » San Ciprianu hè cunnisciutu in Corsica com’è a parsunificazioni di u sonnu.

"A statina di San Michele " (29/09)

U papa Sistu quinte,u ghjornu ch'ellu guardava a pittura di Saint Jeröme (30/09) chì si mena u pettu cù una petra disse:
« Tenila forte issa petra ; senza ella, mai sereste statu canunizatu ! »
».

Nuvembri (ernest.papi.free.fr)

« A vighjila di tutti i santi, dighjunu è astinenza. »

« U primu di nuvembre, San Martinu risplende è si sparghje u vinu. »


« Quandu u vinu hè in a tina, l’oliu hè in l’uliva. »

« À chì ùn sà piantà, pianti di nuvembre. »

«  A la Sainte Catherine (25/11) tout bois prend racine. » (Français)
« Chì sumena avanti li Santi, sumena pè i cantanti. »

« Nuvembre, u murtulaghju, face fà un gran viaghju. »

« S’iddu piovi ind’ì Santi (1 /11), ind’ì Morti piuvarà ( 2 /11). »

« Nanzi di metta u guantu copriti i pulzi. »
Si dicia à l’aghjenti chì duvivani codda i castagni o fà travaddi chì stroppiani i bracci o i mani incù un cuntattu dulurosu (pizzicaturi, sbrimbiaturi…).

« In Santa Riparata ogni aliva hè uliata. » (8 /11)

« L’estatina di San Martinu. »  (11/11)

« Ùn piuvì, ùn piuvì chì n’ùn voli San Martì. »  (11/11)  (v. festi/mesi)

« À San Martinu, ogni mostu hè vinu.”
“ À San Martinu u mostu vale vinu.” (11/11)

« Per San Martinu (11 /11) ogni botte tira vinu. »

)
« Vene li Santi chì inchjarisce u vinu ; à l’undici  risplende San Martinu. »

« Pè i Santi si vestenu i fanti, (1 /11), à San Martinu, grandi è piccini (11 /11). »

« Quandu veni San Pepinu date di manu à u vinu. »

« Pà San Martinu (11 /11) u boiu piscia sangu è a butti piscia vinu. »

In Corsica u purceddu era tumbu par Natali.

« San Martinu, ch’ellu venga, incù a pala è u bacinu ! »

« San Martinu ! Si risponde : Par tutti ! Cussì sia ! Divizia ! »
Saint Martin ! On répond : « Pour tous ! Ainsi soit-il ! Abondance ! » Souhaits d’abondance.
Pà i ghjovani sposi si dicia :

« San Martinu è figlioli maschi ! » (v.caccia)

Si dicia à i ghjovani sposi. San Martinu hè u santu di a divizia. Si bramava à l’agricultori una bona ricolta briunendu : « San Martinu ! » Duvivani risponda : « Par tutti ! » o ancu « Cussì sia ! ». Santu di i cacciadori di Corsica, era prigatu quandu si spartiva u signari. U signari faci parti di « A robba di San Martinu ».

U calindariu di a caccia hà cambiatu da poi.

« Hè robba di San Martinu. » (v. caccia)

Voli dì, hè una robba cumuna, chì si spartiva tra l’aghjenti. U signari faci parti di sta robba. Hè spartutu tra i cacciadori, è al dilà, incù l’aghjenti vicini o stretti.

« San Martinu, l’acqua face vinu. »

“Piovi, ùn grandinà ; San Martinu hè cullatu à sunà e trè campane per i vivi per i morti, per i santi nostri.” (v. tempu chì faci)

“San Martinu, pane è vinu!”

Santu di divizia è di spartera. U ghjornu di San Martinu, i ziteddi cantuchjighjani sta dumanda davanti à tutti i porti di u paesu spirendu riceva qualchì bonbò.

« Di trenta o di trent’unu, San Martinu hè l’ondici. » (v. mesi)

« U 25 vene Santa Catalina chì porta u ventu è a stella. »

« San Prosparu, San Prosparu  (29/11)
Apriti, apriti  
I me donni puliti  
Si vo ùn apriti  
Molti cosi sintareti  
Faleti in carciaronu
Castagni ùn ni vulemu  
Piglieti noci è fighi  
Chì semu numaruselli  
È t’avemu un sacchittonu da purtalli.  
À l’onori di u patronu  
Briunemu tutti insemi :  
Viò, viò !  Vio, vio
Si vo ci deti calcosa  
Molti soldi avareti  
Si vo ùn deti nulla  
Chì vo avissiti tanti pidochji in capu  P
Ch’eddu ci hè peli in u pilonu. »  
« Sant’Andria ! Sant’Andria ! Pè a to festa ch’io ci sia, è per porta è per finestra, à a to festa vogliu esse ! » (30 /11)

« Aprite à Sant’Andria chì vene da longa via. Hà i pedi cutrati è hà bisognu di riscallassi d’un bichjere di vinu. »

« Apriti, apriti à Sant’Andria, chì veni da longa via è porta una longa schiera in cumpagnia. Apriti è ùn tardeti, chì li pedi sò ghjilati. »

A tradizioni di Sant Andria pidda a so urigini in a distribuzioni di u pani da Ghjesù, à a dumanda di l’apostulu Andria. Hè u simbulu di a generosità tra quiddi chì pussedani è quiddi chì ùn hani nudda.
A Sant’Andria hè u mumentu di u passaghju da u beddu à u cattivu tempu. Si passa da u caldu à u fritu. L’inguernu s’appronta. Tandu a ghjenti facia u puntu di a robba ch’iddi aviani par pudè passà a cattiva staghjoni senza troppu difficultà. Sicondu u risultatu, à chì era sudisfattu di i so ricolti, à chì era in u bisognu par via di a puvertà o di cattivi ricolti. I tinti disgraziati, u ghjornu di Sant’Andria, andavani casa par casa à dumandà un pocu di robba. Par ùn fassi micca troppu veda o cunnoscia, si mascaravani a faccia incù u carbonu è si piattavani incù un vechju saccu.
« Sant’Andria di le Cannelle, pigliate tutte le zitelle ! Aprite o ùn aprite ? » (30 /11)

« Aprite, aprite chì ghjè a Sant’Andria.
Aprite u cascitellu, dateci un biscutellu.
Aprite a cascetta, dateci l’uva secca… »

Picantuli cantatati da i ziteddi u ghjornu di Sant Andria minendu à i porti di i casi di u paesu. L’occupanti dumandavani :

« Vulemu a pricantula. »

I ziteddi rispundivani :

« Andate à u cassitellu, è pigliate u biscutellu. Andate à la gratta, è fate à bacinu è micca à manata. Andate à la cantina, è fate à buttiglione è micca à cinquina. Andate à u cassitone, è pigliate u canistrone. Andate in la finistrella è pigliate a canistrella. »

È pidendu i so rigali i ziteddi ringraziavani a brava ghjenti, cantuchjendu sta canzunetta:

« Chè vo appiate tantu granu chè rena in lu mare.
Chè vo appiate tanti vitelli chè stelle in lu celu. ».
Inveci, si calchissia ùn vulia apra a porta, a risposta di i ziteddi era tutt’altra, è pocu rispittuosa :

« Chì vo abbiate zinchi in culu quantu ci hè petre in lu muru ! »

« Ch’ella si sfondi a tarrazza, incù tutta a vostra razza. »

« Ch’ellu vi naschi u figliulellu incù un piscinu a taravellu. »

« Sant’Andria ! Sant’Andria ! Tutte le foglie e manda via. » (30 /11.)

« Fin’a Sant’Andria, sumena in boscu è in via ; da Sant’Andria in dà, guarda induve lampà. » (30 /11)

« A saviezza è a spirienza populari si ritrovanu in i pruverbii chì trattanu di i mesi è di e feste di l’annu. A rifarenza à a luna, à u tempu ch.ellu face, à parechji signi di u celu è di a terra, à a rifflessione annant’à i cunstati arrigistrati l.anni nanzu o da longa andà, permettenu à i travagliatori di a terra, di a furesta, di a natura in generale, di tiranni cinclusione ghjuste è interressante , utile per prufittà u megliu di u so travagliu.

Capu d.annu:
U ghjornu di Capu d’Annu, tutte e porte eranu aperte, i tavulini eranu ben guarniti di fritelle, di frappe, di dulciumi è di licori.Ci era sempre
un suprapiù (qualche pezzette) per i zitelli. Elli, facivanu u porta à porta incù una vitta d‘Arbitru o d’alivu in manu, pianta benedetta da u signore, chjamata in certi lochi «  a Strenna « .
Ci tante manere di pregassi una bonna annata, ma tutti anu una primura maiò, quella di a saluta è di a pace.Si prega dinù ch’ella cresci a robba è a ghjente.
« Bon dì, bon annu è bon capu d’annu, paci è saluta pà tuttu l’annu. »
« Pace è salute, in grazia di Diu. »
« Paci è saluta. »
« Paci è saluta è chì vo siati sempri bravi ziteddi. »
« Bon dì, bon annu, bon capu d’annu, pace è salute, bon principiu è megliore fine. »
« Bon dì, bon annu, bona festa ch’hè capu d’annu. Ch’ellu creschi robba è ghjenti è megliu sighi un’ antr’annu. »
« Bon dì, bon annu, bon capu d’annu, bonu quist’annu, megliu un antru annu. »
« Saluta è paci, a robba si faci. »
« Chè vo campiti cent’anni sempri fendula bè. »
« À parte da ghjennaghju, u ghjornu allonga d’un aminatoghja.

« Diu ti vardi (ti franchi) di un bon ghjennaghju
« Ghjennaghju inghjinnera, ferraghju intennera, marzu move. »
« Ghjennaghju cutrura, ferraghju purrura, marzu asciutu, aprile bagnatu, beatu à chì hà suminatu. »
« Cudrura di ghjennahju è pozzu di ferraghju.
« Ùn hà paura di ghjennaghju chì hà bon panni, cantina è grataghju. » (v. paura)
« Di ghjennaghju ùn si ciarla perchè ci hè a farfalla. »
« Si tù voli avè un bell’agliaghju, piantalu à luna vechja, di ghjennaghju. » (v. agricultura)
« Sia chì ghjallina vole, di ghjennaghju face l’ove. »
« Ghjinnaghju uvaghju. »
« Di ghjinnaghju vai puri à u ghjennaghju »

« Ghjinnaghju
« L’acqua di ghjinnaghju alloca u vinu à maghju. » (v. manghjà è bia)
« E vigne si zappanu di ghjennaghju. » (v. agricultura)
« Dicembri tadda i membri, ghjinnaghju tadda u fiatu »

« Quandu u primu di l’annu casca in vennari l’annata cumencia cù a meda biota. »
Pò dassi par via di u mancu di pani chì sicondu a tradizioni si cucia tutti i sabati è si mantinia una sittimana ind’a meda. Ùn ni firmava tantu ghjuntu u vennari. Da ritena dinò chì u vennari hè un ghjornu maladettu. On si finisci micca o ùn si principia micca un travaddu, ùn si tadda micca i capiddi… u vennari. Ad avvicinà da a fini di a vita annant’à a tarra di Ghjesù.

« Pasqua Pifania, (6 /01) semu in a miseria è tuttu u mondu si lagna. » (v. puvertà)
« Pasqua Pifania ogni festa manda via ; poi vene San Benedettu (11/07) chì n’arreca un bellu sacchettu. »
« Pasqua Pifania, tutte le feste manda via. »
« Chì ùn manghja lasagne in Pasqua Pifania tuttu l’annu si lagna. (6 /01) »
« L’alivu chì brusgia à l’Epifania (6 /01) dici si l’omu o a donna tradia. »
« Pasqualella Pifania dì lu veru è nò bucie. »

« Ascultatu quant’è San Marcellu in paradisu. » (16 /01)
« Sant’Antonu, gran’ fridura, (17 /01) San Larenzu (10/08) gran’caldura. L’unu è l’altru pocu
« In Sant’Antonu a vigna ùn hà patronu. » (17 /01) (v. agricultura)
« À Sant’Antonu di mezu ghjinnaghju, luci lu soli in ugni vallaghju. » (17 /01)
« In Sant’Antone di mezu ghjennaghju, ghjunghje u sole in ogni ghjallinaghju. »
« Sant’Antone di mezu ghjennaghju u sole arriva à u sulaghju. »
« Sant’Antone di mezu ghjennaghju, travarca u sole à mezu Curbaghju. »
« Sant’Antone à mezu ghjennaghju e parnice à paghju à paghju è u sole hè ind’è l’agliaghju. »
« Sant’Antone, di mezu ghjennaghju (Sant’Antone di u porcu), stacca l’agnellu è face u casgiu. » (17 /01)
(17 /01)
« Sant’Antone è San Marcellu, luce u sole in ogni vadicellu. » (17 è 16 / 01)
« Hè com’è da Sant’Antonu à u purceddu. » (v. purceddu, amicizia)
Sant Antonu hè prisintatu in cumpagnia di un purceddu. Hè un signu d’amicizia, di cumplimentarità tra dui parsoni o dui cose
« Hè quant’è move, cù le stanghe à Sant’Appianu. » (19/01)
Pò dassi par via di u pesu di a statua purtata duranti i Cani
« San Bastianu (20 /01) un’ ora hè un saltu di cane. »
« Sirintini di ghjinnaghju è matinati di maghju. »
Di ghjinnaghju u soli tramonta più tardi a sera. Si pesa di più in più prestu à matina di u mesi di maghju.
« Di Santa Martinella (30/01), s’imbianca a maestria è a zitella. »