chjama à i pueti isulani

ùn sò pò quì in affittu
per pagàtti a pigione,
se tù misuri u so scrittu
ciocciu ùn hè un paragone,
per ghjucà à carch’è tira
fàttila cù Caparrittu!

Di u to scrittu a misura?
Aiò ùn mi fà micca ride!
I ciocci in la natura
Eiu sò per lascialli vive
Ma s'è tù voli stà quì
Ti tocca à pacà per scrive...

Scrivu quì è po altrò
sò un ciocciu tramudente
ch’ùn si move che per ragiò,
fassi leghje o fassi sente
ogni gustu u so cliente
per pagassi ancu Circiò.

Caparrittu nominatu
à nimu ùn hà più pagatu
dinò ellu canta à pezzu
è rispara u so buccone
ch’ellu venga à fà u prezzu
per scunfinisce à Circione.

Ùn sò false e stateghje
Chì piglianu a to misura
Si d'andà à fatti leghje
Hè a to sola primura
Quì truvarè u to contu
S'è tù pachi a fattura

ùn simu maì à fattura
soga hai compru u spaziu
apertu à ogni scrittura
ch’a si sente d’avè l’aziu
di cacciatì d'a bughjura
senza aspettàne ringraziu.

'ce chì per stà nù lu foru
ci vole à pacà a pigione
prestu ci vulerà pacà
a tassa d'abbitazione
mi scuserete o zitelli
s'eu vi pacu in canzone

Vogliu fà un'eccezzione
Chì ùn sè qualvogliasia
S'è tù mi machi in canzone
Accettu ch'è tù ti stia
Ma ùn vale un pataccone
Di u Ciocciu a puesia

Avà ghjugne Sidussincu
Incù u portamuneta
Di u tributu misincu
Appruntatu hà a muneta
Eccu u prezzu à pacà
Per vulè fà u pueta

Sidussincu u curciarellu
Un hà quesse l'intinzione
Ghjè u veru prufessore
Micca cum'è u Circione
I soldi in stacca sò scarsi
Ma sò tante e currezzione...

Sè un veru prufissore
È sè andatu à a scola
Filosofu di valore
È pueta d'alta mola
Ma inqunt'à mè spirdisci
Perchè hà chjosu Piazzola

Allora o caru amicu
Videnduti tantu aflittu
Senti bè ciò ch'e ti dicu
È leghji bè ciò chì hè scrittu:
Vi lasciu pacà in canzone
À tè è à Caparittu

S'è t'ùn ai ancu capitu
A turneraghju à ripete
S'è lu mio dettu hè scugitu
Hè chì nùn possu cumpete
Chì ghjè muneta lu tempu
E ùn aghju tempu à perde.

sidussincu a écrit:

S'è t'ùn ai ancu capitu
A turneraghju à ripete
S'è lu mio dettu hè scugitu
Hè chì nùn possu cumpete
Chì ghjè muneta lu tempu
E ùn aghju tempu à perde.

Tù chì per a puisia
Ai corsu ogni paese
Ogni strada è ogni via
Senza fidighjà e spese
Sì tù stai troppu quì
Ci ai da perde u to mese

Si l'affare sò palese
Chì nun facciu u mio mistieru
Quella di perde u mese
Sarà tamantu penseru
Per pagà i mio biglietti
S'è lu mio contu hè à zeru...

Ùn mi pare un fattu veru
È voli fà pienghje a ghjente
D'avè messu u contu à zeru
Tù ùn sè statu sapiente
Ch'à e prussime vacanze
Ai da stà à u cuntinente

Hè sò chì m'hà da accade
Credi puru ch'ùn ti sbagliu
Ci'ch'ùn ci ponu più pate
Ci anu da piglià à stagliu
Un ci pagaranu più
S'o nùn femu u travagliu...

Allora s'ella hè cusì
Chì l'Educazione fraca
Cù ragione t'aghju à dì
Puru a to piazza laca
È stattine incù noscu
Per guadagnà a to paga

O disgraziate osine
Cù un simule impiegatu
E povara tarra corsa
Saria in gattivu statu
Ma avale m'aghju da manghjà
U pocu ch'aghju stantatu.

Allora o caru amicu
Incù garbu è manera
In canzona a ti dicu
Chì sempre a musa hè sincera
Ti precu bon appitittu
À prestu è bona sera

à sidussincu

o quant'è tù sì minutu
o quant'è tù sì buciardu
cù lu mese ch'è tù tocchi
prestu pussedi un milliardu
ùn dì ch'è tù ùn ai soldi
ma ch'è tù sì pocu largu

Ch'ellu sia sbaiuccatu
A cosa hè certa è sicura
bench'ellu fussi pacatu
Da lu statu incù largura
I soldi ch'ellu hà valantu
L'hà messi in la so vittura

(à Caparrittu)

Un capiscu u to culpacciu
Avà mi cacci a nizza
Ti cridia un amicacciu
Ora perchè tanta stizza
A prussima volta allora
Un ti pagu più a pizza...

ùn mi cuntà tante fole
lu m'amicacciu circione
a vittura sidussincu
l'hà cumprata d'occasione
inquant'à la so pizza
quessa sì l'invitazione !!!

U Signore Caparrittu
Avà face u dilicatu
Un manghja più pommi fritti
E forse mancu stufatu
E ùn aghju mai vistu
Invitatu cusì ingratu !

Hè vera chì l'aghju vista,
Hè un veru catarochju
Ma piglia ancu à pista
Per cullà in Corscia in arrochju
Ma guarda chì i so soldi
L'hà messi ancu in quell'incrochju

scusami o Sidussincu
s'elle falanu scutrate
sappia bè ch'ellu m'accade
spessu di manghjà patate
ma ste pizze in Calacuccia
t'ùn l'appia mai pagate !!!

ai avutu a pratinsione
di trattammi di tascaghju
ma s'e manghju pomi fritti
vargogna eiu ùn hè aghju
chì ti techji di pumate
o speziu di pumataghju !!
mdrr