Puesie di Ruclì

Fresca urientale


Aghju vistu in un sonniu
In un tempu malinconiu
Un mare mensu turchinu
Sott’un celu arancinu
Armonicu è serenu
Chì franca ogni velenu
Dolce hè a so putenza
Sparghje a beneficenza.

Nant’à stu mare andante
Lindu è pò sfavillante
C’aghju vistu un battellu
Solu unicu ghjuvellu
Cume per sfidà u diu
Cun un piacere tardiu
Fattu di dilicatezza
Per annientà a durezza.

Era un vechju battellu
Di u legnu u più bellu
Cuncipitu per mill’anni
Campà nant’à l’oceani
Di u legnu u più duru
Chì voga senza mormuru
Cun una vela chì balla
Da u tempu resa gialla.

U lume, dolce diventa
Chì u sole s’addurmenta
A luna sempre si piatta
Ma l’armunia hè fatta
Ùn c’hè ne rè ne signore
Ne mancu imperatore
Sol’una pace beata
Armunia ideata.

Sempre voga u battellu
À mezu à l’acquarellu
Per qualchi scopu piattatu
Senza mai perde fiatu
Di stu mare senza terra
Ch’ùn tene nisun fruntera
Natura maravigliosa
Simplicità maestosa.

Nant’à sta barca ondina
Ritta hè una femina
Di focu hè u so sguardu
Cun l’opale per stendardu
Ma malgratu a puvertà
Ella si chjama libertà
Musca a malincunia
Esalta a sinfunia.

In quell’essenza divina
A pace hè a regina
È pò l’anima si pesa
À quella chjama intesa
À u ribombu luntanu
Un talismanu supranu
A pace loda diventa
È a dea s’addurmenta.

À mezu à l’oceanu
Sent’un invitu diafanu
Per entre in quell’affrescu
In stu bellu sonniu nescu
In u mare di dulcezza
Battellu di tennerezza
Duv’ella nasce l’idea
Accantu à a so dea.

Ruclinonu Solechjari a écrit:

Pienghje a mio mente, è u mio core
U crudellu ventu, quì sì scatena
Lampendu contr'à mè, tutt'u so furore.

A sperenza hè morta, ma socu vivu
Puru tuttu svenatu, à l'agunia
Di u fiatu sacratu, eiu sò privu.

Cusì amare hè, a nostra via
L'umanità hè un ceppu furtivu
Chì campa cusì pocu in allegria.

Sò murtulitu, senza nisun succorsu
Sì sò svanite quelle mio forze
Singhjozza u me core senza nisun sperenza
Quì sì compia u cantu, di tutt'una vita.

chì dici bè l'affani di a vita umana !

Ruclinonu Solechjari a écrit:

O Luna dolce in u celu turchinu
Chì si spechja nant’à u pratu marinu
Sta sera sì tondula quante un ochju
U to sguardu biancu face ch’o mi scrochju.

Hè quandu si piena chì sì a più bella
Chì mi pari una diva damicella
Una dea chì risplende in u celu
Chì mi vurria parlà, fàmmi un svelu.

Sò chì vurrii parlà à u mio core
Palisàmmi i sicretti di l’amore
A mio mente mi conta sta fantesia.

Puru a to voce, ùn a possu sente
Ch’ùn socu micca à bastanza sapiente
Solu ti possu scrive sta puesia.

Ùn socu s'ella ti pò stà à leghje sta Dea lunàtica, ma pensu ch'ella hà da sentesi onurata da tamant'umagiu !

Avà chì vole dì quì : "U to sguardu biancu face ch'o MI SCROCHJU " ? 'Scruchjassi' chì vole dì ?

Grazie mille per tanti belli cumpiimenti chì mi facenu monda piacere è mi rallegranu assai u core.

Cuncernendu a spiegazione di u verbu "scruchjà", eccula chì spiega megliu ch'e mè :
http://infcor.adecec.net/index.php?PHPSESSID=9c729306378643e4ba18295f7924a436&page=results&c=scruchj%C3%A0&l=0&sc=4

di sfughjita a écrit:

Avà chì vole dì quì : "U to sguardu biancu face ch'o MI SCROCHJU " ? 'Scruchjassi' chì vole dì ?

scrocchjà po avè parecchji sensi , ma scrocchjàssi ? o Ruclì un voreste micca dì piuttostu "m'incroccu" ? almenu ch'ellu s'asgisca d'una licenza puetica ..
à parte quessa ti feliciteghju per a qualità di e to puesie , è una vera rientrata literaria chi tu ci offri

[quote="Ruclinonu Solechjari"

Cuncernendu a spiegazione di u verbu "scruchjà", eccula chì spiega megliu ch'e mè :
http://infcor.adecec.net/index.php?PHPSESSID=9c729306378643e4ba18295f7924a436&page=results&c=scruchj%C3%A0&l=0&sc=4

[/quote]

scusammi ma aghju rispostu prima senza vede u messagiu chi t'ere in traccia di scrive :oops: .
scrocchjàssi ... :suspect: (credu ben d'avè avutu raggiò per a licenza )

Grazie mille o Ghjallochju per e to parole di mele chì m'innacquanu u core.
Cuncernendu "scruchjà", devu cunfessà un pocu vergugnosu ch'o l'aghju messu cusì... per a rima. :oops:

Ruclinonu Solechjari a écrit:

Lamentu dedicatu à stu pesciu cappellu ritruvatu mortu, parechji anni fà, nant’à a rena di u Capicorsu.


In l’oceanu turchinu
Si tù frà i più pudenti
O signore andarinu
Cun i to estri ardenti
Tutti sò impauriti
Cun a to sola presenza
O rè carcu di meriti
Principe senza temenza.

Tù di a to zitellina
Ne ai qualchi ramenti
D’un epica cristallina
Senza guaii ne turmenti
T’aspettava tutt’un mondu
Di viaghji l’andatura
O signore vagabondu
Chì chjamava l’avvintura.

Prestu maiò divintatu
In l’oceanu immensu
Longu ai caminatu
In u turchinu intensu
Andà sempre più luntanu
Eranu què e to brame
À scopre u mondu sanu
U to unicu reame.

Tù sì un veru signore
Vestutu di nobilezza
Chì sà cosa hè l’onore
Cun leghjitima fierezza
Ma ùn sì micca fumutu
Cunosci u to valore
Di pompa ùn sì gulutu
Ùn cerchi nisun favore.

Dicenu ch’e sì feroce
Si temutu cun ghjustezza
Ùn ti loda nisun voce
Esecratu cun certezza
Puru l’unica ricchezza
Ch’e brami in a puvertà
Hè d’esse, cun sicurezza
Hè di campà in libertà.

In l’immensu oceanu
Vagabondu sulitariu
Ci campi cum’un suvranu
Cun un ceppu millenariu
Aspru ancu certe volte
Campi in a serenità
À scappà d’ogni cuncolte
Di quell’umana scimità.

O ma chì gattiva sorte
In quell’acque t’hà purtatu
Per scuntràcci a to morte
Frà stu mare rifreddatu ?
Perchè quì esse venutu
Fra tanti pescii sfarenti
In stu locu scunisciutu
Arrechendutti turmenti ?

Quì a vita t’hà lasciatu
In un lugliu di calore
Mortu quì t’anu truvatu
Senza soffiu ne ardore
Nantu à a rena grisgia
Chì tandu t’hà ospitatu
Per fàtti una camisgia
Per u to ultimu fiatu.

O signore andaccianu
Oghje ti ne sì andatu
Di quessu mondu anzianu
Versu quellu sublimatu
Troppu t’anu malamatu
Era piattu u to core
Nimu ùn era firmatu
À sapè u to valore.

T’anu odiatu à tortu
Senza cunoscetti bene
Ma eiu, eru accortu
Sapia tutt’e to pene
O spavintosu signore
Leale, carcu di fiertà
Cun a ricchezza maghjore
Chì si chjama a libertà.

Dimmi ghjà o Ruclinò, chì hè 'ssu pesciu tantu udiatu chì tù chami "Pesciu Cappellu" ? Aghju circatu, ma indarnu in i dizziunarii ch'eo aghju in casa, ma stanu tutti acqua in bocca sùbitu ch'ella si tratta di stu finòminu quì ? Per piace poi schjarì parpena a mo chjocca ?

Di sicuru.
Hè à ellu ch'e sò dedicate e mio rime :
http://www.corsematin.com/article/faits-divers/un-requin-marteau-echoue-sur-une-crique-au-nord-de-bastia.405116.html

Ruclinonu Solechjari a écrit:

Grazie mille per tanti belli cumpiimenti chì mi facenu monda piacere è mi rallegranu assai u core.

Cuncernendu a spiegazione di u verbu "scruchjà", eccula chì spiega megliu ch'e mè :
http://infcor.adecec.net/index.php?PHPSESSID=9c729306378643e4ba18295f7924a436&page=results&c=scruchj%C3%A0&l=0&sc=4

e eri sera in niolu ti si scrocchjatu subitu (copyright circione .. :oops: ) ? chi ti circavamu per inghjilocu

Quandu pensu ch'e ci simu quasi scuntrati eri sera !

Ruclinonu Solechjari a écrit:

Quandu pensu ch'e ci simu quasi scuntrati eri sera !

:pale:

Sò partutu quantunque, à ondec'or'è mezu.
Eru incù certe personne di quì, ùn paliseraghju micca quale senza u so accunsentu, ma i ringraziu sinceramente assai assai per a bellissima serata ch'aghju passatu grazie à elle !

Ancu à mè, m'hà fattu piacè di vede à Bob a spunga, Circione, Ghjallochju, Sidussincu è Zifranu

Ùn aghju ch’e una sola brama
Hè d’adduniscemmi cun tè
Di fà l’amore cun tè
Micca solu fisicamente
Què, l’aghju dighjà fattu
È ùn mi basta più di ghjucà à viulinu cun u to corpu,
Ma veramente fà l’amore
U grande, l’unicu
Di entre in tè
Per ùn più escenne
Mai più
D’ùn fà più ch’e una personna cun tè
Di vede solu per i to ochji
Di dissolvemmi in tè
Di smarisce in tè
Per ùn più esiste
Ch’e per tè
Ch’e in tè.

Ruclinonu Solechjari a écrit:

Ùn aghju ch’e una sola brama
Hè d’adduniscemmi cun tè
Di fà l’amore cun tè
Micca solu fisicamente
Què, l’aghju dighjà fattu
È ùn mi basta più di ghjucà à viulinu cun u to corpu,
Ma veramente fà l’amore
U grande, l’unicu
Di entre in tè
Per ùn più escenne :evil:
Mai più
D’ùn fà più ch’e una personna cun tè
Di vede solu per i to ochji
Di dissolvemmi in tè
Di smarisce in tè
Per ùn più esiste
Ch’e per tè
Ch’e in tè.

he bè ..

Grazie o Ghjallò. M'ai fattu ride sta mane.

è un antru generu di e "croniche di e cunfine (di u corpu umanu)" chi tu ci hai offertu . aspettemu a seguita cun impacienza

Ghjallochju a écrit:

è un antru generu di e "croniche di e cunfine (di u corpu umanu)" chi tu ci hai offertu . aspettemu a seguita cun impacienza

ai bisognu di lezziò d'anatumia? *








* aghju scambiatu appena a taglia di u mo messagiu per facilità e to ricerce si una disgraziata vene (per asardu) nant'à isula

petra alta a écrit:

ai bisognu di lezziò d'anatumia?

ancu i più grandi prufessori ( o Cumpà se tu voli i cunsiglii ) hanu bisognu di furmazione cuntinua ..

Invitu


In un sonniu magnificu
C’era un mare immensu
Chì splendia feericu
D’un benevulè intensu
L’aria era sinfonicu
Dolce eranu l’odore
U paesaghju magicu
Chì esaltava l’amore.

In sonniu mi sò svegliatu
Per sperà campà in veru
In stu piacè ideatu
Di maestosu sinceru
Per tuccà l’universale
D’un mondu meravigliosu
Duve si tace u male
È u stintu bellicosu.

Tandu mi sò ritruvatu
Nant’à a rena arrittu
U mare aghju fighjatu
Di stupore sempre zittu
Rimirendu e ballane
Fisculendu armoniche
Ghjunghjenu pinsate strane
Di sticchidardena ricche.

U sole mi riscaldava
A carre è pò u core
U so radiu inacquava
L’oceanu di culore
È a terra intonava
Cun piacere è fervore
A canzone chì lodava
L’universale splendore.

Fighjulendu quellu mare
Un cantu aghju intesu
Luntanu di u vulgare
Ch’ùn impone u so pesu
Cantu sopranaturale
Cullandi à u luntanu
D’una voce immurtale
Chì ghjunghje di u supranu.

Sò chì chjamàmmi vurria
Ma per chì destinazione ?
Divvila ùn puderia
Hè più ch’una sensazione
Ùn possu sapè da quale
Venerà quellu invitu
Lucendu cum’un fanale
Nant’à stu mondu feritu.

A mio unica certezza
Hè chì sta voce hè diva
Putenza di tennerezza
Panmagnificenza viva
Prima dea di u mondu
Nanzu à noi prisente
Chì venendu di u fondu
Fermerà eternamente.

Ci vuleria risponde
Ma ùn ne aghju a forza
A mio mente si scunfonde
Ùn hà più nisun risorza
Sta lingua m’hè pruibita
Ùn sò ch’e un corciu omu
Sta via m’hè impedita
Ùn ne sentu ch’e l’aromu.

S'ùn ci vedite nisun cunveniente, vurria lampà un dibattu : ùn truvate micca ch'e tutte e mio puesie s'assumiglianu tra d'elle ?

Ruclinonu Solechjari a écrit:

S'ùn ci vedite nisun cunveniente, vurria lampà un dibattu : ùn truvate micca ch'e tutte e mio puesie s'assumiglianu tra d'elle ?

Ognunu t'hà una manera di fà, di scrive o di pitturà chì currisponde à un periudu di a vita. Sicondu e pitture di Picasso (o di un altru pittore) chì tù scegli, ci truvarè assai o mancu appena di sumiglia.
Vale dinò inde l'altru sensu, ùn leghji micca un libru o ùn fighjedi micca una pittura di a listessa manera à 20 anni è à 60.

Erbaghju a écrit:

Ruclinonu Solechjari a écrit:

S'ùn ci vedite nisun cunveniente, vurria lampà un dibattu : ùn truvate micca ch'e tutte e mio puesie s'assumiglianu tra d'elle ?

Ognunu t'hà una manera di fà, di scrive o di pitturà chì currisponde à un periudu di a vita. Sicondu e pitture di Picasso (o di un altru pittore) chì tù scegli, ci truvarè assai o mancu appena di sumiglia.
Vale dinò inde l'altru sensu, ùn leghji micca un libru o ùn fighjedi micca una pittura di a listessa manera à 20 anni è à 60.

Grazie mille.
Grazie mille per u sustegnu.
Grazie mille per l'analisa.

Citation :

Marco se n'è andato e non ritorno più
Il treno delle 7:30 senza lui
E un cuore di metallo senza l'anima
Nel freddo del mattino grigio di città.

A scuola il banco è vuoto Marco è dentro me
E dolce il suo respiro fra i pensieri miei
Distanze enormi sembrano dividerci
Ma il cuore batte forte dentro me

Chissà se tu mi penserai,
Se con i tuoi non parli mai
Se ti nascondi come me,
Sfuggi gli sguardi te ne stai
Rinchiuso in camera e non vuoi
Mangiare, stringi forte a te
Il cuscino piangi e non lo sai
Quant'altro male ti farà

La solitudine.

Marco, nel mio diario ho una fotografia,
Hai gli occhi di bambino un poco timido
La stringo forte al cuore sento che ci sei
Fra i compiti di inglese e matematica.

Tuo padre e i suoi consigli, che monotonia
Lui con il suo lavoro ti ha portato via.
Di certo il tuo parere non l'ha chiesto mai,
Ha detto: "un giorno tu mi capirai".

Chissà se tu mi penserai,
Se con gli amici parlerai
Per non soffrire più per me,
Ma non è facile, lo sai.
A scuola non ne posso più
E i pomeriggi senza te
Studiare è inutile, tutte le idee
Si affollano su te.

Non è possibile dividere
La storia di noi due,
Ti prego, aspettami, amore mio,
Ma illuderti non so.

La solitudine fra noi,
Questo silenzio dentro me
E l'inquietudine di vivere
La vita senza te
Ti prego, aspettami! Perchè..
Non posso stare senza te
Non è possibile dividere
La storia di noi due...

La solitudine

Inaccessibile


A to partenza hà strappatu u mio core
L’hà affundatu in un mare di dulore
In ogni locu ùn vecu ch’e a tristezza
Senza tè si ne more a mio allegrezza.

È puru risentu sempre a to essenza
Chì sbonda tutt’i muri di a luntanenza
Ma peghju ch’e tuttu hè propiu l’incertezza
Ùn m’hè solu firmatu ch’e l’asprezza.

Ùn sò s’e à mè penserai
S’e versu mè tù vulterai
Mi mancanu e to carezze
Smarite cun e to dulcezze
In bughju hè a mio sperenza
Ùn possu più patte l’assenza
Amara hè a mio pinsata
A nostalgia m’hè firmata

Inaccessibile.

I ghjorni passanu voltendu sempre stessi
À la malincunia stanu sottumessi
Ùn vogliu più campà cusì sta viota vita
Senza tè a mio felicità hè svanita.

Passu e mio stonde à fà nice d’ùn pienghje
Senza illusione u mio fiatu sì spenghje
Ùn aghju sceltu nunda nemancu l’amore
Ne a sorte chì m’aprì u to core

Ùn sò s’e à mè penserai
S’e à mè tù rivenerai
A mio forza hè accaliata
A to tennerezza bramata.
I to ochji, u to sunrisu
Sò propiu u mio paradisu
Si per mè cum’u mio universu
Chì oghje hè spapersu

Aspettu un segnu, solu per mè
Ùn vogliu più ch’e què
Un solu unicu segnu di tè
Serà un gran’piacè.

Inaccessibile tù sì
Ùn vogliu più campà cusì
Mi ferisce a mio rimembrenza
M’assassina l’assenza
Fora di i mio sentimenti
Di tè ùn mi ferma più nienti
Dammi un segnucciu, solu per mè
Ùn bramu più ch’e què.

Inaccessibile…